الجزء 6

وجن قالت قدام ابوي وأمي انو الاذاعات وراها بلاااااوي ،،والوحده ترجع نص الليالي ويوصلوها شبااب ،،وكمان انو البنات الما عندهم أههالي بس هم البشتغلووو فيهاا. ، ابوي زععل من نبرة كلامها شديد،،قالت لأمي انو هي وصتك وانتي أصريتي ،،وانو هي عاايززهه مصلحتك ما أككتر وخاايفهه عليك،،قلته ليها مصلحتي ؟؟ وخاايفهه علي؟؟ وبتكذب ااصلام اتكلمت معااي ودمووعي نززلت ،،روان قالت لي ما تبكي الموضوع ما يستااهل انا بهدي في ناس أمي من قبيل انو شغل عادي محترم ما فيهو عيب لكن أبوي اتنرفز شديدد،، قلته ليها انا بعرف اتصررف الصباح دا بس خليهو يجي،،روان قالت لي تلفونك بنور ،،عاينته ليهو رقم بتصصل قلته اكيدد دا سععد ،،رديت عليهوو ،،قال لي مميساء معاك سعد قلته ليهو اهليين وصلتو ولا كيف ،،قال لي ايوا قلتهه ليهو طيب أديني فهد اعززيهوو قال لي فهد يا ميساء ما أتكلم مع زول ،،قلته ليهو كيف يعني،، قال لي والله تعبااااان شديد،، صراحة ميتة صحبو كعبه شديد الله يغفر ليه،،قلته ليهو مات كيف وحصل شنوو ،،قال لي بجرعه مخدرات زايدهه ،،قلته ليهو لاحول ولا قوة إلا بالله ،، وفهد حالتو صعبه شديد،،لا بيتكلم ولا بياكل بس قاعد سااي وبعاين بعيونو وشويه دموعو تنزلل سااي،،قلته ليهو المشكله مافي زول من اههلو هنا قال لي فعلا انا عايز اسوقو معاي البيت بس رفض من سكات ،،حتى حالة أهل المتوفى صعبه وم اعتقد زول ح يركز معاهو الله يعين بس،،قلته ليهو نحن و البنات ح نجي العزاء الصبااح قال لي ان شااء الله ححالتو تتحسن ،،قلته ليهو ان شاء الله ،،قال لي يلا تصبحي على خيير،،قفلته منو وقلته أقوم أطلع ملابسي دي واجي،، اتخمد أنوم

الصباااح صححيت بجووطه روان ،،بتقول انا ختيتها هنا اسي وينها يااخ اووف اتأخرت ،، قمت ع حيلي وشعري منكوش،،قلته ليها مالك يخ مع الصباح قالت لي بلوزتي ماا لقيتها اسي ختيتها هناا وأتاخرت قلته ليها اكيد فالمكوة برا قالت لي اي صحي،، وطلعت،،قمته قلت اغسسل واصلي واشرب الشاي طلعته لاقيت ابوي طالع الشغلل قلته ليهو صباح الخير ما ردا ،،حممرر لي عين وطلع قفل الباب بقوه،،قلته في نفسي كلو منك يا وجن أصبري لي بس،، بعد صليت مشيت المطبخ لقيت أمي بتطبخ ،،قلته ليها ياا حجة صباح الخير قالت لي صباح النور ،،قلته ليها ملااح من الصباااح ،،قالت لي ماشيه لمنى اطبخ ليها كمان انت عارفه بقت م بتقدر الحركة بتتعبا،،قلته ليها يا أمي خلوها تجي تقهد معانا وتجيب آسر وأمل اصلا هيثم ح يسافر او يستحمل الفتره دي اسي فالبيت وجودها متعب ليهاا اكترر،،امي قالت لي صحي كلامك اول مره تفكري بوريها غايتو شلته شاي وطلعته ،،شربتو بي بسكويت بمزااج ولبسته توبي جيت لقيت امي خلصت وطالعه قلته ليها انتي ح ترجعي متين انا ماشيه لوجن احددها معاها وجايه،،امي قالت لي ما تطلعي من البيت وم تجيبي لينا فضيحة فالحللهه،،قلته ليها يا أمي ياا أمي هي خربت علاقتي مع اهل بيتي واسكتت؟؟ امي قالت لي ختررك انا ما بتكلم كتير واصلا انتي م بتسمعي الكلاااام انا مااشيه وبرجع بعد الضههر ،،مشيت خليتها وشلت المفتاح وطلعت

وصلت بيت ناس وجن خبطت جات فتحت لي امها سلمته عليها ،،وسألتهاا وجن موجووده ،،قالت لي اي خووشي ليها جوا ،،خشيت لقيتها قاعده بتشرب فالشاي وبتللفزززز بمزاج،،قلته ليها السلام عليكم اتخلعت كدا وردت لي ميووووس اهلين فضلي خووشي خشيت قالت لي اقعدي مالك واقفهه ،،قلته ليها ما أتوقعتك كدا،،قالت لي شنوو؟ قلته ليها ما اتوقعتك تحبي الفتن للدرجة دي ،،قالت لي فتن شنوو يا ميساء ،،قلته ليهت وجن ما تعملي نفسسسك غبيه انا بعتبرك زي أختي وأعز عايزه تقولي كللااام قوليهو لي في وشي ،،ليه تمشي تقولي لاهلي من وراي ولا كمان أبوي ما بالغتي فيها دي يا وجن،،انت عارفه ناس بيتنا صعبين وكمان تقولي نصحتيني وما سمعت ليك؟؟ عايزه تخربي شغلي من أولو بالرغم من انو لمن وريتك حسيت بيك ما اتبسطي ،،لكن قلته ما مشكله و‘عايزه اجي أفهم منك تقومي تخربيها علي،، تعرفي كنت بعزك شديد بس اكتشفت نفسي مخدوعه،،قالت لي ميسساء انا قلته ليها انتي ولا شي قالت لي انتظري نتفاهم،،قلته ليها ولا كلمةة ،،انا بقنع اهلي وبثبت نفسي لكن انتي اعتبري نفسك من الليله لا تعرفيني ولا اعررفك ورجلك دي ما تعتب عتبه باب بيتنا واسمع من وراي تاني جيتي تسممي افكارهم صدقيني م بحصلل خير ،،انا ما شافعه ولا مرااهقهه عشان اجررف انا واعيه ودا شغلي م طفله يحرسوها عموما بس لحدي هنا من الليله اختتيني ،،وخليتا طلعت لاقتني امها شايله قهوه قالت لي ميساء مستعجله مالك ارجعي جبت القهوه،قلته ليها اشربيها انتي وبتك المحترمه وطلعت ،،

طبعاً البيت فاضي اتصلت علي إيناس قلته ليها،،اها ح تمشو العزاء ولا خططتكم شنو قالت ليي اي وح نتتلاقى قداام الاذاعه بعد شويه ألبسي وتعالي ،، جهزت حاجاتي لبست ولبست عبايتي وقفلت البيت وطلعت بالمواصلات ،،وصلته هناك لقيتهم كلهم متجمعين وأجرو كريز وطوالي مشينا وصلناا هناك بعد نص سااعه ،،البكى كان لسسه ح

ااار كأنو مات الدقيقه دي ،،ونحن ما بنعرف زول غيير فهد،،كان معانا كم واحد امس ما مشو خشو صيوان الرجاال عزو ونادو لينا فهد وهو جاي علينا كأنو فهد تاني حيلو مهدود وملاامحو بااهته وظاهر عليهو الحزن والانكسسار وكلهم أتخلعو فالمشهد ،،شال معانا الفاتحه وعزيناهو كلنا ،،واتجهو عالعربيهه انا وقفته وهو كان راجع ناديت ليهو فهد دقيقه ،وقف قلته ليهو الله يرحمو ويغفر ليهو وانا مقدره حزنك عليهو لكن يا فهد الحي بيقولو أبقى من الميت ما صاح البتعملو في روحك دا انت لازم ترجع بيتك وترتاح وارجع هنا تاني مالو ظاهر عليك ليك يومين مويه بس شكلو ولا لقمة م خشت بطنك،، وكدا حرام يا فهد ،،قال لي دا أمجد يا ميساء طبعا‘ اتخلعت وصنييييت مساافه اصلا ما جاء في بالي أسال الميت منو ومتخيله واحد من اصحابو لكن ما أمجد،، قلت ليهو امجد يا لطيييف💔💔لا اله الا الله ،،ربنا يصبرك ياخ ،،في اللحظه دي بدو ينادو لي انو ماشينن ،،قال لي امشي عشان ما يفوتوك قلته ليهو خلي بالك من نفسك ولو إحتجته لأي شي اي كان بسيط اتصل علي طيب؟؟ قال لي خييير وخليتو مشيتت وصلته العربيه إيناس قالت لي ح نوقف البرنامج أسبوع ،،عشان أستاذ فهد وعشان هو في حالة عزاء ونكون عملنا شي،،قلته ليها كويس ي زوله خير،،قلته ان شااء الله أقدر اقنع اهلي فالاسبوع داا بس

تلاتهه يوم أبوي ما بيتكلم معاي وامي بتختصرني كأني عملتهه جرريمه م مجرد شغلل وككمان برغبتهم،،اليوم الراابع،،جات اختي منى عشان تقعد معانا لمن تولد،،قالت لي تعالي أحكي لي في شنو ناس البيت ديل زي الطااقاهم كهرباء،،حكيت ليها القصهه كلها قالت لي والله غلطانين ،،اسي شغلك مالو،،قلته ليها كلو من وجن ولاعمري اتخيللت لأ وهم كمان انصاعو ليهاا،،قالت لي ارح لأبوي نتناقش معاهو فالموضوع داا،،قلته ليها ح يززعل اكتر،،قالت لي طيب انتي ح تقعدي كدا يعني ح تتربطي لمتين،،انا شاايفه الشغغل دا يا ميساء مهم ليك شديد ولااازم ترجعي تشتغلي وتواصلي،،قلته ليها طيب بمشي معاك لكن انتي إتكلممي قالت لي وارح ،،مشينا لأبوي فالصاللون ،،منى قالت ليهو ابوي،،قال ليها اهلا يا بتي اتلفت ع آسر وأمل قالت ليهم امشو لمجاهد بهناك انتو قامو مشو ابوي قال ليها في شنوو،، قالت ليهو ليه ياا ابوي منعت ميساااء من الشغل،،قال ليها منى الله يرضى عليك يا بتي انا الموضوع دا قفلتو وما عايز نقااش✋✋منى قالت ليهو ابوي اسمعني نحن بنحترممك شديد وانت عارف كويس ربيتنا وعلمتنا وزوجتنا وم قصرت وكلل دا كنت واثق فينا وعمررك ما سمحت لزول يقول كلمة فينا ليه زعلان من ميساء ليه تحرمها من الشغل ومالو طبيعة شغلها عيبها لي،،قال ليها كلامك صح لكن شغلها متأخر ورجوعها نص الليل براها انا ادخلت قلت ليهو يا ابوي انا ما البت الوحيده ولو عايزز تعال شوف نحن البنات اكتر من الأولاد وكلهم يا ابوي ناس محترمين ،،ولو عالرجعه انا اصلا ما سألتني لكن عندنا تررحيل يا أبووي،،بوصلني لمن البيت والمشى بدري م متأخر ،، سكتت مساافه ،،منى قالت ليهو يا أبوي11كويسه وم كعبه لمن مع الزمن تستلم برنامج نهاري وتظبط الوضع اسستحمل الفتره دي والاذاعه دي افضضل وحده فالبلد وسمعتها كويسه فرص زي دي بتجي مره بس يا ابوي. ،،قال لينا خلاص امشو اشوف انا لبعدين،،انا ومنى عاينا لبعض بفررح ومشينا قلته ليها يسلام شكلو ح يقتنع قالت لي من قال اشوف معناهو اقتنع وان شااء الله تواصلي قلته ليها كلوو بفضلك ي جميلل

الوقت كان بعد المغرب.،، تلفوني رن منى قالت لي تلفونك دا بدق تعالي ردي. ، جيت لقيتو فهدد فررحت شديد قلته بكون رجع البيت وبقى كوويسس،،💕💕💕رديت عليهوو الو فهد كييفك ،،رد علي بصوت مرههقق وتعبااان ميساء انا ما تمام 💔💔قلتهه ليهو كيف ما تمام في شنوو وصوتتك دا ليهه عامل كدا، منى قالت. لي في شنو ،،قلتهه ليها دقيقه رجعت اتكلم معاه قال لي بس لو بتقدري انا في الشقهه تعالي اناا بموووووت،،كلمة انا بموووت دي خلتني اقيف علي طولي ،،قلته ليهو كيف يعني طيب انا ح اتصررف انت خليك فااتح التلفون وقفلتهه منوو،، منى تاني سألتني في شنوو ،،قلته ليهااا منى م عارفه ح أعملا كيف بس لازم أمشي لفهدد اسي،،قالت لي فهدد منو وزي الووقت دااه؟!! قلته ليها دا مديري الشغلني وزميل الشغلل ،،قالت لي بسم الله ويتصلل عليييك اسي لييه؟؟ وعااايز شنو؟؟ وانتي اتخلعتي لييه؟؟ قلته ليهااا عندو صحبو اتوفى قبل كم يوم وكان تعبان شديد ويوم عزيناهو بررضوو،،انا بس م اتزكرت اتصل واطمن عليهوو تاني ، اهلو كلهم مساافرين وم عندو زول هنا وشكلوو اسي تعباااان،، وقاال امشي ليهوو اها اتصررف كيف يا منى،،منى قالت لي ليه انت بالزات يتصل ع اي زول تاني ،،قلته ليهو اهو اتصل وخلااص اي كان ليه زول حالتوو صعبه ح نقيف نعااين ليهو لازم امشي

قالت لي عايني للزمن يا بت الدنيا ح تليل ،،مستحيل اخليك تمشي برااااك ،،قلته ليها طيب ارح معاي،،قالت لي ونقول ليهم شنو وانت عارفه الووضع مكركب كيف مع ابوك،،قلته ليها اي حاجه،،قالت لي طيب نقول ليهم عندي مقاب

له وانتي تمشي معاي وارح البسي،،قلته ليها طيب،،ف خلال خمسه دقايق لبسنا عباياتنا وطلعنا ابوي قال لينا وين ماشين منى ردت ليهو ي ابوي عندي مقابله اسي مع دكتورتي،،ابوي قال ليها ليه من قبيل م قلتي قبل مجاهد يطلع كان وصلكم ،،قالت ليهو لالا ما مشكله بنمشي انا وميساء ونرجع قال لينا خلاص م تتأخرو امشو ،،طبعاً انا ما صدقتهه ابوي اقنعناه ،،وطلعنا قلته ل منى طلبتهه ترحال اسي بيجي وقفنا دقيقتين وصل وصفت ليهو المكان ،،فخلال 20دقيقه وصلنا قلته ل منى تطلعي معاي،،قالت لي يعني ح اقيف تحت وبرااي واخليك تطلعي براااك زاتو ما معروف ف شنو م واثقهه انا عموما وارح نمشي بي وين قلته ليهاا طيب ،،وطلعنا اتصلته عليهو قلته ليهو أفتح الباب نحن براا،،بعد مساااافه لمن قلقناا جاء فتحو وم قادر يقيف ع حيلو اصلا رجع رقد ،،قبل يسلم علينا قلته ليهو فهد فهدد م ردا على ،،منى قالت لي مات ولا شنو،،قلته ليها يموت شنو بسم الله فهدد رد علي وم قادر يفتح عيونو،،امجد مات يا ميساء هبشت راسو مسسسخن شدديد ،،منى قالت لي عايني حواليك رفعته راسي كميه من قزايز المشروبات اي كان ويسكي بيرة وسجائر تقريباً بنقوو وحبوب ،،منى قالت لي والله ح يموت الزول دا

.:

قلته ليها منى اوعك تخافي،،انت مش ممرضه اعرفي لي مالو واتصرفي ،،قالت لي من غير فحص م ح اعرف لكن ح اكتب ليك حقنه وحبوب وجهاز الحراره تجيبيهم اسي،،بس فتشي ورقه وقلم،، فقمت بفتش بفتش لقيت قلم ودفتر جبت ليها ورقه قالت لي الحقنه دي بتنفعو لو إتسمم من الحاجات دي والحبوب ونشوف حرارتو،،ميساء انا بعتقد نوديه المستشفى قلته ليها مجنونه انتي،،براك قلتي احتمال اتسمم من الحجات دي فاكيد ببلغو ما هو بس بروح فيها ،،انا وانتي مبرراتنا شنو،،يلا ح امشي ،،اجيب العلاج قالت لي لو سألوك ليه ماف روشته قولي ليهم لطفل متسمم بدوك ليها وم بركزو كتتير ،،قلته ليها طيب اخليك براك،،قالت لي ح ياكلني هو شايفه م قادر يتحررك اسرعي قبل يموت بالجدد،،وكمان لازم يستحمى عشان الحمه دي ويصحصح..

ميساء محمد

انشرو الحلقات محل م عايزين بس بالله احترمو الكاتب وخلو إسمو ،،❤️💕