الجزء 8

بعد ما قفلته منو فتحته الدولاب عشان اطلع لبسه بكره اخترت لي فستان بني فنايلي معاه جكت بيجي ببني وطرحه بيجيه وشبط بيجي رقدته في السرير وكالعاده بتقلب لمن نمته😪

صحيت الصباح ودخلت الحمام اكرمكم الله واتدوشتها واتوضيت جيت صليت الصبح عاينت للساعه لقيتها عامله 6:30 قلت لمن تجي سبعه هالبس بس اتذكرته اننا هنمشي نسجل وكده قلت اجهز بدري بعدين قلت المكاتب هتفتح زي الساعه 10 😪 قعدت ساي في الغرفه لمن جات 7 لبست وعملت لي كحل وروج اساسا دي مكياجي للجامعه بس 😪 ونزلته تحت لقيت ريم طالعه ماشه علي الجامعه قالت لي ما شاء الله 😻 عيني بارده ياخ من اول يوم عايزه تعملي ربكه😻 قلت ليها اااي لازم ياخ😻 ودعتني وطلعت وقاعده منتظره سامر عشان ينزل عمتو فاتن ادتني كبايه العصير قالت لي سامر ده تقريبا قاعد يلبس😪 قلت ليها ما جاده والله 💔 انتظرته مسافه نص ساعه حتي سامر جاء😪 وكالعاده العطر واصل قبليهو 💔 واتحركنا علي الجامعه مشيت مكتب المسجل قالوا لي الا امشي للعميد عشان يوقع لي الاوراق والموهم جرجره السودان المعروفه في الاجراءت😪💔 اخدته جدول المحاضرات والساعه كانت ماشه ل10 والناس في المحاضره سامر قال لي اراح نفطر💔 ونحن ماشين البنات ديل كلهم بعاينو لسامر😂💔 زلزل باكتهم ياخ😪 دخلنا الكافتريا وطلبنا وقاعدين في واحده كده تقول اشراقه اختها😪 جات سلمت علي وتشيل وتتظارف معاي مدت يدها لسامر قال ليها عفوا ما بصافح😂👊🏻💔 ياخ البت اتعقدت بطريقه ومشت بجاي انا فكيت الضحكه وسامر زاتو ضحك والله علي السنون الناصعه البياض😻 فطرنا وطلعنا من الكافتريا سامر سجل رقمي ورن علي قال لي بعد تخلصي من المحاضرات اتصلي علي عشان اجي اسوقك قلت ليه زريف💔 مشيت قعدته في واحده في البنشات المقابله للقاعه عاينته للساعه لقيت فضل للمحاضره خمسه دقائق وتنتهي وشفته الدكتور طلع قمت ودخلت القاعه😪 والناس دي مستغربه فيني مشيت قعدت في بنش كده ولقيت في بت😪 قالت لي انتي طالبه جديده قلت ليها ايووه سالتني جيت من اي جامعه قلت ليها الوطنيه قالت لي انا سحر قلت ليها مناسك😪 سالتني اذا من تخصصي قلت ليها هيماتلوجي قالت لي بس دي قاعه اكنيكل 💔 قلت ليها مش دي القاعه 36a قالت لالا دي القاعه 36b قلت اساسا سامر ده البعتمد عليه حياتو كلها ضاعت قالت لي قلتي حاجه قلت ليها لالا😪 سالتها من القاعه ووصفتها لي وطلعت لقيت الدكتور دخل 😪 دقيت الباب اول مره وما ردا علي😪 دقيتو المره التانيه وبرضو ما ردا علي😪 المره التالته ردا علي وقال لي انتي معانا هنا💔 قلت ليه ايوه قال لي اسمك منو قلت ليه مناسك اسحاق قال لي ايووه انتي الطالبه الجديده 😪 وتخصصك شنو قلت ليه هيماتلوجي قال لي ما عارفه المواعيد بتاعت المحاضره😪 قلت ليه الليله اول يوم لي قال لي اتفضلي وما تتاخري مره تانيه 😪 دخلته والناس دي كلها بتعاين لي وجيت ماره باولاد سمعته واحد من الاولاد قال لصحبو باين السنه دي هتكون سنه خير 😻 صحبو التاني قال ليه سنه خير وبس دي سنه خير وبركه😻 الدكتور قال ليهم في حاجه ي شباب قالوا ليه لالا يا دكتور💔 مشيت قعدته جنب بنات كده والمحاضره ابتدت والله دكتور رغاي بطريقه😪 الطلاب ديل نصهم في الادارج والنص التاني شغالين بتلفوناتهم😪 وبعد ساعه ونص كامله من الرغي الدكتور طلع نضارتو وقال لينا نفس كان والله امسكم الجزء العملي بس اداره الجامعه وكلت الجزء العملي لدكتور حذيفه 💔 ياخ من قال دكتور حذيفه الطلاب ديل كلهم زي القالوا ليهم جاءك الموت ي تارك الصلاه😪 ياخي بقوا يكوركو ويقول ليه عليك الله يا دكتور عبد المنعم امسك لينا الجزء العملي انت ياخ دكتور حذيفه ده هيغطس حجرنا😪 نحن ناس فاينل يا دكتور والدكتور ده معروف انو حب حياتو الربيت😪 الدكتور قال ليهم القرار اثبت خلاص وهسا اللاب الجاي معاه معاكم ساعه كامله تعملوا فيهز العايزنوا لانو انتو عارفين اهم حاجه عندو شنو ومشي خلانا😪 انا اتلفت اشوف ليك الناس ديل اي زول بيتكلم مع نفسو وفي بنات بقوا يبكوا قالوا عايزين يغيروا التخصص 😪😂 البت القاعده جنبي لفتني وقالت لي هيي اسمك منو قلت ليهز مناسك مدت لي يدها قالت لي انا سنابل ودي اريج ودي مي😪قلت ليهم اتشرفنا والله قالوا لي الشرف لي😪 سالوني اذا انا جديده وكده قلت ليهم ااي 😪 قالوا لي اراح نفطر قلت ليهم سبقتكم والله قالوا لي ومالوا زياده الخير خيرين😪 وطلعنا في واحد من الاولاد قال لسنابل بتين المزه جات عشان تستلمهوها سنابل حمرت ليه كده وطلعنا😪 مشينا الكافتريا هم طلبوا اكل وانا طلبته عصير وقعدنا سالتهم قلت ليهم انتو دكتور حذيفه ده صعب مي نزلت السندويتش من يدها وقالت لي ده مش صعب ده العذاب في شكل انسان😪 ده الزول لو والدينو ما راضين عليه ربنا بيبتليهو باستاذ زي ده 😪 اريج قالت لي مع انو سمح شديد ومكسر ليك بنات الجامعه كلهم بس مفتري وعلي الافتراء دمو بقري وصعب ياخ ده اهم حاجه عندو الدقه والانتظام 😪 ربت نص الدفع ال

فاتت ومكره ليك الناس

في التخصص ده 😪 سنابل قالت لي ما حارقني الا سماحتو دي😪 ياخ ما معقوله هسا ناس الجامعه ديل ما لقوا لينا استاذ غير الاستاذ ده 😪 قلت معناها السنه دي باين عليها سنه سوداء😂💔 كلهم ضحكوا فيني سنابل قالت لمي قالوا دكتور حذيفه فسخ خطوبتو مع سماح💔 انا قلت ليهم يعني هو خاطب اريج قالت لي ااي خاطب وخطيبتو بتقرا هندسه بس مفتريه ياخ لدرجه قف تامل😪 سنابل قالت لي اساسا سماح دي مفتريه والارض ما كانت شايلاها وما صدقت انو حذيفه خطبها بقت فوق في السماء 😪 اكلوا بسرعه واتحركنا علي اللاب دخلنا اللاب الساعه 12:55 الساعه 1 بالظبط الدكتور دخل وقفل الباب وراهو 😪 وكان في حوالي 10 طالب بس جوه اللاب وباقي الطلاب اساسا ما فكروا يضربوا ليه الباب😪 دخل وقبل ما يعرف عن نفسو قال لينا في قواعد اساسيه لازم تعرفوها 😪 عشان نكون حلوين مع بعضنا😪 اولا ممنوع منعا باتا الاكل جوه اللاب وبالاخص اللبانه ممنوع منعا باتا الشراب وحتي لو عندك سكري او فشل كلوي ما تشرب لي جوه اللاب😪 ممنوع منعا باتا فتح التلفون ويا حبذا لو قفلتوا عديل كده بدل ما تخليهو صامت😪 ممنوع منعا تام الكلام جوه اللاب ولاي سبب من الاسباب😪 وخليكم عارفين ما حضرتو لابيبن اللاب التالت حرمان من الماده وزي ما عارفين كلكم دي ماده تخصص😪 وحرمان معناها تقنع من السنه دي وتجي السنه الجايه واخر حاجه واهم حاجه ممنوع طالب يدخل لي اللاب وما معاه اللاب كوت 💔 وهسا هتعرف عليكم وهتعرفوني بقاا بتعرف علينا وكده واثناء ما هو بتعرف علينا تلفوني رن 😪 قال لي ي طالبه افتكر القواعد دي ما قلتها عبثا قلت ليه اسفه تاني ما هتتكرر😪 قفلته التلفون وانتهت حلقه التعارف جينا طالعين وقفنا قال لي الطالبه الجديده اقيفي😪 وقفته قال لي اعتقد كلامي واضح جدا والتلفون ده تاني مره لو رن لاي سبب من الاسباب ما هيحصل خير قلت ليه حاضر عايزه امشي قال لي انا قلت ليك امشي💔 وقفت قال لي ما عرفتيني ولا شنو وانا كنت منزله راسي رفعته راسي ولقيتو ياهو زاتو حذيفه بتاع المطعم صاحب سامر😪 قلت ليه عرفتك قال لي يلا ما تعتبري عشان انتي بتعرفني اعاملكك معامله خاصه😪 قلت ليه ممكن امشي قال لي اتفضلي قلت في سري هسا انا قلت ليه عاملني معامله خاصه شوف العوقه ده بالله