الجزء 1

لاحظ والد رهف انتفاخ بطنها وصرخ في وجه والدتها ،البت دي شكلها متغير وبطنها

بقت بارزه انتي م عارفك ام شنو م بتلاحظي اي شي علي بتك ولا متابعة تحركاتها

،الام ياراجل دا كلام شنو البتقول فيهو دا ياكافي البلا زي التقول البت دي م بتك

مالك بتتمني ليها كدا !! اتمني؟ ياريت لو كنت بتمني دا بدل تشوفي حال بتك وتعرف

مواعيد الشهريه بتين وتابعي بتك ،الام انا واثقه من بتي م بتغلط واذا حصل وغلطت

انت السبب ،الاب كمان عملتيني انا السبب وريني كيف ،الام طلعت البت من المدرسه

وكانت متفوقه في دراستها المعاها اسي في اولي طب وعرست ليها راجل فيهو كل

عبر الدنيا بس عشان ود عمك وكنت فاكره انو راجل مثقف وبخليها تمتحن للجامعه

وحصل انو منعها المدرسه ولما امتحنت بالدس وعرف طلقها .. ياخ حرام عليك خاف

الله في بتك ربنا بسألك منها ،الاب في غضب ربنا يغطس حجرك انتي وهي في ساعه

واحده .. الام وهي صاره وشها انا ذنبي شنو اذا م جبت ليك الولد البتحلم بيهو دي

ارادة ربنا وحتي هي م عندها ذنب ..عاين ليها وعيونو بتتطاير شرار المهم بكره من

الصباح تاخدي البت دي العياده وتفحصي ليها الحمل ولما اتأكد منو م تلوميني في

الحاجه الح اعملها .. الام قلعت عيونها في خلعه حتعمل شنو ،الاب سكيني دي في

قلبها .. انا م بضيع سمعتي عشان واحده زي دي .. انا ذول معروف في اهلي وناسي

واسرتنا كل بناتها عفيفات وشريفات بتك تجيب لي العار واخليها ابدا والله لو عندي

يوم واحد فضل من عمري بكتلها واغسل عاري . الام وهي خايفة الله يكفينا شرك .

رهف سمعت كلام ابوها وامها كلو وبكت ياربي اعمل شنو انا .. انا حامل في شهري

الرابع ومشيت ل كم دايه وقالو مافي طريقه دي مخاطره الجنين كبير .. ضربت ل

حسام ..كيف تمام انت قاعد يدك في المويه وانا عايشه في الجحيم اتصرف خلي

عندك دم شويه .. حسام والله انا لو م بريدك م كنت سمحت ليك تقولي عني الكلام دا

كلو ..رهف انت تسمح بأي حاجه عشان الانا فيهو كلو بسببك انت ،حسام والله انا م

عارف حصل كيف زاتو بس حظنا الاتنين كعب .. عايني م ممكن تلبسيها راجلك .

رهف :انت ماعندك ضمير ولا شنو كيف انسب ولد ل واحد تاني غير ابوه .

حسام : انا قلت العندي وديتك لكل الدايات وقالو مافي طريقه تاني اعمل شنو عرس م

بقدر اعرس اهلي م بقبلو خاصه واحده مطلقه وفي ظروفك دي .

رهف قفلت الخط في وشو ولسان حالها بقول دا واحد فاشل وعديم مسئوله احسن

حاجه اشوف حل غيرو ..

الصباح صحي والد رهف من النوم بدري ولقي زوجته لطيفه صاحيه وعملت الشاي

والقهوه لكن حسين زوجها صحي غضبان اكتر من امس وقال ليها : يلا اجهزي عشان

تسوقي البت دي وتوديها العياده .

لطيفه : لسه مصر ياحسين .. بعدها عاينت ليهو في حنان حسين نحن م عندنا غيرك

انت وبتنا ..انت عارف انو انا جيت معاك من المغرب بعد اتزوجتني صغيره وماعارفه

اي حاجه في الدنيا دي.. حتي اهلي بعد امي وابوي ماتو مافي ذول بسأل عني ،يعني

انت ورهف كل دنيتي عشان كدا انا والله خايفه عليك انت عندك ارتفاع ضغط الدم

.. اهدأ وطول بالك حتي اذا في مشكلة نحلها مالو ن

قاطعها في عصبيه امشي وجيبي النتيجه معاك والا سكيني دي الا تابا بتك .

ركبت رهف وامها الرقشه والاتنين ببكو وبعد مسافه وصلو العياده ،رهف ياامي مافي

داعي نمشي انا فعلا حامل كلام ابوي صاح وقعت امها في العياده والناس اتلمت حولها

ونقلوها للعياده جوه وتم اسعافها ولما فاقت ،يابتي دي آخر ثقتي فيك فعلا كلام ابوك

صاح انا قاعده ساي في البيت دا م عندي لازمه ، رهف تبكي حقك علي ياامي اعفي

مني يلا البيت خلي ابوي يكتلني وترتاحو من عاري ،لطيفه يابتي نحن في عياده وطي

صوتك الناس كدا بتفهم حاجه .. كدي نمشي البيت وربك يحلها .

طول الطريق رهف تبكي وتفكر تعمل شنو تمشي ل ابوها ويكتلها وترتاح ولا تشرد لَـگِنْ

امها تعمل شنو اذا شردت امها وابوها ممكن يموتو ابوها من العار وامها من الفراق

.. لكن لا هي تستاهل الموت وحسام خلتو للذي لا يغفل ولا ينام يطلب منها تنسب

الولد ل راجل طلقها ليهو سنه كامله .. حسبي الله ونعم الوكيل هي م عايزه تعيش في

دنيا زي دي فيها الكذب والنفاق اسياد الموقف .

دخلت البيت ولقت ابوها منتظر في الصاله ووشو م بتفسر ولما شاف رهف ولطيفه في

حاله يرثي لها. عاين ل رهف في حزن شديد ورهف قالت ليهو انا حامل ياابوي ومن

حقك تغسل عارك ودخلت الغرفه وراها ابوها وكمان لطيفه وماشه بصعوبه وتقول

حسين م تعمل حاجه تندم عليها ارجوك انا بسوقها وبمشي المغرب ان شاء الله بس م

تقتل بتك الوحيده ..

حسين في عالم تاني وماسامع حتي كلام لطيفه وطلع السكين ومشي علي رهف

الكانت بتبكي ومغمضه عيونها وعاين ليها مسافه ونزل السكينه علي رقبتها وهو

متردد ولطيفه تصرخ لا اتراجع يا حسين لا عليك الله ياحسين رجع السكين ورهف

تبكي في هستيريا عليك الله يابوي سامحني