الفصل الثاني والعشرون

وصلنا المستشفى لقيناهم لسسه م وصلو اتصلته على عمو علي قولته ليهو وين انتوو؟قال لي قربنا على المستشفى خلاص بقينا قاعدين ومنتظرين وانا القلق عايز يقتلني شويه كدة اتصل على عمو علي قال لي وصلنا نحن بره طلعته جريت ليهم بره لقيتو جايبنو بي اسعااف وشايلنو في نقالهه كمان قولته ليهم ابووي مالو قولته ليهو عمو علي انت قولته ابووي تعبان شويه بس مشيت مسكته ابووي قال لي انا كوويس ي بت م تخافي تعبان شويه بس دخلوهو المستشفى ودوهو غرفه بعدها كلمتهه حبوبه قلته ليها ابوي وصل ودخلوهو الغرفهه فوق هند قالت لي يلا طيب نطلع ليهو

قولته ليهم عايزين يعملو ليهو الفحوصات الا بعد الفحوصات بعداك قالو بدخلونا ليهو بعد نص ساعهه طلعنا ليهو حبوبه طبعا بعد م شافت ابووي ضغطها ارتفع وكدة اتقسمنا بقيت انا وهند مع ابووي وسارة مع حبوبه ابوي ماخد مسكن بس وكل الوقت كان ناايم ساهرنا الليل داك كلو في المستشفى حبوبه قالت م بترجع البيت الا بعد تحانيس بعدها اقتنعت رجعت معاها ساره وفضلنا انا وعمو علي وهند الصباح الدكتوور جا داخل علينا قال لينا الفحوصات دي نضيفهه وم فيها شي طبعا ابووي اصبح وشو متورم وجسمو كمان ولونو اتقلب اصفار

قولته ليهو كيف يعني نضيفهه شوف شكل ابوي دة كيف وانت بتقول لي نضييفهه عمو علي قال ليهو شووف شكلو اسي دة شكل زول كويس؟قال لينا اهدو ي جماعه والله دي نتايج الفحوصات قولته ليهو معناها في شي غلط انا واثقهه قاعدين كدة جا عمو حمد ومرت وحبوبهه شويه كدة جات خالتو حنان داخله ومعاها حسام الممرضه جات قالت يفضو الغرفه نزلنا اثناء م نحن نازلين كدة لاقينا دكتوور مااذن تتزكرو لما حبوبه ضغطها ارتفع وجا معانا دكتور غسان وطلب منو يشوفها وكدة

سلم على حبوبه قال ليها حبوبه تاني الليله جيتي مالك ضغطك ارتفع تاني؟قالت ليهو بري والله ي ولدي حبوبتك كويسسه لكن عندي ولدي الكبير تعبان مرقد عندكم هنا قال ليها ليه مالو خير عوافي قالت ليهو والله ي ولدي للأن الشي العندو م عرفناهو قال ليها انشاءالله خير ي حبوبه انا زاتي بشوفو اسي

دكتوور غسان قاعد في غرفتو في بيتهم جا داخل عليهو اخوهو الكبير مصطفى قال ليهو اسمعني ياخ انت البت السمحهه الجات مع البت السمحهه التانيه ديك اسمها منوو؟دكتوور غسان قال ليهو ي زول كدة بسم الله لفيت لي راسي بت منوو وجات وين؟قال ليهو العزمتهم غداء عندنا ياخ قال ليهو اها قصدك منو فيهم مصطفى قال ليهو اللابسه زمام وفاكه شعرها ديك دكتور غسان ضحك قال ليهو قصدك اسيل قال ليهو بس ياها اسيل الهنا والسرور البت سمحهه ياخ سمحهه دكتور غسان ضحك قال ليهو شنوو شايفك راقد

قال ليهو والله البت شغلت تفكيري ياخ اسمعني البت دي لو م مخطوبه او كدة شوفها لي انا بعد كدة داير اكمل نص ديني دكتوور غسان قال ليهو ي شيخ طيب والحاجزاها ليك حجتك دي مالها؟قال ليهو يااخ البنات البتحجزهم لي حجتك ديل كلهم ضاربات ياخ الموهم انت ادخل لي واسطهه وانا زول جادي والله قال ليهو م عندك مشكله بدخل ليك واسطه لو انت جادي طبعا قال ليهو عندك رقمها او رقم صحبتها؟دكتور غسان قال ليهو ايوة عندي رقم صحبتها بتصل ليك عليها بعدين قال ليهو لالا اتصل اسي حار حار كدة دكتور غسان قال ليهو حيرتني في امرك شال التلفون اتصل علي

قال ليهو شهد زاتها م بترد شكلها بعيدة او مشغوولهه خلي بعدين بتصل ليك عليها

انا في المستشفى قولته لي عمو حمد خلي نحولو مستشفى تانيه بس ونعمل ليهو فحوصات من اول وجديد هند قالت لي هاك تلفونك دة اتصل اسي شلتو منها لقيتو دكتوور غسان رجعته ليهو اول م فتح الخط قال لي مشتاغين قولته ليهو كتير والله قال لي شنوو مالك صوتك متغير كدة؟اتحركته من مكاني طلعته بره قولته ليهو ابوي مرقد في المستشفى قال لي في المستشفى ليه خيير انشاءالله؟ قولته ليهو م عاارفه والله ي دكتوور عملو ليهو الفحوصات بس طلعت نضيفهه لكن ابووي شكلو غريب جسمو اتنفخ حتى لونو اتغيير قال لي لا حولاا وين انتي في اي مستشفى؟قولته ليهو في رويال

قال لي طيب جااي عليكم اسي بعد ساعهه كدة جا داخل المستشفى اتصل علي قال لي وين انتو؟ نزلته مشيت عليهو سلمته عليهو قال لي وين ابووك في اي غرفهه؟قولته ليهو فووق طلعنا مشينا ليهو دخل الغرفهه بقى يفتح لي ابووي في عيونو طبعا ابووي ناايم قال للممرضهه من امس حصل تبوول؟قالت ليهو لأ قال ليها وين وين الدكتوور؟قالت ليهو الدكتوور في الاستراحه حاليا عمو حمد وعمو علي قالو لي دة منوو؟قولته ليهم دة دكتووري في الجامعهه وجراح في نفس الوقت قال لي انتظري دقيقه وراجع

طلع ربع ساعهه كدة وجا راجع قال للمرضهه عملتو ليهو فحص شنوو انتو؟قالت ليهو والله م متأكدة عاين ليها بغضب قال ليها طيب خلونا نعمل ليهو فحوصات عامه غالبا المشكله حتكون في الكلى عملو الفحوصات قعدنا تقريبا كم ساعهه بعدها الفحوصات طلعت قال لي اولا لازم نركب ليهو قسطرة غير كدة م ينفع قولته ليهو المشكله شنو سكت مساافهه

قولته ليهو دكتوور غسان الله يخليك قول لي الحقيقهه قال لي ابووكي عندو كليتو م قاعدة تقووم بوظايفها بشكل كويس دي المشكله هنا وحاليا التورم الحاصل ليهو دة وتغير اللون سببو البوول المحبوس دة لأنو دي مبادئ تسسمم ولو اتأخر زيادة حيعمل تسمم عام في الجسسم واحتمال كبيير يأثر على الكليه التانيه برضو قعدته ابكي قال لي م تبكي ادعي ليهو بس وانشاءالله حيبقى كويس حنعمل ليهو غسيل كلى تلاته غسلات كدة انشاءالله حيبقى كويس عمو حمد كان واقف بسمع في الكلام قال ليهو الله يرضى عليك ي ولددي

شويه كدة المستشفى دي كوولها اتملت ناس نص بعرفهم ونص م بعرفهم واقفه مع دكتوور غسان بتكلم معاهو كدة جات خالتو حنان وحسام كانو بندهو لي حسام اول م شاف دكتور غسان قال ليها امي شوفي دة مش صاحب ابووي خالتو حنان سلمت عليهو طبعا زاتو سلم عليها سلام عرفه كدة انا استغربتهه خالتو حنان قالت ليهو انت دكتوور هنا؟قال ليها تقريبا كدة بالله احمد كيف اخبارو شنوو انشاءالله تمام؟قالت ليهو تمام الحمدلله قولته ليها دة الدكتوور المتابع حاله ابووي قابت لي ايواا طبعا انا المسطحهه في نصهم خالتو حنان قالت لي شهد حبوبتك عايزاك في غرفتها

قولته ليها طيب مشوو خلوني واقفه معاهو عاينته ليهو قال لي م تستغربي بحكي ليك بعدين اسي ارح نسلم على حبوبهه مشينا قعد يتونس مع حبوبه قال ليها حندخل الحاج غرفه الغسيل بعد شويه قالت ليهو بري والله ولدي م بتدخلوهو لي غسيل انتو دايرين تكتلوهو لي؟قال ليها حبوبه المرض م بقتل قالت ليهو ماف علاج غير كدة؟قال ليها في لكن الغسييل اسلم حل قالت ليهو كان كدة خلاث كويس شويه كدة جات داخله مرت خالي عثمان ومعاها خالي مسكتني وقعدت تبكي طبعا اصلي م ركزته معاها خالي قال لي ارح ودينا غرفه ابووك

وديتهم بعدها دكتوور غسان جا داخل قال ليهم عن ازنكم ي جماعه بس عايزين ندخلوو الغسيل طلعوو طبعا انا قعدته ابكي خالي ساقني قال لي ارح نمشي قولته ليهم انا عايزة ادخل معاهو غرفه الغسييل دكتوور غسان قال لي لا ماف طريقه بعد قمته طالعهه قال لي انا معاهو م تخافي بعد طلعنا مرت خالي طبعا عامله فيها بتبكي وكدة نزلنا مشينا غرفه ناس حبوبه خليناها واقفهه

مرت خالي اتصلت على طوول على ولدها يوسف قالت ليهو اسمع ي ولدي عمك عبدالله دة ياهو راقد تعبان وم اظن يقووم من مرضو دة تاني عشان كدة اللعب على صالح ورقك ورجع مرتك دي طوالي يوسف قال ليها تاني ي امي؟ قالت ليهو شنوو التاني هو؟انا دايرة مصلحتك ي ولد اسمع كلامي دة بسس قال ليها كويس ي امي

المساء بعد م ابوي طلعوهو من الغسيل وكدة قاعدين كلنا مع بعض كدة سارة بتحمر لي مرت خالي اسيل قالت ليها سارة محسساني انو يوسف دة مطلقك انتي م مطلق شهد سارة قالت ليها لا لا بس انتي م عارفه المره دي تافهه كيف قاعدين كدة جاني اتصال من ررقم غريب رديت عليهو لقيتو يوسف قال كيف انشاءالله تمام؟قولته ليهو الحمددلله قال لي حمدلله على سلامه ابووك كمان قولته ليهو تسلم قال لي شهد انا راجعتهه نفسي وشايف انا غلطته معاك عشان كدة اسي انا داير ارجعك وبجي نازل السودان بعد شهر نتم العرس طبعا غضبني بجد قولته ليهو مشغوله اسي لمن بعدين

تاني رجع اتصل قال لي دي شنوو الحركات دي انا بتكلم معاك تقولي لي مشغولهه؟قولته ليهو لانو دة م زمن اتكلم فيهو في الموضوع دة يلا سلام شويه كدة جا دكتور غسان ومعاهو اخوهو مصطفى سلمو علينا وطبعا مصطفى يعاين لي اسييل سااي قولته ليهم انا طالعهه هنا وجايه راجعهه دكتوور غسان قال لي انتظري وطلع معاي قولته ليهو انا مششه البقالهه قال لي وانا كمان طالعين في البوايه لقينا احمد راجل خالتي داخل طبعا لمن قلبي عمل شحح دكتوور غسان مسكو سلم عليهو قال ليهو او ابو حميد خبرااتك ياخ طبعا راجل خالتي زاتو اتخلع وانا مخلووعهه ومصدوومهه

بعد م طلعنا دكتور غسان قال لي م تقلعي فيني عيونك كدة بحكي ليك اي شي لكن بعد م الوالد يبلغ الصحهه انششاءالله لوقتها خليك مسطحهه كدة

نتلاقى