الجزء 3

وغوامض

وقبل نمشى جدو وانا شربنا قهوة لانو اكيد النعسة حتجى 😂

طلعنا ومن اول جرس الباب فتح امجد سلم علينا ودخل جدى الصالون وانا جات نهى وحلات نهى بالاخضر فستان انيق مع لونا وحنتا

عايزة اوصف ليكم روحى انا طويلة نوعا ما وضعيفة لونى اسمر ولا ضربة شمس ما عارفة😂

الحاجة الحلوة فينى عيونى واسعة وشعرى طويل غير كدا ما شايفة لى جمال

الشعر الفضل فيو يرجع لى امى لانها بنرسل لى كل ما تسافر الهند مجموعة للشعر

على فكرة اول مرة رسلت لى مجموعة الشعر كنت متخيلها جسم وهاك يا مسيح لمن لقيت شعر جسمى غزر حتى ركزت انها حقت جسم خسارة التعليم😂

ابوى وامى كان في بينهم تنافس يعنى لو امى رسلت لى تلفون ابوى برسل احدث منو لو عرف امى رسلت لى كريمات او هدايا برسل الدبل حتى اللبس والقروش الكان مسيطر على الموضوع جدى كان بدينى تلفون واحد ويقول لى التانى خلى معاى لولا كدا كان خربتا

بس انا ما كنت محتاجة ل هدايا او قروش مختاجة اهتمام وحب

نرجع للعزومة دخلت غرفة مع نهى عرفتنى بامها واختها ونسيبتا واحماتا اخت راجلا

كلهم اتصدمو فى ابكائن الغريب الباهت الجاهم 😂

قعدتا ولاول مرة اركز فى بيت زول الالوان فرايحة حتى الناس الفى خجلت من نفسى وعلى الاسود وعرفتا لى نهى استغربت فى شقتنا لانها باهتة صحى ما شقة عايشة فيها بت لانو البت زاتا ماعايشة

اهلا ظرفين ونسيبتا زاتا تبقى ليها خالتا من بعيد

واختها عسل وعاقدين عليها وطول الوقت بتكلم عن راجلا لحدى ما امها قالت ليها لو عرسك دا اتاجل بتخشى التجانى يابت اخجلى منى 😂

اما حمات نهى فالنوع الماتفهمى معاك ولاضدك ما بتدى الجواها

وانا مرة ابتسم مرة اسكت طبعا ما متعودة على جو المجاملات

جا امجد داخل قال جهزو العشاء

نهى قالت لى راجين فارس قال ليها اتصل وقال 5 دقائق ويصل طوالى قامت وقالت فارس مواعيدو سيف

طلعو وخلونا انا وام نهى سالتنى عن امى وابوى وحكيت ليها لمن اتستغربت وحسيتا عايزة تضمنى وتبكى

قلت ليها ما تتاثرى انا اتعودتا 😊 قالت لى صغيرة انتى يابتى

اها انا الحنية دى بتوترنى😂 انقذتنا نهى جات وقالت لى اسفة ما ضيفتك عشان تقدرى تتعشى

امها قالت ليها فارس جا قالت ليها ماسامعة الجوطة هو بتك 😂

وطلعنا كلنا على الصفرة قعدنا انا ونهى وامها ونسيبتا و حماتا وامجد وابوها الكورك تعال يا زفت منك لها

ام نهى قالت لى ولدى دا ما برضى تقول لى زفت 😡 قال ليها مجوعنا ليو ساعة هو واختو زى ناقر ونقير

جا داخل وخانق اختو وقال ليها بس لو ما جعان كان وريتك

شفتو الناس البتطلع فى mbc 2 دا منهم طول وقامة وسماحة

عينو جات فى عينى وسرعة نزلتها قال لينا اسف على التاخير اتفضلو ابدو اغسل يدى واجى

نهى بدت تغرف لينا الاكل قالت لمن يغسل يدو نكون شبعنا 😂

لمن لقتنى عاينت ليها قالت لى ما تاخدى فى بالك جنو نضافة وعندو وسواس

امها قالت ليها قلت ليكم مية مرة ولدى مافى ما تتكلمو فى😡

ظاهر انها بتحبو

نتلاقى