الجزء 11

مرت الايام وحب احمد وهبة بكبر اكتر م متواصلين كتير لكن دايما تفكيرهم عند بعض واذا واحد

فيهم احتاج للتانى بيلفاه واقف جنبو وانتهى السمسستر الاول لي هبة وكان لازم تسافر البلد لكن

قبل يوم من سفرها ضربت ليها سعاد ام احمد....

سعاد:- اهلين ي بنتي

هبة:- اهلين ي خالتو سعاد

سعاد:- وينك تانى م طلبتي علينا

هبة:- والله ي خالتو كنتة شغاله امتحانات نهاية السمسستر وخلصت ي داب وكمان مسافرة بكرة

طوالي

سعاد:- كان كدي الحمدلله اتصلت عليك الليله.. عشان داير اكي ف خدمة

هبة:- اتفضلي ي خالتو

سعاد:- ولدي إبن الكبير جا من قطر امس بعد مدة طويلة وعايزه اعمل ليه كرامة و م عندي

بت تساعدني و م لقيت غيرك عايزك تجي تقعدي معاي يومين تساعديني فيهن....

هنا اتزكرت هبة ان احمد مرة حكي ليها عن اخوه إبن دا وان بريدو شديد ويكثرمووم شاف

اخو زيو ف الدنيا كلها...

هبة:- اكييد ي خالتو من عيوني وانتي زي امي وانا زي بتك واكيد م حاقصر معاك بس اضرب

اكلم ابوي اول واسأندنو وكمان شنطتي دي م حاقدر اشيلها ... شكلي حاخليها هنا وارجع ليها

تاني لمن اكون مسافره...

سعاد:- خنا ضربنا ليه وكلمناه اصللك م تفكري ف الموضوع كتير بس تعالي .... ولو ع الشنطة

اين زاتو جاي بي عربيتو خليهويجييك هو بس انتي خليك جاهزه الصباح..

هبة:- لالا ي خالتو م تعبيهو هو جا جديد من السفر...

سعاد:- لالا ي بتي خنا المتعبنك معانا و م عايرنا نعمل ليك الحاجه البسيطه دي... يلا بس م

تناقشيني وبكره خليك جاهزه ٩ ص وانا بوصف ليه الداخليه ويجيك..

هبة:- خلاص طيب حاضر ي خالتو

وقفت هبة وهي فرحانه انها حتشوف احمد بكرة وهي ليها زمن م شافتوو.. ووقفت ْمخضر ف

هدومها المحتشي بيها بكرة لي ناس احمد...

وسعاد بعد قفلت ولدها اين كان قاعد جنبها وطوالي اتلفتت عليه...

سعاد:- اها ي ولدي بكرة ٩ ص تمشي جيبها وتشوفها فد مره كمان وتوريني رايك...

اين:- حاضر ي امي النشوف زوقك لي...

سعاد:- بكرة بتتاكد من زوق امك وبتشوف...

و ف الوقت دا جا احمد داخل...

احمد:- بتقولو ف شنو انتو

اين:- هههه امك عايزه ْمخطب لي والبنت منو زال اتوم م بعرفها... غايتو امري ع الله

سعاد:- كلامك دا بنشوفو بكرة يروح وين...

احمد:- هههههه ي عيني عايزين يعرسوك يعني وحنشوف العروس متبين...

اين- اي خيّل... بكرة دي عااد نشوفها ونعرف زوق امك كيف

احمد:- هههههه ان شا الله تعجبك وتكون من نصيبك

سعاد:- ان شا الله ي رب

ومشي احمد منهم ودعا ف سرو ان البت تكون اخلاقها عاليه لان اخوهو بيستاهل كل خير ودعا

انها تكون من نصيب اخوهو وابتسم..

وعدي اليوم بي سرعة وهبة متلهافة تشوف احمد...

وإين متلهاف بشوف البت الاختارتها ليهو امو.

واحمد كمان متلهاف ان يشوف المختفي خطيبة اخوهو...

وجا يوم بكرة...

وهبة كانت مستعدة ومستنية بس يجيها اتصال من خالتها سعاد عشان تطلع لي اين بره...

و ف الوقت دا رنت عليها سعاد وقالت ليها تطلع عشان اين مستنيها تحت....

و ف الوقت داك اين واقف برا عربيتو البرادو ومستني هبة عشان يجي...

واول م جات هبة نازلة وهو بعاين ليها جابة عليه وبقول ف نفسه

اين:- دي هي لالا البت دي م بتكون قاصداني...

لحدي م هبة وصلتو

هبة:- السلام عليكم اين

اين:- وعليكم السلام.. هبة؟

هبة:- ايون.. وحمدلله ع السلامة

اين:- الله يسلمك.. اتفضلي اركبي..

وهنا اين سرح...

اين:- امي جابت الملاك دي من وين... جمال وادب واحترام... الليله بعقد عليها البت دي م

بخليها اكيد...

يتبع....