الجزء 20

زوبه حفظت الصور والفيديو ف التلفون وابتسمت ابتسامه رضا وبقت تتونس مع بطه عادي جو توتا وغرام من الجامعه قعدو يتونسو يحكو في يومهم كان كيف وبطه بتحكي ليهم عن وليد ود خالتها وانو خلاص كلها كم يوم ويسافر السعوديه لقي شغل كويس طبعا بطه ووليد بحبو بعض وواعدها بانو اول م يرجع من السفر وهي تخلص جامعه يتزوجو بطه الوحيده فيهم الماليها في اللف والدوران وما بتطلع كتير زيهم لو طلعت بتطلع الجامعه او ناس خالتها

طارق مشي الشقه ولاقي نجوى وطبعا مابقعد مع اي زول غيرا واول ما يخش بكون بفتش ليها نجوى لاقتو غير عن كل مره بظرافه شديده وحنيه اكتر من الاول وبقت تقول ليهو انها اتعلقت بيهو وبتحبو شديد ولما يمشي تكون متواصله معاه بالتلفون وطارق بقي خلاص ماشايف غير نجوى وبقي زي الخااتم ف اصبعها تحركو زي م عاوزه

غرام عايشه حياتها مع خالد واجازتو قربت تنتهي وبتحاول تنسي طارق بانها تملي وقتها بي خالد وخالد اتعلق بيها شديد وكلم اهلو بي غرام وقال ليهم عاوز يخطبها رسمي قبل ما يسافر اهلو رحبو بالفكره خالد طبعا عندو اخت واحده اسمها رانيا ومتزوجه وامو ابوهو ناس محترمين وسمعتهم كويسه ومن عائله كبيره ومعروفه كانو مستقرين ف السعوديه من بدري شديد ولدو خالد ورانيا هناك وماجو السودان الا لدراسه رانيا وزواجها ماعدا خالد ماجا معاهم الا لما نزل اول مره وكان لاقي غرام ..

كلم غرام ب انو اهلو عاوزين يشوفوها وانو كلمهم عنها وعاوز يخطبها قبل مايسافر .. غرام مخلوعه ومرتبكه بس خلودي حبيبي انا ..

خالد قاطعها : انا شنو انتي ماعاوزاني يعني .

غرام : معقوله حبيبي انت عارف اني بموت فيك وده يوم المني انو تبقي لي بس انا شايفه انو بدري شويه ع موضوع الخطوبه ده ..

خالد : لا ولا بدري ولا حاجه انتي عارفه انو انا ح اسافر ولازم اعمل خطوه جاده قبل اسافر ما يقوم كمان يخطفوك مني 😠

غرام : طيب انت عارف انو اهلي مافي امي وابوي ف السعوديه وماعندي زول هنا وكيف ح اعمل خطوبه واهلي مافي انت خليني انتهي مره واحده وناس ماما يكونو جو اجازه هنا وحتي لو انت كنت مافي اهلك يجو ما مشكله بس عليك الله حبيبي خليهو موضوع الخطوبه ده هسي

خالد : مامشكله طيب اديني رقم ابوك اتكلم معاهو واتعرف بيه واكلمو

غرام اول ما سمعت كلمه ابوك دموعها نزلو والعبره خنقتها

خالد ب خلعه : غرام حبيبي مالك بي يدو مسح ليها دموعها بيبي احكي في شنو انتي بتبكي ليه ..

غرام بتطلع ف الكلام ي الله لا مافي شي بس طولت من اهلي عشان كده وحشوني