الجزء 8

بااااااااااااااااك 😄

لمن الضهر بأذن مشيت صليت وجيت لقيت مكالمات من فهد ،،والتلفون لسه في يدي إتصل تاني،،عملته صامت وختيتو وقلته ل نفسي كفايهه إنصرافيات ،، بعد المغرب لبست وطلعت الإذاعهه ،، وصلت وسلمتهه ع إيناس قالت لي فهد جا قبييل وكل شويه بيسألني منك ،،فضلي خشي هو مستنيك قلتهه ليها مستنيني،؟؟ قالت لي اايوه ،،خشيت المكتب كان مشغول فاللاب بتاعه اول م فتحته الباب رفع راسو قال لي ميساء.. اتجهته عليهوو قام ع حيلو ومد لي يدو سلمته عليه قال لي وينك وانا من قبيل بسأل عليك وإتصلتهه عليك ما بتردي،،قلته ليه بالله لالا ما شفتهه المكالمه معليش،،ظهرت عوشه تعابير إستفهاميه وقال لي حتى وقت الصلاه نسيتيني ،سكتهه ونزلت راااسي ل تحت قام وجا قعد فالكرسي القصاادي

ميسااء انتي امس اتصلتي علي الصبح ،،انا سكتهه كرر تاني إتصلتي صح؟ وردت عليك شيرين! قلته ليه ايوه ،،قال لي ارفعي راسك وانتي بتتكلمي معاي ،،رفعته راسسي، قال لي انت زعلانه!! قلته ليهو ابدا يا أستاذ،،قال لي وكمان وصلت مرحلة أستاذ ؟؟؟ دا معناه زعلاانين شديد ،، شوفي لمن امس مشيت مع شيرين كان غصب عني ،، وانا غلطت لمن م رجعته ووريتك ،،عشان تمشي تصرفي غلط وبعتذر منو ،،ولمن اتصلتي وردت عليك انا كنته لسه في بيتهم وما رجعته فالعاده لمن بزورهم بقعد عندهم للفجر هي اتشاللقت وشالت التلفون وردت ولمن سألتها منو قالت لي الخط فصل لمن رجعته للمكالمات لقبت دي انتي،،قلته ليه وانت بتبرر لي ليه ،،انت دي حياتك وحر فيها يعني انا ما لي صالح اصلا

قال لي اسمعي انا وشيرين عمرو بينا ما كان في شي ولا ح يحصل نحن اصدقاء من الطفوله ما اكتر واهلنا بعرفو بعض شوفي كل حاجهه كانت من ناحيتها هي وبس امس انا فتحته معاها الموضوع دا ووريتها انا بعتبرها زي اختي ما اكتر،،وانو في راسي في بت تانيه ،،قلته ليه زي م قلته ليك دي حياتك الخاصه والفتره البسيطه الفاتت زي انا يبدو إني أتجاوزته حدودي ،،قال لي دا شنوو الكلام الغريب البتقولي فيهوو دا قلتهه ليهو ما غريب ولا شي دي حقيقيه.. وشكراً لانك تعبت نفسك ووضحته لي وكدا،،انا البعتذر اني اتجاوزته حدودي قال لي ميساء انت مستوعباني؟؟؟ فاللحظه دي جات إيناش وقالت ي جماعه البرنامج انتو نسيتو ولا شنو،،قلته ليها معلش خلاص ارح

من بداية البرنامج ،اول حلقهه اقدمها من غير نفس ،،وحتى فهد اي زول يتصل بقول ليهو انت الليله ما من عوايدك ،،وكان بضحك ويعاين لي ،،حلقتنا كانت عن احكيلنا عن نفسك والنقص الفيك!! ع غير العاده طلعنا فواصل كتتيره،،سواأ باغنيه او فاصل عادي وفهد كل شويه يشرب مويه زي الكأنه مخنوق ،،لمن وصلنا للختام قال لي اتكلمي حبهه اوانا بختم ك ملخص للحلقهه قلته ليه تمام

لمن جات النهايه لقيت نفسي بقول مافي زول كاممل وكلنا فينا نواقص العيب نقصان النفس ونقصان الاخلاق انك تكون ناقص بإرادتك ،، كلنا بيكون جوانا حاجات كان نفسنا تتحقق وما اتحققت احلام وخطط ،، الواحد فينا احياناً الظروف اللحواليه بتكسرو وبتظلمه وما بتكون في يدو حِيله ،، نفوسنا شايله كتير وجواها ضلام يمكن لو اتفتحت ما تتقفل تاني ،،

وهو قال❤️

وما دمنا عايشين وبنتنفس كل أحلامنا ممكن تتحقق وفي يدنا نغير الواقع ونبقى أحسن ،، الحياة أبوابهاا واسعهه وكتيره لو قفل في وشك باب ربنا ح يفتح عليك أبواب❤️نتلاقه بكره

انا قمته طوالي طلعته وهو كان بينادي لي م وقفته ،،ايناس جات وراي قالت لي ميساء في شنو انت وفهد مالكم الليله الحلقه م كانت زي باقي الحلقات وحتى بينكم واضح في حاجه وهو بنادي ليك م وقفتي ،، قلتهه ليها مافي حاجهه ،قالت لي ميساء من اليوم الخشيتي فيه حياة فهد ويمكن فتره قصيرة بس هو اتغير والله اتغير ،،وما انا بس لاحظته ،،كل الناس اللي هنا لاحظت ليكم ،،وكلهم بتكلمو عالحصل في غيابكم ،،قلته ليها انت وفهد دا زي السالب والموجب مختلفين في كل شي،قالت لي والاأضاد بتتجاذب يا أختي،،شوفي فهد اللي انت مطنشاهو دا ألف بت بتتمناه وبتتمنى انو يتكلم معاه في حين انه هو ولا شايف روحو ولا متكبر بالعكس دايما بحسسنا انو واحد مننا واخونا ،،عمرو ما عاملنا حسب مستويات،،وواحد زي فهد حرام انو انتي تتجاهليه،، اديهو فرصه،،قلته ليها فرصه شنو هووحواليهو صحبات كتار ح افرق بشنو اناا،،قالت لي انت م فاهماني قلته ليها افهم شنو بالضبط

فهد جا طالع قال لي ميساء دقيقه،، وقفته جا قال لي انتي مالك قلته ليهو ولاشي،، وبعدين الترحيل ح يفوتني نتلاقى بكره انا ماشيه ،، قال لي لا خليهو يمشي انا ح اوصلك الليله ،،قلته ليهو م بينفع قال لي ينفع ونص المهم تعالي رجعنا قعدنا ،،قال لي مالم احكي لي قلته ليهو احكي شنو قال لي تحكي متغيره مالك قلته ليه ابداا انت المالك ،،قال لي وانا لو قلته ليك مالي ح تصدقي ،،قلته ليهو والمانع شنو ما اصدق يعني. ،((قال لي انا الميل الفيني بحبك)) ..فاللحظه دي انا حسيت انه الكون وقف وحتى الهواء انعدم والاحساس انعدم وم قادره اتحرك ومصدومه قلته لي نفسي اكيد سمعته

غلط قلته ليهو انت مالك!! قال لي بحبك فيها شنو دي قلته ليهو انا؟؟ قال لي اي انتي شوفي انا والله ما عارف بس انا بتبسط لمن بشوفك وبحب اقعد فالحته الانتي فيها،،بحس انه مهووس باي تفصيله بتخصك ،، بفتش اسباب عشان اتواصل معاك وانتي غيرتيني انت من خشيتي حياتي خليتيني اشوف الطريق الصح المستقيم منعتيني من حاجات كتيره كانت بتضرني،،

ببساطه انا في عيونك يا ميساء شاايف حياتي الجديده❤️ عايني انا م كنته عايز اقول ليك الكلام دا واعترف ليك بيه بس انت م خليتي اي خيار تاني،، عشان اثبتك بيه لانوو شفت بديتي تهربي مني ،،قلته ليه انا وانت ي فهد قال لي عشان انت بتشبهي الاميرات وحوريه الجنه ح تقولي اني م مناسب ليك ولا شنو قلته ليهو لا انا قصدي قال لي قصدك كمان بتحبيني.. انا لمن عرفتك حسيت اني لقيت نفسي ياداب وبديت اعيش شفت فيك امي واختي وصحبتي وحبيبتي وكل شي انا لو انت طلعتي من حياتي م عارف ح يحصل علي شنو،فاهم كويس جداً ممكن تتخيلي بعتبرك زي البنات الأنا بعرفهم ،بس لاأ هم كوم وانتي كوم ،، انا عارف اني غلطته في حقهم ويمكن لعبت بمشاعر ناس كتيره بس بتمنى اي عقاب من ربنا الا انه يعاقبني فيك❤️

قلته ليه فهد انا ما عارفه اقول شنو ، قال لي ما تقولي اي حاجهه وانا حاالياً ما طالب منك اي حاجهه ،، وجودك دا براه بالنسبهه لي اعظم حاجهه ،، ممكن اسي امشي اوصلك عشان ما تتأخري قلته ليهو اررح.

كلام فهد دا بقدر ما فأجئني بقدر ما طفأ النار الكانت مولعه جواي احاسيس كتييره بزيت أحس بيها انها حلوه وانه في شي جديد في حياتي بيحصل يمكن فهد دا البيت الدافئ الانا بفتش عليه الانسان مننا مهم كان محتاج شخص تاني يشوفه الاحسن التوب في حياته يخت ليه ألف حساب يديه قيمه زي م بقولو بالنسببه لي فهد كان الزول دا ،،

وصلنا شارع بيتنا قال لي ع غير العاده ما اتكلمتي كتيير،،بتمنى تكوني فهمتي علي ومقصدي شنو ،،قلته ليهو فهمته وح انزل هنا عشان ما ينفع نخش بالعربيه قال لي طيب ح انزل واوصلك الباب،،قلته ليهو لا الله يخلييك بس خليني هنا وح امشي نزلته كان وااقف لحدي ما انا وصلتهه البيت وخشيت ،

كان معاي المفتاح فتحته لفيت منى في وشي قلته ليها بخلعه كدا بسم الله واقفه في نص الحوش مالك،،قالت لي بتمشى ،،ضحكته قلته ليها فالحوش؟؟😂😂😂قالت لي نفسيات حامل ما علييك انتي اتاخرتي الليله وخوفتيني عليك لانوو طلعتي وانتي زعلانه ،،قلته ليهاا ابداً يا منى لو قصدك كلام امي ف لقدر م انجرحت دي امي وعايزه مصلحتي وانا زوله كبيره وواعيه ،،قالت لي طننتيني ،قلته ليها أما سبب تأخيري تعالي اوريك ليهو بس نخش جوه قالت لي وارح

خشينا جواا ،قالت لي احكي قلته ليها ح اصدمك قالت لي ما تفتحي خشمك دا ،،قلته ليها فهد قالت لي مالو؟؟ قلته ليها قال انو هو قالت لي انو هو شنو؟؟ قلته ليها بحبني فتحت خشمها مترين وقالت لي جااااااده طب احلفي ي ميساء قلته ليها والله قالت لي وانتي قلتي ليهو شنو قلته ليهااا ولا حاجهه قالت لي كيف يعني ولا حاجهه انتي بتحبي ولالا،،قلته ليها ما عارفه شوفي بحس تجاهو احساس حِلو ومبسوطه بيه وحاجات كدا زي بحس مرات هو بيتي وبخاف عليه،،قالت لي دا كلوو وما عارفه اليسمعمك يقول متزوجين عشرين سنه دا انا هيثم ما حاسه تجاهو دا كلو عالعموم يختي الف حمد لله لقيتي سعدك ومناك ،،انت تستاهلي فهد ي ميسااء والله صبرتي وحافظتي ع نفسك ولاقيتي حاجات كتتتيره ،،قلته ليها م بتصدقي فرحانه كيف ،،قالت لي حبكم اسرع من النار عالقصبب😂😂😂😂ايه يخوانا هدو هدو قلته ليها انا كمان ما فاهمه انسجمنا بالسرعه دي كيفف،،قالت لي رغم انو مرات بخاف منو ومن الحاجات البتعاطاها وخايفه عليييك ، قلته ليها ربنا يسهل ويتعالج ،،قالن لي دا برضو ما بيمنع انه زول كويس وانسان رااقي ،،قلته ليها الله يكتب اللفيهو الخيييير ،،قالت لي اكيد اككيد ،،يزوله طلعي ملابسك دي وارتاحي وبكره ربنا يسهل كل شي

جيت فتحت تلفوني لقيت وجن مرسله لي الحلقه فظييعه ي بت ،،وبكرره عايزه امشي معاكي زي ما وعدتيني،،رديت ليها حاضر انا بطلع بعد المغرب.،،

ميساء محمد

ح نعوض الخلقات اللي فاتتنا يجماعه وشكرا لصبركم