الجزء 17
نجوى : تجي زيك زي غيرك ولو عاوز تقيدني انا ح اقطع علاقتي بيك ..
طارق : عليك الله ماتقسي علي انا والله بريدك ..
نجوى : وانا كمان بريدك يا عسل بس الحاجات البتجيب الهوا وبتلفت النظر مابتنفع خليك عادي وماتدي نفسك حجم كبير شديد عشان زي ماقلت ليك بقطع كل البينا ولو جيت هنا ما حا استقبلك وبعدين المكالمات الكتيره والرسايل دي بطلها لانها بقت تصدع بي مش كل دقيقه متصل بي ..
نجوي كانت قاسيه جدا مع طارق وقساوتها معاهو زادتو تعلق بيها وبقي يوفر في القروش عشان يقدر يشوفها كل يوم وقلل من البنقو وبقي طوالي في حاله صداع وفي يوم قاعد في الشقه وزهجان ومتوتر من الفلس وعدم الشرب والسجاير فكر يتصل بي غرام وقاليها عاوزك تجيني في الشقه غرام ما صدقت طوالي ركبت ركشه وجاتو وهي اصلا كانت مشتاقه ليهو وكل ماتتصل بختصرها وما قادره علي فراقو جات فتح ليها الباب حضنتو عليها وبقت تبكي وتقوليهو واي حبيبي انا ماقادره اشوفك في الحاله دي وطارق كان وشو مخطوف وعيونو تحتها هالات ووشو شاحب شديد لما ملامحو متغيره قاليها مالك انتي هسي بتبكي اها عاوزه تقلبي علي المواجع وتحسسيني اني ضعيف وبائس حاله شنو الفيني انتي جايه تشمتي فيني انا غلطان اصلا انو اتصلت بيك زحي كده من وشي ودفرا وطلع خلي ليها الشقه غرام بقت تبكي بشكل هستيري من الزعل وشالت تلفونها تتصل بيهو قام تلفونو رن جمبها عاينت في الشاشه لقت رقمها مامسجل بي اسم مع انو ماغير تلفونو ولا شريحتو وكان زمان مسجلها بي غرام روحي استغربت وقالت في نفسها اكيد عندو واحده غيري
غرام شالت التلفون وكان عارفه النمط حقو من زمان عاملو T فتحت التلفون جات تشوف الواتساب لقتو ممسوح من الجهاز فتحت الرسايل وبقت تشوف طشاش طشاش لما لقت الاسم حبيبه قلبي والرسايل كلها ياروحي ردي علي انا بموت من غيرك وانا مشتاق ليك وانا ح اموت عشان لي كم يوم ماشفتك غرام اتصدمت وبقت تقرا في الرسائل وتدمٍع والدموع نازله علي الشاشه قالت اشيل الرقم سريع قبل ما يجي اشوف دي منو الاحسن مني وبخوني معاها فتحت تلفونها عشان تسجل الرقم وفتحت تفاصيل الرساله ظهر الرقم لقت رقم امها بقت مخلوعه 😱 ده شنو ده رقم امي معقوله هو جادي وده شنو انا بحلم بقت جسمها كلو برجف ورغم انها متاكده منو رقم امها برضو نقلت الرقم وسجلتو ف تلفونها لقتو مسجل ب نجوي وبرضو بتكضب في نفسها وبتقول في حاجه غلط في الموضوع اسي انا اواجهو والومو واقوليهو شنو انا ماقادره اواجهو ولا بقدر قفلت التلفون سريع وختتو في مكانو وطلعت سريع