الجزء 5

طيب نحن سبعه ابوي وامي الله يديهم العافيه،،💕💕واخواتي تلاااتهه ،، مناال،،منى،،روان،واخوي الوحيد مجااهد واصغرنا،،

تقدرر تقوول أنا أففشل وحده فالبيت او هم شايفين كداا،،😂😂😂😂الوحيدده الم دررست رغبتي،، قال لي دقيقه انتي رغبتك م إعلام؟،،قلتهه ليهو ح تتصدم😂 انا م عندي رغبهه أساساً جادهه معاك،،يلا هم قدموو لي حسب نسبتي وكداا ،، وحتي م كنته مجتهده يعني،،قال لي عفكره الكتب م بتعلم الواحد الاعلام يعنيي ما كافيه ،قلته ليهوو بتتفق معاك الواحد بضيف حاجات بس م كافيه لازم يمارس عملياً وكداا،، اهو كنته قاعده فالبيت وبس يعنيي ، شوفته نحن في مجتمعنا في ظواااهر عجيبه جداً،،يعني تلقى الاهل عايزين ولدهم او بتهم يقرأ مجال طبي هندسه او غيرا ويجيب درجات عاليه ويعرس دا مفهوم الحياة،،دوامة بتاعت شي روتيني

قال لي فعلا كلامك صحيح اهلنا هم شايفين كدا وم بلومهم هم أتربو ع كده وبعتقدو د الصح يعني،، قلته ليهو صح وعندهم مفهوم دا عيب يمكن كتتير قبل حررام وكمان الناس الناس بقولو ليك فلان عمل وكداا ،،ابقى زيو ،، او مثلا الحاجهه دي غلط من غير م يوضحو غلط ليه،،تلقى الام بتقول لطفلها الحاجهه دي عيب غلط م تكررا في حين هو بكون مزهول فشنو وليه وبخااااف كمان ،، قال لي صح المفروض يكون بهداوه من غير ضرب يعني ترغيب وما تهوويل والحاجهه دي غلط عشان كدا كدا، لكن تعرفي صعب الحاجات دي تتصلح صعب جداا،، قلته ليهو دي الحاجات المخلياني واقفه في حتتى لسه م أنجزت بالرغم من إنو ف راسي في حاجات كتتتيرهه ،، لكن نقة ناس البيت ومهم عملت بعتبروه وهم وم صح ووو فأنا كاسرره الحنك هههه،،يعني لمن عايزه اغير حياتي عاايززه أغيرا عشان انا عايزه مش عشان ناس البيت وجيرانا وخالتي وعمتي ادوني هرشتين ،،يعني او زلوني انا التغيير لو م جاء مني ومقتنعه بيهو م بعملو،،قال لي بالضبط حتى انا عانيت كتتير من أبوي انو م ناجح بالرغم من إنو أبوي منتج ومخرج كبييير لكن ،، شايفني م منجز والحاجه دي ما صلحتني بالعكس خلتني أصر عالغلط ،،قلته ليهو فعلا نحن محتاجين الترغيب التشجيع بطبيعتنا الانسانيه بننفر من الحاجهه المزعجه العليها زن كتتير

قال لي فعلاا حتى عندي صحببي كداا إسمو أمجد عفكره،،يعني دايما بنتناقش فالحاجات دي كتتتير هو حالتو متاخرره شديد بالمناسبه

أمجد خشا ف حالات اكتئاب بسبب الحاجات دي وااضغط من أهلو ،، كذاا مرا خشى مستشفيات وكدا،،انا حاولت كتير معاهو هو م بستاهل لكن نقول شنو الحمد لله ،،

قلته ليهو الصاحب سااحب حاول جرو لبر الأمان يعني طلعو من الجو الهو عايش فيهو ححاول خليهو يحس الدنيا حلووه وكداا ،،قال لي معاك حق الصاحب ساحب انا وهو يمكن سحبنا بعض لحاجات ما كويسه ضغط نفسي توتر إدمان سَكر ،،قلته ليهوو كل حاجهه انا شاايفه انها بتتغيير مع االاإصرار،،بس الاصحاب فيهم الكويس والم كويس ،، واللعامل نفسو كويس انا عندي صحبتي ومن انا طفله مع بعض للأن دايما كنت بشوفها بتريدني ومعاي واغلب الوقتت نحن مع بعض بس قبل يومين لمن وريتها خبر الشغل حسيت م اتبسطت،، او زعلت،، م عارفه حتى م بترد ع مكالماتي م عارفه ليه يعنني ،،اختي قالت لي انا من زمان كنته بقول ليك البت دي بتحب تشوفك أقل منها وانتي م كنتي مصدقه وياهو دا شفتي، ما عارفه وم عايزه أحكم عليها كدا،، يعني محتاره بس ح احاول أسألهاا وأفهم منها وانت كمان ححاوا مع صحبك ،، أستعحلو أنقذو نفسكم كويس انو عندك صاحب قريب ليك وبفهمك وبحب ليك الخيرر،،

وجع الصحاب حاارر💔💔💔

قال لي فعلا ،، لكن بسمع كتيير انو صحوبيه البنات بين بعض م زي الاولاد مع بعض قلتهه ليهو فعلا والله😂همم بقولو الاولاد أصدق وصرااحة قربت أقتنع بتلاااقي بينن الاأولاد ف خوف ع بعض اكترر،،في اخوه اكتر م عارفه بس اغلب البنات م بتحب تشووفك احسن وللأسف دا وااققع مافي منوو مفرر،،تلفونو دقّ رد عليهوو خلاص تمام تمام ح أجي قال لي أنا ح أستأذننك ي سيدتي عندي موضوع يلا بالنسبه لبكرره الموضوع الحاابه نناقشو رسلي لي فالواتسب اوو اي حتهه وجهزي ليهوو تمام وطبعا بنصل هنا قبل يبدأ بساعه عشان التحضيرات اتفقنا؟؟ قلته ليهو طيب إتفقنااا،،

طلع وانا طلعت ركبتهه مواصلات بيتنا بعد تعب ومشقهه والجو مسخخن نار،، وصلتهه البيت،،لقيت ابوي فالعرريشه فتح لي الباب سلمتهه عليهوو قال لي اووو قالو لي إتوظفتي ،،قلته ليهو ايوا يا بابا قال لي طيب لبييه م جيتي كلمتيني ووريتي أمك،،قلته ليهوو انت يا بابا مش من زمان بتقول لي اشتغلي فانا موافقتك معتبراها من زمان وعموماً لسه مااا بديت ح نبدأ بكرره قال لي الله يسسهل علييك،،قلته ليهو اللهم امين ،،امي جات طالعه من جوووه قالت لي اها جيتي امشي غيري وتعالي حصليني فالمطبخ نجهز الغداء قلته ليها روان ما جات ولاشنو،،قالت لي ايوا جات بس خشت ترتاح قلته ليها طيب،،ح اصلي العصر واحصلك ،، في بيتنا الكل كان متفقق الا انا انا كنت بحس غالباً مختلفه عنهم احيانا بحس انو ما بحبوني ووبلعن شيطاني غالباً بحس م

ا لي وجود فالبيت ،،بتزكروني وقت الشغل الطبخ النضافه ،، بس كنت بطورد كل الأفكار دي وأححاول اتناسى وامشي في طرريقي ،،لانو العمر واحد وباعتباري زوله كبيره فالمفترض اكون وااعيهه،،

إخترت موضوع بعنوان لسه بتحبيه ؟ او لسه بتحبها؟ إتوقعت ح يكون عليهو إقبال كبييير والناس ح تتفاعل ،، كتبت العنوان دا في صفحة الاذاعه عالفيسبوك،، وبعتو لفهد زي م وصاني بس الغريبه انو اليوم واليوم التاني كلو ما خشا قلت اتصل عليهو العصرر كدا اتصلت تلفونو كان مغلق،،قلته احتمال نايم او اي حاجهه لانو قال لي بصحا المغررب،، جهزت الحلقه واوراقي وكل شي ولبسسي وبعد صلاه المغغرب جهزت نفسي وطلعت عشان أقدر أححصلل،،

وصلت الاذااعهه لاقيت إيناس أول زول سلمتهه عليها وسألتها فهد وصل ولا لسه عاينت للساعه وقالت لي المفروض يحصل ربع ساعه كمان قلته ليها تمام ح اخش انتظرو فالمكتب خشيت مكتبو لقيت الديكور متغير وخاتين تربيزتين وكدا طلعت قلته لايناس المكتب متغير جاي مدير تاني ولا شنو ،،قالت لي استاذ فهد طلب كدا،، وقال ح تشاركيهوو فالمكتب ،،قلته ليها راجل غريب مش كفايه علي برنامجو ووقفتو معاي،، سبحان الله قالت لي تعالي اشربي معاي شاي فحلقه لايف جوا وانا براي هنا قلته ليها تمام ،، مشيت قعدته جابت لي شاي ،، قلته ليها الشغل هنا كويس صح ،،قالت لي كويس شديد والناس متعاونه ودا اهم شي وبتشوفي وجوه جديده ومشاهيرر،،يعني ممتع برغم التعب،،

وفهد وفتون م قصروو مع الاذاعه دي يعني بزلو مجهود قلته ليها فعلا ناس كويسين،،قالت لي لابعد حد ممكن تتخيليه ،،صراحة متواضعين جدا بحسسوك انو اهلك أسرتك ،، ناس راقيه ومتعاونه ،،قلته ليها عكس المشاهير والناس البتكون معروفه فالعادهه بعملو لنفسهم قيمه و يكبرو كومهم قالت لي بالضبط لكن هم كسبو محبة الناس يعني ودا المهم المذيع بتعملو الناس ومحبة الناس اهم يعني،، قلته ليها الحمد لله

قالت لي فهد إتاخرر شديد ،،قلته ليها يمكن زحمه وهو ع وصوول ح اجرب اتتصلت ،،قلته ليها مغلق يخ كدا انتي اتصلي كمان،، فالوقت دا الناس الكانت ف برنامج طلعت قاللو لايناس دخلي فهد ،،قالت ليهم تلفونو مقفول وماا وصل للان ،، المسؤول بتاع البرنامج قال ليها كيف الكلام دا،، وفجأه الناس بقت بتمشي وتجي حوالي وتتجارى وشايلين تلفوناتهم وكدا،،وانا قاعده زي الحيطه م فاهمة شي،مشيت وقفته ايناس قلته ليها في شنو ،،قالت لي م عارفين نصل ل فهد قلته ليها كيف يعني،، قالت لي والله التلفون مغلق وم معروف وين وشكلك ح تقدمي براااك ،،قلته ليها انا اقدم؟؟ برااي؟؟ قالت لي البرنامج عالهواء وباقي خمسه دقايق،،خشي خشي ،،خششوني جوا وفجاأه لقيت نفسي جنب المايك،، اأشر لي المخرج قال لي دقيقين وطوالي on air,.... حسيت بكمية من التوتر والغلق والخووف ،، احاسيس م عارفه جات من وين ونفسي ما قادره اخدوو وكيف ح أبدا وأقدم وبالي مشغول فهد مشى وين ؟؟ بعدين جاني الأوك بإنو أبدا وخلاص يعني،،

ف لقيت نفسي بقول (( سلام عليكم ورحمة الله أهليين بيكم في برنامجكم وبرنامجي إنتكاسةة حُب ،، معاكم ميساء محمد ان شاء الله ح أشاركم الموسم دا مع أستاذ فهدد،،اللهو الليله ما جاء نِسبه لظروف خاصهه،،فاستحملوني الحلقه دي يعني هههه ،،هو كان حابي يكون معاكم والله وزي م معودينكم كل حلقه بكون في موضوع جديد ،، فالحلقه دي موضوعنا مجرد سؤال بمعني الموسم دا نحن ح نسمعكم أكتر،، فسؤالنا الحلقه دي لسه بتحبيه او لسه بتحبهاا؟ معليش لو ح نهبش جروحكم بس بتمنى تشاركونا ح أبدا أقراأ لييكم المشاركات الجاتنا عبر فيسبوك وأستقبل إتصالاتكم،،

شويه شويهه حسيت نفسي اندمجت معاهم وكل واحد او وحده بتصلل كان بسأل عن فهدد ،، بطرريقه بتخلييك تعرف قدر شنو النااس دي بتتحبوو ، وبتفقدو ،عرفت ليه فهد بحب الإذاعه والبرنامج بتاعو دا بالزات ،،كنته مفتكرره نحن المستمعين ،،بنستمتع أكتر،،بس طلع البقدم بكون هو المستمتع أكتر وحتى م م بشعر بالزمن ،،

بعد الحلقه خللصت ،،وختمت عايزه اطلع شفت المخرج "سعد" برا وكل التيم بصفقو لي بقيت منبههره وم فاهمة البحصصل جيت طالعه ،،قال لي أبدعتي،، بجد برافڤو قلته ليهو شكرا،،قال لي صرااحة ما شااء الله أول حلقه وحضور وحلقه جميلة وكلها حب بالتوفيق ليك،، قلته ليهو تسلم ان شااء الله،، عرفتو حاجهه عن فهد قال لي ايوا رسلنا واحد طلع صاحبو لفهد متوفى من أمس بالليل وفهد فالعزاء،،قلته ليهو لاحولا ولا قوة الا بالله،، قال لي نحن ح نمشي العزااء بس انتو البنات امشو بيوتكم واصلا بكره ح يجي قاابلوه هنا ،،قلته ليهو م اظن ح يجي لكن نشوف،،فعلا الزمن اتأخر شديد وتلفونو مغلق بعد تصلو هناك اضرب لي من تلفونك أعزيهه قال لي طيب تمام

طلعتهه من الاذاعه والزمن كان خلاص الساعهه11 ،،الوقت متأخر ،،وصلتهه البيت ،، فتحت لي الباب أميي،،قالت لي متأخره قدر دا لي شنو قلته ليها يا امي البرنامج بخلص متأخر،،قالت لي برنامج شنو قلته ليها الاذاعه،،قالت لي المهم ابووك زعلان شديد وما ااعتقد تاني يخلليك تمشي الا

شغلل دا اصلااً،، قلتهه ليها ليه يا أمي قالت لي هو قال كدا واسي خشي خشي خشيت ابوي راقد فالحوش التاني سمعتو بقول لأمي الزفت دي جات قالت ليهو اي وصللت جا طالع وقال لي متأخره للزمن دا ليه ،،قلته ليهو دا زمن الشغل يا بابا قال لي شغل لانصاص الليالي منو قال ليك عندي بت تشتغل فالليالي دي ،،قلتهه ليهو‘،،أبوي انت وافقت ع الشغل مالك تاني مش كدا يا أمي وبعدين انتو من زمان بتتمنو اشتغل ليه يعني فيها شنو امي قالت لي هو خاتي في راسو شغلك زي روان وما اذاعه،،قلته ليها يا أمي انتو بنفسكم درستوني المجال دا وبنفسكم طلبتو اشتغل صح ،،طيب لمن انا بديت وحبيت الوضع مالكم تاني. ابوي قام من محلو وجا اداني كفف،، قال لي عشان قلة حياء عجبببك الوضع صح سهر مع الاولاد،،امي قالت لي اجري خشي جوا سرريع ،،دخلت جوا لقيت روان كان بتسمع لينا قالت لي ميسااء قبيييل حصل شي وجن جات وونسه عاديه لمن مواعيد برنامجك جاء انا فتحت ليهم الاذاعه وكنت فرحانه بيك وجن بزت تتكلم كلام م ظرريف لمن ابوي زعل وقام وحالف علييك ،،قلته ليها وجن؟؟ قالت لي اي انا زاتي م مصدقهه ،،قلته ليها أحكي لي بالحرف الجابها شنوو وقالت شنو..

ميساء محمد

ارفعوو البوست،، الروايه الحلقات الفاتت ح أبدأ انزلا فالبوم عشان أسسههل للناس الفاتتها الحلقات،،أما الحصريه فشكل حلقات،،💚💚💚