الفصل السادس

ابووي قال لي الفترة دي بدل م تقعدو سااي واجازتكم طويله اتعلمو سواقه العربات حبوبه قالت ليهو سوااقه شنوو داير تكتلهم م اسيل قالت ليهو فكره والله الموهم ابووي سجلنا انا وسولتي وبقينا نمشي وندرب شويه شويه

يلا اصلا يووسف انا م قااعدة اطلب منوو شي لانو اساسا ابووي م مقصر مني وم قااعد يحوجني لي شي وهو من تلقاء نفسو م قااعد يجيب لي شي حبوبه قالت لي كدة م بجي ي بتي هو متزووجك وانتي في عصمتو لازم يصرف عليك والا متزوجك لشنوو ولد بخيييل بس خلي يصبر انا بتكلم مع ابوهو ابوي قال ليها امي م تساليهم اصلا بتنا م محتاجه ليهم

في الجانب التاني يوووسف كان بتكلم مع امو قالت ليهو مررتك زااتها م قاعدة تجينا اسألها اسي من يووم عقدتو حصل مره دخلت بيتنا؟مالها قالبها تشيل ليها علبه حلااااوة وتجي تسلم على عمتها خالي قال ليها ي مره هوووي م تملي للولد رااسو انتي مالك م مشيتي ليها؟البت دي نجحت م كلفتي خاطرك ورفعتي سماعه التلفون وباركتي ليها يوسف قال ليها ي امي خلاص انا بكلمها تجيكم طوالي قالت ليهو واسمع هنا اوووووعك ترسل ليها قرووشك وتبقى اضييينهه مش قااعدة في بيت ابووها يصرف عليها عليها ابووها بس م مسؤل منها انت

خالي قال ليها ي مره هيي ابوها زاتو م محوجها لي شي بس ولدك حقو الشرعي يصرف عليها شال منها التلفون قال ليهو اسمع ي ولد اووعى تسمع كلام امك دي البت دي في عصمتك ولازم ترسل ليها حتى لو م محتاجه لي شي اووعى تسمع لي كلام امك دي فاهم اسي انت في زمتك من يووم عقدته عليها جبته ليها شي؟اديتها خمسين قرش سااي؟ يوسف قال ليهو لا والله ي ابووي خالي قال ليهو م بتخجل انت اها اسي تاني تصرف عليها قال ليهو كويس ي ابووي وجدع التلفون لي مرتو قالت ليهو م تدخل بيني وبين ولدي انا دايره اعدل راسو قال ليها ولدك دة انتي جبتي براك

المساء يوووسف اتصل علي كلااامو معاي كان غريب وم طبيعي حسيت انو في شي قال لي بكره امشي سلمي على ناس امي فااهمهه؟قولته ليهو فجأة!!قال لي اي مالك في شنوو؟قولته ليهو خلاص طيب حااااضر انشاءالله بكره بمشي ليهم يلا بقى يقول لي كلام م حلوو فيهو انحراف كدة وطلب مني اتصوور بي ملابس خليعهه وكدة طبعا صادمني فيهو انا بقيت بسكت بخليهو واحيانا بطنشو ولما م ارد على كلامو بشااكلني وبتنرفز فيني طبعا انا محتارة فيهو بقول ليهو يوسف انا م بحب طريقه كلامك دي لو سمحته م تتكلم معي كدة وخارجياتك البتجيبها دي انا م بحبها

م كنت بقدر احكي لي اسيل لانو دي خصوصيات بس بقيت اتخنق من تصرفاتو

مشيت بيت ناس خالي طبعا ماشاءالله عندو اولاد كتار عندووبتو الاصغر من يوسف دي اسمها روميساء ظريفه ووناسه ووبتريدني شديد قبل م امشي ليهم مشيت السووق مع اسيل اشتريتهم ليهم حجات كميه علشان م امشي يدي فااضيه سووقته عربيه ابووي المخزنها في البيت بعد تحااانيس لي حبوبه وزعل بعداك رضت لينا نسوقها كانت ماشه معانا لما سوقنا العربيه قالت لينا برري م دايرة اموت واتعزب في حادث امشن انتن برااكن اسيل قالت ليها حبوبه والله الموت علينا حق ياخ بس نحنا نموت وانتي م تموتي والله

طبعا اساسا المزاد م بعيدة مننا شديد كدة سوقته معاااي اسيل على اساس م امشي براي وكدة قعدنا نتونس طبعا عمتي حسينه امي يوسف بتعاين لي بالعين البايظهه شافت الحجات الانا جبتهم عايزة تستفسر مني وكدة قالت لي يوسف كيف ليهو كم يووم م ضرب لينا قولته ليها كوويس والله الحمدلله روميساء قالت لي العربيه عندك لكن ي شهوودة م توصلي اختك الجامعه يووم قولته ليها ههه حقت ابووي لكن عيوني ليك بوصلك طوالي تعالي تعالي اقعدي معاي كم يوم بس طوالي حمرت لي بتها طبعا خالي كان ماف في التلفزيون كانو بتكلمو عن الوضع الاقتصادي وكدة

قالت والله الوضع بقى صعب الواحد زااتو كونو يتحمل مسؤليه بيتين دي صعبه عليهو طبعا اسيل م بتطيقهم لا هي لا يوسف قالت لي دي مالها اسي قولته ليها اي والله ي عمتي غايتو بس ربنا يدي العافيه قالت لي صحي قالو السعوديه الريال حقها وقع في الارض صحي الكلام دة؟قولته ليها والله م عارفه م سمعته كلام زي دة غاايتو قالت لي اجي كيف سمعتي يوووسف م قااعد يرسل ليك طبعا حيرتني قولته ليها لالا والله م قاعد يرسل لي قالت لي كيفن الكلام دة م قاعد يرسل ليك مصاريفك غايتو الولد دة ببالغ طبعا بتتكلم وهي مبسوووطه بعد م قولته ليها م قاعد يرسل لي

بعد م طلعنا اسيل قالت لي بنت الكلب دة كلوو علشان عايزة تعرف اذا الزق بتاعها دة اذا قااعد يرسل ليك او لا عمتك دي خبيثهه خباثه ي شهد قولته ليها حرام عليك ياخ فهمك م يمشي لي بعيد قالت لي اي اقعدي على نياتك كدة لمن تلعب عليك ونحنا راجعين اتصلت علي هند بت خالتي طبعا هند وسارة بنات خالتي الفي الشماليه امتحنو مع شهادة سواا وقدموو للجامعه هنا في الخرطوم شالوهم الرباااط هند شالوها تغنيه معلومات It وساره شالوها صيدله جاين يقعدو معانا في البيت اساسا كانو عايزين يقعدو مع خالتو حنان الراجلها تافه ديك

بس انا خفته يعمل معاهم زي م عمل معي انا علشان كدة اصريت على خالي انهم يجو يقعدو معانا في بيتنا قولته ليها اساسا بيتنا فااضي وم معاي زول خليهم يملو لينا بيتنا وابوي اتكلم معاها لمن اقتنعت ووافقت

المكالمه

قولته ليهاهندووشتي مشتاغين ياخ قالت لي كتييير ي شوشتي ياخ سارة قالت لي شههههههد حبيبتي قولته ليها سرويتي مشتاغين وين انتو ي جماعهه م جااين ولا شنوو الناس نازله الجامعه خلاص قالو لي ابووي رفض قال ماف لينا اي جامعات طبعا اتخلعته قولته ليهم كيف الكلام دة وين خالتو منازل ليه م اتكلمت معاهو خالو الهادي م من حقو يعمل كدة وااي هند قالت لي والله ي شهد الحله كلها اتكلمت معاهو قال م عندو بت بتمششي تقرا في الخرطوم خلاص اقتنعنا بكدة طبعا قلبي وجعني قولته ليهم لالا دة موضوع م بتسكت عليهو دة مستقبلكم

كدة انا بصل البيت وبتصل عليكم وبخلي ابووي يتكلم مع خالو الهاادي وانتو بطلو بكى فهمتو؟قفلته على كدة

اسيل قالت لي ديل موضوعهم منتهي شكلو ابوهم اتجااهو واحد قولته ليها صعب شديد والغريبه لما خالتو حنان قدمت ليهم في الجامعه م كان عندو اعتراض قالت لي حركات منوو ساي وبعدين ي شهد انتي حتفضلي ساايقهه براحع كدة انا حااسه نفسي راكبه سلحفاء م عربيه قعدته اضحك

وصلته البيت نزلته اسيل وجيت عايزة ادخل البيت بضرب في البوري نص سااعه بعداك الحبشيه فتحت لي غياظه كانت مركبه السماعات ابوي طلع بقى يفتش في العربيه قولته ليهو م تخاف م فيها ولا خدشه قال لي جيبي المفتااح انا بدخلها اديتو ليهو ودخلته قولته ليها امينه حبيبتي عليك الله ناوليني مويه عطشاانه حبوبه وين؟امينه قتلت لي حبوبه بتصلي فجأة اسمع ليك صووت قال : امينه حبيبتي عليك الله ناوليني مويه عطشاانهه والصوت التاني قال حبوبهه وين بقيت اتلفت يمين وشمال وامينه بتضحك فجأة اتلفته على الهوول اشووف ليك هند وساارة واقفات

قعدته اصرررخ ي مجنونات جيتو متين جوني جارين حضنوني قالو لي سلمي علينا اوول منتظرنك من قبييل قولته ليهم ي كذابات غشيتوني معناها بس وربي مشتاغين والجابكم منوو عرفتو البيت كيف قالو لي جابنا خالو عبدالله اصلا كلمناهو ليهو كم يووم كنا عاملنها ليك مفاجأة يعني ابووي عاارف قالو لي حتكون مفاجأة كيف لو كلمك قولته ليهم لكن والله احلى مفاااجأة ياخ

المساء اتصل علي يووووسف م رديت عليهو لانو كنته مشغووله مع بنات خالتي وكدة

نتلاقى