الفصل العشرون

بعد م دكتور غسان قفل قولته لي هند وسماح عاااينو فتشو معاااي الكيس دة كويس اذا فيهو حاجه غير الحجات القدامنا دي، هند قالت لي بري ماف والله غير الحجات دي سارة قالت لي ليه مالك في شنوو؟قولته ليهم دكتووور غسااان قال في حاجهه مميزة بين الهدايا دي ولازم اعرفها هند قالت لي حاجه مميزة اكتر من ديل؟اكتر من كدة في تميز سارة قالت ليها بري يختي قولته ليهم بطلو وفتشو معاي يااخ انا الفضووول حيقتلني هند قالت يمكن قاصد العطر لانو بجد مميز سارة قالت لي ولا يمكن قصدو يوصل ليك فكره انو انتي جمييييله زي الوووورد دة

هند قالت ليها بالجد والله اكييييد قصدو كدة دة قولته ليهم بجد؟طيب من البدايه ليه م يقول كدة ويريحني سارة قالت لي دة سر التميييز هنا الولد غااامض ياخ قولته ليها والله دة غموض غريب قولته حاليا حيكون مشغووول افضل اتصل عليهو بكره انشاءالله بس م قدرتهه انووووم قولته الا اتصل عليهو واكلمو اني عرفته قاصد شنوو اتصلته عليهو قولته ليهو عرررفته انت قاااصد شنوو قال لي بالله؟ بالسرعهه دي؟قولته ليهو اي كيف دة كلامك صحبتك عبقريهه وبتفهمها وهي طايرة ضحك قال لي اها شنووو ي مستر عبقرينو قولته ليهو انت قصدك بالشي المميز الورد صح؟اساسا م محتاج تفكير

ضحك بصووووت عالي قال لي دة الله قدرك عليهو ياخ ورد قولته ليهو اي مالك قعد يضحك قال لي احيانا الثقهه الزايدة كعبهه قولته ليهو يعني قصدك غلط قال لي اكيييد غلط دة م الشي الانا قاصدو اي طبعا بالجد اعصابي تلفت قولته ليهو اها شنوو طيب قال لي رووووقي اعصاابك وزي م قولته ليك ركزي كوويس قولته ليهو بسوووووووط طفوووولي دكتوور غساان الله يخليك قول لي انت قاصد شنووو او اديني تلميح بسيط قال لي حننتيني بس برضو فكري مش انتي زكيه قولته ليهو طيب طيب قفلته منوو الصباح قبل م نمشي الجااامعهه اسيل جاتني في البيت

لما حكيت ليها بقت تغول لي بجد الحجات دي جابها ليك دكتور غسان

غسان م غيرو

غسان الواحد دة قولته ليها هسسس عايزة تسمعي ابووي وحبوبهه

هند ضربتها قالت لي علقت سارة قالت ليها اتصدمي يختي نحن زاتنا امس حالتنا كانت زيك

قولته ليهم خليكم من دة وركزو معاي دكتوور غسان قال في شي بين الهدايا دي لازم اعرفو ساره قالت لينا هيي اتأخرنا على الجامعهه والزمن يلا عشان عندي محاااضرة مهمه قولته ليهم انتظرو اشيل قرووووش من حبوبهه وطلعنا مشينا طوول الطريق شغاله اقول لي اسيييل تفتكري قاصد شنوو؟اسيل قالت لي شهد شهد شهد شطبتي راسي ياخ انتظري نصل الجامعه عندنا معاهو المحاضرة الاولى اسأليهو طبعا نحنا قاعدين في كنبه شكرا العربيه كولها قعدت تعاين لينا قولته ليها طيب م تصرخي سمعتي العربيه كولها قالت لي طيب انطميت،

وصلنا الجامعهه طبعا محاضرتو معانا بتبدأ الساعهه 9 وهو بجي مع زمن المحاضرة بالظبط كنت منزله راسي تحت وبفكر في كلامو وسرحااانهه واسيل بتتونس مع لنا ومعاهم باقي الشلهه اول م جا داخل قال ليهم سلام عليكم شباب وانا كنت م جايبه خبر لنا قالت لي اسيللل واااي الراجل دة بي اناقتو دي يوووم بكتلني كتل اسيل قالت ليها الليله القميص الحرجلي يحردو ليهو والله بدأ المحاضرة وانا لسسه م جايبه خبر لانو قضيت الليل كلوو بفكر في الموضووع واساساكنت نعسانه ومع السرحه ديك جاتني غفوة

هو شافني منزله راسي قال ليهم احم احم الناس النايمهه شنوو؟جاين هنا بعثثثه نوووم؟اسيل قالت لي شهد شهد رفعته راسي قالت لي زولك بكشف ليك عاينته ليهو شغال يتبسم ساااي صلح نظارتو وقعد يتكلم اسيل قالت ليهو دكتوور ممكن اقول شي؟قالت ليهو اليوم من الصبااح شايفاك تتبسم ساااي عساها دايمهه قال ليها امييين ي رب وضحك واحد من الاولاد قال ليهو اكيد في زول سببها ي دكتوور قال ليهم تقريبا كدة وعاين لي لنا قالت ليهو ي بختو الزول دة بيك غايتو_ قال ليهم يلا خلونا نكون جادين شويه ونرجع لي محاضرتنا بعد م خلص طلع على طوول

اتصلته عليهو قال لي هااا عندك جديد؟؟قولته ليهو اساسا م مهتمه وم فكىرتهه فيها يلا قال لي واضح واضح والدليل على كدة انو انتي كنتي اليوم نايمه في المحاضرة من شدةة م ساهرتي قولته ليهو كنت مساهره بزااكر قال لي طيب طيب يعني مم عندك فضول تعرفي؟قولته ليهو خالص بعد قفل قولته لي اسييل غيااظ وهو بعد قفل قال الفضووول حيكتلها المساء بعد م رجعنا البيت قاعدة بتونس مع ابووي في غرفتو فجأة لقيتو ناام قولته ليهو ابووي انت نمتتتهه؟قال لي شهد انتي كلامك كتيير واتقلب بالجنبه التانيهه

طلعته مشيت قعدتهه ازاكر طبعا منكشه شعري ومعلقهه الاقلام في راسي بس طبعا تفكيري مشتت مشيت طلعته الكيس من ضلفتي وختيت قدامي الساعه والعطر والدبدوب وبقيت شغاله اقول ي ربي هو قااصد شنوو؟الله يسامحو شطب لي راسي شلته الدبدووب وحضنتو قولته اوووف ياخ انا مالي فكيت الدبدوب لاحظته للسسوته بتاعتو البي ورا م مقفوله كويس يعني في جزء بسيط م مقفول حاولته اقفلو م قفل معاي عاصي رجعتها لي ورا وعايزة اقفلها كدة بس لاحظته لي شريط احمر صغيير طلع لي بره جريتو طبعا بقيت اجر فيها

على طول فتحتهه السوستهه جووة الدبدوب كان في علبهه كبيييرة كدة مغلفهه طبعا بقيت اقوول دة شنوو اهااا هو قاااصد كدة يعني؟؟بقيت افتح في العلبه طبعا ناسس. بيتنا كولهم نايمين فتحتهها لقيت جواها ايفون و قطع مارشميلو مرصوصه بطريقه على شكل قلب وفي نصها علبه صغيرة فتحته العلبه الصغيييرة الصدمهه كانت انو جااايب لي خاااتم تصميمو زاتو غريب كان خاتم دهب ومنحوووت عليهو حرف ال S بس بشكل افقي يعني الواحد لو م ركز م حيفتكرو حرف S ومكان حرف ال S دة كلووو مرصع بالأ لماس طبعا انا مصدومهه وفاتحهه خشمي

العلبه زاتها كانت فيها ظرف جواهو ورقهه ملونهه كدة فتحتها لقييتو كاتب لي فيها افتحي الجوال واسمعي التسجيل فتحته التسجيل مسجل لي: ""ايوة ايوة عارفك مصدوومهه وعشان عارفك حتتصدمي كدة م حبيت اكون صريح معاك لاني عارفك حتتلخبطي قال لي شايفه المارشيملو دي انتي زيها بنفس نقائها وبنفس لذتها م عارف اقول ليك شنوو بس بششكل تلقائي لقيتك محوور حياتي لقيت نفسي طول الوقت بفكر فيك الاحساس البحسو معااك عمري م حسيتو مع بت غيرك بس شووفتك براها بتلخبط افكاري عارفك اتلخبطتي بس وحياة غلاوتك عندي انا حاليا بسجل وملخبط

بالمختصر ي شهد انا ولهااان بيك عارفه يعني شنوو ولهان بيك؟فجأة دخلتي حياتي وجهجهتي افكااري عايزك بجد تكوني سندي وعايز اولادك يكونو شايلين اسمي زي م انتي شايله اسم ابووك م عارف ردة فعلك حتكون شنوو وم عايزز اخسسرك بس انا بجد مشاااعري اتغلبت علي بس خليك واثقهه انو مهما كانت ردة فعلك انا حأتقلها وم حأتغير منك ودايما حتلقيني جنبك وماسك يدك وقت م تحتاجيني وعلى فكره حتى لو م وافقتي وشوكشتيني اتزكري دايما انو انا دكتورك اولا وصديقك الصدووق ثانيا يعني م تتوقعي مني حأخرب معاك وش بس لمجرد انك م حبيتيني

الحب م بالغصب الحب احترام قبل م يكون مشااعر فكري على اقل من مهلتك ي غلاااااي وانتهى التسجيل على كدة واناوبقيت عامله كدة لا بجد عايزة حد يضربني ولا يقرصني ولا يعمل لي اي شي

نتلاقى