الجزء 16

لي سنين من الخرطوم وأكيد كل حاجه اتغيرت ،،ف بديت افكر ح اعمل شنو وأبدا بشنو ،،وكدا يمكن اول وحده فالعالم تتبسط بطلاقها،، م قدرت انوم ف قمته لميت كل

حاجاتي ملابسي وملابس الاولاد قلته ح أسوقهم معاي،، فضلته برتب لاذان الصبح وطبخته ل هيثم اكل وومليت التلاجة ليهو منتظره الصباح بفارق الصبر ،، يلا جهزت الشاي واستحميت وحممت فهد ولبستو وكدا ،، هيثم صحى جا قال لي ماشيه الليله قلته ليهو اي،، قال لي والشفع ح تاخديهم معاك؟ قلته ليهو اي م يبنفع اخليهم انت م ح تقدرر قال لي وانت ح تقدري قلته ليهو انا بتصرف وبقدر قال لي تمام ح نطلع محطه البصات ،، يلا جريت اودع هديل ولمن وريتها بقت تبكي ليه اطلقتي وكدا قلته ليها قصتي م بتتحكي في الوقفه دي،،وانا م زعلانه بالعكس،،قالت لي انا م صدقت لقيت اخت وصحبه. ،قلته ليها اعفي لي واليوم التجي الخرطوم ح نتلاقى ودعتها ومشيت سقتهم رهيثم معانا وصلنا محطة االبصات،،دخلنا عفشنا وركبنا انا وفهد والبنات ،،فهد بسألني كل شويه نحن ماثين وين ماما ؟ ومكرهني قلته ليهو مساافرين قال لي وبابا وعايز يبكي للحظه حسيت انا ارتكبت ذنب فالطفل دا وحرمته من ابوه لكن لا حياة ابوه م حياة،،انا ح اوفررليهو حياه احسن واتحرك البص

طول الطرريق انا بفكر ح اعمل شنو وح ابدا بشنوو ،،لقيت انه م بينفع انزل ف ليت اهلي هههه بعد العملوه بجبروني ويرجعوني بس لا م ح امشي عندهم ح افتش لي محل ،طب انزل وين انا ،،وابدا بشنو

يللاا فالطريق انوم شويه واصحى شويه واعاين بالشباك شويه فهد ينوم ويصحى وحالة لمن وصلت الموقف نزلونا ونزلو العفش والسخانه اللحظه ديك وم عرفت اعمل شنو مع الشفع فهد يبكي لانو مسخن والبنات مضايقين. ،فعلا الخرطوم كانت متغيره تغغير كامل مباني متغيره وكدا،، طول الخمس سنه دي انا م جيت ولا حتى زياره واهلي احيانا يتصلو والف لا ،،فامشي بيت ابوي مستتحيل 💔💔💔فكرت فكرت لقيت اتصل ع اخت هيثم ونمشي عندهم اتصلت عليها قلته ليها نحن هنا وصفي لي بدت تسأل هيثم م معاكم وكدا قلته ليها لا واصل بحكي ليك قالت لي تمام ،، اركبو واديني السواق اوصف ليه ركبنااا أمجاد وهي فضلت توصف لمن وصلنا اتصلت عليها نحن تحت نزلنا حاجاتنا نزلت جات سلمت عليناا كوويس وعالشفع وشالت فهدد ،، وقالت لينا فضلو فضلو طلعنا الطابق التاني شقتها خشينا قعدنا جابت لينا مويه وسالتني هيثم م جا وليه م قلتو جايين اجهز ليكم ،،قلته ليها انا وهيثم اطلقنا. قالت لي ليهه،،طلاااق!!!!! قلته ليها م اتفقننا و طوالي مشاكل وانا طلبته الطلااق ،،قالت لي استهدس بالله وارجعي عشان فهد وعشان البنات قلته ليها قراري نهائي وبستحمل اي حاجهه م مشكلهه ،،قالت لي واهلك عارفين قلته ليها لا وانامتأكده ح يحاولو يرجعوني وكدا ،،اسي انا عايزه أجر شقه او بيت ،قالت لي تأجرري ؟؟ قلته ليها اي قالت لي طيب اقعدو ف بيت هيثم فاضي ساي قلته ليها لالا نحن باعتبارنا مطلقين،،وين آسر لسه م جا من المدرسه قالت لي الليله قال ح يمشي يشوف حبوبتو ناس امك قلته ليها كويس والله ،،طييب قالت لي ارتاحو شويه قلت ليها اي نرتاح والعصر عشان افتش لي بيت قالت لي براحتكم اقعدو هناا قلته ليها لالا مع عايزه اضايق زول ،،قالت لي مافي ضيق والله،،العصر بعد الغداء طلعته افتش شقه ولا بيت للاجار مشيت محل العقارات وفتشنا لقيت شقه ظريفه قلته ليهو انا الليله دي عايزه ابيت فيها مش مفروشه قال لي اي قلته ليهو عاايزه أستلم الليله دي،، قال لي تمام ،،قلته لسميره انا ح اخلي أمل ومنى معاك لحدي ما اموري تتظبط بجي اخدهم قالت لي م مشكلهه ،،استلمته المفاتيح وطوالي شلته حجاتي ومشيت مشت معاي سميره بس طوالي رجعت بالشفع ،،انا نزلت السوبر ماركت جبت لي حاجات نضاافه،،فتحت الباب الجاره القصادي قالت لي سكنتو جداد قلته ليها اايوا الليله قالت لي تمام انا مآب جارتك هنا لو عايزه مساعده اساعدك طوالي ،،قلته ليها والله م عايزه حاجة بس ممكن تمسكي لي ولدي دا قالت لي وينو طوالي ،،ناديت ليهو مان بلعب وموسخ نفسه قلته ليها دا،،قالت لي يالله جمميل شديد حلاتو اسمو منو قلته ليها فهد وانا اسمي ميساء قالت لي يسلاااام اتشرفنا تعال العب مع بتي ي بطه اسمها هيام بنقول ليها بطه ،،ساقتهم وخشت شقتها وانا كملت النضاافه ،الشقهه كانت مغبره شديد نضفت خلصت كنس ومسح قلته لازم انزل اشتري حاجات اطبخها واصرف قروش ،،انا مرتباتي من الاذاعه كنت بختها فالبنك والسنين دي م صرفتها خالص فالحمد لله جات بفايده مشيت لمآب قلته ليها معليش ح اخلي ولدي هنا معاك ،،طالعه اجيب شويه حاجات قالت لي عليك اللع م تعملي عشاء انا راجلي برجع متأخر اتعشو معاي قلته ليها خير لكن خليني اجيب للبيت وكدا قالت لي تمام وولدك زاتو ظريفوني اتعود علينا طوالي ،،قلته ليها ف صرراف قريب قالت لي تحت نهايه الشارع ان شاء الله يكون فيهو قروش قلته ليها طيب،نزلته مشيت الحمد لله صرفت واشتريت اي حاجة بحتاجها وحليب لفهد وبسكويت وشويه شيبس وكدا رجعت البيت رتبت الح

اجات ومشيت ل مآب

لقيتها عامله اكل كتتير والسفره ملياانه ،،قالت لي يلا اكيد جعانه غسلي وتعالي انا الاولاد اكلتهم ،،قلته ليها يعني م كان في داعي لي دا كلو ،،قالت لي انتو ضيوفي واكرامكم واجب وبعدين الجيران التانين زيل لا بطلعو ولا بطلو م صدقت لقيتكم ،،اها زوجك مسافر ولا شنو ،سكتهه مسافه وقلته ليها مطلقين ،،ابسمت وقالت لي الله يعوض حبيبتي يلا ناكل عشان م يبرد وبدينا ناكل سالتني شغاله شنو انتي قلته ليها كنت قبل خمس سنه مذيعه واصلا انا إعلاميهه قالت لي ايوااا والله ممتاز انا زوجي منتج ومخرج كمان فلو حبيتي بخلي يشوف ليك شغل،،قلتهه ليها بجدد!! قالت لي اي والله بس ان شاء الله تتدبر، قلته ليها لو تعرفي قدر شنو محتاجه الشغل دا انا لاني اولاد اختي معاي بربي فيهم كمان ،،قالت لي ايوا قلته ليها يتامى عشان كدا اي قرش محتاجاهو انا ،،قالت بي ي ستي كل شي،،بترتب ،،قلته ليها ان شاء الله يا رب ،،اسي خلاص انا ح امشي البيت عشان راجلك يمكن يجي قالت لي يزوله الا نشرب حاجه شاي او قوه قلته ليها تمام في الاثناء دي فهد ناام ،، غسلت معاها العده وشربنا قهوتنا ب كيك،،وودعتها ومشيت اللشقه قفلته الباب كويس ومشيت رقدت فهد ورجعت اتحممت وغيرت ملابسي ومشيت حضنتو ورقدت اها يا ميساء اتحقق مناك،،ف بيتي وقريباً شغلي متحرره من كل الناااس المؤذيه الطماعه ،،حياتي بدأت ياداب ،،يارب م عايزه منك غير الجاي كله خير،تعبت من سيطره اهلي علي م عارفه بس كنته عايشه ف ضيقه واي حاجه في يدهم هم واي حاجه بتخص مصيري هم الباخدوها عني،،عرسي من هيثم وحب عمري اخدوه مني وانا م نسيتو لحدي الآن ،،وكل يوم بحبو اكتر ،، االقدر ظلمني ويمكن جا الوقت عشان يضحك لي،،بس كلو كان من ربنا واقبلو واهو رزقني بطفل جمميل وح يسندني لقدام حته مني. ،واكتر من كدا م عايززه تاني ابداااً،،اتصل علي هيثم سألني وصلت كيف وعملت شنو واتاخر فالشغل عشان مدا م اتصل،،معاه حق انا طلقيته م اكتر لو كنت مرتو البحبها كان فررغ نفسو ليها عموما انو سأل دا كتر خيرو ،،قال لي مشيتي لاهلك،،قلته ليهو لسه وم عاايزاك توريهم موضوع االطلااق دا انا بمشي واوريهم من نفسي ،، الصباح كان قدامي حاجات كتتيره لازم اعملها موضوع افتش شغل وم اعتمد على مآب اعتماد كلي ،،لازم اشوف روضه لولدي وامشي اكلم اهلي بالحصصل كله من حقهم يعرفو بقصه طلاقي مشيت لمآب سلمته عليها وصباح الخير وكدا قلته ليها انا طالعه لناس امي عايزه اخلي فهد معاك لمن امشي واجي ،،قالت لي طوالي ما عندي مانع وانا وريت زوجي قال بشوف ليك شغل قلته ليها م قصرتو معاي تعبتكم ،،قالت لي الناس للناس وبكره يمكن نحتاجك نحن ولا كيف،،قلت ليها كتر خير والله،،فهد جو بيتهم عجبو شديد فيهو راحه وبيقدر يلعب بمزااج ومآب بتعاملهم بحب ،،افضب بكتير انه اخدو معاي واكيد ح يحصل كلام وجوطه وانا بخاف عليهوو

ووانا ف طريقي لبيت اهلي حاسه برجولي م شايلاني وثقل ع قلبي ،، ح اواجهم كيفف وح يتفهوني كيف بس ،،وصلت كانت كل حاجة في حالها خبطت عالباب بعد فترهه فتحوه لي وكانت امي قالت لي ميسااء ،،سلمته عليها بالحضن مساافه ودخلنا سلمت على ابوي وطبعاً في راسهم الف سؤال جيتي كيف ومن وين والاولاد وين وهيثم وليه م قلتو جايين قلته ليهم انا وهيثم انفصلنا ابوي قال لي طلاق؟ 💔💔كيف ومتين ويطلقك ليه هو سببو شنو ،،كدا ساي الطلاق وامي تعابير وشها اتغيرت ،،قلت ليهم انا الطلبت الطلاق امي قالت لي تخربي بيتك بي يددك ي بتي ليه؟؟ قلته ليهم انا ي امي ويا بابا م مرتاحه معاهو وزوااجي منو كان غلط والطلاق افضل حل ف ياريت تتقبلو الفكره دي وم تضغطو علي ،،ابوي قال لي م عارف اقول ليك شنو زواجكم ليهو خمسه سنه و‘عندك ولد منو عالاقل عشان ولدك،،قلته ليهو م هو عملت كدا عشان ولدي قبل نفسي عايزه اربيهو في بيئه حلوهه ،امي قالت لي بعيد عن ابوه،،قلته ليها ايوه واحسن ليهو يكون دايما خاتي في ذهنو حاجات جميله عن ابوه وانا م حرمتو منو بيقدر يشوفو وقت م عاوز ،،ابوي قال لي والله مدام اخترتي كدا راحتك يا بتي ،،قلته ليهو الحمد للع اتقبلتو الفكره ،،امي قالت لي نعمل شنو ،،اسي ولدم وين واولاد منى وين ،،قلته ليها مع عمتهم وفهد مع جارتي ،،ابوي قال لي جارتك كيف يعني ؟؟ قلته ليهوو ي ابوي انا أجرت شقه امي قالت لي سجمي شقه وبراك ومتين اصلا ،،قلته ليها انا اصريت م اجي هنا واوريكم الا لمن القى بيت واجرت ومرتاحه ابوي قال لي امشي جيبي ولدك وتعالو اقعدو هنا انتي عندك ابو لسه م مات وراسو رقد تحت التراب قلت ليهو الله يخليييم لي ي ابوي بس صدقني مرتاااحه كدا وجارتي م مقصره ظريفه وحبوبه والليله بجيب اولاد منى يقعدو معاي ،،امي قالت لي والله صعب تصرفو كيف وتشوفيهم كيف قلته ليها والله بقدر ي امي وان شاء الله بشتغل ،قالت لي مدام مصره جيبي اولاد منى هنا طيب قلته ليها احسن معاي ي امي بيرتاحو وكفايه نحن من محل ل محل مجهجهنهم ،،قالت لي طيب البريحك ي بتي ،،قلته ليهم مجاهد كيف امي قالت لي ياهو شغال

وبجي بالليل قلته ليها كويس واخواتي كيف قالت لي رايقين منال ياهو فالسعوديه وروان مع راجلازف بيتهم قلته ليها الحمد لله هم كويسين،انا يلا امشي ياداب ألحق اسوقهم من ناس سميرره وامشي البيت قبل فهد يفقدني ،،ابوي قال لي تمام وتعالو لينا طوالي سوقيهم تعالي اي شي تحتاجوه اتصلو ،،قلته ليهو كويس ي ابوي ،،طلعته منهم وانا مبسووطه جدااا واخيراً حاجه آيجابيه ،، وم اتوقعت بالسهال كدا يتماشو مع الموضوع بس الف حمد لله للان كل شي زي م انا عايزه. اتصلته على سهير قلته ليها انا عايزه اجي اسوقهم قالت لي والله قاعدين كويس واسي كنته عايزه ادق عليك عشان م تجي والله انت تعبتي وتعبتي وجاريه طوالي خليهم لي وانا باهد بالي منهم لو طلبو يجوك بجيبهم قلته ليها تسلمي كتتير والله.

بقلم : ميساء محمد