الجزء 10

صرخت رهف في خلعه مراد انت فاهم الموضوع غلط .. انا جيت عشان اخت النقط

علي الحروف واقول لي مازن عيش حياتك وانساني ..

وقف مراد مساااافه والغضب مالي عيونو لكن رهف واصلت .. والله انا صاح في البدايه

م كنت بحبك لكن انا حاليا بموت فيك..

رمي مراد السكين وعاين لي رهف في استياء : حب .. آخر واحده ممكن تتكلم عن

الحب .. وخساره اضيع نفسي عشان واحده زيك ..انتي طالق ي مدام ومشي وقفل

الباب وراهو في عصبيه وغضب ..

قعد رهف علي الكنبه وبقت تبكي في تشنج ونواح وتقول ..خلاص مراد طلقني .. انا

اصلا م بستاهل واحد زيو .. انا حقيره ..

فتحت ميار الباب وجات داخله وشايله معاها حاجات من السوبر ماركت القريب من

العماره وختت الاكياس وهي بتسأل في شنو خير ان شاء الله..

رهف بصوت باكي : طلقني مراد خلاص اي شي انتهي .. وانا ربنا عالم اني بريئه ..

قعدت ميار جنبها وطبطبت عليها في حزن يا رهف كمان جيتك هنا اكبر غلط ومراد م

عارف انك جيتي عشان تصفي حسابك القديم .. فاكر انك جيتي تقابلي حبيبك

وخطيبك ..

رهف ووشها كلو مورم بالبكي .. انا حبيتو وم قادره اتخيل حياتي بدونو ..

مازن في حزن : ميار بتتكلم صاح ..اسي الحصل حصل المهم الحل شنو..

ميار : بعد قلتو لي موضوع السكين دا مستحيل يقبل اي شي من جانبنا .. يعني بقول

انا متفقه مع اخوي ..

مازن في حزن: آسف بدون قصد دمرت حياتك وانا كنت مخلي البلد عشان انتي

تعيشي سعيده ..

رهف مسحت دموعها واستعدت للمشي لكن ميار وقفتها : اسي حتعملي شنو ..

رهف بدون م تعاين في عيونها : م عارفه

ومشت رهف وهي تايه وحزينه وتمسح دموعها وضربت تلفون لي سلمي وبسرعه

سلمي قابلتها وركبت معاها في العربيه ومشو حته هاديه وحكت رهف اي حاجه..

سلمي اتأثرت جدا وبكت ، طيب ياحبيبه الحل شنو ؟

رهف ودموعها م وقفت : م عارفه دليني اعمل شنو انا ..

سلمي : ياما حذرتك انتي عنيده وراسك قوي وم سمعتي كلام لحدي م حصل المحظور

سكتت مساااافه وبعدين واصلت : قلبي كان حاسي وحاولت انبهك لكن م رديتي علي

يظهر انك عامله التلفون صامت ..

رهف : انا بحبو وماقادره اتخيل حياتي من غيرو ..

سلمي : كلمتي امك ؟

رهف : لا لا امي عندها قلب لو عرفت ممكن تروح فيها ..

سلمي : قلبي معاك يا حبيبتي ربنا يفرجها عليك ان شاء الله..

استعدت رهف للذهاب

سلمي : ح تمشي وين اسي .. انا بقول تمشي معاي البيت وبكره ربنا بحلها ان شاء الله

رهف : تسلمي حبيبتي لكن انا لازم امشي بيتي والاقي مراد واحاول اوضح ليهو

موقفي ..

سلمي : حبيبتي م شايفه انو لسه بدري تعملي الخطوة دي .. هو حاليا زي الاسد الجريح

خلي جروحو تبرا حبه كدا وبعدين امشي ..

رهف مشت بسرعه وركبت المواصلات وطول الطريق تفكر في رد فعل مراد لما تمشي

ليهو .. كلام سلمي صحيح لكن لازم تحاول وتحاول لحدي م تصل لمبتغاها ..

وقفت قدام البيت متردده وبعد تغكير طويل لمست زر جرس الباب ومرت فتره ومافي

ذول يظهر انو مراد لسه م جا وطلعت المفتاح من الشنطه وفتحت الباب ودخلت

والانوار مطفيه وقعدت علي الكنبه في الظلام منتظره مراد...

وراحت في النوم وماصحت الا بعد حست بالانوار ولعت وقامت مخلوعه ولقت مراد

واقف يعاين ليها في حزن واستياء وماقدرت تعاين في وشو وبعدها حاول يكون هادئ

: كل حقوقك بتصلك وحتي البيت دا انا م عايزو اعتبريهو مؤخر صداق وورقتك كمان

ح

قاطعتو رهف وهي بتبكي : انا م عايزه اي حاجه وماجيت عشان كدا ..

مراد في سخريه : طيب عايزه شنو اي حاجه انا تحت امرك .. طلباتك ..

رهف قربت منو : مراد انا م خنتك و

قاطعها مراد و هو بحاول يكون هادي : قصدك المره الفاتت ولا المره دي .

رهف ودموعها نازله : صدقني م حصل لمسني لا مازن ولا غيرو من بقيت في عصمتك

.

مراد : واسي انتي حره يعني ممكن تعملي اي حاجه عايزاها .

رهف : انا بحبك انت وماعايزه غيرك .

مراد وهو ساخر: حبيب القلب خلع ولا شنو في ناس دايما بتحب الحاجه العند الناس

.. لكن لما يكون عندهم فرصه يملكوها بتمرق من نفسهم .

رهف : انا مشيت عشان اقول ليهو شوف حياتك ..

مراد : كلامك غير منطقي وم مقبول .. مشكلتك فاهمه الحياه غلط ولا فاكره اني م

بفهم ..

رهف : امي لو عرفت انك طلقتني بتموت انت عارف انو قلبها ضعيف مراد شال نفس

طوييييل : المشكله في ابرياء انتي ماراعيتي ليهم امك وابوي ..

عشان كدا انتي خليك هنا لحدي م تخلص العده وقبلها نشوف طريقه نوصل ليهم

الموضوع .. اما انا بمشي بيت حازم واعيش معاه لحدي م اتصرف .

رهف حست بروحها مسحبوبه منها .. لكن بخاف م بقدر اعيش براي هنا ..

مراد : براك كيف ابوي شقتو فوق طوالي والبيت كلو مؤمن واذا في اي حاجه اضربي

للحاج ..

رهف دخلت الغرفه وبقت تلم في هدومها ولحقها مراد ، مش خلاص اتفقنا تاني في

شنو ..رهف ماعايزه اكلفك فوق طاقتك بمشي وامي حتعرف وربنا يتولانا برحمتو .

مراد رجع منها الشنطه،خلاص انا ببيت هنا لكن بجي متأخر وبطلع بدري .

فرحت رهف الحل دا مناسب وفي امل انها تقدر ترجع مراد تاني.

رجع مراد ومشي بيت حازم وماحكي ليهو اي حاجه لكن كان واضح من حاله الحزن

الكان فيها ..

قعد مع حازم وايمن حتي وش الصباح وبعدها مشي البيت ولقي رهف نايمه ومشي

رقد في غرفه تانيه ونام علي طول بدون م حتي يغير ملابسو ويلبس ملابس النوم .

صحت رهف الصباح بمزاج سيئ وعملت قهوه عشان الصداع كان داير يفجر راسها

وبعدها لبست عشان تمشي ناس امها طولت م مشت ليها ومراد لسه نايم ومنتظراهو

يصحي عشان تشوفو قبل م تطلع ..

مشت فتشت الغرف ولقتو نايم نوم عميق ولما شافت منظرو وهو نايم حنت ليهو

وقعدت جنبو في هدؤ وحنان مررت يدها علي شعرو وحس بالحركه وقام بسرعه

مخلوع ، خير مالك فيك حاجه ..

رهف اتراجعت ، لا بس شفتك طولت في النوم وجيت اشوف مالك ..

قام مراد من السرير ومشي علي الحمام عشان يمشي الصيدليه وفجأة رن جرس الباب

وعاين مراد للساعه ، خير ان شاء الله منو الجايي الصباح كدا وعايز يمشي يفتح الباب

لكن رهف سبقتو علي الباب ، امشي اجهز عشان م تتأخر علي الصيدليه ..

ومشت رهف عشان تفتح الباب واتفآجأت بوجود ضابط شرطه ومعاهو كم عسكري

وسأل الضابط : دا منزل الدكتور مراد احمد مراد

ردت رهف في خوف : ايوه .. خير ياحضره الضابط

في اللحظة دي جا مراد و لسه جسمو م جف ،خير ياجنابو ..

معانا امر بالقبض عليك

مراد في دهشه : السبب شنو

الضابط ، متهم في جريمه قتل