الجزء 12

بتقول : عايني ... انا لو كنت دايرك بالجد م كنت فسخت خطوبتي منك ... ابعدي من طريقي من فضلك وارجوكي ... وي ريت تحافظي ع باقي كرامتك ده لو فضلت ليك كرامه أصلآ ...

قريت الرساله وانا مقلعه عيوني ... م كنت مصدقه الكلام القريتو .. وقلت أكيد بكون بهظر معاي

لأنو فعلآ سمعت جرس الباب ...

جدعت التلفون وجريت ع الباب وفتحتو وشفت شاهين !!!!

بحلقت عيوني فيهو وفتحت خشمي من المفاجآة !!

قال لي ما حتقولي لي اتفضل؟؟؟

قبل ما أرد خالد جا وكان بسألني منو اللفي الباب ... وقت شاف شاهين سلم عليهو وفضلو ...

خالد خته انو شاهين بكون من معارفنا وكده ... يعني ما أستغرب الزيارة ...

..

مشيت المطبخ وانا برجف .. صبا كانت بتعاين لي بي شك بس نهائي ما أديتها فرصه تسأل ...

جبت ليهم العصير وختيتو قدامهم ... بعد لحظة صمت اتكلم : طبعآ يا أخ خالد انت ما بتعرفني ... وانا كمان ما بعرفك

خالد : فعلآ والله .. الظروف بتحكم بي كده .. انا زاتي ما بعرف لا أهل أمي ولا أهل امي .. انت تبع ياتم ههههه

شاهين ما فهم خالد لكن انا فهمتو ... عشان كده واصل : عاوز أطلب يد جوري لنفسي .. وع حسب عمري ما عندي ولي غير نفسي وبتي زينة

خالد شهق لمن سمع وقال : شنو !!!!

.

. شاهين : علي سنة الله ورسوله .. وبتمني توافقو ..

خالد : والله فاجأتني .. انا م بعرفك .. وم بعرف عرفت اختي كيف !! وحكايه البت م اظن انو جوري تواف ....

قاطعتو بكلمه م كنت متوقعاها تطلع من لساني ... انا موافقه

خالد عاين لي وهو بهز راسو ..

قلت ليهو انا عمري 21 سنه .. واكيد عارفه مصلحتي ي خالد ..

قلت ليهو بعد شفته نظرة الاستغراب في عيونو : عشان اكون صريحه معاك انا قابلته شاهين في صف البنزين .. كتر خيرو وصلنا انا ومني صحبتي ..

بس ونحن ف الطريق كلموهو انو بتو وقعت من السطوح .. وانا مشيت معاو المستشفي عشان اطمن عليها ..

وياهو اتعلقت بي واتعلقت بيها ...

خالد قال لي عاوزك جوه .. وقال لي شاهين عن ازنك

****

اتناقشنا كتيييييير وكان خالد مصر اني وافقته ع الزواج لانو يمان خذلني مرة تانيه

قلت ليهو انا استخرته في موضوع يمان وربنا ابعدو من طريقي ورسل لي شاهين بدلو .. عشان كده انا وافقته ..

واصلته : ي خالد .. شاهين حيشيلني في عيونو انا متأكده

خالد : بس شايفه فارق العمر ي جوري

قلت ليهو وهو الصغار عملو شنو !!! ولقينا منهم شنو غير الخذلان !!!

سكت ساي ..

قلت ليهو بعدين انت اسأل منو كويس بعدين اديهو رائيك ...

قال لي ربنا يسهل ..

*

بعد شهر من الكلام ده كنت ماسكه يد شاهين زوجي وانا لابسه أحلي زفاف .. وكنت أحلي عروس فيك يا القضارف ...

سافرنا بورتسودان اسبوع كامل .. ما مشينا بعيد عشان زينة وكده .. خليناها مع ناس خالد عشان شويه اتجاوبت مع جود وجمان ..

في غرفتنا بعد صلينا وقرينا ورد من القرآن .... شاهين قال لي أعفى لي

- اعفى ليك !!! ؟ اعفى ليك شنو يعنى !! ؟

طلع القميص اللابسو واتفاجأت بالشفتو !!!...

جسمو كان فيهو أثر حريق قديم في منطقة صدرو ...

قلت ليهو لا حولا ولا قوة إلا بالله !!

- انا أسف يا جورى ... مفترض كان اكلمك بموضوع الحريق ده ..

قلت ليهو لالالا ما كده .. انا ما عندي مشكله والله ... كل الحكايه انو حريق زي ده كان ممكن يقتلك لو ما ربنا ستر !!

- الحمد لله جات سليمه ..

ابتسمت وقلت ليهو : انا وقت وافقت عليك ما وافقت عشان شكلك .. وافقت لأني متأكده انك حتمنحنى السعاده الأنا عايزاها ..

حضني وباس راسي وقال يخليك لي ربناا

وبعدها حصل الحصل . ...

*

قضينا ايام حلوة في بورتسودان ... وخلاص حان وقت الرجوع .

وقت وصلنا القضارف نزلنا في شقه .. ولأنو شاهين عندو شغل في الشركه تمينا فيها زي أسبوع كده ....

****

المساء مشينا بيتنا عشان نجيب زينة ..

اتعشينا معاهم واصلآ زينة وجمان كانو نايمات ..

انا شلت شنطة هدومها وشاهين شالها ومشينا البيت ..

استقبلونا عم صالح الجنايني الكان لاقيناهو في المستشفي ... واستقبلتنا معاو تنوير كمان ..

ودينا زينة غرفتها وشاهين رجع الشقه يجيب لينا باقي حاجتنا ...

اما انا اخدت حمام ونمت طوالي

الصف يلا