الفصل الثالث والعشرون

عدا اسبووووعين على مرض ابووي والحمدلله بقى بخيير واتحسن غسلو ليهو تقريبا 3 مراااات دكتوور غساان كان اقلب الوقت بكون قاعد في المستشفى مع انو عندو شغلو والتزاماتو في مستشفيات تانيه بس كان معظم الوقت متوووفر مع ابووي م قصر معاي حتى لما يشوفني متضاايقهه كان بحاول يطلعني من جوو الاكتئاب الانا فيهو دة وبسااااهر معاااي لمن يجي زمن نحن نمشي البيت بعدها هو بمشي طبعا اخد اذن من مديير المستشفى قبل م يبدأ يعالج ابووي اخر يوووم لينا في المستشفى المدير جا لقانا انا وهو قاعدين سلم عليهو

قال ليهو اسي بدل م كلو يووم ماشي هناك وجاي هنا لو وافقته على الشغل معانا مش افضل دكتوور غساان ضحك قال ليهو يااخ اعفيني ي دكتوور عبدالمنعم والله ياخ قال ليهو ثمح عدييييلهه تب عفيتك لكن كتر من طلاتك علينا باخ قال ليهو انشاءالله والله بعدها خرجونا ومشينا البيت اليوم التاني بعد م خرجونا اتصل علي قال لي بالمنااااسبهه صحبتك جاها عريس قولته ليهو صحبتي منوو قال لي عندك كم صحبه انتي قولته ليهو اسيل وليه م كلمتني قال لي روقي ي دوووب فاتحها في الموضووع وصحبتك بتتغلى وبتفكر طبعا وم حبينا نكلمك بالموضوووع لانو الوقت كان م مناسب

قولته ليهو م حبيتو تكلموني؟انت ومنوو؟قال لي انا وهي طبعا للحظهه افتكرتهه انو هو العريس قولته ليهو طيب العريس منوو؟؟؟قال لي تتوقعي منوو؟قولته ليهو م بعرف قول انت قال لي مصطفى اخوووي الكبير قولته ليهو مصطفى اخوووك عايز يتزوج اسيل صحبتي؟ضحك قال لي وانا قاعد اجمع بينهم وفي نفس الوقت بفتش لي في عرووس قولته ليهو بتفتش في عرووس قال لي ايوة لقد هرررمنا بعد كدة لازم اتزووج قولته ليهو والله طيب بعد فصلته منوو اتصلته على اسيل بقيت اقووول ليها ي حيوانهه ي عواليق ي سجم يتقدمو ليك وانا اخر من يعلم

قالت لي انا قدام باب بيتكم افتحي لي الباب جات قعدت تحكي لينا هند قالت ليها انا قولته غسان قرض لكن طلع مصطفى اخوهو اقرض منو نحن لينا الله عاد ساره قالت بيها معليش ي هند ي اووووختشي الطيب ملوووش نصيب اصلا نحنا نصيبنا حيفضل معتت كدة طوول عمري انا خلاث استسلمتهه للأمر الواقع اسيل قالت ليهم خليكم من دة الراجل دة جااادي وقال عايز العرس يتم خلال شهرر وبس اتخيلو قولته ليها اسيل انتي عايزاهو؟ولا عايزة شنوو؟قالت لي والله ي شهووودتي هو عااجبني م اكذب عليك بس مستعجل قولته ليها يااخ طالما عاجبك خير البر عاجلو يختي

هند قالت ليها عاااد الما بعجب فيهو شنوو سمااحه ورووقهه وصاايغ قدر الدنيا وافقي يختي قاعدين كدة اتصل علي يوسف قولته ليهم دة كمان داير مني شنوو سارة قالت لي منوو؟قولته ليها يوسف عندو كم يووم بتصل علي قال عايزني ارجع ليهو كلهم صرخو بصووت واااحد قالو لي شنوو سارة قالت لي تعالي يختي ادييك الزبدة عندي كم يووم الكلام دة واقف لي في حلقي وم قادرة اقولو شوفتي مرت خالي وقسمابالله سمع اضااني دي سمعتها بتتكلم مع ولدعها وقالت ليهو عمك عبدالله تعبان في المستشفى وقرب يمووت و...م حبيت اكلمك لانو الوقت م كان مناسب

اسيل قالت لي م قولته ليك الولد وامو تافهين قولته ليهم عايزين يقتلو ابووي قبل يومو طيب طيب تمام

في الجانب التاني كان دكتوور غسان قاعد مع اهلو في البيت مصطفى قال لي امو ي امي انا خلاص بعد كدة عايز اتزووج امو قالت ليهو ي ولدي والله البنات راقدات زي بت عمتك فاطمه هديل دي اسي ماشاءالله عليها سمحه خلقه واخلاق وعد قالت ليها ياااخ هديل شنوو ي امي هديل المايعهه دي امها قالت ليها هسسس انتي بتعرفي شنوو مصطفى قال ليها ي امي انا البت الدايرها خلاث اخترتها ابوهو قال ليها هو ولدك جاي جاهز وعد قالت ليهو منوو غسان ضحك مصطفى قال ليهم اسيل امو قالت ليهو اسيل منوو وعدقالت ليهو اسيل صحبه شهد م غيرها قال ليها ايوة

اها ي امي رايك شنوو؟قالت ليهو بعد م اخترته جاي تسألني ابوهو قال ليهو دي ياتها فيهم؟وعد قالت ليهو واحدة من البنات اللقوك جنب جامعتهم تتزكرهم؟قال ليها اهااا الجوو هنا قبل كم جمعهه ديلك؟قالت ليهو ايوة قال ليهو والله ي ولدي عديله اهم شي الاخلاق بس لو بت ناس واهلها سمعتهم كويسه نحن م عندنا مانع قال ليها اها رأيك شنوو ي امي؟قالت ليهو والله البت هي م فيها عيب سمحه والله انشاءالله ربنا يقدم الفيهو الخير قال ليهم خلاص الجمعهه الجايهه نمشي نتقدم وعد قالت ليهو سريع كدة حمر ليها قالت ليهو خلاث سكتته

دكتور غسان قال ليهم انا طالع غرفتي طلع غرفتو اتصل علي قال لي الجمعه الجايه جهزي صحبتك جاين نخطب خلاص قولته ليهو بالجد قال لي والله وطبعا كان جااادي واسيل الجزمهه وافقت يوم الجمعهه جوو يخطبوو طبعا لما جا زمن الخطووبهه غساان بعاين ليهو سااي لمن لفت انتباه الناس عدت الايام حبسنا اسيل غايتو عزبتنا عزاب تشيل وتتأمر فينا اعملو لي كذا وكذا يوم العرس قاعدين في الكوفير كدة كنت بفكر في غسان ومواقفو معاي واسلوبو وطريقه تعاملو معاي عايزة اقول لي هند ي هند قولته ليها ي غسان طبعا كلهم بقو يعاينو لي ساره قالت لي غسان وين

اسيل قالت ليها خلاص جنت هند قالت ليهم معليش معزورة طبعا راسمه في اناملي بس وفساتينا لونها اخدر زرعي بس القصاات مختلفهه لما ماشين على الصاله دكتور غسان قال لي م تركبي مع العرسان خليك معاي انا اسيل اصرت علي اركب معاها على اساس انا وزيرتها وكدة طبعا غسان لابس بدله سوداء ياااخ فظيييع يحردوها ليهو بعد م وصلنا الحفله طبعا كانو جايبين ليهم طه سليمان غسان البنات كلهم يعلقو عليهو وهو كمان اي واحدة تجي تتكلم معاهو يتونس معاها ويضحك في واحدة حلااااتها من بنات اهلو كانت واقفه بتتونس معاهو

كنا واقفين انا وهند وسارة ولنا مع بعض سارة قالت لي دي منوووالواقفه مع غسان دي قولته ليها منوو؟طبعا عملته رووحي م مركزة معاهو مع اني كنت مفرووسهه: جات وعوودة اخت غسان وقفت معانا هند قالت ليها و البت الواقفه مع اخووك دي تشبهك حلااتها طبعا نظام عايز تعرف دي منوو وكدة قالت ليها بري م بتشبهني دي مايعهه ومتعجرفه سااي قالت ليها دي بتبقى ليك؟؟قالت ليها بت صحبه امي امي عامله فيها دايراها لي غساان اخووي والبت م صدقت واتلصقت فيها قال اسمها تالا قال بلا تالا بلاا ضالا

قولته ليها بري م متلصققه فيهو لكن واضح اخووك متلصق فيها زيادة عن اللزووم سارة قالت لي احم احم هند قالت ليها شكلها م عايشه هنا زاتها وعد قالت ليها اي عايشين في السعوديهه بعد الحفلهه خلصت ورجعنا البيت بقيت م قاادرة انووم واتقلب من كترة التفكير في غساان الساعهه 1 الا شلته جوالي اتصلته عليهو لقيت رقمو مشغول قولته اكيييد قاعد يتكلم معاها هند قالت لي اصلا البني ادم يقعد يتغلى على النعمه كدة لما تطير منو بعدين يبقى ليهو بمبي يلا تصبحي على خييير

قعدتهه شويهه كدة اتصل علي رديت عليهو قال لي خييير مشتاااقه لي ولا عايزة تخلطيني بالليل دة قولته ليهو لا دة ولا دة بس شكلك انت كنت خالط قال لي اخلطط ميين قولته ليهو م عاارفه يمكن البت الحلووة الواقف معاها طووووول الحفله ديك ضحك مسااااافهه قال لي كتلتيني ضحك اي واحدة فيهم قولته ليهو انت عاارف بلاش حركات قال لي بغض النظر عن اي شي اسي انتي متصله عشان تشاكليني يعني قولته ليهو لا م عشان اشاكلك قال لي معناها مشتاااااقهه لي قولته ليهو غسان ياخ قال لي شكلك عايزة تقولي حاجه قولته ليهو لا م عايزة اقوول شي

قال لي طيب رايك شنوو بكره بعد الجااامعهه اعزمك قولته ليهو بكره؟طيب انشاءالله ي حليل اسيل الكانت بتمشي معي اي مكان اليوم التاني بعد م خلصته محاضرات طلعته مشيت قابلتو كان لابس ليهو رايبان بني ولابس قميص اسود قال لي نمشي وين؟قولته ليهو الزمن اتأخر م بقدر اتأخر اكتر من كدة عشان كدة ماف طريقهه امشي معاك قال لي يعني اسي جيت سااي قولته ليهو معليش طيب ممكن انزل قال لي انتي زعلتي ولا شنوو شلته منو النظاره لبستها قولته ليهو لا م زعلته عايزة انزل أمن العربيه قال لي ماف نزله سااق العربيه قولته ليهو غسااان ماشي وين ياخ بطل

قال لي مش عايزة يوصلوك البيت؟قولته ليهو لنا منتظراني في الجامعهه قال لي خليها حتمشي قعدتهه اعااين ليهو بقيت م قادرة ارفع عيوني منووو وهو مشغل غنيه غربيه وبغني ساي اتلفت علي فجأة قال لي اجي اتقدم طبعا اتخلعتهه ختيت يدي في وشي قولته ليهو شنوو؟قال لي اجي اتقدم؟؟قولته ليهو اذا ابووي وافق انا م عندي مشكله من غير م احس طبعا قال لي شنوو قولته ليهو م تفرح اساسا ابووي م حيوافق قال لي واذا وافق؟؟ قولته ليهو نشووف قال لي بس خليك واثقه اذا وافق العرس يكون في اي زمن انا عايزو

قولته ليهو نظام مستعجل يلا اتفقنا اساسا في كل الحالات انت خسران لانو ابووي م حيوافق خليك واثق من كدة

نتلاقى