الجزء 12
ركب ايمن العربيه ومن اسي بدا يتخيل نفسه مع هبة تحت سقف واحد ويتبسم....
وهبة كمان سرحانة ف وادي براها وتتبسم كل م اتزكرت انها حتشوف احمد الليله وحتعمل ليهو
مفاجأة لآن م عارف انها جايبهم...
وبتتخيل ملامحو حتكون كيف لمن يشوفها....
و ف الطريق ايمن بقي يجر حرف الكلام من هبة ويكاول يتونس معاها...ولقي نفسه ارتاح ليها
شديد وللاخر....
واخيرا وصلو البيت وهبة نزلت طوالي ودقت الباب وفتحتو ولقّت خالتها مستنيها وجنبها احمد
رأقد ف السرير واول م شافتها خالتها سعاد جات عليها وسلمت عليها بالاحضان واحمد قام يشوف
قدامو هبة ويتبسم للاخر ليه زمن م شافها...
وجا داخل ايمن وسلم عليهم...
واحمد م كان شايف قدامو غير هبة.....
وجات هبة وسلمت ع احمد وهو بادلها السلام وبعدها قعدت...
واحمد اتلفت ع اخوهو عايز يسألو من البت الاختارتها ليه امه...
بس اول م عاين لقي امو لزقت ايمن وبتقول ليهو كيف لقيتها...
ولاّحظ تركيز ايمن كللورو ع ممنوع ح حبيبتو هبة ويقول لي امه اووكي...
احمد:- لالا اكييد م ال ف باللي .. واستحاله امي تكون عايزه هبة لي ايمن .... اها وكان طلعت
باجد عايزاها لي ايمن انا اعمل شنو... وعشان يتاكد لكرز امو وسألها....
احمد:- امي انتي اخترتي هبة دي لي ايمن
سعاد:- اَي عاااد وادعي ليل ونهار تكون من نصيبو...
هنا احمد الكلام دا جاااهو زي الطعنة ف قلبو....
احمد:- لالا لازم اتكلم مع إبن قبل م يختها ف راسو باجد وقبل م الكلام يصل لي هبة ... بس
م قدر ان يتكلم معاه لان الكرامة كانت غداء والناس بدو يهو ... واين انشغل مع الضيوف وهبة
ولا ع بالها الموضوع دا وشغاله مع خالتها سعاد ف المطبخ....
احمد بقي م فاهم حاجه وقلبو يوجعو مجرد م يتخيل ان هبة حتكون لي اخوهو إبن ....
المهم يوم الكرامة عدي واين متكيف من هبة لان شايف تعاملو حلوو مع امو ومع كل الناس...
واحمد بس كل م يلقي إبن يعاين لي هبة بتضايق...
وهبة حاسة ان احمد متغير بس م عارفه السبب شنو....
المهم جا الليل وسعاد قعدت مع إبن براهم عشان تاخذ رايو الاخير..
سعاد:- اها ي ولدي قلت شنوو
إبن:- امي هو بعد قووولك ف قول تاني
سعاد:-هههههه امس دام كان كلامك
إبن:- هههههههه المهم اسي دا كلامي والبنت دي كان قدرتي اخطبها لي الليله قبل بكرة
سعاد:- لالا تاني بعد دا خلي الموضوع ف يدي وابوها زول طيبآآآن و م بلقي احسن منك لي بتو
إبن:- ان شا الله ي امي الموضوع يمشي ع خير
سعاد:- ان شا الله ي ولدي
ولن سعاد مشت احمد جا عشان يتكلم مع إبن... لان كان لازم يتكلم معاه الليله قبل بكرة.. وجا
داخل لقي إبن مبسوط للاخر وبيبتسم براهو.
احمد:- إبن دايرك ف موضوع
إين:- خليك من موضوعك اسي قلت لي رايك شنو ف مرة اخوك المستقبليه
احمد:- يعني انت ثبت عليها.. واول يوم تشوفها اسي
إين:- اول يوم شنو يااااخ ... البت دي التقول بعرفها لي سنينين.. باللة اخدت قلبي وتفكيري من
نظرة بس.. وبقيت ابتسم براي زي المجنون....
احمد انصدم بي كلام اخوهو اكتر..
اخوهو مبسوط شديد... وهو عارف ان هبة م حتوافق بيه.. بس هو كمان م بقدر يكسر اخوهو
التعب فيهم من زمان... اخوهو الخلا قراتو واغترب من بدري عشان يقرهوهو ويطلعوا احسن
منو.. يحي اسي يكسروا بالسهولة دي....
المهم احمد قلبو طاوعو يكلم اخوهو.. وخايف ان هبة تكسر قلبو.. وشايفه صعبة ان بعد
اخوهو يطلبها وهم يرفضو ... هو تاني م حيكون عندو عين يطلبها...
المواضيع جات ف راسو وتعب من التفكير....
يعمل شنو هو زاتو م عارف وحاسي الدنيا قفلت ف وشو...
خلا اخوهو ف سرحانو وتبسمو داك ومشي رقد ف سريرو...
و ف اللحظة دي هبة رسلت ليه رسالة....
هبة
"مبسسووطة بي شوفنك"
عاين احمد للرسالة وقلبو وجعو وم قدر يجاوبها لان من اسي بقي يحس بالذنب...
وقام طوالي قفل تلفونو وغمض عيونو عشان ينوم...
بس ينوم بي وين من التفكير...
وي هناك هبة مستغربة
هبة:- احمد الليله بالجد متغير ... ي رب يكون غير رايو فيني ويبقى م جنبني... ولا حتى جاوبني
ع رسالتي....
وسعاد كل شوية ترفع يدها وتدعي ربنا ان البت دي تبقي من نصيب ولدها ابن لان تعب ف
حياتوويستاهل الاحسن....
و ف نفس الوقت ف البلد خالد راقد ف سريرو ويكيه اتصال من اخوهو محمد ال ف السعودية...
محمد:- السلام عليكم
خالد:- وعليكم السلام اخوي...
محمد:- كيفك وكيف امي...
خالد:- والله كويسين خمدالله... انت كيفك وكيف زوجتك ولدك عمر...
محمد:- والله طيبين الحمدلله.. وكيف بتك هبة...
خالد:- كويسسة والله بس فالأرقة معاي والله وقاعده ف الخرطوم براها...
محمد:- لالا ربنا معاها ان شاء الله... ولسه ع وعدك معاي
خالد:- الاي اكيد م بنساك... هبة ان شاء الله م بتكون غير لي ولدك عمر... وود اخوي اولي بيها
اكيد
محمد:- لالا كدا اطمنت... وان شاء الله بس تتم سنتها الاولي دي وولدي يجي السودان وهو طبعا
م عندو مانع اصلو شاف صورتها الرسلتها ليه وراها ودايرها من قلبو...
خالد:- معاناتو م حصل الا كل خير.. هبة بتجي اليومين دي ويوريها الموضوع ان شاء الله وهي
كمان م حيكون عندها مانع
محمد:- ان شاء الله
يتبع....