الجزء 16
_ احممممد .. احممد .. ها قايلاك نايم
* لالا كنت بتكلم تلفون صحيت قبيل
_ طيب اسمعني ، حتطلع متين ؟
* بعد نفطر ، ليه ؟
_ كدي قبل اوريك ليه ، ما وريتني عملت شنو في اجراءت البت ؟
* هه تصدقي ما شفتها ، المهم سميتها مناسك
_ مناسك !
* ااي ، مناسك
_ امها عارفه يعني كنتو متفقين عليهو ؟
* اكيد لا ، و بعدين مالك قلتي مناسك كدا ! ما حلو ؟
_ لا بالعكس ابهرني حلو شديد ، على منو سميتا ولا كيف ؟
* ما على زول ، بس دي ايام الحج نسيتي ! سميتا مناسك على الاساس دا !
_ ياخ رووووعه حبيت الاسم ..
* شكرااا .. اها كنتي ماشة وين ؟
_ ماشه احجز فستاني و عايزاك توديني لي علوشة ترافقني !
* ااا ،، طيب تمام
_ في شنو ؟
* مافي شي مالك !
_ ما عارفه ، المهم بعد الفطور ، تمام !
( في جانب رحاب )
_ المرة دي غصباً عنك حتتكلمي يا رحاب ..
* يا الله ....... سكتي البت دي صدعتني !
_ اسكتا انا ! انا البرضع ولا انتي ! خلي في قلبك شوية رحمة ياخ ، انا ما ربيتك على كدا يعلم الله ، وحاة الله ما ربيتك على كدااا ..
* امي اسي انتي قلبتيها مناحة عشان صلت ليك سكتي البت !
_ رحاب راجلك رافع عليكي قضية حضانة ! فاهمه يعني شنو ؟ يعني في مشكلة و مشكلة كبير التخلي احمد يدخل المحاكم ، كتير كنت بقوليكي لو في مشكله وريني وريني كنتي بس تكوركي اسي مبسوطه ! انا لازم اشوف احمد ، لو الكلام دا وصل ابوكي ما حتسلمي ..
* خلي يوصل ، عشان احمد اتهمني و ظلمني و طعني في عرضي و في تربيتكم لي ،خلي ابوي يعرف و انا وقتها ح اعرف اتصرف كويي ، و عشان تكوني عارفه انا بتو دي ما دايراها بس عند انا دايرة يتجرجر و يتمرمط في المحاكم ..
_ دا كلام شنو يا رحاب ؟
* دا كلام واضح يا امي ، احمد اتهمني بالخيانة و طعن في تربينكم و انا خليت البيت و م حبيت اعمل مشاكل ولا اصغرو قدام اهلو و قلتا بكرة يجي يعتذر و يعرف غلطو بس هو اتمادى و وصل الموضوع للحاله دي حتى بتو ما جا يشوفها ( كذاااابة ) ..
_ احمد يسوي كدا !
* واثقه ف احمد اكترر مني يا امي !
_ واثقه في اخلاقوو وتربيتو واصالتو يا رحاب ..
* طيب بكرة تندمي على كلامك و مدحك ليهو داا !
( في جانب احمد )
* انزلي خبطي ليها ، كلمتيها انتي ؟
_ لا ما كلمتها ... نازلة نازله ..
* طيب ... ( كنت بترغب متين باب علياء يفتح و اشوفها من ورا الباب ، كنت مترغب وشها المبتسم ، كنت بترغب نظرتا لي لمن تشوفني وهي ما متوقعه انها تشوفني ، و شفتهااا ..... )
عبير : علياء ما بصدق انك نايمة لحد اسي !
علياء : كدي ادخلي والله لمن راسي لافي ..
عبير : ادخل وين، ياخ صحصحي
علياء : مصدعه ، اول مرة اساهر، نايمة الصباح ..
عبير : طيب بنتظرك اخدي حمام واللبسي نشرب شاي و عندي حبوب صداع ..
علياء : اللبس شنو !
عبير : علياء ياخ لي تلاته يوم دايرة امشي احجز لي فستان ما لاقيه طريقه و بعدين لحد اسي انتي ما خدمتيني ، قومي يلاااا احمد منتظرنا برااا ...
علياء : احمممممد !! ( قمت قعدت على حيلي من غير ما احس ) ..
عبير : شايفاك قمتي !
علياء : اااااا،، اناااا ، مم مالي ، مش قلتي لي اقوم و اني ما ساعدتك و كلامك دا نسيتيهو !
عبير : هه طيب يلاااا ..
علياء : هوووي مالك !
عبير : مالي انا ولا انتي ههه
علياء : اسي ما بمشي
عبير : بطلي عوارة ياخ يلااااااا .....
( كان في جانب تاني )
انا يا رحاب تعملي معاي كدا ، تعملي معاي كداا ! هه غبية
صبررررك يا **....
كنت بلبس و انا ما مركزة ، طيب الجابو شنو ! عشان يشوش على تفكيري و قراري ولا بيقصد شنو .. اخ بس ( فجأة عبير نادتنب قالت لي ) كل دا بتلبسي شنو بس كان عرفتا ! قلت ليها خلصتا ، عاينت لي قالت لي يلا ، قلت ليها والشاي ؟ قالت لي بنشربو قداام ، قلت ليها قدام وين ؟ قالت يلا ياخ ..
و طلعنا ..
ما بعرف كان في شنو حاصل ،رغم انه اصلاً ما عاين لي من جيت طالعة ،
عبير فتحت الباب ركبنا ورا ، احمد قال الاتنين ورا ، انا السواق حقكم ؟ وحدة فيكم تجي قدااام ! طوالي عاينت لي عبير ، بما اني ركبت قبلها ورا ، وقعدتا ..
قفلت الباب ومشت قداام ، قالت لي شكلك عايزة تتمي نومتك في الكنبة الورا هه ! قلت ليها نومة شنو ، اول مرة اصدع كدا لدرجة عيوني ما قادرة افتحها !
احمد طوالي عاين لي ، فتح الدرج طلع لي حبوب .. عبير شالتا منو قالت ليهو لا دي م كويسه انا معاي ، بس تاكل حاجة و تبلعا .. شالها منها و سكت ..
قالت ليهو انت مالك ساكت كدا ، واحنا جاين فلقتني بالكلام الكتير !
عاين ليها و قبل وشو ، قاليها اسي اوصلكم وين تحديداّ ، قالت ليهو شارع ال ( .... )
قاليها بس هناك ؟ قالت ليهو ايوة بعد كدا شوف كنت ماشي وين ؟
قاليها انا زاتي داير ، ها هنااي ! قالت ليهو هناي شنو ؟ قاليها : ااا بد بدله ، داير بدلة ، قالت ليهو طيب بعدين امشي جيبها ، قاليها لا انا داير اختار بذوقك ، تتزكري الطقم الجبتو في عرس صحبي داك قلتي ما حلووة ! اسي دا عرسك لازم تكون حاجة راقية ..
قالت ليهو طيب خليها يوم تاني اسي حاجاتي كتيرة ! قاليها خلينا لافين ع حسب الوق
الوقت لو لو حنجهزهم الليله ولا يوم تاني ! قالت ليهو احمد مالك انت الليله ؟
قاليها مالي ! قالت ليو طيب تريحنا من المواصلات زاتو انا بس ما حبيت اعطلك ، و دايرة اجيب توب لأمي كمان .. قاليها تمام .. قالت لي علياء ّ!قلت ليها هاا ، قالت لي صاحية انتي ؟ قلت ليها ايوة و جعانة ! قعدو يضحكو ، قلت ليهم البضحك شنو ياخ ..
قالت ليهو احمد انزل جييب ،، قاليها ليه ما تنزلي انتي ؟ قالت ليهو انت الراجل ، قاليها وهي صحبتك وانتي الجبتيها من سريرها يلااا امشي ، هدا المطعم .. قالت ليهو كلو رجال ، قاليها كذابة انا ما بشوف ! لو كلو رجال حأنزلك مثلاً .. قالت ليهو طيب طيب نازله ، قالت لي تاكلي شنو طيب ! قلت ليها لو جبتي عيش خاف بقرضو ياخ ..
قعدت تضحك و نزلت .. طوالي اتلفت عاين لي ، قلت ليهو اها داير تقول شنو ؟ قالي عرفتيني كيف داير اقول حاجة ؟
قلت ليهو حركة انك تنزل عبير دي ما مكشوفه شوية ! قالي الصداع كيف ؟ قلت ليهو حيروح ، سكت ... و انا سكتا ، تاني قلت ليهو دا ما سؤال يحتاج انك تنزل عبير ، انزل انت خليها تجي، قالي نازل ، بس بالنسبه لموضوع امبارح في امل انك ااااا .... ؟
قلت ليهو موافقه ( وقبلتا وشي ) .. سكت كددداا بطريقه مخيفة و فتح الباب نزل ، و طلع بي برا بعاين لي من ورا القزاز ، و انا تاكية راسي في القزاز ، يعني شايفاهو بي طرف عيني !
جات عبير ، قالت لي اخيراً خلى عندو دم و نزل يجيب بعد خلاني وقفتا اااف اتاخرنا ،علياء ، يا بت ....
قلتا ليها هااه شنو !
قالت لي شنو ، شنو انتي لسه تعبانه !
بتكلم معاكي ما سامعاني انتي ؟
قلت ليها م كنت مركزة معاكي ،، قالت لي دي ما كانت جوعه دي ! اول مرة من عرفتك تطلبي تاكلي اي حاجة غير الشعيرية ، قلت ليها عليكي الله م تجيلي سيرتها اسي ح اتشهاها ! .. قعدت تضحك ، قالت لي خايفه اتعبك زيادة لانو حنلف كتير ..
قلت ليها تعب شنو ،دا صداع ساي اسي بيروح ، قالت لي اتمنى ...
بعدها احمد جا ، فتح الباب الجمبي ، خت لي السندوتشات و معاها عصير .. و قفل الباب ..
و طوالي اتحركنا ..
( في جانب رحاب )
_ دا كلام شنو يا رحاب !
* شنو يا ابوي !
_ سكتي بتك دي اول عشان نعرف نتفاهم
* ط .. طيب ( قالت في سرها اكيد حيكلمني في موضوع احمد ) .. اتفضل يا ابوي !
_ حاصل شنو بينك وبين احمد يا رحااب ؟
* انا ما كنت حابة اتكلم صراحه يا ابوي احتراماً لاحمد و كمان عشان احترامكم ليهو ما يقل ، لكن حرق قلبي يا ابوي ( بتمثل البكا ) كل حاجة سواها انا استحملتها بس لدرجة ما يجي يحضر ولادة بتو يا ابوي ، يحرجني و يحرجكم قدام الناس !
_ سؤالي واضح حاصل شنو بينكم وليه ساكته كنتي ؟
* بصراحهزيا ابوي انا خجلانه ، ما عارفه اقوليك شنو ، بس احمد يا ابوي اتهمني في شرفي و في عرضي و طعن في تربيتكم لي ... ّ