الجزء 15

= تقصد شنو بكلامك دا ؟

ختى يدينو في جيبو و مشى قعد في الكرسي و خلف رجلو : تحبي العرس يكون في

ياتو صاله ؟

قولت ليهو بكل برود : بتعرف حاوية النفايات ؟ طلعت منو و جسمي بنتضف غضب

طول الطريق منار بتسألني من الحصل جوة و انا ما شغاله بيها ، ملامحي خلتها

تسكت نزلت مني في بيتهم ،، الغضب كان عاميني و ماشايفه قدامي مشيت مكتب

مجدي .. انا كل ما اطلع ليهو بعذر يحببني فيهو يظهر لي بدلو الف سبب يكرهني فيهو

اكتر !!..

دخلتا جوة متجاوزه السكرتيره البتنده علي قفلت الباب في وشها من جوه ،، مجدي

رفع راسو مع قفلت الباب

مجدي جاء علي بحيرة : ناردين !.. خير يا بتي فيكي شيء ؟ تعبتي تاني نمشي

الدكتور ؟

بعصبيه : توديني بقروشك الحرام مش ؟ بقروشك الجايبه من السرقه و الصفقات

المشبهوه و حق الناس الماكلو صاح ؟

مجدي بخلعه: دا شنو الكلام البتقولو في دا ؟؟

= يعني الكلام القالو فهد عنك غلط ؟ و انك متورط معاهو في كل القرف البعملو ؟

سكت ما رد لي ، رفعتا صوتي : ساكت ليه ما دافع عن نفسك قول لي الكلام دا غلط ،

قول انو بكذب علي ..

مجدي : ناردين بتي اهدي ، انتي عيانه . قرب مني زحيت يدو بقوة : انت مرضي يا

مجدي انت دا ، ياخي انا بفتش ليك في اعذار تبرر ضربك و قسوتك و عمايلك فيني ..

كل ما القي ليك عذر بلقى اضعافو يكرهني فيك .. كل ما اقرب منك بتبعدني

بتصرفاتك كل ما اقول دا ابوي اكره انك ابوي زياده ..

مجدي بتوتر : خلينا نقعد شويه و نتكلم .

= ما عايزه معاك كلام .. قول انك ما مأكلني و مشربني و ملبسني من حرام يا

مجدي ! قول انو بكذب وبفتن بينا زي نجوان ، قول انك ما قاعد تسرق زيهم ، قول

لي ابوكي ما حرامي ..

مجدي بعصبيه : انا ما حرامي ولا ما كل حق حرام

= يعني فهد بكذب علي ؟ سكت و ما رد لي ..

= كيف ما حرامي وانت ما بتنفي البقولو ؟ انت بتسكت ليه ، انت عايزني اكرهك

يعني ؟

طلع النظاره و ضغط على مدمع عيونو ، قعد في الكرسي ساكت ، جن جنوني بسكوتو

قولت ليهو بعصبيه : انا متمنيه لو كنت ما تخلقتا اساسآ و يريتني ميته ياريتني موته

من زمان و ارتحتا .. يارب اموت وارتاح منك .. مجدي مسكني من يدي بقوة وقفل

لي خشمي وهو برجف من فوق لتحت .. عيونو اتملت دموع ما فتح خشمو بكلمه

جسمو تلج و وقع في الارض ، ضربتو في خدودو عشان يصحى ،، رشيتو بمويه و

جريت فتحت الباب كوركتا للموظفين البرا جات السكرتيره و معاها كذا واحد شالو

معاي ما قدرتا اسوق ساق واحد من الموظفين وصلناهو المستشفى الطوارىء على

طول .. جسمي متلج و برجف من فوق لتحت ونفسي ضاق وشي احمر اتحسسسته

رقبي و يدي بترجف واحده من الممرضات لاحظت لي

الممرضه : يا اخت انتي كويسه ؟

هزيت ليها راسي " كويسه .. " مسكتا في الحيطه عشان ما اقع ولسه ماسكه حلقه و

بحاول اتنفس .. الممرضه جرت جابت لي اوكسجين ركبتو لي

الممرضه : انتي عندك ازمه ؟

هزيت راسي " اي "

قاسو الضغط اللي كان مرتفع شديد ركبو ليهو جهاز تنفسي و دربات .. شويه تنفسي

اتحسن طلعتا الجهاز سمعتا صوت تلفوني بضرب كان خبي ..

خبي : وين انتي بتصل ما بتردي ؟

= ما سمعتو

خبي : مالو صوتك تعبان كدا ؟

بصوت مخنوق : انا في المستشفى

خبي : مستشفى !.. انتي كويسه ؟ حاصل ليك شيء ؟

= ما انا ابوي نحنا في "..." تعال لي هناك

فصل مني ما تم ربع ساعه جا هو و خالد ..

خالد : مالو خالي ؟

خبي : حصل شنو وين هو هسا ؟

= ضغطوا انخفض و اسعفناهو هنا ، قاعد في الغرفه دي .. و اشرت ليهم ناحيه الغرفه

.. دخلو عليهو كان نايم لسه ما صحى كنت واقفه بعيد وماسكه نفسي بالجلاله . خالد

و خبي استمروا في الاسئله .. اتصلوا لزين كلموهو ان يكلم عمتي سكينه براحه وما

يخلعه . عمتي سكينه جات هي وزين فضلو جنبو لغايه المساء ما صحى خوفي عليهو

بزيد مع كل دقيقه بتمر .. الدكاتره طمنونا انو دا طبيعي . حسيت روحي مخنوقه ما

قادره اتحمل وضعوا اكتر . قعدته في الكرسي و ماسكه يديني علي بقوة .

خبي : انتي كويسه ؟ هزيت ليهو راسي من سكات

خالد جا شايل سندوتش و عصير في يدو : هاك اكلي ..

= ما جعانه

خالد : نود ، ابوكي كويس و الدكتور طمنا عليهو هسا بصحى .. مع كلام خالد عمتي

قامت بسرعه

سكينه بصوت باكي : حمدلله على السلام يا اخوي .. نادي الدكتور يا خالد .. خالد

ختى الفي يدو ومشى بسرعه ينادي الدكتور . شالو منو اجهزت التنفس

الدكتور : حمدلله على السلامه ، يخلص الدرب دا بس و تطلع البيت .

مجدي حول عيونو علي .. من غير ما يحسو اتسحبته و طلعتا برا ..

خبي : ح تحكي في شنو !..

اتلفت وراي لقيت خبي

= مافي شي تعبانه شويه عشان مجدي ، اتخلعتا ..

خبي : شافع انا صح ؟

= خبي من فضلك الفيني مكفيني ..

خبي : احكي لي الفيكي !

ما رديت ليهو و حولته نظري الناحيه التانيه .. خبي وقف قدامي وهو مدخل يدينو في

جيبو : ما تحكي لي بس ما تضايقي تمام ..

عيوني مليانه دموع ما راضيه تنزل .. لمت يديني علي و عاينتا ليهو في صمت

خبي : تعالي طيب

= وين ؟

خبي : تعالي بس ارح .. فضلنا ماشين نص ساعه كامله من غير ما يفتح خشمو معاي و

يقول ماشين وين بالضبط ؟ وقفتا في نص الطريق و هو ماشي قدامي انتبه اني ما

جنبو اتلفت شافني واقفه ..

خبي اشر لي : تعبتي ؟

= ماشين وين نحنا .. ؟!

خبي : اذا ما عايزه تمشي نجري

عاينتا ليهو بزهج وضيق : بجد انا ما ناقصه .. ورجعتا بنفس الطريق .. خبي فضل

ساكت وهو ماشي جنبي ، لقيتي روحي بلف و بدور في نفس المكان .. اتلفتا حواليني

: انت وين جبتني ؟

خبي : انتي شايفه شنو ؟

= انا عايزه ارجع ، رجعني ..

قعد في الارض : مالي مزاج ارجع امشي براك ، ما عارفه الطريق الجيتي بيهو ؟؟

اعصابي تلفت رفعت صوتي : طلعني من هنا سرعه

خبي : قولت ليك ما ماشي اذا ماشه داك الطريق

= اقسم بالله يا خبي ما ترجعني حالآ تشوف مني تصرف ما يعجبك !

خبي : تمام

حاولته اتمالك اعصابي بقدر المستطاع

= لاخر مرة بقولك رجعني بالزوق .. ما اشتغل بي كأني ما بتكلم .. اتلفت حواليني

بغضب ما شايفه غير لمبات في الطريق كأني في متاهه بدور في نفس الطريق و برجع

لنفس المكان الفيهو خبي !.. جريت في المكان ولفيت فيهو تلاته مرات و برضو بجي

لنفس المكان .. تعبتا و انا بلف في المتاهه دي .. نزلت لغايه ركبي و اخدتا و ضعيه

الركوع و انا بتنهد من التعب اعصابي تلفت بقيت بصرخ فيهو كل دا و هو هادىء

وبعاين في الارض .. رفع راسو بعد حسى بصوتي اختفى ، لقاني خاته يدي في وشي و

ببكي ما سألني لغايه خلصته بكى ، جاء علي بهدوء قال لي : احسن ؟

بصوت باكي : رجعني البيت .

خبي : تمام يلا نرجع .. دخل بي طريق في نص الاشجار الكان قاعد وراها !.

= انت طلعتا الطريق دا من وين ؟

خبي : عندي عصى موسى شقيت الارض و طلعتو . عاين لي وضحك : كان واضح

حتى في مره جات طالعه بيهو بس انتي كنت مضايقه للحد المخليكي ما شايفه

قدامك في شنو !

= خلينا نركب المسافه بعيدة ما قادرة امش

خبي : احسن عشان تطلعي بقية النكتيف الجواك لغايه نصل بتكون اختفت

وقفتا : ما قادرة بجد مافيني حيل للمشي

خبي : مع الونسه م ح تحسي بالتعب ، احكي لي مالك .

= مافي شيء

خبي : طيب ..

عما صمت لبرهه قاطعتوا : اتشاكلته معاهو و اشتدتا النقاش بيناتنا بسببي حصل ليهو

كدا

خبي : لا ما بسببك اصلا هو ليهو فترة مضغوط

رجعني المستشفى دخل جوه انا وقفتا عايزه اركب ارجع البيت ..

خبي : ح تمشي !!..

ركبتا : كدا كدا ح تجيبو البيت مافي داعي لقعدتي معاهو .. قبل امشي جا

خبي : ناردين يمه ما تحملي نفسك فوق طاقته و ما تحرقي قلبي عليك اكتر مما هو

محروق حاضر يا بابا ؟

هزيت راسي من سكات و اتحركتا مشيت البيت .. قفلتا تلفوني تاني يو ما طلعتا ولا

مكان حتى الجامعه كسرتا حنكه و ما مشيت داومته ..

___________________

عبير جات داخله البيت شايله شنطتها .. لقيت ابوها قاعد جرت عليهو حضتنو ..

عبير : بابييييي ... حمدلله على السلامه ♡♡

امين " ابوها :" الله يسلمك .. انتي وين كنتي بشنطك دي ؟

عبير : كنت في رحله مع اصحابي .. يعني قولنا نغير چو شويه من استرس الچامعه ..

امين : اها رحله .. من متين الرحله دي ؟

عبير : يعني اول امس .

امين : اول امس ، مع منو كانت .. منو اصحابك ديل ؟

عبير : شنو يا بابا هو تحقيق ؟ بعدين ماما عارفه !

امين : اذا كدا معليش ، خشي ارتاحي شويه بعدها انزلي ندردش ..

رنا جات خاشه : عبير وين انتي للساعه دي ؟

امين اتلفت على عبير : مش قولتي امك عارفه ؟

عبير : طبعآ عارفه ، شنو يا ماما كنت في رحله و انتي عارفه !.. يلا تصبحوا على خير

ح اموت من التعب خاشه ارتاح شويه ..

عبير مشت و امين فضل يراقب فيها من بعيد ، رنا دخلت غرفتهم امين لحقه .. قعدت

قدام التسريحه شالت شويه من اللوشن و دلكت بيهو يدها تهتم.. امين وقف وراها

خاتي يدينو في جيبو ..

امين : رنا .. عبير قعدت كم يوم برا البيت ؟

رنا : تقريبآ يوم .

امين : تقريبآ !!.. عبير ليها تلاته ايام برا البيت يا رنا .

رنا : المهم هي هسا في البيت ، بعدين كلمتني مافي داعي تؤڨر الموضوع ..

امين : ءاوڨر ؟ هو اصلا ماتش اوڨر ما اوڨر بس ..

رنا قامت وقفت قدام امين شالت نفس : امين ، البت حبت تغير چو طلعت شويه مع

اصحابه وين المشكله يعني ؟

امين : دي بت يا رنا ما ولد ! ، المفروض انتي امها تكوني عارفه مشت وين ومع منو ؟

انا كل ما اجي ما بلاقها في البيت على طول في حالة طلعات و مرقات ما حصل جيت

لقيتها قاعده في البيت !..

رنا قاطعتو: تحركاته كلها انا عندي علم بيها يا امين .

امين : طيب ، هي جات من وين اليله ؟

رنا بنفرزه : كانت مع اصاحبه

امين : اصحابه منو ؟

رنا : انا كمان ح ادخل في اصحابه يا امين ؟

امين : مش امها ؟

رنا : يعني اكتم على نفسها عشان امها ؟

امين قاطعه بنبره حاده : هي بت يا رنا و البت عرض !..

رنا باستهزاء : نعم نعم .. شنو العقليه القديمه دي ؟ امين نحنا في القرن الواحد و

عشرين .. ! ولا عشان هي بت المفروض اختها في قفص و اقفلو عليها ؟ المفروض

نديها حريتها و ثقتنا يا امين ولا عايزه تطلع معقده زي غيره من البنات الماعارفين

للدنيا شي ؟ خلي البت تعيش حياته وريح عقلك انت ..

امين : في حدود و اصول لكل شيء وبتك واخده حريه زياده عن اللزوم ..

رنا بزهج : ومن متين الكلام دا ان شاء الله ؟ ما عبير ياها عبير من ما تولدت ياها

مرقاته وطلعتها وانت عارف كدا كويس چديده عليك ؟؟ انت عمرك ما علقتا على

الحاچه دي شنو الحصل فجأه خلاك مركز معاها كدا ؟؟ في شنو ؟؟

امين : انا خايف عليها شويه ..

رنا : عبير ما صغيره يا امين عاقله و واعيه و عارفه هي بتعمل شنو كويس!.. سيبك

منها واحكي لي ما اشتقتا لي ؟ شنو چبتا لي من كلفورنيا ؟؟

______________________

في الجامعه

جيلا : نود اشتقنا ليك مالك امس ما جيتي ؟

= كنت تعبانه شويه ..

منار : اتصلتا تلفونك مقفول كنت عايزه اجيك بس قولت بتكوني مع ناس عمتك .

= فعلآ كنت هناك ..

جيلا : انتي كويسه شكلك متغير لو تعبانه لسه ارجعي البيت ..

منار : واذا على الاب ما تشيلي هم انا بصور ليك فديو و بجيب ليك الملخص

= لا انا كويسه ، ها .. سبأ لسه ما جات ؟

منار و جيلا عاينوا لبعض سالتهم مستفسره : في شنو ؟

منار : هي جات بس تصرفاته غريبه شويه !

= كيف يعني ؟؟

جيلا : امس اتفاجئته بيها جات وواقفه في الكولار ندهت عليها ما ردت قولت يمكن ما

سمعتني مشيت لفتها عدييل من كتفه سلمت على ببرود و مشت .. لمن نكون بنخلص

محاضرات نهايه اليوم مش بنمشي سوا ؟ يلا هي مشت خلتني مع انها شافتني لمن

طلعته من القاعه ، قولت يمكن طلعت مستعجله و لاشي بتصل ليها ما بترد برسل ليها

واتساب ما بترد مع انها اونلاين !..

منار : انا برضو جات قاطعه فيني و شافتنيي في شجرة خالتو زينب و كنت براي

عاينت لي وعملت ما شايفه و برضو لمن ارسل ليها ما بترد !

جيلا : انا قولت عشان مكتئبه بس مر اسبوع !.. و نحنا ما دخلنا بكتئابه صاح ؟ في

النهايه نحنا صحباته !!

= خلوها على راحته فترة و بتعدي ...

جيلا : اها المهم انا ماشه السوق بعدين تمشوا معاي ؟

منار : دايره تجيبي شنو ؟

جيلا : حاجاتي انتهت البتمسح بيهو ما عندي ، امس شحدتا امي ادتني 200 عندي

عليها 300 امشي اشوفه بتجيب لي شنو ..

منار : كان جابت ليك لوشن مع الغلا دا انجاز 😹💁

= منار الناس دخلت ، جيلا نتلاقى بعد لاب انا زاتي عندي فستان ح ابقى اغشى

الترزي معاك .

جيلا : خلاص بستناكم في شجره خالتو زينب .

خلصنا الاب ومشينا السوق و على قول منار 500 جيلا جابت ليها حاجاتين بس

.. 💔 مشيت لامي و شلتا معاي شنطتي فتحت لي الباب رفيف ك العاده

رفيف بحماس : جاااايه تقعدي معانا 🐾😍

= ح اقعد معاكم اسبوووع بحالو .. اختصاصي فتح بيبان انتي .. ؟ 😂

رفيف بزهج : ديل بعملوا شي غير التأمر؟ كان وقعت قشه ينادو ليها رفيف 😑

💔

= الله يعينك 😂

رفيف وهي داخله : الله يجيب لي راجلي بس وارتاح منهم .. دخلتا سلمت على امي

الانبسطتت شديد اني ح اقعد معاها ، طلعت ملابسي بفرح ختتهم في الدولاب حقها ،

رتبهم معاها في الدولاب افضل خيار اختو اني اجي اقعد مع امي في الفتره دي بذات

بجد انا محتاجه لوجودها جنبي .. في الفتره الاخيره صحت امي اتحسنت شويه بشكل

ملحوظ .. جابت الزيت و قعدتني في الارض دهنت لي شعري .. يدها ناعمه حسيت

بالنعاس بتسلل لعيوني امي ختت يدها في راسي وحنت راسها علي ..

تغريد : نعستي ولا شنو ؟

= شويه ..

تغريد : تعالي نومي في حضني ..

اتلفتا ليها بدهشه : جد ؟

ضحكت : طبعآ . اطبحت في السرير و مدت لي يدينيها .. تكلتها راسي في صدرها و

غطيت في نوم عميق 🐾🐾💙😴

فضل لعرس زين 5 ايام شلته بعضي يوم الجمعه من الصباح ومشيت ليهم كلمته امي

اني ح قعد للمساء .. من دخلته لاحظته لوجود ناس جديده اخت نمارق و عمتي احلام

و بناتها .. سلمت عليهم ودخلته المطبخ استلمتني عمتي سكينه : ليه جيتي ؟ كنتي

تقعدي مع ابوك لسه ما بقى كويس ..

= لا هو كويس تاني و مرتو قاعده بتهتم بيهو

سكينه : تتكلي على نجوان هسي نجوان دي بتكلو عليها في شيء ؟

= يا عمتو راجل و مرتو انا الدخلني شنو ؟

سكينه : اجي دا كلام شنو دا ؟ مهما كان دا ابوكي ما تهملي عشان البعملو معاك .. اول

امس مشيتي خليتهو خبي قال لي مشيتي ترتبي ليهو البيت ، لمن وصلنا لقيناك مافي

لغايه مشينا ما ظهرتي ، كنتي وين ؟

= دخلت غرفتي ارتاح شويه و غرقته في النوم من غير ما اشعر ..

سكينه : سمح ، سوقي ريتال و امشوا سماح جارتنا دي عندها حلل جبوها منها .

= ريتال دي منو ؟

سكينه : ريتال بت صحبتي يمنى جات مع امها يساعدونا ، ديك ليها لابسه عبايه

ملونه ديك ..

اشرت لي بالشباك على واحده واقفه لابسه عبايه كحليه و طرحه جوافي .. انتبهت

ليها واقفه مع خبي في الحوش وبتضحك مشيت سلمت عليها و طلبته منها تمشي

معاي .

Flash_back

منزل سفيان 2005 م

يوم العرس

مروة : يا مريم الله يخليكي قومي البسي الناس ح تجي خاشه و الكوافيره دي

مستنياكي من قبيل موقفه شغلتها كلها عليك .

الكوافيره : لو سمحتي انا عندي عروسات غيرك مستنيه !!..

حاجه الشفا جات خاشه : اطلعوا شويه و خلوني معاها .. البنات طلعوا وفضلت الا

مريم و امها ..

حاجه الشفا : مريم يا بتي العرس دا تاني بقى والناس حتى عقدت سلمي امرك الله و

الله يعدل بينكم !

مريم : يا امي .. انا ما دايره .

حاجه الشفا : سمح قولي رفضناااا .. ابوكي واخوانك يودو وشهم وين من الناس ؟

نحنا عقدنا و عزمنا و هاديل الضيوف قاعدين في البيت الكبير بيغادي مستنينك تمرقي

عليهم نقولو للناس شنو يا مريم ؟ .. اها هسي كان بطلاناهو مرة واحده الناس تاكل

وشنا و يقولو طلقوها يوم عرسه لعيبه فيها ! وانتي عداكي العيب يا بتي هديه ورضيه

، عايني لابوكي دا ما تكسري لابوكي كلمتو و تسودي ليهو وشو قدام الناس وهو ادى

كلمه !.. و عمك حالف يمين يقطع رحم امو كان ما عرستي ولدو يرضيك ابوكي و

عمك يتشاكلوا وينقطعوا بسببك ؟

مريم بصوت مخنوق : ذنبي شنو يمه اعرس واحد ما دايراهو عشان ارضي عمي ؟ هو

رخص الخوه البينهم و عايزه يقطعه لسبب تافهه انا زنبي شنو ادفع تمن علاقه ميته

من الاساس ؟؟

حاجه الشفا : مريم انتي لازم تضحي عشان العيليتن !

مريم : الحبل الميت مصيرو ينقطع يمه ، لو ضحيت اليله بكره تاني ح يلاقو سبب و

يتشاكلوا .

حاجه الشفا : يا بتي انتي اعملي العليك وارفعي راس ابوكي ما توطي ،و كدا كدا تاني

العرس تم

خلاص تاني لا كلام بنفع لا بكي بنفع عقدو و انتهوا يا مريم !..

مريم سكتت قبل تقول : دايراني اضحي يمه ؟

حاجه الشفا : عشان ابوكي و اخوانك كلمتهم ما تقع الارض

مريم : سمح يمه ..

حاجه الشفا فرحت : ح تلبسي يا بتي ؟

مريم : مش نفسك تشوفيني لابسه التوب الاحمر ؟

حاجه الشفا : منى عيني اشوفك عروس يا بتي .

مريم : خلاص ح تشوفيني لابسه .

حاجه الشفا قامت بفرحه : اقوم انادي ليك البت تمكيجك و تجهزك ..

حاجه الشفا طلعت و نادت ليها البنات لبسوها و مكيوجها مريم كانت زي البدر في

سماها .. متوسطه الطول .. ما نحيفه وما سمينه .. بشرته فاتحه .. الحنه زينت يدها

المليانه ، والتوب الاحمر والقرمصيص بيرقصوا فرح انهم حظوا بشرف لبستهم ليها ..

لمن خلاص جا الوقت عشان يسوقها نادت امها و اخدت منها العفو .. امها عفت عليها و

بكت هي و اخواتها .. ابوها جا شافه اخدت منو العفو و قبلة جبينو . طلبت من البنات

يسبوها شويه تعدل ملابسه ، البنات طلعوا و قفلت الباب .. مرت ربع ساعه هي ما

فتحت جات خالته خاشه مستعجله : وينها مريم ؟ الناس دي مستنياها برا

بت خالته : قالت عايزه تصلح ملابسه طلعنا ليها برا ..

خالته : كدي افتحي الباب خليني اخش ، بالغت الناس مستنيه برا .

عماد : وين يا جماعه ما تطلعوا الناس مستنياكم

خالته : هدا طلعنا .. مالو الباب دا ما بفتح .. ضربت الباب : يا مريم ، مريم افتحي

الباب .. فضلت تدق في الباب و مافي زول بفتح

عماد بعصبيه : قسمآ بالله القاها هربت الا ادفنها في ارضها .

الخاله : كدي قول بسم الله خليها تفتح نشوف ماله ما تتكلم ساي !

عماد بعصبيه : زحي لي كدا انا زهجته من عوارة البت دي دايره لي دقه تانيه ..

مروة : كدي يا عماد اصبر خليها اسي بتفتح ، بتكون خايفه خليني اتكلم معاها ..

عماد لز مروة بقوة و ضرب الباب بكل قوتو كسرو .. فتحت الباب بغضب وهو بتلفت

وبكورك باسم مريم ، مروة اتصلبت في مكانه لمن شافت جسم مريم بتحرك في

الهوى يمين وشمال ، عماد جرا عليها مسكه من رجلينها على امل انو يلحقه بس مع

الاسف جسمه برد وبدا يزرق .. خالت مريم و البنات بقو بصرخوا بصوت عالي .. وبدل

الزغاريت الكانت ماليه المكان اشتدت اصوات الصراخ و النواح .. كل الحاضرين و

الكانو قريبين من الغرفه الفيها مريم انكبوا عليها .. حاجه الشفا شافت بتها جثة عروس

ما كانت عارفه انو لمن قالت ليها " حاضر " كان قصدها انها ح تنتحر .. ما كانت عارفه

ان العفو الاخدتو منها ومن حاج سفيان كان اخر عفو واخر وداع للابد .. مريم انتحرت

و فارقت الدنيا حاجه الشفا وقعت ساكته و فقدت بصره بعد ما شافت بتها و ضي

عينه مشنوقه قدامها .💔 حاج سفيان حبس نفسوا جوة البيت و بقى ما بطلع ابدآ

وببكي اليل و النهار على مريم فقدت قدرتو على الكلام لسنه كامله .. كل قوتو و

شدتو اختفت ...

______

مرحبآ ..

انا مريم ...

جميله قد زفت لقبر سعته متر يوم زفافها ..

ضحيه عادات و تقاليد كتبها شخص دفن قبلي !..

" البنت لابن عمها " عبارة ترددت على مسامعي حتى مدفني

اخبرنني ..

كيف الحال من بعدي ؟؟

هل لا تزال افواهكن مُكمكمه ؟

و اصواتكن مُغمغه ؟؟

كيف حال ابي و اخوتي تسألت نفسي ؟

كنت هم و قد ازلتني !..

لم اقوى على تسلط العادات

حكم الرجال على النساء

وسلبهن على العراء ..

لن ارضى ...

قوامون على النساء

قالوا !...

من انتي لتتمردي ؟

اتسئل عن هويتي !..

انا يامن جهلتني ..

سورة في كتاب عظيم

وصية رسول كريم

من انجبتك .. و آنستك .. و احبتك

زوجتك ، و ابنتك ، وحبيبتك

انا

الجنه و بابها و طريقها ..

نصف الحياة و جميلها ..

لم اخلق " لتشيل " همي

و تزوجني لابن عمي

وتحيدني و تختار عني

لست الضحيه و كبش الفداء

لست الداء بل الدواء

لست العِكر بل النقاء

لست الغم بل الرخاء

طيفآ و نسمه هواء

انا عونآ لا عناء

انا مريم و حواء

انا حرة ..

# معسلامه 🐾🐾💙🚶💁