الجزء 15

و دق تلفون ..

و كل القالو في المكالمة ،قدم الاوراق و ثبت الموضوع ، و اتاكد ان توصل ورقه من المحكمة ل والد رحاب ....

رد ليهو ، يبقى لازم انت كمان تأمن نفسك و تعمل الازم ...

رد ليهو احمد ، جدااااً ... و قفل ..

قعدت معاهم .. اتغديت معاهم .. اتعمدت اني اتأخر عشان احمد يجي ، بس ما جاا ،انا م كنت جاية عشان موضوع ولادة زوجتو ونفسياتو المتوقعاها تكون في الواطة ، بس الظاهر مسار جيتي اتغير .. و حسيت قعدتي طالت و هو شكلو م حيجي قريب ..

قلت ليهم انا بمشي بعد دا .. عبير قالت لي طيب مش قلتي دايرة احمد ؟

قلت ليها اي كنت دايرة اديهو امانه و شكلو حيتأخر وانا لازم ارجع قبل المغرب ..

قالت لي بيتي معانا هي و امها ، قلت ليهم مرة تانية انا مرتبطه بي شغل ..

المهم اقنعتهم و مشيت على البيت ..

‏( في جانب ايمن ‏)

_ يا ايمن محمد دا اتكلم معاك ف الايجار ي زول وانحنا كاتمة فينا جد

* يعني انا الما كاتمة فيني !

_ انحنا من قعدناك معانا وانت كاتمة فيك حاول تتصرف

* اتصرف اسوي شنو يعني انا زاتي م قاعد

_ ما قاعد ! والبنات البتجيبهم ديك شنو ؟

* ي زول من هنا لقدام خلاص

_ يعني شنو خلاص ؟

* يعني م عندي قروش

_ اها

* اخبط راسك في الحيطة

_ حاااااضر يا صاحبي ..

وصلت شارع البيت ، اتفاجأتا بي احمد كان واقف جمب بابي !!

قلت ليهو : احمد !!!!!!!!!! ، و هنا كانت في حاجة ما مفهومة ، النطرة ما اتغيرت رغم الوقت الفات دا كلووو ، نفس الاحساس ..

‏( عاين لي و نزل راسو ‏)

_ كيفك ؟

* حمدلله ، عبير كلمتك ولا شنو ؟

_ كيف ، كلمتني بشنو ؟

* اهااا طيب ...

_ طيب شنو !

* انت واقف جمب بيتي بعد الشهور دي كلها ، يبقى اكيد في سبب !

_ طيب انتي قلتي عبير ، تقصدي عبير كلمتني بشنو ؟

* لاني سألت عنك و انتظرتك تجي و ما جيت ف بالتالي رجعت بيتي زي ما شايف وجيت لقيتك هناا ، فا بس ..

_ لا ما كلمتني وانا ما مشيت بيتنا لحد اسي

، طيب ممكن اعرف عايزاني في شنو ؟

* احمد حالياً انت الواقف هنا اكيد عندك سبب و سبب قوي كمان ، ممكن تتكلم عشان وقفتي معاك كدا كدا ما كويسه في حقي ..

_ صراحه كلامي محتاج قعدة يا علياء م بقدر اقول كدا وخلاص .. عشان كدا قولي انتي كنتي عايزاني في شنو ؟

* احمد انا ما عايزاك ! انا عايزة اديك امانة في رقلتي طول الفترة الفاتت دي كلها و ما صدقتا ربنا كرمني وجيت ارجع ليك قروشك ما اكترر ..

_ قروشي ! لا انا ما داير قروش واتكلمنا في المرضوع دا قبل كدا لو تتزكري ..

* ايوة متزكرة وقلت لي حترديها لي ..

_ ايوة فعلاّ و سبب وجودي هنا انك ترديها لي ..

* احمد ! انا ما فاهمه صراحه ، اسي بتقول لي ما داير القروش ، و ف نفس اللحظة بتقول دايرني اردها ليك ! ممكن توضح !

_ حاضر ، بس ممكن نقعد في اي مكان ، ان شاءالله في العربيه !

* وقت كنت بركب معاك كانت بتكون معاك عبير و في وجود حبوبة ، اسي صعبة ما بقدر ممكن نتكلم هنا بس بسرعه ..

_ طيب نمشي بالمواصلات !

* احمد الموضوع صعب شديد كدا ! اتكلم يا احمد انا موافقه المهح ارد ليك حقك وبعدها كل واحد يمش مشيهو !

_ موافقه ! و يمشي مشيهو !

* ايوة !

_ مع اني واثق انك ما حتوافقي بس بعيد عن رد الدين انا عشمان فيك ، و انا عملت الدين مدخل للموضوع لكن انا ما داير و عمري ما عملتا حاجة لي الله واخدت فيها نقابل او انتظرت انها تنرد لي ..

* طيب كل دا انا فاهماهو ، بس الما فاهماهو مدخل لشنو ؟

_ علياء ، ردي الدين دي بأنك تتزوجيني !

* اااااا ....

_ لحظة خليني اكمل !

* ااي اتزوجيني ! زواج مؤقت ، بس ، اخد فيهو بتي ، القانون حق الحضانة بيهتم بالاسرة الحيقوم فيها الطفل و انا دايرك تقولي انك مستعده تربيها و الكلام دا و بعدها بطلقك ، سبعة يوم بس يا علياء ! زوجة لسبعة أيام ..... م تردي اسي ، يومين و حأتصل عليكي اعرف ردك ، مع السلامة ...... وفات ..

فات بعد هز كل احساس فيني ، فات و خلا جواااي مليون احساس ما قادرة افسر ولا واحد فيهم ، فاااات و هو منتظر مني رد ! في حين انا جاياهو عشان اوريهو اني ما راغبة اشوفو مرة تاني ! .........

اليوم دا فات علي و انا ما قادرة اشتغل ، اللهم قاعده في المكنة و خلاص ، لا قادرة اقوم لا قادرة اقعد ،، كذاب لو كان قايلني انا بالجد حأفكر فعلاً ، انا مسهية و شاردة ف حاجة انا ما قادرة افهما ، بالجد ما قادرة افهم ..

‏( في جانب محمد و واحد من شلة ايمن ‏)

_ انت ناوي على شنو يا زول ساكت كدا ؟

* انت ما شفتو كلمني كيف لمن قلت ليهو دايرو يسدد لي القروش الدينتها ليهو ، قالي اثبت اني شلت منك حاجة ، دا غير ايجار البيت الكل يوم جايب وحدة شكل ... ابقى ما انا لو اعديها على خير !

_ قاليك كدا ؟

* ايوة يا زول قالي لي كدااا ! بعد العملتو دا كلو يجي يقول لي انا الكلام دااا !

_ خليها عندي اناااا ..

* لا انا بقدررر وبعرف اشيل حقي كيف ، كلها مسألة زمن ، وانت والشباب ما تتكلمو معاهو في ايجار مرو تانية عشان ما يطفش ، انا ما دايرو يطفش اسي !

_ يا زول ماقادر افهمك !

* انت بس سوي البقولو لك

_ تمام .

قمتا صليت ركعتين ، و عملت عشاي ، اكلت شنو وما اكلت شنو ما عارفه ، لميت حاجاتي و رقدتا ، و منها الصباح كانو جايني ناس يشيلو حاجاتهم وانا ما سويت شي من التفكير .. رقدتا شويه ، و قمت سويت شاي ، ورجعت على المكنة ، قررتا اشتغل وما افكر في حاجة ... فعلاً اشتغلت ما قمت الا بعد الصبح ، صليت و نمته ...

‏( في جانب احمد ‏)

* اهاااا

* طيب ،طييب !! م مشكلة ! عديلة

بيحددو التاريخ طوالي ؟

اهاااا ، طيب يحتاج اجي ؟

خلاص طيب وافيني بالجديد ما عليك امر !

مناسك احمد ! ايواااا ، ياها في شهادة الميلاد ، طيب تمام ، ف امان الله ، شكراً ليك ،، شكراً ..