الجزء 23

حبيبتي ... جهزتي ولا لسه ¿¿¿

اي جهزت خلاص ..

كنت جمب المرايه وانا بخت آخر لمسات المكياج ... لاحظت لأنبهار شاهين وهو بسألني لو جهزت ولا لسه ...

لبست فستان بأكفاف طويله لغاية المعصم باللون الرصاصي .. الياقة فرنسيه مع طرحه بدرة سوداء بورود رماديه ... شعري كنت مسرحاهو ضنب حصان ورافعاهو فوق وعيوني مغطيه بالخصل ...

قلت ليهو خلاص ممكن نمش ... طلع علبة من بدلتو وفتحها لي .. كان سلسل رفيع نهايتو . في ‏( صرة بضم الصاد زي البربطو بيها القطع النقديه في مسلسلات الكارتون .. حجمها صغير كده ‏) من الماس .. عجيييب ورهيييب ... عيونى رقرقو بالدموع .. قال لى هشششش ما تخربى مكياجك .. اعتبرى ده عربون اعتذار عن الشي الحصل مني .. و وعد انو ما تتكرر الحكاية نهائي ..

ابتسمت وطلعت العقد الكنت لابساهو ... رفعت شعري ولبسني السلسل الجابو لي .. وما محتاج اكلمكم طلع فينى كيف !!! بعدها مد لي يدو و وقت ختيت يدي في إيدو باسها لي بطريقة كلاسيكيه خلتني أحس اني دوقة عايشه في مجتمع بريطاني بحت من العصور القديمه ..

شاهين كان لابس بدلة باللون الآوف وايت وخاتي منديل احمر في جيب البدله .. يعنى قمة الأناقة ...

نزلنا تحت وكل الحضور التفتو لينا ونحن نازلين من السلم ..

ايواا ... شاهين عمل صفقة مع شركة سيارات كبيرة ماليزية ... والاحتفال كان في البيت .. وكان بضم حشد من الطبقات ذات المستوى العالي والمكانة المرموقة ..

الكل ابدو نظرات اعجاب ما اخفوها من عيونهم . بالذات علي الماسه الكنت لابساها ... كنت متأبطه زراعه وفي وشى ابتسامة وديعة ..

سلمنا عليهم ورحبنا بيهم .... ونحن واقفين جا يمان ... سلم علي شاهين وباس يدي وقال لي منورة يا مدام ...

ما رديت ليهو وبس اكتفيت بأبتسامه

شاهين كان ساكت وما قال شي والكلام ده خلى جسمي يقشعر ...

العزومة كانت مصدر ضيق بالنسبه لي والحمل كان متعبني ... يمان وشاهين مارسو على اقسي انواع الضغط والمراقبه ...

والمشكله انو الضيوف في بيتي وماف طريقه اطلع اخليهم ...

كنت قاعده مع زوجات زملاء شاهين ... بتونس معاهم حبه وبطش شبكه حبتين ... شاهين وقت لاحظ على الأرهاق قال لي اطلع ارتاح لأني حامل وكده ... م كضبت طوالي استئذنت من الضيوف وطلعت فوق ..

حاولت افك السلسل من ورا لكن ما قدرت ... فجأة حسيت بزول وراي قال لي عاوزه مساعده ¿¡¡¡ لكن السلسل رهييب .. تصدقى انو وقت عزلو انا كنت واقف معاو ! ؟؟

التفت لقيتو يمان ¡¡¡¡

- يمان انت بتعمل هنا شنو ¡¡¡¡ انت جنيت ¡¡

يمان : جوري !! انا ما قادر اتحمل قلت ليك !!! لمن يلمسك انا بغلى من جوه !!

- عليييك الله أطلع !!! أطلع قبل ما يجى شاهين انا ما عايزه مشاكل !!

- جوري انا ما طالع ... وما حأطلع إلا بعد اسمع من خشمك الشي الأنا عايزو !

- يمان خلينا نتفاهم بس ما هنا !! دي غرفة نومي !!

- قلت ليك ما حأطلع الا لمن اعرف ده ولد منو !!! وانتي بتحبيني ولا لأ !!

- يمان بترجاك اطلع "!! يارب لطفك يارب !!! يمان انت ناوي تجلطني !!!

ولا كأني بتكلم ... ومشى رقد في السرير وخلاني واقفه مشدوهة ...

يمان : كلمتك واحد فينا حيموت .... وشكلو الكلام ده الليله !

اي ولدك !!" ولدك انت يا يمان !!! يلا اطلع من هنا انا بترجاك ياخ !!

وانتى ... بتحبيني ولا لأ !! ؟؟

بحبك ... والله العظيم بحبك بس قوم اطلع من هنا !!!

شويه كده مقبض الباب بدأ يلف ... والباب اتفتح .....

تفتكرو منو ؟؟؟؟

ما عارفه انا ..

****

المعادله الاصعب ... اتنين بحبو بعض وتفرقهم الظروف ... يفرقهم القدر لمن يرسل ليهم بشر ما عندهم اي ذنب غير انهم كمان بحبو ... بس بحبو حب من طرف واحد !!!

الحب من طرف واحد من اكعب انواع الحب ... اي الحب عندو انواع استغربتو ليي !!! ؟؟

حارة لمن تحب زول وما يبادلك الشعور ... لكن برضو ما زي تحب زول ويمثل انو ببادلك نفس الشعور وبعد ده يخونك !!! لا ومع منو !!! مع أقرب زول ليك !!

# اللهم _ قوة

مدام .. جيت اشوف اذا عاوز حاجه عشان سيد قال انت عيان

لالا ما عايزه شي يا تنوير كتر خيرك .. امشى شوفى شغلك ..

حاضر مدام

قفلت الباب وانا بتنفس الصعداء بصعوبه ... يمان وقف قدامي وقال لي البحب ما بخاف يا جوري .. انا مستعد انزل تحت واقول للناس عن اي حاجه ... احكي ليهم من يوم قابلتك ... وكيف حبيتك وكيف خطبتك ... احكي ليهم عن تجهيزاتنا ... احكي ليهم عن الظروف المنعتنا من الزواج ¡¡¡ نفسي احكي ليهم ليلتنا اللفي اليخت ...

خت يدو في بطني وقال : نفسي احكي ليهم عن بتنا # فرح او ولدنا # منيب

دموعي نزلو وقلت ليهو : يمان .. شاهين ما يستاهل كل ده !!! كفاية اني ضعفت وخنتو ... انا استاهل الموت يا يمان !!!

خت يدو في خشمي وقال لي هششششش .. تبرى انتى من الموت يا غاليه ... صاح كلنا حنمش بس ما تقولي كده ..

قشيت دموعي وقلت ليهو خلاص انزل عليك الله ...

باس يدي وقال لي خلي بالك من نفسك ... يلا عديله

جوري .. غلطت ولا لأ ؟؟ وموقفكم منها شنو بالضبط كده ؟؟

[صف البنزين مكتملة علي حسابي في الواتباد]

I think you'd like this story: "صف البنزين" by mood_09 on Wattpad https://my.w.tt/HjeHWkC2VR