الجزء 6

وقت نزلت لقيت صبا قاشششرة .. وبتحاول تسرح جمان بس كانت بتبكي وم عايزه يسرحوها ..

قالت لي عليك الله لبسيها لي وسرحيها مسافة اتمكيج ..... سألتها ماشين وين قعدت تتلعثم ..

قلت ليها صبا في شنو؟؟؟ !

قالت لي بعد مسسسسافه : جايبين الشبكه حقت آلاء الليله .. والعرس خامس يوم ف العيد ..

طبعآ قلبي وقع ف رجولي ... ورح ال flash back

عارفاكم م حتفهمو بدونها ..

صحيت ولقيت نفسي ف المستشفي .. آلاء كانت قاعده جمبي ... عاينته ليها وعيوني كلهم دموع .. قلت ليها صحي ماما وبابا ماتو ي آلاء !!! ؟؟

الاء دموعها ديل بس ينقطو ... تاني قعدته اصرخ واكورك ..

ف اللحظة دي جا مهاب ود خالتي ‏( ذكرتو ليكم اعلاه ... ‏) جا داخل ومهاب دا صحبي شديد ...

الآء قامت ليهو وهو قعد محلها .. ي جماعه انا شايفه م فيها حاجه لو بكيت في حضنو صاح؟؟ بغض النظر عن انو صحبي ساي انا كنت في حاله لاوعي وكنت محتاجه عطف وحنان ..

حضنته مهاب وكنت ببكي بحرقه ف حضنو وهو كان بصبرني ..

في اللحظة دي يمان ‏( الكان خطيبي وقتها ‏) فتح الباب وشاف المنظر دا .. طوالي طلع ..

انا م شفتو آلآء بس الشافتو قامت طلعت وراهو ...

وانا بكيت لغاية حسيت حلقي حيتقطع ... نومتة في حضن مهاب .. وقت صحيت لقيت الآء قاعده

سألتها يمان ما جا ! ؟؟ قالت لي م جا

طبعآ م عارفاها كذبت ليي ..

قلت ليها م عرف بالوفاة ! ؟؟

قالت لي عااارف

تاني قلت ليها طيب م عرف اني ف المستشفي ؟؟

قالت لي هو كان حاضر وقت رفعناك من البيت

طبعآ علي الألم اللفي قلبي جا يمان زادها علي

*

عملنا الكرامه بتاعت السابعه ... ويمان لا اتصل علي ولا دقه ف نمرتي ...

لغاية ناس خالتي قررو يرجعو الخرطوم .. وانا اصلآ كنت في تالت .. خالتو شالت لي أوراقي وقالت امتحن من هناك ....

وعشان ازيد الطين بله سافرته مع مهاب ف عربيتو ويمان شافنا ..

قطع علينا الطريق في طريق مدني ونزل وقف قدام العربيه

مهاب طبعآ م فاهم شي عشان كده قال لي انزلي شوفي خطيبك يمكن عاوز يودعك ... كنت م عايزه انزل لكن بحبو والله اعلم ..

مشيت عليهو سلم لي سلام العدو ... وقال لي اركبي عشان الشمس

ركبته وجا ركب جمبي ...

قال لي : ربنا يخلي ليك ود خالتك

قلت ليهو آمييييين .. م قصر و وقف معاي في حزني .. في ميزان حسناتو ي رب

سكت مسسافه وقال : اي صح ... م انتي لاقيه منو احضان وآمان .. الشي الما لقيتيهو معاي انا ..

طبعآ كلامو كان تافه لدرجه ... م اتكلمت وبس فتحت باب العربيه عاوزه انزل ..

قال لي لحظة ... وشال دبله الخطوبة الكان اصلآ مارقها .. قال لي : هاك دي تبعك

عاينته للدبله وعاينت ليهو ... طلعته دبلتي وختيتها ليهو ف المقعد .. قلت ليهو معليش .. بس م بتلزمني

قفلت الباب ومشيت اتجاه عربية مهاب و ولا دمعه م نزلتها ليهو ..

**

ووقت رجعته بعد امتحانات تالت صبا قالت لي انو يمان خطب الآء . وهكذا .. القضارف م انقعدت لي .. وم كنت مرتاحه لأنو تعامل صبا معاي اتغير وبقي زفت .. عشان كده تميت شهرين ورجعت لي خالتي . .

ياهو نجحته وشالوني صيدله .. وعشان الداخليه قريبه من الجامعه قررت اسكن داخليه .. خالتي رفضت من البدايه بس اقنعتها .. وبقي مهاب بجي بوديني ليهم كل خميس وبرجعني السبت .. وفي اجازات السمستر بقعد معاهم ... قعاد الداخليه م حلو لكن مني الغبيه مصبراني بي هبالتها وغبائها ...

كده عرفتو %50+%34 ‏( %84 ‏) من حياتي ..

back#

لبسته جمانه ولبسته معاها كمان .. اي ماشه .. وم أمشي الا اناا ..

لبسته فستان رصاصي اياديهو شيفون بالرصاصي الغامق وطرحه بدرة بالوردي الفاتح وجزمة سوداء ..

واتمكيجته وعملت شعري بوف ورفعتو لفوق ..

صبا زاتها لمن عرفت حاجه ‏( استعجبت ‏)

وهي زاتها اكبر منافقه .. بس م مشكله ... الله في ...

طلعنا و أصلآ البيت م كان بعيد .. يعني ناس يمان وآلاء ساكنين في مربوع واحد ... وفي الحي الجمبنا ..

ولأنو القدر عجيب ... او لعبتو غريبه ...

م نلقي الا ......

بالجد كده متوقعين مني اوريكم يعني؟؟؟ كدي اقيفو في الصف بالله ! ا