الجزء 3

يعني امي دي ح تقعد تكرهني فيها زياده كده لمتين وحركاتها الوسخه دي حتخليها متين وانا الكنت فاكراها ربنا هداها وبطلت اتاريها واخده فتره رست وراجعه تواصل عمايلها العفنه غرام عاوزه متين توصل البيت وتتشاكل مع امها بتاع الامجاد بعاين ليها بالمرايه وواضح انو عجبتو لمن مرتبك ويخش بشارع ويطلع بشارع عاوز يطول المسافه عشان يشبع عيونو من القمر المعاهو ده وغرام ولا علي بالا لما قربو يوصلو قاليها لو راجعه قريب ممكن انتظرك غرام بإبتسامه لا شكرا ليك ياذوق انا ما راجعه اسي نزلت غرام وادتو القروش وهو سارح في جمالها واناقتها والقوام الممشوق والرقه والانوثه لما عيونو عاوزه تطلع من مكانها .. غرام بكل ثقه شنو اشيل القروش راجعه م عاوزه ولا شنو .. لا ما كده لكن ربنا يحفظك وعليك ربك لو ما اتحصنتي تسلم ياسكر وح اعمل بكلامك .. طيب ممكن تديني رقمك لو عندك مشوار اجيك طياره .. غرام في نفسها ومالو نديهو الرقم بتاع امجاد و بنستفيد منو .. طيب ي استاذ جيب التلفون اسجل ليك الرقم واعمل لي مسكول علشان اسجل رقمك .. سجلو ارقام بعض وغرام كان نزلت في بدايه الشارع وماشه لحدي ما وصلت البيت راسها يودي ويجيب .. خشت لقت حبوبتها قاعده بره سلمت عليها وسالتها من امها وين قالت ليها جوه .. خشت عليها ازيك يانجوي طبعا ما بتناديها ب امي نهائي ..

امها : غرام جيتي متين ..

غرام : جيت اسي ليه م مرغوب في جيتي والا شنو ..

امها : لو مرغوب لو ما مرغوب قعادك في البيت وعدمو واحد ما مستفيده منك في شي قاعده زي الحيطه وغير تتلامضي وتقلي في ادبك مابتعملي في شي واطيه زي ابوك ‏( نجوي عاوزه تزعل غرام عشان تمشي ترجع الداخليه وماتخرب ليها البرنامج ‏)

غرام : كويس يانجوي طلعي الجواك لسه واصلو ابوي ده شماعتك اقل كلام تجيبي سيرتو ...

امها : هههههه لا ياخ من السيره المشرفه عشان تكون علي لساني يابت عيشي واقعك واعرفي حقيقه نفسك وحقيقه ابوك الجدعك وانتي عمرك 10 سنه وما سآل منك وانتي لو ما انا كان تشحدي بالاستوبات يا مقطعه يا بت المقطع وانا مستحملاك ومستحمله قرفك لكن بعد كده فاض بي وانتي كبرتي ي الفاكره نفسك بيبي لسه عشان كده شوفي ليك راجل يلمك واختيني ...

غرام بي حرقه ووجع : والله ياخي الراجل البلمني لو عاوزه اجيب ميه بجيبهم لكن لما يعرفو امي انتي اكيد ما بجوني ..

امها بي خلعه : شنو شنو عيدي تاني ي سافله يا قليله ادب وجات علي غرام وشدتها من قميصها وبقت تضرب فيها وغرام تبكي وتنادي في حبوبتها . .