الجزء 16

وصلت هبة البيت مع ابوها ودخلت سلمت ع حبيبوتها ... وطوالي بقت تفكر ف فكرتها ومن نسبة نجاحها... وفكرت ان من الاحسن تكلم حبيبوتها وتشوف رايها ف الموضوع دا....

هبة- حبوته نفيسة... دايرة اخد رايك ف حاجة

نفيسة:- اها قولي ي بتي

هبة- انا فكرت ان بعد ود عمي يجي اقعد واتكلم معاه واحكي ليه اي حاجة واني دايرة لي زول

تاني وان ابوي م عارف بالموضوع و م عايزه يعرف... واخليه هو ينسحب من الموضوع...

وكدا ابوي م يكون رجع ف كلمتو وانا م اعرس زول ساي...

نفيسة- والله ي بتي فكرتك كويسة بس المشكلة لو الموضوع انعكس وجاب نتيجة سلبية...

هبة- لالا ان شا الله م بيحصل شي سلبي انتي بس ادعي لي..

نفيسة- دايما بدعي ليكي ي بتي

مشيت هبة بعد اطمأنت وحصلت ع موافقة حبيبتها ... ووقت تدعي ان فكرتها تضبط ويصل كل

خير...

وعدا باقي اليوم بي سرعة وصبح اليوم التاني وهو اليوم المتوقع لي مجي العم محمد وزوجتو

امنية وولدهم الوحيد عمر..

وصبحو هبة وحبيبتها طوالي مشن المطبخ بيجهزن الفطور لي اسرة العم محمد الجايين من السفر.

وفعلا الساعة 11 بالظبط ووقفت سيارة العم محمد برة البيت....

وطوالي هبة دخلت ع اوضتها ولبست عبايتها وطرحتها.. وكانت بي رغم انها م عامله ولا اي

حاجة ولا اتكلفت بس برضو البعان ليها بسرح ف جمالها....

وجو داخلين عم محمد وامنية وعمر وسلمو ع خالد وحاجة نفيسة..

وعمر تليفن بي عينو وكايس هبة بت عمو جتي...

وفعلا هبة شوية وجات طالعة تسلم ع عمها محمد....

واول م شافها العم محمد

محمد:- م شا الله ي بتي ربنا يحفظك

هبة- تسلم ي عم وحمدلله ع السلامة والله ونورتو السودان..

محمد:- النور نورك ي بنتي...

ومشت هبة ع مرة عمهها امنية...

هبة:- اهلين عمتهو وحمدلله ع السلامة

امنية:- الله يسلمك.. ) البت بالجد سمحة لكن برضو انا عايزة عمر لي بت اختي و م دايرها البت

دي)

وجات هبة وسلمت ع عمر وبتحاول تكون عادية

هبة:- اهلين ي ود عمي وحمدلله ع السلامة

😍عمر:- الله يسلمك ي بت العم

ختو الفطور وفطرو وامنية تعاين لي هبة عيون كره .... لان فضلوها ع بت اختها....

وبعد م الناس فطرت...

عمر استأذن عمو خالد ف ان يسوق هبة ويمشوش وتوريهو البلد...

وخالد وافق...

وهبة م رفضت لان شافتها فرصة كويسة عشان تتكلم مع عمر...

وفعلا طلعو عشان يتمشو بين بيوت البلد البسيطة وماشيين ع درب البطالهم ع البحر والجنان...

وهبة طول الطريق بتحاول تتكلم بس م قادرة ومستنية عمر يفتح الكلام هو...

عمر:- اهى هبة الدراسة كيف معاكِ

هبة:- كويسة والله

عمر:- هبة انتي عارفة ان كل حاجة فيكي جميلة...

هبة:-تسلم

عمر:- جد والله واحمل شي عيونك ... ويتمنى بالجد احلا القدامي دا يكون لي وبس...

هبة هتا سكنت مسافة وفكرت حتى اتكلمت

هبة:- عمر انا عايزه اقول ليك حاجة

عمر:- اي اتفضلي

هبة- ابوي كلمني بي ان ادي ابوك كلمة وان يخليك تعقد علي

عمر- اي ودا مناي انا

هبة- بس انا

عمر- انتي شنو؟

بلعت هبة ريقها وبعد داك اتكلمت

هبة- انا جُب زول تاني والله

عمر بعد سمع الكلام دا سكت وهو مصدوم

هبة- والله ي عمر جبو شديد وهو كمان جنبني ولن سمعنا بي كلام ابوي م قدرنا نعاندو...

بس والله انا حتي لو عرستك م حاقدر احبك ف يوم....

وعمر لسه ساكت بفكر برد يقول شنو

هبة- وانت اكيد م حترضي تربط بي وحدم حبابك والبنات غيري كتار... ولو انت الرفضت

الموضوع بتهون علي وكدا انا م بكون عاندت ابوي و م سمعت كلمتو..

عمر- هبة ي بت عمي ... انتي عايزاني ارفضك وانسحب انا؟

هبة- اي وتكون اتفضلت علي

عمر الكلام جرحو شديد

عمر- طيب وانا اديك كلمتي... انا استحالة ارفضك انتي بت عمي وانا اولي بيكي وحتكوني

نصيبي.. وكان ع الحب جيكي مع الزمن وبتنسي الكلام دا لان دا مراهقة ساي وبتفوت....

والكلام دا تاني م تفتحيهو معاي... عشان م يصل لي عمي خالد وانتي عارفه بحصل شنو بعد

داك...

سكتت هبة وكشرت وشها لان فكرتها م فححت وكمان عمر شكلو عبييط شديد و م جيخلها كان

انطبطت السماء ع الارض.. اخدت نفس واتوكلت ع الله...

رجعو بعد داك البيت وعمر كل تفكيرو ويعرف الحيوان اللعب بي راس بت عمو وخلاها خجو...

بس كمان م استسلم لَن هو الوحيد ان هبة تكون نصيبو اذا كانت راضية ولا لا...

وهبة أول م رجعت مشت لي حبيوبتها وورثها الحصل وهي متضايقة شديد...

نفيسة:- شفتني ي بنتي قلت ليكي .. اسي كدا انتي خربتيها عليكي .. لا عمر حينيكي ف حالك

وكمان بعد يعرسك جيمسك عليكي الموضوع دا طول عمرك...

هبة:- واي ر حبوة انا عملت شنو عشان حصل كل دا فيني

نفيسة:- ي بنتي كلووو لي خبير.. ودا اختبار من ربنا ... و م تنسي ربنا بتتحن عبادو عشان

يشوف صبرهم..وانتي اصبري واكيد ربنا يكون معاك....

كدا خنا عرفنا شخصية عمر

وعرفنا كمان من اسي ان امنية م راضية بي هبة

يتبع...