الجزء 25
لانها كانت ح تقوليهو نتلاقي بره اتلاقو واتعرفو ببعض وخشت عليهو بحنك البحث ... زوبه شخصيه مفتحه جدا بتقدر تقنع الحوليها بكلامها حتي لو كان كذب حاج محمود رحب بيها وساعدها وبدا يحكي ليها عن شغلو واداها معلومات وهي تسجل وتكتب في كلامو وتتدلع انتهو من الكلام واتغدو وقاليها عاوز يوصلها رفضت واجرت امجاد ... مشو على كده حاج محمود رجع وما اتصل بيها وكان عادي لكن هي ختتو في راسها ظهر ليها رقمو في الواتساب رسلت ليهو وصلت كيف وانا جد بشكرك على انك اديتني مساحه من وقتك وبدت تفتح معاهو محاور كلام وشكلها ناويه علي خطه في راسها ح نعرفها بعدين
عزام رتب حاجات عرسو كلها وتنظيم فخم من كل الجوانب عرس يليق بيهو وبي اسرتو وبي عروسه لينا الجميله خلقه واخلاق وكان مبسوط بيها شديد وهي كمان مبسوطه بيهو
غرام بهناك خالد بجهز في احوالو للسفر وهي محتاره تعمل شنو قالت احسن اصارح امي واشوفها ح تقول لي شنو
مشت ليها وكلمتها بي خالد وانو زول كويس واهلو كويس ووضعهم تمام وح يتزوجني وحا اسافر معاه بره اعيش معاهو وهسي هو مسافر بعد ايام وقال ما ح يسافر الا يخطبني نجوي اتبسطت بكلام غرام وفرحت شديد قالت ليها طيب كلام كويس امسكي فيهو قوي وعرفيني بيهو
غرام قالت ليها لكن انا مكذبه عليهو انكم بره السودان انتي وابوي وهو فاهم انو نحنا ناس غنيانين هسي لو عاوز يخطبني يجي في البيت البائس ده والا اجيب ليهو ابو من وين بس امها قالت ليها ياعويره يا ما بتفهمي اقعدي اتعاوري كده لما تضيعي الولد العرس الزمن ده فرص ودي فرصه وجاتك اسمعي كلامي ده كويس ونفذيهو بالحرف
زوبه كانت بتعرف واحده قريبتهم دجاله وبترمي الودع ودايما بتلاقيها في بيوت المناسبات حقاتهم تعمل نفسها شيخه وتشوف الفنجان وخرافات زي دي فتشت رقمها واتصلت بيها تلفون قالت ليها عاوزاك في خدمه والعاوزاه بديك ليهو قالت ليها عاوزاك توريني شيخ شااااطر بجيب السعد وبربط الحبيب قالت ليهت وصلتي انا بعرف واحد شاطر شديد لكن ما تعانديهو في شي طلباتو العاوزها تنفذيها بالحرف وهسي قبل ايام عرس اتنين لبعض ادعي ليهم الله يسعدهم زوبه اتبسطت من كلام المره وقالت ليها انا بكره بجيك نمشي ليهو وفعلا اتفقو واتلاقو ومشو ليهو واول حاجه سالها قاليها طلبك شنو ومشكلتك .. قالت ليهو جلب الحبيب قاليها مستعجله والا متأتيه حبه قالت لالا مستعجله شديد .. قاليها طيب الحبيب عنيد ورافض والا عادي وهل هو متدين ومطيع لي ربو شديد والا عادي قالت ليهو عادي وسالها كم سوال