الفصل الثاني

طبعا انا بطبيعهه حالي بت زي م بقدر اتشاااكل معاها واغلبها لمن اغلب لي واحد وزنو 60 حصان بقى يقوول لي شهد انتي ليه بتعملي كدة ليه بتتجاهليني انا معجب بيك انا عاجبني كل شي فيك انتي حلووة ومغريه م زي خالتك الله ياخدو البعيد بس مسكتو من يدووو وعضيتوو العضه بقت ليهو حااره فكاني بس جريت ودخلته الغرفه عايزة اقفلها بس مسك الباب بي يدوو بقيت الز فيهو وهو من بره بحاول يفتح الباب بقيت بضغط على الباااب بكل قوووتي ويدو طبعا خاتيها في طرف الباب بقيت اضغط على يدوو بالباب للحظهه حسيتها حتتقطع وهو تغوول م بحس لسسسه مواااصل وعايز يفتح الباب

بس بقيت بضغط على يدوو لمت حرقتو جراها عليهو قال لي ي بت ال...تيت بعد جراها قفلته الباب بالمفتاح طبعا انا من الخووووووف دخلتهه في حالهه تانيه زي المسكتني هستريهه بس وقعتهه في الاررررض وبقيت ابكي الساعهه كانت 12 مساء من غير م احس شلتهه التلفوون اتصلتهه على ابووي م بررد فضلته اتصل عليهو كتيييير بس م ردة علي قفلته على كدة بقيت قااااعدة ومنتظرة الصبااااح كيف يجي عشان امشي بيتنا م كنت بقدر اكلم خالتي بالحصل علشانها هي وعلشان احترااام ولدها لي ابوهو وثقتو فيهو م تتهز وعلشان م اتسبب في خراب بيت اسرة كامله

الصباح حوالي الساعهه 7 صباحا كدة جاتني غفووة نمته صحيت مخلووووعهه بي صوت تلفوني بضرب لقيتو ابووي قال لي في شنوو ي بت امس لقيت منك مالمات كتيرة بالليل مالك طبعا خفته اكلم ابووي لانو ابووي من النووع الصعب داااك ولا بتفاااهم ولا بستحمل اي غلط فيني انا بالزات قولته ليهو ماف شي بس كنت عايزة اقول ليك حبوبه دواها بتاع الضغط م تنساهو وم تنسوو تتعشو ضحك قال لي كل المكالمات دي عشان الكلام دة بس قولته ليهو ااي وكمان تعال سووقني بيتنا قال لي اسووقك ليه مالك انتي م مرتاااحه هناك

قولته ليهو لالا والله ماف شي بس اشتقته ليكم عشان م متعووودة اقعد بره بيتنا قال لي طيب قولته ليهو وكمان عندنا حصص تقويه في المدرسه بدت خلاص علشان كدة قال لي طيب بجي المساء بسووقك قولته ليهو لالا تعال اسي سووقني قال لي اسي م عندي زمن طالع الشغل انا قولته ليهو لالا بس تعال سوووقني اسي دة ولا بجي برااي م بنتظرك المساء وبديت ابكي قال لي والله غايتو حيرتيني طيب اجهزي بجي بسووقك لكن سرررعهه بالله بعد م قفل قال والله بت غريبه خلاص ياخ

جهزته حجاتي قولته كدة اشوف كبايه القهوة الاتكشحت امس لو لسسسه قاعدة اللمها وانضف المكان علشان خالتي م تنتبه طلعتهه لقيت المكان نضيف اكيد راجل خالتي نضفو قعدتهه شويه كدة خالتي جات دقت لي باب الغرفه قالت لي صباح الخير قولته ليها صباح النوور قالت لي شكلك امس ساهرتي كتير عيونك لمن واقعهه سكته مسافه قولته ليها اي والله قالت لي عمك احمد طلع تعالي نشششرب الشااي انا وانتي وحسام قولته ليها طيب بعد طلعت قولته الحمدلله انو طلع لبسته تووب وطلعته لانو كان في اثااار اصااابع في جسمي حسام اول م شافني قعد يضحك قال لي الخجل وصل بيك لحدي هنا

قولته ليهو ههه كنت بصلي قال لي كذااابهه ي رابحه خجلانه تطلعي بي بجامهه خالتو حنان قالت ليهو اسكت ي سجم قعدنا نشرب في الشااي قولته ليها خالتي انا اليوووم عايزة ارجع البيت قالت لي بخلعهه مالك في شنووو راجعه البيت حسام دة زعلك قولته ليها لالا والله بس عندي حصص تقويه حتبدا من بكره وانا لازم احضرها بالزات الرياضيات طبعا حسيتها زعلت بس انا واثقه اذا قعدته معاهم انا م حأسلم من راجلها وحتحصل مشااكل حسام قال ليها بس اي حاجه حسام دة حيطتكم القصييرة ضحكته قولته ليهو معليش م تزعل خالتي قالت لي طيب بعد عمك احمد يجي يوصلك بعدين

قولته ليها لالا والله انا زاتي كنت بتكلم مع ابووي اسي قال هو بجي يسووقني قالت لي اصلا عااارفهه دي عمايل ابوك طبعا م بطيقو بعض قولته ليها لالا والله ياخ قالت لي هسسس ولا كلمهه قاعدين نتونس كدة بس بابهم دق طلع ابووي طبعا م صدقته انو جا اخييرا سلم على خالتي وقعد انا جهزته سرعه سرعه وطلعتهه وانا طالعه ابوي قال ليها تجي تقعد معاك في الاجازة طوالي والله م عندي مشكله خالتي قالت لي سااامعه ي شهد طبعا لمن قلبي بقى يضرب الموهم طلعنا على كدة ابووي في العربيه قال لي اسي لومتيني مع خالتك واخرتيني من شغلي غايتو بس مزاجك دة الله يعدلو

قولته ليهو يوووم واحد م بفرق قال لي م بفرق كيف دي ضوابط وقوانين سكته سااي منوو اصلا من يومي زهجانهه قبل م نصلل الصافيه وقف العربيه نزل دخل موول كدة وجا طالع شايل اكياس ركب العربيه ريحتو سجاير سجاير شال لبانه اكلها قولته ليهو م تاكل لبان اصلا ريحه السجاير ظاهرة انت ي ابووي مش رمضان الفات قولته خليتو قال لي خليتو والله بس علبه واحدة في اليووم قولته ليهو علبه واحدة بس ضحك قال لي انزلي وصلنا انا مستعجل نتفاهم بعدين في البيت نزلتهه قال لي انتظري الاكياس الفي الكرسي الورا ديل تابعات ليك شيليهم م تكرفسي لي وششك كدة

فتحته الكيس لقيتو مالبهو لي شوكلاتات وشيبس وكييك واندوومي وجبنه مضفرة وزيتون عاينته ليهو قال لي عشان م تكرفسي فينيء وششك ضحكته ومشيت دخلته بيتنا مبسوووطه ومطمنهه وبقول اخيييرا دخلته ورجعته بيتنا سااالمه الحمدلله ي رب