الجزء 14
الناس كانو مصدومين في اسلوب رحاب الوقح مع امها ، وكلهم بيتوشوشو ( طبعاً عارفين طريقة الحريم في القطيعة ) .. و من ضمن الموحودين كانت ام احمد الواقفه مع وحدة من الخالات ، الكانت زعلانه من ولدها و اعتبرتو مهمل و مذنب ومقصر في حق مرتو ،و استنتجت ان انفعال رحاب دا بي سبب غياب احمد و انه م حضر ولادة اول طفل ليهو ! بس قاطع صمتها اتصال و كانت عبير ...
* ها امي ،لسه ؟
_ دقيقه اطلع براا .......
* طيب ..
_ اخوكي وين يا عبير ؟
* موجود !
_ موجود وين ! دا كلام دي حركة يسويها اخوكي ! انا ربيتو على كدا ؟
* امي رحاب جابت ولد ؟
_ وانتي مالك ما جيتي مع اخوكي ؟
* امي انحنا واقفين برا منتظرك ، احمد نزل دفع فاتورة المستشفى حقت رحاب و اسي انحنا ف العربيه ، منتظرنك براا ..
_ كيف يعني ، طيب ادخلو دا كلام شنو ! اديني احمد يا عبير !
* امي الله يرضى عليكي تعالي خلينا نتكلم اوا بعدين البيرضيكي كلو حيحصل ..
_ طيب ، واقفين وين ؟
* بس اطلعي حتشوفينا ...
_ طيب ..
اما اناا ، اتفاجات ب ان حبوبة فتحت !
بالجد كان خبر م متوقع اااي ما بعيد عن ربنا ،بس بالجد اتفاجاتا لدرجة قعدت ابكي و ورميت الاكياس من يدي ، كنت منتظرة اللحظة التشوفيني فيهااا ..
بس م اتحسنت لسه عيانة و محتاجة رعاية ،كل يوم بيفوت بلقاهو احسن من اليوم القبلو وبحمد ربنا انه استجاب لدعواتي ، حمدلله و الشكر لله ..
مشيت طوالي للاستقبال ، قالو لي لازم املأ استمارة اذن تحويل للدار ، و انا ما بعرف اقرا ، وريتا هي ملت لي البيانات و بصمتني ..
و شلت الفاتورة الدفعها احمد ،عشان اعرف دفع كم ..
و مشيت شلت اكياسي ، بعد دايرو اطلع قالت لي خلي الحاجات هنا و لمن تجي تعالي على الدار طوالي ، قلت ليها انا دايرة امون موحودة طيب ممكن ابيت لو بكرة ! قالت لي لا االصباح بدري ، و م بينفع تقعدي في الممر ، قلت ليها انا حابه اكون موجودة ش قالت لي م بينفع و ما ليها لازمة اسي اطمنتي عليها ، ومشت خلتني ...
طوالي طلعتاا ..
( في جانب احمد )
امهم : انا ربيتك على كدا يا احمد ؟
عبير : امي اديهو فرصه يتكلم
امهم : فرصة شنو يا عبير ، انت قلبك دا خاتب فيهو حجر ! اول طفل ليك م تحضر الولادة ما عيب ؟
احمد : امي ، انا مطلق رحاب من يوم جيت عندكم في البيت ، والمسكتني عن الموضوع هو السبب ، اي زول حيكون عايز يعرف سبب طلاقنا شنو ، هو سهل علي اقول بس عيب يا امي ، عيب لمن اقوليكي ان رحاب خانتني واكتشفت انها عامله علاقه مع راجل تاني يا امي ، عرفتي ليه انا بكره رحاب س و ما داير حاجة غير بتي الجوااا دي ، بالذوووق بالقانون انا دايرااا ...
امه : لا لا مستحيل احمد
اااي رحاب كعبه واخلاقا معروفه ، بس ما لدرجة الخيانة يا احمد ، اكيد انت فاهم غلط .. يا الله معقول
احمد ، لا يا امي انا متأكد و عارف كل حاجة بس ساكت عشان اهلها ما عشانها ، و ما تشفقي علي انا اتجاوزتها تماماً ،و اتكلمت معاها اني عايز اربي ولدي دا رفضت و وقفت قصادي و قالت لي بالقانون .. انا م داير اوصلها محاكم ، لكن هي ما خلت لي فرصه مصممة على الفضيحه ..
امه ، لا حول ولاقوة الا الله ، استغفرالله العظيم يا الله، حسبي االله ونعم الوكيل ، حسبي الله عليهااااااا .... وديني البيت ما قادرة اصدق ،وديني البيت يا احمد وديني ..
انت لازم تاخد البت ، لاااازم والمفروضالقانون يديك ليها لازم م تديها فرقها . انا ما كعبه يا ولدي لكن دي خيانة يا ولدي حسبي الله ونعم الوكيل ، ولا اقوليك اسي نمشي نشيل البت ..
عبير : امي لالالا بالهداوة ، اسي البت زاتا محتاجة لامها ، خلي رحاب تطلع من المستشفى ونمشي البيت عديل نختها قدام الامر الواقع قدام اهلها و ما اظن اهلها بوافقوها ..
احمد : انا مهدت للقضية خلاص و وكلت المحامي ، بس كنت منتظرها تولد ونقدم القضية ، بس قبل لازم امشي اطلع شهادة الميلاد واسجلها بأسمي ..
امهم : شنو تطلع من المستشفى ، اصلا حتطلع في يومها دا ، خلونا نستعجل ، احمد سوق بالله ..
احمد : اعصابك يا غاليه الموضوع منتهي كل البخصني البت وباذن الله الحضانة حتكون من نصيبي ...
هما اتحركووو ، و انا اتحركتا ..
و للمرة التالتة الصدفه ما جمعتنا انا واحمد رغم ان شهور فاتت .. بس كان لازم نتلاقى بي رغبتي انا و دا قراري ...
رجعت البيت ، زي كل يوم ، م عندي حاجة اسويهاا ، بس بحس ب انه في زول مراغبني طول الوقت او دا هاجس ما عارفه ، كل البعملو بقفل ابوابي كويس و سكين المطبخ جمبي !
انا لحد م نمته م كانت عندي حاجة تزكر ، بس في بيت ناس عبير كان في قلق و آراء و اتفاقات ما ليها آخر ، كل واحد فينا نام على قرار داير يصحى يحققوو ..
الا سلمى كانت صاحية ، يا ربي بتعمل في شنو ؟
* خلاص خليني انوم
_ متين لحقنا نتكلم
* مرهقه والله
_ سلمى، حنفضل كدا لحد متين ؟
* ما فهمت قصدك !
_ لا فاهماني ، و بصراحه كان انتي عاجبك كدا انا ما عاجبني !
* انت بتتكلم عن شنو يا وائل ؟
_ بتكلم عن اني بحبك يا سلمى كفاية ياخ م تعبت
ي وانتي بتهربي مني ؟
* مم ...... شش ...
_ قولي يا سلمى
اقول شنو يا وائل ؟
_ قولي انك بتحبيني زي ما انا بحبك ! قولي ان احساسي صح !
* وائل ! ....
_ سامعك
* ااي في احساس تجاهك بس كنت قايله اننا اصحاب . يعني ما ...
_ ما شنو ؟ ما عندك حاجة لي ؟
* لا عندي بس
_ سلمى حرقتي روحي ، اتكلمي ياخ
* يااخ اااي بحبك
_ يا الله ، ياااخ ما قادر اصدق ياخ ليه ، ليه كاتماها يا سلمى انا منتظرك لي كتير ما تتخيلي انا مبسوط كيف ..
* كل الفكرة انا كنت بهرب من فكرة ارتباط من ناحية الاهل دي ،بتجيب خلافات براك شفته الحصل بين وليد اخوي و رغدة اختك ..
_ دي حاجة ودي حاجة يا سلمى انا شاريك بي نور عيوني حاولي تفهمي الحته دي بس و اي وقت انا جاهز اكلم عمي وخالتي و وليد ..
* ياااه م اتخيلت يجي اليوم دا معقوله !
_ ولا انا بس ما بدي فرحتي الليله لي زول الدنيا ما سايعاني ..
* تدون عليك يا رب ...
جا الصباح ، عندي شغل خلصتو ، ومشيت انا سلمتو ما انتظرتا لمن يجو عشان طالعه ..
اتصلت على سلمى ، صوتها م كان عاجبني بس اكدت عليها اني جاياهم ..
و مشيت زورتا حبوبة و اطمنت عليها ، و مشيت على بيت ناس عبير ..
دخلت البيت كان مكتئب عكس طبيعتهم ، سلمت على عبير و امها و قعدت جمبهم ، و التلاته ساكتين ، وكنت بترغب شوفة احمد ، بس طول الوقت القعدتو هو ما جا ..
قلت ل سلمى مالك انتو ؟ انا م كنت حابة اسأل بس وضعكم ما عاجبني ممكن اعرف ؟ ، قالت لي عرفنا الانتي عارفاهو قبلنا كلنا يا علياء ... سكتا وفعلاً ما فهمته
امها عاينت ليها ! قالت ليها م تعايني لي ،احمد وراني انها عارفه قبلنا و لانه حاجة تخص احمد هي احتفظت بيهو اكيد ما من حقها تكلمنا .. انا هنا فهمتا ، . و قلت ليها انا لو مكانك يا خالتو م بزعل لانك ربيتي راجل طلع من الموضوع بي كرامته و احترامه و عمل المافي راجل بيعملوو ، بالعكس كوني فخورة تربية الرجال ما ساهله ،، عاينت لي و ابتسمت قالت لي فعلاّ بس حارقاني الطعنه الطعنتو ليها ، قلت ليها ربنا بيعوض ... سكت و قلت ليهم احمد موجود ؟
عبير قالت لي لا مشى يطلع شهادة الميلاد لي بنتو ، قلت ليها ماشاءالله جاتو بنت .. قالت لي ايوة ...
( في جانب احمد )
* انا خلصتا اجراءت البت ، لاخر مرة حابة نتفاهم بالذوق ولا بالمحاكم يا رحاب ؟
_ بالمحاكم يا شجاع .
* ابشششري يا المحترمة *..... قفل فيها
و دق تلفون ..
و كل القالو في المكالمة ،قدم الاوراق و ثبت الموضوع ، و اتاكد ان توصل ورقه من المحكمة ل والد رحاب ....
رد ليهو ، يبقى لازم انت كمان تأمن نفسك و تعمل الازم ...
رد ليهو احمد ، جدااااً ... و قفل ..