الجزء 12

بدت ملامح الخوف والذعر تظهر علي وجه رهف لما سمعت تهديد ميار ليها ..اتمالكت

اعصابها وحاولت تكون عاديه... ح تستفيدي شنو اذا اتشنق زوجي وهو برئ ..

ميار في غضب : برئ انتي عارفه كويس انو كان آخر واحد معاه وكل الادله ضدو

رهف : م كتل مازن وانتي عارفه كدا كويس ميار : اسمعي دافعي زي م انتي عايزه كل

البراهين بتشير انو مراد هو المستفيد الوحيد من موت اخوي .

رهف : حرام عليك عايزه تضيعي مراد بس عشان تنتقمي مني .. صدقيني انا كمان

حزينه علي موت مازن وربنا عالم بالجواي .

ميار : انا م مجرمه عشان ارمي التهمه علي مراد بدون دليل

رهف : دليلك شنو

ميار: انا مشيت خطوبه صحبتي وكنت عايزه ابيت هناك لكن المرحوم ضرب وقال لي

لآزٍمٍ اجي البيت عشان عايزني في موضوع وبعد انتهت الخطوبه وصلوني لحدي البيت

وجيت دخلت الشقه ولقيت ......

بقت تبكي في تشنج ورهف تهدي فيها وبعدها واصلت .. بقيت اصرخ واصرخ وجو

الجيران وبلغو الشرطه

رهف في حزن : قلبي معاك ياحبيبه ربنا يصبرك ويصبر خالتو مني واخوانك

.. وصدقيني مصيرو المحكمه تبرئ مراد وتعرف الحقيقه...

رقدت رهف في سريرها وبقت تتحس مكان مراد وتمسح دموعها وتفكر ياربي بكره

البحصل شنو ..

وفجأة اتذكرت عمو طارق المحامي زوج والدتها وكيف هو محامي شاطر م فكرت

تمشي ليهو وبسرعه لبست العبايه فوق ملابس النوم وغشت دكتور احمد واخدت اذنو

ومشت بسرعه بيت امها وحكت لي استاذ طارق كل القصه وطلب منها يعملو ليهو

توكيل عشان يتابع القضيه.

رهف فرحت شديد لما طارق مسك القضيه وذاد الامل عندها وحست بي راحه نفسيه

وظهرت ادله جديده لصالح المتهم وهي انو في اكتر من حادثه سرقه كبيره واعتدو

علي الضحايا بالضرب بآلة صلبه علي الراس لكن كان حظهم كويس والضربه م كانت

قاتله ووصفو المعتدي وكان حرامي محترف ومسجل خطر وبعد تحريات طويله

اعترف الجاني بقتل مازن وقال م كان قاصد يكتلو لكن المجني عليه او القتيل قاوم

بشده وعشان يخلص نفسو منو ضربو بآلة صلبه كانت معاهو دايما وحدثت الوفاه

وسرقه كل الاموال الموجوده في الخزنه .

رجع مراد البيت بعد الحكم بالبراءة وكل الناس فرحت ليهو وعملو كرامه كبيره وعزموا

فيها كل الاهل والاصدقاء .

بعد الامور هدت قررت رهف تاخد اجازه من اي شي وتتفرغ لي مراد.. نفسها تقضي كل

عمرها معاهو وماتفارقو ولا لحظه ومراد كمان كان مشتاق ليها شديد وهو كمان قرر

ياخد اجازه ويمشي لي مكان بعيد هو وحبيبه قلبو رهف وينسو اي شي ويعيشو احلي

لحظات مع بعض .

رهف فرحت وبقت تجهز في الشنطه وختت فيها حاجات بسيطه ليهم الاتنين وقرروا

يمشو بالبص عشان يستمتعو اكتر وفعلا بعد اكتر من 12 ساعه وصلو واجرو شقه علي

البحر .

رهف وهي بتتأمل منظر البحر من البلكونه : واااااو منظر تحفه انا حاسه اني في جنه .

مراد ضماها عليهو في حنان : انتي احلي من اي حاجه في الدنيا دي رهف في خجل :

معقوله بس .

مراد : والله ياروحي لما كنت في السجن ا

قاطعتو رهف بوضع يدها علي شفايفو : حبيبي ماعايزاك تتذكر الموضوع دا تاني .. اوك

مراد ببوس يدها : حااااضر ياروحي .. عايز اقول ليك انك في اي لحظه بتكوني معاي

واكتر شي كان معذبني شكي فيك وطلاقنا لكن اوعدك اني م افارقك طول م انا حي .

رهف في سعاده : وانا كنت بموت كل ثانيه لما افكر في احتمال واحد في المليون. اني

ممكن اخسرك.. وختت راسها. في صدو في حنان ربنا م يحرمني منك..

داعب مراد شعرها في حب : نفسي افضل في حضنك وما ازح منك خالص ..

رهف : هههههه انت خلاص م فضل فيك عقل اصلا انت من ما طلعت من الازمه دي

من زحيت مني لحظه ..

مراد وهو ببوس في شعرها : بموت في ريحه شعرك .. اقول ليك حاجه انا بموت في كل

تفاصيلك انتي عملتي لي شنو يابت حسين .

رهف : هههههههه بت حسين طالعه منك زي العسل .

طلع مراد عشان يتفقد المكان مسافه تجهز رهف ومشي علي الساحل والمنظر يسلب

الالباب ويريح الدواخل وقف يتأمل البحر وسرح بعيد وماوعي الا بي يدين رقيقه

قافله عيونو وبي سعاده وفرح قال هوفا حبيبتي وفتح عيونو ولقي ٱريام ودي كانت

زميلتو في الجامعة وكان بينهم اجمل قصة حب وكيف هي اختارت انها تسافر بره مع

ابوها وتستقر هناك وابوها كان جراح مشهور في دوله اوربيه وهي كانت الابنة الوحيده

وماكان عندها خيار الا تمشي مع. ابوها ..كل الشريط دا مر بي مراد وهو بعاين ليها ..

وبعد نظرات متبادله ودهشه وشوق من الطرفين ..

ٱريام : م مصدقه اني اشوفك بعد السنين دي كلها ..

مراد : والله م مصدق عيوني انتي هنا معاي وواقفه قدامي .

ٱريام وهي مثبته عيونها في عيونو بكل جرأة : نفس الوسامه وكأني طالبه الصيدله

وانتي الذول الخرافي الرماني في شباكو من اول نظره ..

مراد اتذكر رهف وبقي يتلفت وارتبك وٱريام لاحظت الارتباك وسألتو هوفا دي منو

.. اسمع اذا اتزوجت ولا خلفت عشره انتي لي ومابغرط فيك المره دي زي ماحصل زمان

..

ومسكت يدو.. انا م حبيت ولا ح احب غيرك وانا جيت السودان عشانك وخليت ابوي

هناك وناويه اكمل حياتي هنا ومعاك...

مراد بقي متفآجئ وماعارف بقول شنو وفجأة عاين وراهو ولقي رهف واقفه