الجزء 11

قالي شفتيها ؟ قلت ليهو قالو انتو مانعين الدخول و كان دخلتا وانا معقمة ممكن اللوث و ازيد عليها عياها .. ابتسم كدا ، قالي يحليلكك بصوت واطي بس انا سمعتو .. قالي طيب انا داخل اشيك عليهم ! قلت ليهو عليهم ! قالي ايوة معاها مرضى تاني ، قلت ليهو طيب و حس بي اتوترتا ،قالي بدخلك معاي بس اذا حتعملي اي صوت ولا اي حاجة بطلعك و دي م حاجة يهزرو فيها ..قلت ليهو جد عليك الله ، الله يحفظك ويخليك اااي دخلني عليييك الله .. قال للممرضه اديها كمامة و قلفز ..

ادتني ، هما دخلو ، وانا واقفه عند الباب روحي دايرة تمرق حسيت بيها ، عاينت لي الممرضه قالت لي حنقفل الباب ، ادخلي .. دخلتا ، شفت الدكتور دا مشى على وحدة من الممرضات ديل و تقريبا حبوبة ، عشان اشوفها واطلع اخليهم يشوفو شغلهم ، قام عاين لي ، قالي تعالي ،، مشيت عليهو ،كل ما اقرب اشوف خرطوش و اشوف حقن و اشوف درب و اشوف جهاز ، في كل خطوة وجعه ، و قفتا قريب و غصب عني دموعي ديل جروووو ما قدرتا اتحمل اشوف منظرها ، يا رب هي حاسه بشنو !

هل تصدقو لو قلت ليكم انا اتمنيت ليها الموت !!

بس قربتا خطوة شفته وشها وجريت فتحت الباب و طلعتا ، و بركت جمب الباب دا قعدت ابكي وابكي لمن حسيت اني مصارين بطني دي حتنفجر .. ندمت في اللحظة الفكرت اني ادخل اشوفها ، اقسم اني اتمنيت ليها الموت ، م تتخيلو منظرها وجع قلبي كيف ، اكيد هي حاسه ، ااكيد بتتوجع انا عارفه حبوبة بتكره الابر ، انا اكتر وحدة عارفه ..

بس فجاة الباب فتح و طلع لي الدكتور ، عاين لي و انا في الواطه ،، من غير ما احس مسكت رجولو ، قلت ليهو ابوس رجلك شيل منها الحقن عليك الله طلع الابر دي ، هي ما بتحب الابر بتكرها ، والله حتكون بتتوجع انا عارفه حبوبة ،،

قام رجع لي وراا ، قالي دايراها تموت ؟ قلت ليهو بعد الشفتو دا ادركت ان الموت احياناً رحمة ، يكفي انها عاشت مععذبة كمان تموت معذبة ! والله لو شلت الابر هي حترتاح اسمع كلامي ..قالي اسف انتي ما حتعرفي شغلنا اكتر مننا ، اسف لكلامي بس دي الخقيقه ، قومي على حيلك

و مافي زول بيموت ناقص عمر ، غسلي و شك دا وامشي البيت و ادعي ليها ، لانه وجودك و عدمو واحد ... ومشى ...

قمتا على حيلي (سحر سمير) .. طلعت براا ، لقيت في مساذب الناس قاعدين فيها ، قعدت لي في وحده و بمسح في دموعي ، و بستغفر الله ، انا بكيتها و هي حية ، حسيت بالكره من نفسي ،و كل الحسيتو اني دايرة ابعد من المستشفى .. قعدت استغفر بس لمن احمد يجي ، قعدت قصاد البوابةعشان لمن يجي يشوفني طوالي ...

( في جانب احمد )

*خليها تدخل ...... بعد شوية

*اتفضلي ....

*ماشه وين انتي ، اقعدي هنااا ...

(هي كانت بتقرب عليهو ، و هو قاعد في مكتبو ) .. في شنو يا زولة ! و منو انتي ؟

_انا حبيبتك نسيتني !

*انتي مجنونة ولا شنو ، زحي مني ، م تخليني على اخر عمري اضطر امد يدي على مرةّ .....

_ليه يا روحي يعني معقوله نسيت ايامنا نع بعض !

*انتي وحدة مجنونة و لازم يطردوكي برااا و واضح انك من اياهم ..

_كل دا عشان مرتك ! كنا عادي بنتلاقى يا روحي الغيرك شنو !

*استغفرالله العظيم يا رب .. اااي عشان مرتي ممكن تمشي ؟

_لا ما بمشي ( و لقطت صورة ليها جمبو )

*انتي بتعملي في شنو ، انتي مجنونة ، جييبي التلفون دا و اطلعي برااا ...

_ هاهاها ... و جرت

*تعالي هنااااا ماشه وين جيبي التلفون دااا انتي متخلفة ولا شنووو .... يا شيماء ( وحدة من الشغالات) يا احمد امسكو البت دي

شيماء ما داير امد يدي ، جريها جيبي تلفونها ... الكل كان مخلوع و ما فاهم حاجة ، احمد جرى وراهااا بس للاسف ما حصلها ، يااااه للدرجة دي في جراءة زي دي ،تجي لحد مكاني و تصورني و تتكلم معاي بالاسلوب دا ! زي الفي زول محرضها علي ! هي منو زاتها وليه عملت كدا ،انا اول مرة اشوفهااا ، يا الله ..

رجع المكتب و لقى امو بتتصل عليهو ..يا الله ،، ايوة يا امي ، نص ساعه بس معليش .. و قفل ، و طلع مستعجل ..

قاعدة ، و منتظرة احمد ، وكل شوية بمد راسي لمن اشوف ناس داخلين ، في كل شويه بقول اسي بيجي ، و مرّ الوقت ، لقيت الواطه مغربت ، و شويه العشاء اذن ، و انا قاعده ، على امل انه قالي برجع يسوقني و انا م عندي ولا فلس ..

قمتا على حيلي ، مشيت عنبر حبوبة قعدت شويه جمب باب الغرفه ، اطمنت من الممرضات على حبوبة .. و طلعت تاني برا لسه متعشمة انه يجي و يكون بفتش علي و الوقت بمشي علي ..

( في جانب احمد )

_انت يا احمد ، علياء وين ؟

عبير : ليه خليتا تقعد كل داا انت عارف حال المستشفى ، كنت عايزاها تجي تكون معاي ف اليوم دا على الاقل مع اهل معاذ حتتلخم و تنسى شوية ..

*علياء !

_اي علياء مالك ؟

* يا الله يااااا الله ، اففففففففف يا الله

_في شنو ؟

عبير : هي كويسه في شنو يا احمد ؟

*كدي انا بمشي احصلهاا ، يا الله ، بفهمكم بعدين ، افففف افففف ..

طلعت الشارع ، وقفتا قرااابة نص ساعه ، لحد ما لقيت لي عربية ، فيها ناس اقدر اركب

كاني ما اشوف وشووو و ما يبقى انه صاحب فضل وجميل عليّ، للمرة التانية احمد يخليني اتأكد ان ، زيادة العشم ، غشم ...

( في جانب احمد )

بس لو اعرف مشيتي وين يا علياء !

انا غلطتا شديد ، انا ليه عملتا فيها كدااا !

الساعه كم اسي ! 1:30 بعد الليل ! مستحيل ترجع بيتها ، اكيد حتخاف ! تكون مشت عند سلمى ،اكييييييد حتكون مع سلمى ! طيب اتطمن كيف انها معاهم ، لانو هي لو معاهم انا ح اتطمن على الاقل مستورة ،

رقم سلمى زاتو ما معاي ، معقول تكون عند ناس سلمى ! محل وليد قاعد !!!

اوففففف اوفففف انا ليه سويت كدا يا الله ..

مرت الليلة دي ، و احمد ما فارق الشارق لحد الصباح قاعد في عربيتو ، حيمشي البيت يقول لامه و لعبير شنو ؟

اما انا طبيعي اني ما انوم براي ، و الخاجة الكانت مريحاني اني ما فكرت ألجأ لي زول ، لانه بالجد لمن تعشم بزيادة ، النتيجة بتجي حاجة ما متوقعها ، قررتا ليلتها اني لو في سكرات الموت ما افكر اثق في زول ولا الجأ

لي زول ، رب العالمين خلقني و هو ما حينساني ...

جات علي الساعه 7 صباحاً بس لقيت الضوء طلع ، نمت في سرير حبوبة المفضل والاقرب لقلبي ...

صحيت كم ما عارفه ، بس قمتا نضفتا البيت و رشيت الحوش و غسلتا الملايتين الكنت مفرشاهم ، و فرشت النضاف ، مشيت على المكنة ، تمرتها تمام ، و شلت حاجات الناس الكنت شغاله عليهو قبل سلمى تجي ، كملت الناقص فيهم ...

( في جانب احمد )

اكيد ، بتكون عند سلمى ، يا ربي امشي عليهم ! حأمشي اقوليهم شنو !!

يا الله ، طيب اجرب امشي بيتها رغم اني مستبعد تكون مشت ... و اتحرك على كداا ..

كملتا الحاجات الناقصه ، و قمت من المكنة ، رجعت كل حاجة في كيسها و لبست توب حبوبة ، و شلت الاكياس في يدي ، وصريت المفتاح في طرف التوب ، و مرقتا ..

كل وحدة.جابت لي حاجة انا بعرف بيتها ، وصلت لحد عندها اعتزرت ليها ، و سلمتها حاجتا و شلت قروشي ، و صلت لحد الحلة الجمبنا ، ما عدا وحدة بس ما عرفتا ، بيتها لانه كانت مرسله لي شافعه جابت لي توب اطقو ليها بالاطراف ، رجعت بالكيس حقها و علئ انها تجي ...

م تتخيلو حجم الفرح الكان جواي ، لان بمجهود زي دا قدرت اجمع مبلغ كوييس شديد .. و انا ف الشارع جاتني فكرة حلوة شديد ، بس كنت محتاجة ل سلمى ، و انا عارفه انها زي الوقت دا بتكون في الجامعة ، دا غير ان تلفوني في بيت ناس عبير ...

( في جانب رحاب )

* ايوااا

_شوفي الواتساب حقك

*ليه !

_هو شنو اللي ليه ! منفصمة انتي ولا قصتك شنو ! اكيد مرسلة ليكي الصورة ، والصوت ..

*نايمة نايمة ياااااخ انتي زاتك ما عندك مواعيد ..

_و ديني و ما اعبد يا رحاب دا اول وآخر شغل بيني وبينك ، اسمعي هنااا ، انا سويت القلتيهو لي كلووو، بالحرف الواحد ، بعد دا دورك يختي ، في باقي اليوم دا قروشي توصلني ...

*اممممممم طيب ، سلام

رحاب قفلت من هناا ، و عملت ليها حظر من هناااا ، و ضحكة الانتصار لعبة دووور .. بس ما اتوقعتا وحدة ب ذكاء رحاب دااا ، فجأة تتحول ل وحدة بالغباء دا !!

‏أصبحنا و أصبح الملك لله ، و الحمد لله ، لا إله إلا الله ، وحده لا شريك له ، له الملكُ وله الحمدُ ، وهو على كل شئ ٍ قدير💜📿

👏🏾👏🏾♥️ حب كبير لمتابعني من خارج السودان والقاره السمرا