الجزء 9

عندما قلت لي : ان الحب لن يجمعنا

لم اعطي للامر اهمية فزدتُ بدلالي لك وأمطرت لك من كل مزنةُشوق قطرات حنين تبلل قلبك الصغير لم ادرك انك عى حق ثمت حقائق على افواه العاشقين بيد انك تعلمين انه لن يجمعنا فلم تتوقفي عن مساعدتي في الخطأ

والآن ..

غادرتي عالمي انتي ... وتعلمت انا الدرس الخطأ في حياتي . 💔.

.....

رجعت بيتنا مرههقه من التفكير ومن درامات اليوم ومن الكواريك العملتها والدراما الفي المستشفى ...😂 لقيت عم سعيد وابوي قاعدين في كراسي بي رشو في الشارع مسكت الخرطوش وبقيت ارش وهم قاعدين يضحكو فيني وخرطوش ناس عمو سعيد ماشاءلله طويل ... يازوول رشيت ليك من بداية الشارع للي جمب باب بيتنا لقاني حمودي كان مرسلنو يجيب عيش ... جا لقاني بررش ... قالي اللله ...🌚 مستمخه كمان ... قلت ليهو حموودي ...😍 قالي ماحمودي يازوله جيبي الخرطوش ده وهاك كيس العيش وديهو لي ناس خالتو عسجد .... اديتو الخرطوش وشلت كيس العشيش ..😂 طبعا سامعاهو بيطنطن ... قال هسا الرجال قاعدين وهي ترش غايتو الزمن ده ....😂😂😂

والله انا كنت تعبانه تععب بس بحب رش الرملة .. فيها رييحه كدة ...❤😍 شلت عيشي ودخلته بيتنا لقيت حبوبة نايمه في الهول وامي بتحضر في العشا ... سلمت عليها واديتها العيش وحكيت ليها بي موقف حمودي .... وطلعت ... استحميييت ونمته النوومه الوحدة ما صحييت الا ظهر اليوم البعدو .... وانا عندي عادة كععبه ... لمن اكون تعبانه بقفل علي الباب وبصمت تلفوني وبضلم الغرفه .. يعني با بيتعرف ليلي من نهاري ... صحيت بي غفله كده وكنت دايرة اواصل نومي ... بس اشوف اضاءة التلفون .... لقيتها مرام كالعادة ... رديت عليها ... قالت لي والله يا بت الناس حيرتيني ... ياااخ مامعقولة معاك اصلو انتي لي متين اللامبالاة دي ... انا فترت منك الصراحه وتاني كان ضربت ليك تفي في وشي .... تيييت تيييت الخط قطع 😂😂😂 وانا مافاهمه ولا كلمة ... البت دي بتقول في شنو ...😂 بس اتصدمته لمن اشوف الساعه 2 الا ... الليله ووووب ....😱 يشييلك السسيل يااهمس يشيييلك الشال قرية العشااي يااهمس يشيييلوك الاربعه الما بيتكلمو مع بعض ..😂😂 طبعا دي دعاوي حبوبة بعيد عنكم ....👌😂 دخلته في ملابسي تووشك ... جيت مارقه لقيت عماتي مع امي وحبوبتي ... عندي عمتي اسمها حنان والتانيه اسمها حسنية ... وعكتي الصغيرة اسمها بسمة ... يلا دي مع راجلها في السعوديه .. بس الكشه بتجيبهم قريب ان شاءلله ...😂👌 اما حسنيه دي القبل ابوي طوالي .... لسانها قدر شارع المطار ... لئيمه وبتاعت سوااطه ... ياخ دي كان ادوني رشااش برشمها رششم .... ايام البكا كرهتني البلي يااخ ...😒 دي باايرة يلا...😊 وعشان كده تستاهل .... واستغفر الله ...😂 يلا حنان دي النوع البي قدامك بي وش ووراك منكككر قسم ب لله...😂 يااخ دي تسمعك كللاام سممح ومعسوول ..❤😍 طبعا انا بحب الاطراء ...😊 يلا بي وراي ما بتخلي لي جنبه...😒 غايتو جننس حال ... المهم لقيتهم متحكرات بيشربو في القهوة مع امي وحبوبة ...

سلمت عليهم اشتغلوني الوارثه وما ادراك من طعييين ونغييز بالكللام ...👏🌚 طوالي حبوبتي قالت ليهم .. البت دي عندها دوام مسائي يعني لو مانامت ما بتقدر تشتغل بعدين

الرساله دي لي حبووبه 😍😍 حبووبه بعششقققك انا والله ... ياخ انتي لا تفوتي لاتموتي ... تتعللي ما تتدلي شاااحدة الكرييم 😂😂😍 .... اتخطيتهم طوالي ... وقلت لي امي الليله ح تاخر شويه خلي بابا بعدين يجيني .. انا بتصل عليهو ... قالت لي تمام .... جيت لقيت عمو سعيد جاي من الشغل ... قالي ياداب مارقه ... قلت ليهو والله ياعمو شالتني نومه ..😂 قالي ارح طيب اوديك ... قلت ليهو لالا ياعمو بمشي براي والله المواصلات راقده .. قالي يابتي انا كان فتران ذااتي ما بوديك .. اركبي ساي برااك متأخرة😂 ركبته طبعا وصللني ماقصر ......❤😍 طبعا الليله مخططه لي كتيير ... بس ان شاءلل اتوفق

اول ما دخلته لقيتهم برضو بيدربو في الاطفال ... يلا فيهم الماقدر يمشي .... وطبعا بيمشو فيهم بالغصب ... حالتهم تحنن والله ...💔😞 مشيت لي المشرف المسؤل عنهم قلت ليهو ... المشي ماا كلهم بيقدرو ليه ... في رياضه تانيه بديله ممكن تستخدومها عشان تحركوهم ... قالي ذي شنو مثلا ... قلت ليهو ممكن تجيبهم لي الصاله حقتهم دي ... قالي اوكي تمام ....

عندي اغاني بتاعت هجييج كدة ربببه عديل .... دخلوهم لي كلهم .... قلت لي المشرف ممكن تخليهم معاي وتتطلع .. وااذا احتجت ليك بكلمك ... قالي متأكدة .. قلت ليهو اي

وقفتهم كلهم .. مارصيتهم صف بس خليتهم ياخدو حريتهم .... وصلته بالاستريو تلفوني ... واول مااشتغلت الغنيه في اتنين كدة شفوووت بدو يحتو 😂😂 ياخ حلووين جنس حلا ... حبه حبه بقو يتفاعلو مع الغنيه الا اربعه بس الما رقصو نيهائي .... يلا الاربعه ديل سقتهم قداام وبقييت ارقص معاهم .... ياخ جنينا جنن ذي الجن رقصتهم شت واثناء ماانا برقص فيهم بخليهم يمشو .... اصلا اشعه الشمس واصلاهم بالشباك ... بعد شويه عملنا دايرة وفضل

نا لافييين انا تعبت وقعدته في الارض قامو كلهم حاكوني 😂😂 ضحكته برضو ضحكو معاي ❤....😂😂 والله حلويين

يلا عرفتهم انهم بيحاولو يقلدوني ... قلت اغني ليهن غنية عشان اشوفهم صح بيقلدوني في اي شي ولالا .... صوتي عجييب ما يفوتكم 🙊🔥❌....

غنيت ليهم اغاني طيور الجنه .... وشالو معاي ماقصرو وصفقو معاي .... رسلت لي المشرف يجيني ... جا و معاهو دكتور اشرف .... المشرف عجبو منظرهم شديييد ... قاعدين في دائرة منظمه وكلهم مبتسميين 😍❤... قالي همس انجزتي والله ... قلت ليهو شكرا .. وطبعا

ما معبرة اشرف نيهايي 😂🙊...

قمته عايزة اطلع قامو معاي ....😂😂😂... قلت ليهو اقعدووو ابو قلت ليهم جلوووس بي صوت هادئ كده في منهم بيفهمو الاوامر قعدو وفي وحدين الا قعدته انا حتى قعدو ... وطلعت بي سرعه عشان مايمرقو معاي .... يلا بالجد مساكيين الله يشفييهم ياارب ❤....

مشيييت لي هدفي .... # قصي

... دقييت الباب كم مرة مافي زول ردة ... خفت يكون عمل في نفسو شي ... دخلته غرفتو لقيتها فاضيه .... مشى ويين ي ربي 😳

سالت السستر قالت ودوهم رحله الليله .... رحلة شنو كمان البيودو ليها مرضى بدون سكيورتي ولا اشراف ....😳 واي زعللت زععل ماعارفه سبب زعلي شنو ... بس زعلت 💔... يعني يومي بقى ناقص لو ما شفت قصي .... طلعت لقيت دكتور عبدلله ماشي في الممر .... وقفتو سلم علي .. قلت ليهو دكتور ممكن من وقتك ... تحكي لي عن قصي ... قالي جدا ... بس عندي جلسه كهربا فوق اعملها واجي ... قلت ليهو تمام ....

ضربت لي مرام 😂... يااخ سمعتني كترت فارغه .... قلت ليها وين انتي قالت لي مع خالديين .. قلت ليها ياااشييخه نسيتي الكان بيقول لو ااخر رااجل خالدين ده انا في السما وهو في الارض 🌚👏... قالت لي حممس .. من الاخير كدة دايرة شنو قلت ليها تعالي انتي ومترين ده معاكي ... دايراكم في موضوع مهم .... قالت لي تمام ...

رجيتهم كده في النجيله جو وقعدو معاي .. اتونسنا شويه ... بعد كده قلت ليهم ياجماعه ... المريض الاسمو قصي .... انا عايزة اعرف عن اسرتو وماضيهو وحياتو

مرام قالت لي يابت قصي شنو السفاح ده ... وتعرفي عنو لي شنو يعني ... خالدين قاليها كده اسمعيها للاخير ... قلت ليهم ياجماعه الزول ده وااعي والله وبيعرف الصح من الغلط .... بس مرات الحالات دي بتقوم عليهو في لحظة زعل ... والزعل ده تقريبا سببو زول .... حاليا انا ماعارفه القصه شنو بس دايرة بي اي طريقه اعرف عنو وعن اهلو معلومات ممكن تساعدني في علاجو ... مرام قالت لي همس ما تنسي انو نحن تريننج ... قلت ليها والبيمنع شنو نحن دارسين اي شي و بعدين قراياتنا دي تطبييق اكتر ... طريقه تعاملك مع المرضى في حد ذاتها اهم من السيوري الشايلنو في شهادااتنا ... خالدين قالي حاليا المطلوب شنو ... قلت ليهم ... دايرة اعرف اهلو الليهم اكتر من 3 سنوات ما جوهو دييل ... دايرة اعرف الشايلنو في صدورهم خجارة ولا قلوب .... ودتيرو اعرف سبب خالتو دي شنو ..

خالدين قالي من ناحيه اهلو دي اعتبريها انتهت .... انتي اعرفي حالتو دي كانت كده ولا اسواء اول ما جاا

مرام قالت لي حالتو ماسكه اشرف البشعتي بيهو امس ..😂😂 قلت ليها مرام والله ما ذمنك 🌚👏...

في فيلة مرتبه من كل النواحي بيتوحي انو ساكنيها ناس عززز ورااكزين في البلد وفي غرفه من الغرف ... كانت قاعدة في سريرة وماسكه تلفونها بتتكلم بي ميااعه .... جا داخل عليها بي هجمه ... قالت ليهو .... ايهم 😳 ؟