الجزء 15

غرام : احكي لي حبيبي مالك طيب انا ح أحكي ليك

طارق : اسمعيني ياغرام انا ماكنت عاوز اشيل همي لكن طالما انتي عاوزاني احكي ليك بحكي ليك .. انا ياست البنات م غايب عنك بمزاجي انا عندي مشكله ومشكله كبيره كمان ممسخه علي حياتي ومزهجاني

غرام : خير حبيبي مشكله شنو ..

طارق : انا والله متورط في موضوع كده بتاع ديون مع واحد ومكتبني ايصالات وانا ماضي عليها ولازم ادفع ليهو والا ح يسجني وهو كل مره بهددني وبديني مهله وانا بحاول الم في القروش لكن ما تمت ..

غرام : واي حبيبي وانت ليه مابتحكي لي طيب وانت الايصالات دي بتاعه شنو والقروش الشلتها منو عملتا بيها شنو

طارق : حبيبتي ماعاوز اخش في تفاصيل بتتعبني المهم انا وريتك اعزاري الخلتني بعيد عنك وماعاوز اتعب نفسي بكلام ما بقدم ولا باخر يلا انا ماشي

غرام : طيب استني حبيبي خلينا نفكر في حل مع بعض

طارق : لا انا وراي حاجات كتيره فكري انتي ولولقيتي حل كلميني .

طارق مشي وخلي غرام محتاره تعمل شنو وبتبكي علي الحاله الشافت فيها طارق كان التاثير ظاهر علي وشو وضعف وبقي وشو شااحب ‏( وده طبعا من السهر والبنقو ‏) قالت معقوله ده طارق بقي كده انا

لازم اساعدو حتى لو اسرق طوالي مشت لي امها لقتها مافي اتصلت بيها التلفون مابترد كلمت حبوبتها انو لمن نجوي تجي تكلمني ضروري عاوزاها حبوبتها قالت ليها انا زهجت منك ومن امك اريتو الموت اشيلني الليله دي وارتاح من محنكن دي يا الشرطن عيني في الحله وبقت تبكي وتنوح علي بتها وحفيدتها وتقول انا يايمه ياحليلي البيتي زمان كان عمران بالجيران والحبان هسي كان متا مافي زول بفقددني حتي ولدي طفش مني من عمايلكن انتي وامك واحده بتهدي التانيه مافي الام تمرق اليوم كلو والبت تغيب بالشهور

غرام : عليك الله ياحبوبه فكيني من خرفك ده وزي ما كلمتك وري امي انو انا عاوزاها وطلعت منها وخلتها تبكي وتوصف وموجوعه من جووه طلعت علي الزلط كده لقت محل بتاع تلفونات فكرت تبيع تلفونها طوالي فكت الشريحه والذاكره وفرمطت التلفون وخشت ورتو ليهو قيمو ليها بسعر كويس واشترت منو تلفون عادي مستعمل دخلت فيهو شريحتها وفتحتو كده اتصل لقتو خالد وهي ناسيه انها واعداهو يتلاقو ردت الو حبيبي كيفك وين انتي ياغرام انا بتصل من قبيل انا كنت في بيت ناس حبوبه الكلمتك عنها وقلت ليك قريبه امي جيت زرتها لانو كانت عيانه ..

خالدك طيب وانتي وين

غرام : ظرف كلف شويه وقاعدين ندبر فيهو لكن لسه ما تما وهسي بعتا تلفوني لكن لسه قدامنا كتير ...

خالد وقف سواقه قاليها ليه ياغرام مابتكلميني يعني توصل لي انك تبيعي تلفونك . .

يتبع .....