الفصل الثالث عشر

خالتو حنان اتصلت على ساااره بت خالتي سلمن عليها قالت ليها بتصل على شهد شريحتها قااافله مالها؟ساره قالت ليها م عارفه والله ياها زاتها قاااعدة جنبي هاك ليها ادتني ليها سلمتعه عليها قالت لي اتصلته عليك لكن جوالك مقفوول قولته ليها اي والله غيرتهه بطاقتي عشان كدة قالت لي مالك خيير؟حكيت ليها الحصل كلووو في النهاسه قولته ليها المووهم امس خالي جاب القسيمهه لي ابوووي وخلاص قالت لي كرر علي ي بتي ليه م كلمتيني من البدايهه

عاد حسينهه الله لا جاااب باقيها ليه م كلمتيني عشااان اتفهه ليك لكن انا حسييبنهه والله م اخليها بيها العواليغ لكن يوووسف زاتو م راجل بركه الربنا حلاك منهم قولته ليها الحمدلله بس غايتو وانشاءالله بكره اول م اشتري شريحهه بتصل عليك بي رقمي يووم السبت كان عندنا لاب اسيل جاتني بدري قالت لي الليله ايااااك تغولي لي مااااشهه موبهدلهه مكيجتني غصب وطلعنا مشينا قالت لي ي دوووب كدة بقيتي بت زي البنات مشينا الجامعهه كلهم مستغربين انو انا متمكيجهه وكدة لنا قالت لي ي دووب طلعتي ابكر الجواك خلاص وعملتي مكياج

قولته ليها من بنعمل مكياج من الله سمحين دخلنا اللاب وطلعنا مشينا القاعهه دكتوور غسااان جا داخل قال لينا شباب المفرووض بكره تكون محاضرتنا لكن بكره عندي عمليه ضروري عشان كدة حناخدها اليوووم تمام؟اسيل قالت ليهو يعني بكره م حتجي قال ليها للأسف والله المهم يلا شباب نبدأ لكشرنا طلعتهه جوالي فتحتهه الفيس لقيت في رسايل نازله ومن ضمنها راجل خالتي مرسل لي رسايل ومقطع صوووتي قال لي: بجد اتطلقتي ياخ والله م عارفهه انا مبسوووط كيف مبرووووك عليك الطلاق حبيبتي طبعل انا اتخلعتهه لمن جسمي بقى يرجف حظرتو على طول

فجأة من الخلعهه مسكني صداع حسيت راسي دة عايز يطق قولته ليهو دكتووور عن ازنك طالعه طلعتهه قعدتهه بره ا بكي جات لاحقاني اسيل قعدت جنبي قالت لي مالك خير في شنوو قولته ليهو راجل خالتي تاني رجع لي حركاتو لقيتو مرسل لي في الفيس قالت لي تاااني التافه رسل ليك شهد الموضووع دة تاني م بتسكت عليهو م هو انتي ي اما تكلمي خالتك ي اما تكلمي ابووك بس انتي عارفه الراجل دة خاتيك في راسو عارفه يعني شنوو خاتيك في راسو؟دة عايزلي وقفه وزول يهرشو زي الكلب علشان كدة لازم تفضحيهو واليحصل يحصل بس

دكتوور غسان طلع بتكلم بالتلفون شااافني ببكي بقى يتكلم بالتلفون وبعاين لي انا لما شوفتو بعاين لينا مسحتهه دموعي قولته لي اسيييل يلا نمشي الاستراااحهه مشينا غسلتهه وشي وجينا راجعين دخلنا المحاضرة بعد م خلصنا رجعنا البيت لقيت ساره بت خالتي بتجهز في شنطتها قولته ليها ماشه وين بي شنطتك؟هند قالت لي ماشهه بيت خالتو حنان ساره قالت لي عاملاها ليها مفاجأة ماشه اتم معاها كم يوووم وراجعهه طبعا اتفاجأتهه وخوفته قولته ليها ي زووله م تمشي قالت لي يومين وبجي راجعهه عارفاك حتشتاقي لي قولته ليها ساارة جادة معاك انا م تمشي

قالت ليه بس في شنووو؟؟قولته لي نفسي لو م قولته ليهم الحقيقه م حتخلي المشى قولته ليهم عايزة اقوول ليكم شي لكن م تكلمو زوول هند قالت لي قولي قولته ليهم وقسما بالله تكلمو زوول م بخليكم سارة قالت لي انجزي حكيت ليهم الحصل وعن عمايل راجل خالتي معااي وكدة هند قالت لي وااااي ابن الكلب دة واااطي بجد علشان كدة والله انا م قاعدة اتطمن ليهو سارة قالت لي وليه م كلمتي خالتي اساسا دة م راجل دة وااااطي قولته ليهم حلفتكم م تكلمو زوول وانتي ي ساارة علشان كدة م تفكري تمشي ليهم في بيتهم قالت لي بري م ماشه م قنعانهه من نفسي انا

قاعدين كدة بس جاتني اسيل داخله قالت لي جهزو نفسكم عازماكم حفلهه المساء قولته ليها حفله شنوو ووين قالت لي مزن اختي عندها صحبتها في الجامعهه اليووم عرسها وحفلتهم في صاله مارينا بس امي حلفت عليها م تمشي براها عشان كدة بعد جهد جهييد امي وافقت لكن الا نمشي معاها نحن لانو ابووي لو عرف انو نحنا بنطلع حفلات برانا بكتلنا وحيعمل لي امي مشاكل قولته ليها طيب بس اقنعي حبوبهه بعد تعب بعداك اقنعتها ابووي بعد جا راجع كلمتو بعد تحقيق واسإله كميه بعداك وافق لبسو كووولهم واتظبطو كووولهم انا قولته ليهم ماشه بي تووب بس

اسيل شاكلتني قولته ليها وقسما بالله احررد المشي اسي مزن قالت لي شهوود انتي بأي شي قرررض ارح اللبسي التووب لبسته تووب وشبشب وااطي ومزن سرحت شعري ومكيجتني وطلعنا طبعا مزن سايقهه عربيه امها امها قالت ليها والله ي مزن اقل خدش م تجيني راجعهه البيت مشينا الحفله طبعا انا اساسا م زولهه حفلات قعدته اااخر الصالهه كنا قاعدين كلنا مع بعض طبعا مذن كانت مع دفعتها والعروس وكدة نحنا كنا بنعلق على الناس الفي الحفلهه اسيل قالت لي اولادهم انضضف من سمعتي سارة قالت ليها جكس طبي صراحه هند قالت ليها النصيييحه ليه زي ديل نحن م بنلقاهم

سارة قالت ليها اسيل شووفي اللابس بدله كحليه واقف جنب العريس داك وبعلي من سماحتو اسيل قالت ليها بري م شايفاهو بس الحفله دي كلها سمحين فجأة اسمع ليك اسيل بتصرخ وااااي م بصدق لا لا اصلا م بصدق شهد شوووفي طبعا الناس لمن بقت تعاين لينا قولته ليها بسم الله في شنوو مالك قالت لي شوووفي الواقف دااااك منوو جنب العريس لابس بدله كحليه وفنيله بيضاء قولته ليها م شايفه شي منوو؟ قالت لي ياااخ دكتوور غساان ياخ م شايفاهو غسان البجيبو هنا شنوو قولته ليها دكتور غسان البجيبو هنا شنوو؟رفعتهه راسي لقيتو هو زاتو واقف وبتكلم مع العريس في اضانو وبضحك

قولته ليها اعملي رايحهه اوعى توري وشك

نتلاقى