الجزء 1

"يا ماما يا ااامممي

*مالك يا بت ؟

يا أمي الدفتر الاسود الكبير دا كل مره بقول ليك عايزه اقراهو انتي بترفضي،

*والله ي جود يا بتي م عارفه اتصرف معاك كيف ،؟الف مره وريتك انو ما صح تقري مزكرات زول

اسي يا ماما دي مزكراتك؟😂

*اي مزكراتي😒ع اساس لو قدرتي قريتي ح تفهمي؟

طيب ح ارجعها مكانها معليش

*لالا طيب شيليهو واقري

بجد يا ماما!!

*ايوااا بجد وان شااء الله تقدري تفهميي

ههههه شكرا ح افهم يا امي لانو متشووقه عشان اقراها

دي بتي جود عمرها 13 سنهه،، أخر العنقود،،غلباووية شديد هههههه،،

جود شالت دفتري وبدت تقرأ الاتكتب بخط يدي من سنييين))

"دايماً بكون قدامنا طريقين عشان نختار،،غالباً بنمشي بالطريق الأسهل،،بالرغم من انه الصعب هو البكون الصح،،عادات وتقاليد ،،عرُف،،او ممكن نسميها خُرافات دي البعض منها.. نتيجة ليها ممكن تحصل كوارث ،،المجتمع يدين لنساء كتار انو إتظلمو تحت مسمى تقاليد.. المفترض تحكم عقلك لكل حاجة انت مقبل عليها قبل كل شي،

مهم كانت الحاجة بسسيطه وصغغغيره بتأثر في حياتنا مستقبلاً قبل حاضراً....

""""....حكايتي بدايتها كانت كيف"""""... لمن حصلت عمر ال 25 كنت إنسانه عايشه حياتها ببساطه مفرطه كان وزني زايد حبتين بقولو علي سمينه وكنت قمحاويه بس مع الشمس والمحط لوني بقى فحمة كنت فصيحة شديد،،، يوماً ما،،كانت الكهرباء قاطعه فالبيت وانا طبيعي بحوم حفيانه اي كبيره كدا وم فارقه معاي ،،وبلووك لي في لبانه وشعري منكوش ولابسه لي جلباب مشروط بالجنبتين ،، وكرعي مشققتات الشق الواحد يدخل ضب،، يديني مافيهم اي انوثه واظافر ما عندي ،، طولي متوسط ،،بيتنا بيت حالو متوسط يعني وضعنا المادي كويس ما كعب ،، عندي تلفون سا مسونج دص2 وعندنا عريشه كدا مع دخلك الباب لمن الكهرباء تقطع بقعد فيها ،،يلا وانا قاعده هناك وماسكة تلفوني ،، بوتسب وخلاص بطاريتو قربت تقفل سامعه امي بتنادي يا ميسااء يا ميساء ،، انا م سمعتها لاني مركزه في التلفون بعد شوية جات طالعه وهي شايله كمشتها من المطبخ وكانت بتعمل في الغداء،، واظنها نادت لي فترت ،،ابوي مكوع في صالون الرجال قالت ليهو محمد انت ما تشووف بتك دي كبييييره قدر دا القدرها باولادهم وهي مربوطه في رقبتنا اخواتها اتزوجو وجاراتها وصحباتها وهي ولا على بالها والابششع انا بناديها وهي لا حس ولا ضمييير م بجي في بالها تساعد أمها ياهو تقول خلقوها للزفت دا،،يا راجل انا بتكلم معاك

أبوي زاتو م كان مركز معاها،،قال ليها ما ترووقي المنقه شويه ي حجة ،،قالت ليهوو انت اصلا المدلعها وعلمتها الخياابه ،،الله يجيب روان اختها من الشغل وتساعدني اصلا البيت دا مافي زول فيهو غيرها ببرد بطني،،م تتنيلي تجي ي بت ،،ختيت التلفون فالسرير وقمت على المطبخ،،قالت لي اعملي ليك رز لحدي ما اخلص الفي يدي دا وبعدين غسلي العده انتي عارفه الكهرباء تجي المووويه ح تقطع ،، قلت ليهااا حاااضر يا أمي،، وشلت الرز ختيتوو في النار وبديت بغغسل فالعده سمعت تلفوني بضررب

ختيت الصحن من يدي وجريت عليهو ،،سمعت امي بتقول ياهو الفالحة فيهوو بس ،،حصلتو لقيتها وجن صحبتي رديت عليها الو قالت لي ميسااء اخبارررك وشمارتتك قلت ليها شمارات شنو اسي الصباح كنا سوااا،، خشي لي فالموضوع ،،قالت لي مووحرجة المهم العصر عايزاك تمشي معاي العطاره او البوتيك عايزه اجيب لي كريمات انتي عارفه مناسبة بت خالتي عايزه اطلع فيها قمرر ،،قلت ليها قالو خادم الفكي مجبورر على الصلاه ،خلاص عدي علي بعد العصر ونمشي ،،قالت لي ظبوطي وقفلت ،،رجعت المطبخ عشان اتم عدتي امي قالت لي بتتكلمي معا منو كنتي قلته ليهاا مع وجن قالت العصر عايزه تمشي البوتيك،،قالت لي وعندك عين تقولي اصلك م زي البنات اسي شووفي وجن دي تقول م صحبتك البت ما شاء الله نضيفه وفالحة والحلة كلها بتتكلم فس فلاحتها وانت مبارياها زي اخوووها من بوتيك ل عطاره ولا بتحسي ولا بتغيري ولا مشاعرك بتتحرك عشان تبقي بت ،،قلت ليها انا ما عايزه كدا،،قالت لي خووب عليك خليك كدا واقعدي فالبيت دا لمن تبقى جثه كدا انا طالعه خلصت حلتى وقامت طلعت

انا بطبعي لا بهتم بنفسي ولا بعمل زي البنات ولو اتمسحت بكون عشان طالعه ،،ولبسي زاتو مخلقن م زي لبس البنات ،، المهم مرتااااحة اتم الراحة كده وكل يوم بسمع محاضره من امي عندي تلاته اخوات منال و منى منى اقرررب وحده لي فالبيت كلوو،،،ديل متزوجات وروان اصغر مني وم متزوجة لكن مخلصه وشغاله ،،عندي اخوي مجاهد اصغر مننا كلنا بقرأ في الجامعة هندسه اتصالات ،، كل اخواتي قرو مجالات برغباتهم الا انا اهلي قدمو لي إعلام وقريت خلصت وقعدت فالبيت وم اشتغلت بالقرايه لانو اصلاً معدلاتي ما سمحة وانا م مجتهده ياهو اسم اخدت شهااده،،

تمييت عدتي بمززززاج بعد خلصتها حسيت نفسي جعااانه مشيت التلاجة جبت لي عيشه بايته حشيتها بسلطة أسود وقعدت فالمطبخ اكلت زين ،،وشربت لي مويه ومشيت لقيت تلفوني قفل،،مززاااجي خررب، سامعه امي وابوي بتكلموو فالصالون قلت ام

شي اتونس معاهم مشيت تجاه الباب ،،سامعه امي بتقول ليهو والله م سلامة عدديل انت يا محمد بتك دي ح تففضل كدا لمتين،،ابوي قال ليها مالا ،،قالت ليهو البت دي مسستحيل تشيل نفسها البت دي بس قاعده فالبيت دا تاكل تشرب وتنوم ،،لا هذا ولاذاك ،،ابوي قال ليها طيب اعمل ليها شنوو يعني،، امي قالت ليهو نعرس ليها ،،ابوي ضحكك من جواااهووو كدا وقال ليها ميساء الداير يعرسها منو ههههه كدا بس قولي لي البت قدر البرميلل وخدرررااا وكمان مبشتنه اسي بتك دي بكره لو عقدت ليها بترجع تاني يوم بتك ي هاديه م مسؤوله ياهو كلامك،،امي قالت ليهوو يااخي نشوف ليها صرفه ،،البت دي لازم تتخت تحت الامر الواقع عشان تعققل ،،ابووي قال ليهاا اسمعي ي هادية لو لقيتو راجل بكرة بعقد ليها ،،امي قالت ليهو الله يكون فالعون

سمعت كلامهم دا العبره خنقتني ،، رجعت مشيت غرفتي قعدت مسااافه وتاني رجعت طبيعيه قلت ل نفسي دي حياتي وانا عاجبني الوضع كدا وعرس زاتو م عايزه اعرس ليه وادفن نفسي ،،سمعت الباب بخبط مشيت فتحتو لقيتهااا روان ،قلته ليها حمد لله عالسلامه قالت لي الله يسلمكك الكهربااء ماف ولا شنو قلته ليها اي مااف،، قالت لي ناس امي فالصالون ،،قلته ليها اي خشت سلمت عليهم،، امي قالت ليها اقعدي ارتاحي اجيب ليك عصير امي قامت جات حمرت لي حمميره كععبه وعملت عصيير شالتو لروان ،، طبعا اخواتي كلهم حلوات وبهتمو بي روحهم ومظبطيين نفسهم ااخر حاجة،،واتكيت عكسي انا،، ..رجعت الاووضه بعد شويه روان جات تغير قالت لي امي مالا زي الكان بتناقشو هي وابوي قلته ليها م بعرف م سألتيهم ليه،،قالت لي لسانك داير قص قلته ليها لساني ولت لسانك وجوطنا الاتنين وصوتنا علا امي جات هرشت وبدت تجوط علي ،،انت كبيره عويره ،، ي بقره اختك جايه من الشغل وتعبانه وانتي كمان بتناقري فيها قلته ليها يا امي هي براها بدت،،قالت لي وانتي كمان ليك عين تردي علي،، اس امسكي لسانك عليك بلا لمه سكتت طبعا. ،، امي مشت روان شالتها لبسها ومشت الحمام،،طلعت كدا الكهرباء جات قمت جبت شاحني وختيت تلفوني وشغلت المكيف قلت انووم شويه،،

صحيتتت العصر المتأخر ماف زول جا صحاني ولا عبروني،،طوالي شلت تلفوني من الشاحن لقيت وجن متصله علي اكتر من مره جريت اكلت لي لقمتين ،،وطوالي اتوضيت وجيت اتمسحت لي بجرسلين وبعد اتمسحت صليت وشلت عبايتي وتلفوني وطلعت اتصلت عليها قالت لي من قبييل وين قلت ليها كنته ناايمه انا ،،معلش والتلفون صااامت انا طلعت وجايه علليييك اطلعي الشااارع قالت لي تمام ي زوله ،، يلا ما عرفتكم على وجن وجن زي ساكنه فالشارع البعد شارعنا طوالي انا وهي صححبات من صغاااار وانا برريدها شديد وطوالي بكون معاها كانت مخطوبه وفركشتها ،، وهي كمان م شغاله وقااعده فالبيت هي سمحة سمحة شديد مقارنته بي المفروض م تمشي معاي ههههه ،،، وانا ماشيه ماشيه لمن وصلت قريب بيتهم هي طلعت شفتها وقفت جات علي وعطرها شميتو قبل تصلني سلمته عليها قلت ليها وجن ليه كاابه الريحه دي كدا قالت لي يزوله مززيل واسي ريحتو بتروح قلت ليها وجن لو شماها راجل ح تكتبي زانيه،،قالت لي ي بت انتي شكلوو النومه دي م نفعت معاك هههه المهم ي بت الاخبار ،،وغيرت الموضوع بقيت بتونسس معاها لمن وصلنا البوتيك ،،قلته ليها عايزه تشتري شنو والعرس متين قالت لي زي م عارفه انتي انا م محتاجة نضافه شديد العرس بعد 15يوم بس عايزه اكون احلاا لمن يجي قلت ليها م تخليك قنوعه زي 😂قالت لي برري زي قناعتك دي م عايزه والله هههه

وجن قالت لي الاااا تجي عرس بت خالتي حاولته اعتذر منها واخارج نفسي،، رفضت رفض تام وقالت لازم احضر ،، العرس عشاء في صالة ((....))...يوم العرس الصباح حكيت لامي ،،قالت لي امشي ومجاهد بجي يرجعك من هناك ،،ابوي برضو ما اعترض بعتبروني زوله كبيره هههههه والمفروض امشي،، اها يلا قلته لنفسي ح تمشي بالمنظر دا العصر جبته لي كستر مسحتو في وشي،،

وطبعاً بالنسبه لجسمي ماااف ااي لبسه جايه معاهوو قلته لروان عايزه لي لبسه ضحكت قالت لي متأكده ياخ لبستي م ح تخش فيك زاتو بتبالغي يا ميسااء امي سمعت صوتنا جات قالت لي اها بتضحكو مالكم ،،روان قالت ليها ما ششفتي يا أمي قالت عايزه لبسه مني 😂😂امي قالت ليها ليها عين كمان ،روان ردت ليها ما دا المضحكني،، خليتهم بضحكو علي مشيت اخدت لي حمام وعندي فستان كده لونو كحلي ومعاو جاكيت اسود لبستو وجزمه سوداء كعب قصير وطرحة كحلي،، وشلت شنطتي وتلفوني وطلعت،،وانا طالعه ابوي قال لي اتصلي على مجاهد زكريهو قلته ليهو كويس يا بابا ،، إتصلت على وجن قالت لي اوصلي واقعدي انا ح اجي مع العروس ،،قلته ليها تمام،،وصلته هناك ماشااء الله الناس الجايه والخاشه تلخم سماحة ووجاهه وكلو طبعا بطبيعتي القنوعيه م اشتغلت بزول خالص خشيت وقعدت بوتسب وشي فيس وشي بعاين للناس ،،لمن العروس جات الانوار طفت وخشو رقصو اأسلو وبعدين الحفله هججت زياده قمت مشيت باركته لوجن طبعا كانت طالعه حكايه فوق الجمال الفيها ،،ولابسه فستان أسود وم محجبه

وما شااء الله شعررها طووويل ما زي سلك العده العندي دااك،،😂😂قضيناا العرس تمام وجن قالت لي وارح نمشي بيت ناس خالتي ونرجع كلنا قلته ليها لالا مجاهد ح يجي وح نرجع حنستني رفضت والناس بدت تطلع ودعتها وطلعت ،،اتصلت ع مجاهد م بيرد اتصلت فالبيت لابوي قال لي انا اتكلمت معاهو قبل شويه قال اتحرك عليك يصل بضرب ليك قلته ليهوو تمام ،،بفيت وااقفه فالشاررع بعاين يمين شمال مرت زي ساعه وانا بتصل عليهو بتصل وم ردا

بعد شويه تلفوني قال البطاريه ضعيففه قلت واي ح يقفل ح ارجع البيت كيف انا احسن شي ارجع الصاله،،رجعت سرريع بمشي حسيت الجزمه وجعتني شلتها في يدي وصلت الصاله رجعت لبستها ما كان في ناس وطفو أنوارها في دا تلفوني قفل قلته خلاص ح استنى هنا لمن يجي،، وقااعده ومنتظره

جو شلة اولاد ،،تقريباً شاربين حاجة بنقو ،،سكرانييين ،،حبوب حاجة زي دي يلا بيضحكووو ،، وماشين بالشارع انا قلت احسن اقووم اشوف لي أمجاد فقمت جنبي كان ماف وانا ماشيه لمحوني واحد فيهم قال ليهم شاايفيييين الانا شاايفو ولا ماااا شاايفييين ،،التاني قال ليهوو انا شاايف طيوووور كتتتتيررره،،التالت قال ليهوو لنا شايفه حورررريه من حوارري الجنه ورجعو يضحكو انا ماشيه سرريع سرريع اتكعبلت ،،الاول قال ليهم حصلو حصلو حوريتنا ح تقع ويرجعو يضحكو جا رااجل ماشي بي جنبنا سمعتو بقول لا حولا ولاقوة الا بالله ولا قال اساعد البت دي ولا سأل ومشى في طرريقوو،،بعد شويه واحد فيهم قال ليهم خلاااص وصلنا عربيتناا ههههااااي ركبو اتنين التالت بفتش حاجة فالارض طبعاً انا ماشيه سريع وبتلفت اعااين ليهم ،،يلا شفتهم بقولو ليهوو اركب يخ هو يقول ليهم دقيقه بفتش على حاجة،،المهم خلووهو مشووو ولا سألو ودايسسين بنززين شديد ،،رفع رااسو قال ليهم يخ م تخلونني،، وبقا ينادي لي يا اخت تعالي تعالي يا اختت،، الخوف قتتلني ودمووعي خلاااص نززلت والرجافه مسكتني ،، بقى بردد انا نفسي ضااق وبخاخي م لاقيهو تعالي فتشيهوو معاااي،،قلت دي مصيبه شنو دي واي انا عملته شنو الليله ووب يالله وررب الولد وقع ما كان في حل غير ارجع بنادي ليهو قوم قوم حصلل ليك شنو وهو م بيرد بعد شويه قال لي بخاخي بكون وقع وبيااخد نفسس بصعوووبه،، قال لي م قادر اتنننفسسس وقع هنا فتشيهوو لي فتشيهوو ،،بقيت بفتش زي المجنونه في الطريق والدنيا ضلام وحسيتو مات لقيتو بعد محاولات جبتو ليهوو اخدو واتنفس وقام،،وانا خلاااص اعصاابي بااظت عددديل ،،واحساس الخلعة الشددددديده،،الدنيا كانت بالتقرريب2صباحاً واهلي مافي زول منهم جاا خالص واخوي المستنياهو م جا قلت كدا اجررب اشيل تلفونو اتصل منو قلته ليهوو ممكن اتصل من تلفونك قال لي شيليهو لا دقيقه انا بديك ليهووو هههاااي لا م ح اديك اسمك منو انتي وريني اول انتي حوريه ؟؟ ولا انتي سمحة كدا ليهه ،،قلته ليهو اسمي ميساء قال لي طيب هاك اتصلي ،،الباسويرد باسم امي اسمها وهج امي ماتت خلتني وبقى بيبكي اي والله يبكي لا عرفتو سكران ولا صاحي ولا مجنون المهم فعلت تلفونو فتح كنت حاافظه رقم اختي روان اتصلت فيهوو ،،ردت بعد مساافه قالت منووو معاي،قلته ليها انتي نمتو ولا شنو انا ميساء ليه مجاهد م جاني،،قالت لي يا بت انتي م جيتي يعني،،قلته ليها م جيت انا فالشارع وامجاد ولا شي يوصلني مااف ،،قالت لي لانك عويره ليه م طلعتي بدري فدا المجنون الجنبي دا بقى بضحك قالت لي البضحك جنببك دا شنوو قلته ليهاا ،، م تركزي ديل ناس مااشين ،،وزحييت منو مشيت بعيد اتكلم ،، قالت لي مجاهد م عارفاهو بس م اظن جا قلته ليها اتصلي ليهووو اسي قولي ليهو اختك فالشارع وانا م بقدر بعد دا اركب اي شي زاتو وتلفوني قفل..قالت لي واتصلتي من وين قلته ليها د بتاع زول وقفتو فالشارع المهم اعمملي العليييك،،قالت لي طيب تمام ،، وقفلت اتلفت لقيتو سماء ارض ماف

بقيت بفتشش الشارع فااضي ،،مشى متين وكيف م عرفت ،،وتلفونو معاي ،، التلفون كان احدث أيفون ،،كان خاتي صوره خلفيه فيها تقريباً هو لانو ليلل م ركزت في ملامحو ومعاهو وحده كبيييره تقريباً كدا اموو،، قعدت مساافه زول اتصل في جواله ماف ،، بعد شويه التلفون اتصل لقيتو رقم رديت عليهو طلع مجاهد روان ادتو الرقم،،قال لي وين انتي قلته ليهو قدااام الصاله انت الوين والليله عندي معاك حساب تاني ،،وصفت ليهو وصل ،قلته ليهو يا حمار انا لي ساعات منتظراك متخلف انت مخليني فالشارع ،،قال لي الغلطه منك كان تطلعي بدري بس وتركبي مواصلات او اي شي يا كنتي ترجعي مع وجن ،،قلته ليهو انا معتمده عليك ،،قال لي صحبي عمل حادث مووترر ونحن اتخلعنا وكنته معاهو اركبي يلا ركبت وبقى ساايق قال لي صحي التلفون المعاك د تلفون منو ،،قلته ليهو د تلفون وجن نستو معاي،،قال لي اها ،،ما حبيت اوضح لمجااهد لانو ااصلا م ح يفهم وح يقعد يتغابى لي ،، وصلنا البيت قلته ليهو المفتاح معاك قال لي ااي،قلته ليهوو البركة فيك انو معاك مفتاح ع الاقل ،،خشينا ناس البيت نايمين كلهم ،،قلته سبحان الله ناس البيت ديل انا ولا بهمهم ،

،خشيت الغرفه ومعاي التلفون داك قلته للصباح انت كمان اشووف صحبك منو ،،نمت....صحييت الصباااح متااأخره

صلييييت ومشيت جبت لي شاي لبن ب بسكويت وقعدته بااكل روان كان طلعت شغلا وامي قالت عندها قعده صندوق ومشت وابوي طلع شغلووو ومجاهد الجامعه ياهو انا حارس البيت ،،بعد خلصت الشاي سمعت لي تلفون بتصل ،،قلته النغمة دي شنو د منو الناسي تلفونو داا ،،اتلفت يمين شمال،،هي الصوت جاي من دولااابي بسم الله ،،ااايا د تلفون الزول داك ،،شلتوو رديت عليهوو صوت بت الوو حبيبي وين انت انا من قبييل بتتصل عليييك ""صوت مايع مياعه"" قلت ليها انا زاتي بفتش عليهو اللهو منو حبيبك دا،،قالت لي هيي انت منو قلت ليها انتي منو وعايزه منو قالت لي انا نهاد وعاايزه

فهدد،،لاشعورياً قفلت الخط فوشها،،ف بقيت م عارفه اعععمل شنو،،

لااازم الااااقي صاااحب التلفون دا واديهو ليهو طيب اجررب اتصلل ع المكالمات االاخيرره وطبعا عارفه الباسويرد بتاعوو،،فتحتوو وبديت افتش اخخر المكالمات اتصلت البت ديك تاني طنشت م رديت لقيت اخر المكالمات كلها اسماء وم مفهومه في نصها كدا لقيت رقم مسجل بأختي ،،استنتجت من البت الاتصلت انو اسمو فهدد،،❤❤❤❤طوالي اتصلت على رقم اختوو دي ،، ردت علي بعد جررسين قلته ليها السلاام عليكم ردت باستغراب وعليكم السلااام؟ منو معاي ،،قلت ليها معاك ميسسااء التلفون دا بتاع ،،قاطعتني بتاع اخووي فهد،،❤❤❤قلته ليها صراحة م عارفه اشرح ليك كيف بس ،،قالت لي هو كان بايت معاك،،اتصدمت من كلامها قلت ليها لالا فهمتيني غلط انتي كل مافي الموضوع هو اداني اعمل منو مكالمه ونساهو عندي وحتى انا م بعرفو لاخوك ،، قالت لي عموما انا م عارفاهو وين اسي لكن بمر عليهوو في شقتو وانتي جيبي التلفون ولاقيني،قلته ليها حااضر وصفت لي العنوان قلته خلاص اوصلو واخللص من مصيبتوو دي،،

بكره الساعه 1ص

ارفعو البوست،،شديد

ميساااء محمد،