الجزء 15

مرت أسسبوعين فيهم شبه أستقرينا فيها انا وهيثم والبنات سجلته أملفي روضه ومنى معاي ،، يوم كدا هبقم طلع الشغل وانا بنضف بعد ماهو طلع ،لقيته ناسي تلفونو فجأه بقى يضرب وانا جنبهه ،،اترددت تاني قلته إحتمال يكون دا هو متصل من الشغل ف رديت عالرقم طلع صوت وحده طوالي قالت هيثم حبيبي وين انت انا من الصباح بتصل قلته ليها عفوا منو معاي قالت لي انتي منو المعاي قلته ليها انت المتصله قالت لي ايوه انا متصله عرقم خطيبي انت منو،، طوالي قفلت الخط التلفون فصل يرن ويرن وانا في حالة صدمهه،،الفتره الفاتت صح لاحظت يمكن هيثم طوالي مع تلفونو وباليل برجع متأخر،،لكن م هماني لانه باعتبارها حياتو وانا ما خصني ،، بس بعد فكرت فكرت اذا هو اساساً ما عايزني ليه م اتزوج العايزها وخلاني في حالي ليه يدمر حياتي انا ع الفاضي بفكر كدا منى صحت وكانت بتبكي وانا م مشيت ليها ولا شلتها وكنت متسمره في محلي ليه بحصل كدا باب الشارع كان فاتح م مقفول بالمفتاح جات خاشهه هديل جارتنا لقتني قاعده وخاته راسي بين يديني ومنى بتصرخ شديد جات قالت لي ميساء ميساء يا بت انت الشافعه قاعده تبكي مالك انتي في شنو ،،حسيت بطني بتوجعني شديد صرخت قلته ليها هديل انا بطني واجعاني شديد شديد قالت لي بسم الله شديد ولا حبهه تعالي يمكن من البرد تعالي اديك حاجه تدفيك خشينا شالت منى وعملت لي نعناع وتاني شاي قلته ليها الوجع زايد يا هديل قالت لي طيب ارح المستوصف نفحصك قلته ليها طيب ألبس ونمشي وفعلاً مشينا وعملنا الفحوصات وقعدنا للنتيجه زي نص ساعه وبعدين طلعت مشيت اشيلها قال لي خديها وخشي للدكتور فخشيت عاين ليها كدا قال لي انتي م عندك حاجه بس تعبني نفسسك قلته ليه بس الوجع كان فظيع قال لي مبروك شكلك م عارفه قلته ليهو مبروك شنو قال لي انتي حامل. ،قلته ليهو انا؟؟ قال لي أيوا انتي هههه مبروك قمته طلعته هديل شايله منى واقفه اها قال ليك شنوو قلته ليها قال انا حامل قالت لي الف الف مبروووك انا اتوقعته بس قلته نصبر ارح البيت واريك تعملي شنو تاكلي شنو تشربي شنو مش اول طفل قلته ليها ايوا قالت لي تمام بس م تتعبي نفسك خالص

قالت لي انا ربنا للآن م رزقني بأطفال الحمد لله ، كل يوم ح اجيك انضف ليك واطبخ ليك قلته ليها هديل مقدره تعبك وقلقك علي لكن م عايزه اتعبك شديد قالت لي لالا مافي اي تعب الفتره دي اكتر فتره انتي مرتاحه فيها للراحهه و انا جنبك ،، خوف هديل علي ووقفتها جنبي حسيت فيها الاخوه والصداقه الانا محرومه منها حسيت انه زول غريب ممكن يكون أحن عليك من ناااس كتتيره حوااليك يمكن ربنا جابني هنا عشان يسندني ويفرحني بيها لانو لو كنته لسه فالخرطوم ،يمكن اموت وانا مقهوره،،

اما بالنسبه لي الخبر دا كان زي المخدر اللفجأه دخل جسمي أنا حامل!! في زمن المفروض اكون مع نفسي وم ح اقدر علي مسوؤليه تانيهه،، دا خالص م وقت الطفل دا وأنا ما عملته حسابي ،،

انا نهاي م مستعده لاطفال واصلا الزواج د م زواج عشان اجييب اطفال صدمتين في يوم واحد التعب زااد اضعاف مضاعفهه ،،بالليل جاا هيثم وانا بعمل ف العشاء بين حيرة اسالو من الاتصال الجا وبين اوريهو اني حااامل ،، حيرة م بعدهاا حيره،، قعدته قال لي الليله نسيت تلفوني هنا قلتهه ليهو ايوه لقيتو قال لي م جاتني مكالمهه قلته ليهو جات بس م كنته سامعه شي والخط قفل قال لي ايواا ،،شايفك م طبيعيه مالك قلته ليهو انا حامل ي هيثم قال لي بجد قلته ليهو ايوا اتاكدت قال لي خيره وبركة ألف مبروك لينا وكمل عشاهو فكرت اسي لو كان فهد اللس فمحلو وسمع الخبر دا اكيد رده فعلو كان غير ،،انا م وريت هيثم بالاتصلت م عارفه عدم مبالاه مني ولا عجز ولا تفسيره شنو تحديدا،،الحاجهه العارفاها انو مافي حاجه فارقه ولا ح تفرق معاي تاني،،

مرت التسعه شعور ببرود فظيع فيها تعب وقلق وخيانه هيثم البقيت بشوفها قدامي بعيوني لكن كنته غير مباليهه،،

اتضح انه سبب مشاكلو مع اختي كان البنات الكتيره الحواليهو ،، بالنسبهه لي ح يفرق بشنو؟ لا ح يزيد لا ح ينقص بس هي كانت مستحمله كل دا كيف ،، كل الحوالي كانت طاقه سالبه احساس وشعور الوحده القاتل السند المعدوم حتى لمن لفيت جد احبه م خلوني اتهنا معاه وحرموني منه سلبوني اي حاجه وماف شي موجود ممكن يسعدني ،، في يوم خميس وضعته وكان ولد زي الورد حسيت برااحه عظيمه انو في حاجه بتربطني بالدنيا من تاني عندي حته مني بتتنفس ، سميته فهد وبشوف فيه فهد الكان نفسي فيه ،،عايزه يشبه فهد في كل شي في الاخلاق والخلقه ،،عايزه يبقى نسخه منه ،، في كل شي.. وجود فهد الصغير غير حاجات كتيره جواي خلاني اتمسك بالحياه دي من تاني وغصب عني اتأقلم ع الوضع الانا مجبوره عليهو قررت اخلق ليه جو أسري يخليه مبسوط عشان م يكون ضعيف قررته اتقرب من ابوه واخلق فالبيت سعاده عشان كل شي حواليه يكوون مليان طااقه إيحابيه هو كل حياتي،

مرت اربعه سنهه بخيرها وشرها وفهد كِبر ،،بس المشاكل فالبيت بدت تاني او بالاصح نقول زادت هيثم بقى ببيت برا البيت

وبخليني معاهم في قلق وزهج حسيت انه كدا انا اتحملت فوق طاقتي وم ممكن استحمل اكتر ولا ح اقدر اكمل بس برجع بقول ل نفسي استحملتي كتير يعني تاني برجع واقول لا لازم الحق واعيش لي يومين في دنيتي لازم ألحق حلمي ،، في يوم كدا بالليل وكنته طولته من الاذاعه واسمع راديو وكذاا بعد نومته فهد فقررته اسمع شويه بس سبحانه ربي كأنه مقرر لي افتح الراديو واذاعه همسه اول م فتحتها جاني صوت فهد بيقول مرحب بيكم في إنتكاسه حب ،،اطراافي جمدت واعصابي اتشدت واتوترت ونفسي بقى طالع نازل وحسيت بروحي ح تطلع الصوت دا لي خمسه سنه م سمعته بس ولا حاجه فيه م اتغيرت كأنه نفسه وكل شي فبقيت بسمع فيه

قال الحلقه دي مخصصه لفهد اللجواي حابي اعرفكم علي لانه مرت سنين وناس كتيره بتحاول تتعرف علي فانا مستعد اجاوب على اي سؤال في راسكم تجاههي ابتسمت من غير م اشعر فهد بخيير فهد كويس فهد مكمل طريقو حسيت نفسي ح ابكي من الفرح حسيت حبي ليهو جواي م نقص ولا مل بالعكس زاد اضعااف،، فكان من ضمن أسئله الحلقه انت لسه بتحب؟ فكان جواابه ولا لحظه م اتوقفته عن الحب من يوم م لاقيتها،، تاني كان في سؤال الواحد ممكن ينسى البحبه ؟؟ فكان جوابهه االبحبه؟ مستحيل لو الواحد اُصيب بداء الحب شفاؤه مستحيل ،، فبرضو كان ف سؤال بتؤمن بفكره الحب بعد الفراق؟ فقال كلنا بنحب بس بنرميها عالنصيب لو النصيب بقى م ف صفناا فمجبورين عالحب من بعد واحد سأله يعني شنو حب عن بعد فقال يعني بحب حد من غير م اسمع صوته ولا حتى اشوفه وكل وسائل التواصل بينا مقطوعه الا صلة الحب،، سؤال اخير ليهو كان انت مصاب بمرض او بتعاني من حاجه او كدا ،،السؤال كان عادي بس إجابة فهد كانت غير عاديه قال انا مُصاب بيها ،،انا منتكس في حبها 💔💔💔

فهمته انه قاصدني وانهرلسه انا في باله ولسه بحبني ولسه جواهو حاجات كتتيره لي وانه حبه لي م كان مجرد عابر حبه لي حب خالد فالذهنه وربنا سبحانه عشان يطبطب علي خلاهو يقول الكلام دا عالملأ وانا اسمعه فاليوم داك تحديداً طول الخمس سنين دي انا م فكرت افتح الاذاعه الا اليوم داك فربنا حتى لو قدر لنا الفراق بطبطب عليناا .

ف قررته قرار بعد م حسيت نفسي جواي طاقه حلوه اني لازم ابدل وانتفض لازم اقوم من المقبره الانا دفنت نفسي فيها دي انا لازن اطلق من هيثم انا عير مجبره عالعيشه هنا انا لازم ارجع الخرطوم لازم ارجع لحياتي ولازم ارجع ل فهد

كنته منتظره هيثم يرجع بفارق الصبر ،، لمن وصل وقعد جبته ليه مويه وقلته ليه انا عايزاك في موضوع مهم قال لي موضوع شنو ،،قلته ليهو انا عايزاك تطلقني قال لي اطلقك انت جنيتي! ؟ قلته ليه كنته مجنونه وعقلت اليوم ،،قال لي م فاهمك بتقولي شنو انتي؟ قلته ليه انا عايزاك تطلقني ي هيثم ،،انا فضلته السنين دي كلها راضيه بالاتقسمم انا جبرتته نفسي على حاجات م كان المفروض اعيشها ،، قتلت نفسي الف مرره بس تاني م ح اقبل صبرت ع كل شي وع خياناتك قال لي خياناتي؟؟ قلته ليهو ايوأ ي هيثم انت مفتكر م شايفه انا عارفه اي حاجه انت من وراي بتهبب فيها،، انت حر بس ما احترمت وجودي خصوصا م كنت مجبور تعرسني وانا كنت ح اتكفل بأولاد اختي واسي كمان م ح اخليهم ح اخدهم معاي بكره انا راجعه الخرطوم،،قال لي ميساء ،،قلته ليه احفظ باقي كراامتك وطلقني نقول م اتفقنا انا م ح اقبل اعيش فالجحيم دا ابداا وكفايه التضحيات الانا قدمتها لليوم كفاايه ذل وكفايه الم ووجع م رضيت بالمعروف المحكمه بيناتنا ،،قال لي طيب انت طالق فجاه بعد كلمتو دي بينا بقى في سكون غريب وصمت عجيب ،،قال لي انا شايف استحملتي كتير وتاني م ح اقيف ف طريقك من اليوم انتي حره ي ميساء وتقدري تساافري ،،ع قد م مصدقه خلصت منه بالبساطه دي ع قد م مبسوطه وفرحانه انه ح ابدا أعيش وانا حره من اي قيود م فكرت فيهو ولا ف اهلي انا حاليا بفكر في نفسي وحياتي الضاعت من سنين لو أتاخرت بس وصلت وصحيت أخيراً.

.:

أُحِبُّ طُقوسَ رعشتي فِي لِقَاءك ، فَي كُلّ مرَّةٍ . وكأنّي ألقَاك أوّل مرّة

ميساء محمد

بعتذر عن التاخير وعم التناسق فالزمن وشكرا لصبركم ودعمكم❤️