الجزء 5

عدى اسبوع وانا ونهى بنرسل لى بعض وقطعت منى زى يومين برسل ماداخلة واتس واتصلت رد على امجد راجلا قال لى نهى عيانة قلت لى انتو فى شقتكم قال لى ايوا قلت لى ممكن اجى ازورا قال لى طوالى تشرفى

كان قريب المغرب كلمتا جدى قال طوالى تمشى الجيران لبعض وكمان امها مسافرة

قلت لى عرفتا كيف قال لى ابوها كان معاى قبيل اتلقينا فى الجامع

طوالى دخلت فى عبايتى

قلت ما اخش يدى فاضية اتزكرت الكيس الجابو لى جدى من ابوى مشيت فتحتو لقيت3 علب شكولاتا و كتاب لمترجم مشهور فى فرنسا وكم عطر وعطر مكتوب عليو احمد ل جدى

جدى امين مافتح حتى الكيس ما تصدقو 😂 بكون فتحو عشان لو لقى حاجة تلفونات ولا حاجة زايدة عن الحد يشيلا

لسة معتبرنى صغيرة وما قادر يسطير على حب الامتلاك ودا اوقات بغيظنى وبحسو بقلل من شخصيتى

المهم شلت عطرو واديتو لى وشلت شكولاتا الحمدلله اغلبا بالبسكويت عشان كدا ما ساحت

دخلت فى عباية سودا وطرحة رمادية ومسحت لى فير وقمت كاشحة بس الزول السمع لى خبر يا كافى البلاء😂

طلعت ودقيت الجرس فتح لى امجد سلمت ودخلت قال لى فى غرفتا

بقيت امشى خطوة وارجع التانية اخش ليها كيف فى غرفتا

مشى امجد قدامى وقال لى ما تخجلى خشى عادى😂

دخلت لقيتا راقدة وخاتين ليها ادوية وحبوب

طبعا اكتر حاجة بكرها الادوية

سلمت عليها قالت عندها ملاريا وتايفد يحليلا حالتا تحنن

امجد جا يحنسا عشان تاكل ابت

قمت قلت ليها اعمل ليك شوربا فى الاول رفضت بس تانى قالت لى ياريت لو حقت فراخ

امجد جرى قدامى ورانى الحاجات عملتها ليها ضربو لى فى الشغل وما قدر يعتذر قلت لى انا بقعد معا

قال لى تمام بس ما تمشى الا اجى انا

سلم عليها فى راسا وقال ليها اوعى تقفلى تلفونك

انا من محل ادسى ما عرفتا جفاف عاطفى يا كوانا 😂 قالت لى خجلت مى قال ليها طبيعى خجلانه اجيب ليكم معاى حاجة

قالت لى لا

انلفت على وقال لى مى اجيب ليك حاجة وانا راجع قولى انا زى اخوك ما تخجلى

قلت لى كتر خيرك سلامتك

وبعدين فى الاهتمام من البشر ديل

المهم قعدنا انا ونهى نتونس قالت لى ياخ جعتا الشوربا لسة قلت ليها اشوفا واجى

مشيت لقيتا قربت عملت ليها سلطة وكباية عصير ورانى ليهم امجد

ختيتهم ليها وكانت بتشغل شريط عرسها

قالت لى تعالى احضرى اليوم العالمى على قول امجد😂 بقول لى دا يوم ادبستا فيك

ضحكنا وقعدنا نحضر العرس موثق فى اى شى من العقد والااوت دور واحلى شى فرحتهم وانهم كانو تلقاين قبل الزفاف يبدا قالت لى نفسى فى حاجة حلوة قلت ليها فى شكولاتا بس امجد قال الا بعد تاكلى 😂

قالت لى عصابة انتو جيبها

وانا داخلة المطبخ جرس الباب ضرب

قلت منو برا قال لى فارس اخو نهى

لبست طرحتى وفتحت لى الباب دخل وسلم على وب على من القميص الكوبى قصة

بعد سلم دخل على نهى بعد دق الباب مشيت جبت لى عصير وجبت لى نهى الشكولاتا

نهى قالت لى متين بقيت مودب وبتخش تدق الباب

قال ليها اتصلت بامجد قال لى معاك مى جارتكم قلت ادق الجرس😂

وانلفت على وقال لى عندى مفتاح عشان هى وامجد عندهم زهيمر طوالى بنسو مفاتحيهم فى البيت 😂

قلت لى زى جدى 😂

عاين للشاشة قال ليها يا سلام دا اليوم التاخرجنا منك فيو 😂

شلت منى علبة الشكولاتا وقالت لى شغلو نحضر الزفة حلوة 🙈

نتلاقى