الجزء 8
لقت كامل راقد ووشو شاحب و م لابس حاجه وصرخت في شنو ؟ عملتو للولد شنو ؟ بوديكم في ستين داهية
وشالت كوكي ومشت البيت بسرعه وضربت 999 وفي لمح البصر الشرطه جات واتهمتهم بمحاوله اغتصاب الولد رغم انها فتشت كوكي لقت مافي شي واضح لكن اصرت يمشو القسم ويعملو كشف للولد .. وفعلا مشو وهناك اتضح انو الولد سليم ولمن سألوه قال ماما مريم حست انو زي العيان وجابت ليهو لبن مع ولدا وهو ضرب التربيزه بدون قصد واتكشح اللبن في ملابسه و طلعوها ليهو وغسلوها ولفوه بالبشكير عشان م يجيهو التهاب لانو اصلا عيان رزان خجلت بعد سمت الكلام دا وسحبت البلاغ وحتي م اعتذرت لي ناس مريم جيرانهم والشاب الفتح ليها الباب بعاين ليها في كره وحقد وبعد طلعو من القسم قال ليها : واحده تافهة وغبيه وتتهمي الناس بالباطل والله لو م عشان زوجك الطيب وحاجه مني وعبير الا كان اوديك ورا الشمس
مريم : يلا ي طلال ولدي مافي داعي للكلام حسبي الله ونعم الوكيل بس فيها
رزان دخلت البيت وعبير هاجت فيها : انتي طوااالي متهوره ومستهتره كدا ناس مريم ديل احسن ناس في الحي كلو .. حلو كدا لمن تخربي علاقتنا بيهم ياخ كان تحسبيها بس اول يعني مريم موجوده وزوجها وولدا طلال وحماده يعني الاغتصاب البتتكلمي عنو دا اذا عايز يتم يتم كيف ؟ ووين ؟
رزان : انتي واحده من الناس موش حذرتيني من قعاد كامل في بيوت الناس وحتي قلتي لي الدنيا م معروفه ،، اسي الجديد شنو يعني ؟ بعدين لو حصل حاجه لي كوكي كلكم ح ترموها فيني انا براي ... غلطتا يعني لو خفت علي الولد شويه انتي طول اليوم جاريه في شيلتك وعرسك انا بس المهتميه بيهو
اسمعو انا تاني م مسئوله عن كوكي ولا عن اي زول في البيت دا مفهوم ؟ اي زول مسئول من نفسو
حاجه مني : كتر خيرك ي بتي ومره ولدي
طلعت رزان شقتا وضربت لي امجد تلفون وبقت تبكي وحكت ليه الحصل كله وكلام عبير ليها ووضحت ليه قدر شنو هي بتعاني ومعذبه من تعامل حاجه مني وعبير معاها وامجد زول طيب هون عليها وقال ليها : امي دي اطيب زول في الدنيا وانتي عارفه دا اكتر مني وعبير دي بت خالتك وصديقه عمرك تكون متوتره شويه عشان زواجا قرب
آيات اتحننت من الصباح وقشرت كدا دايره تطير طير ولبست اولادا عشان يجو عرس عبير في الصاله ولمن وصلت اتفآجأت بي رزان حنه ساده م ختتا ولابسه توب حرير حلو بس وهي طبعا اصلا جميله ورغم انو عامله ميك اب خفيف وبسيط لكن طلعة مباالغه لكن آيات سألتا عن الحنه وجاوبت : ياخ دي واحده ناكره جميل وهبله م صدقت لمت ليها في طرطور بي هنا وطوااالي افترت بي هنا وغيرت تعاملا معاي لكن وحاتك م عندي ليها اي حاجه و
قطعت كلاما لمن شافت طلال من بعيد بعاين ليها بنفس نظره الكره والحقد ديك ولمن عينا وقعت عليه برضو م شال عينو واتهربت من نظراتو وهي خايفه ومقلقه 😰 جات العروس وكانت روووعه وناجي كمان مكمل الوجاهة ولايقين علي بعض وزي العسل وواضح الحب والسعاده عليهم .. رزان مشت باركت وجات قعدت مع الشله حقتا زي الضيفه وبقت تتونس مع آيات وقالت ليها : والله الولد القطعتي رزقو دا مزعلني شديد عسولي وراقي م يستاهل 😔
آيات : يستاهل عشان تاني يعرف انو دخول الحمام م زي خروجو ،،
رزان : ههههه انتي عملتي ليه احتكار ولا شنو ؟ وبعدين اذا عرفك ورا فصلو من الشغل م بعاين ليك تاني يختي زي دا م ببقي ليك انتي بس بكون عنده علاقات متعدده وعودي نفسك علي كدا 😅 في لحظه ممكن يطفش عادي منك تشلبو واحده تاني 😛😛 آيات : انتي فقر خلاص 😔 وجود الولد دا في حياتي هو البهون علي هجران راجلي لي واهماله مالك ياخ عليك الله عايزه تجننيني 😔😔 موش اصغر مني لكن حاسه انو اذا خلاني روحي بتتسلب مني 💔 رزان : راجلك وراجلي غايتو م خافو الله فينا حرمان 3 سنه نحن م بشر وبنحس ولا شنو ؟ خلونا اتلوثنا بالحرام ربنا يهدينا 😰 آيات : منعم خبرو شنو ؟ م قلتي لي الحصل شنو تاني ؟ رزان : آآه حاولت انساه م قدرت ضربت تلفونو م برد وبعد فتره بقي يديني مقفول يظهر غير الرقم
سكتت مساافه وقالت : انا بحسد الراجل المتزوج البخلص لي مرته هو صاح غلط معاي لكن رجع ليها ورفض يواصل معاي انا ،، ساعات بسأل نفسي عن سبب خيانتي لي زوجي وبقول هاجرني وغايب عني بالسنين تاني بضرب مثل بي امينه بتحب راجلا ومخلصه ليهو رغم انو مغترب برضو وكمان لمياء حتي محلو م معروف كافحت اشتغلت معلمه روضه عشان تربي اولادا وحتي الولدين الماتو م خلت دكتور م ودتم ليهو 😰معناه المشكله فينا نحن 🙊🙊🙊
آيات : ٱمينه زوجها بجيها كل سنه يعني م زينا وحتي لما يجي زي العرسان بهرب بيها بعيد عن الناس فتره طويله ❤❤❤❤ بتعامل معاها بمنتهي الرومانسيه ...
رزان : الخلاها تصبر سنه كان بخليها تصبر برضو 3 سنه لكن نحن للاسف خاينين بالفطره يعني اتخيل لي لو رجالنا كانو م مغتربين برضو كان بنخون 😔
آيات : الله ياذاك طيرتي لي حجر الشيشه من راسي هسي انا القي شيشه هنا كيف؟ بعدين لمياء انتي بتصرفي عليها ووليته نعمتا يعني اذا احتاجت قروش ممكن تخون بدافع الحوجه
رزان : هههههه انتي
مجنونه والله ومجهزه ردودك 😅 م قلتي لي عم اولادك كيف معاك ؟ يعني حشري بدخل في حياتك ولا في حالو ؟
آيات : هو مسكين وم عندو شغله فيني بس بلعب مع اولاد اخوه ديل .. لكن يوم كنت لابسه فستان قصير حق بيت ومتحننه ساده ساي في البيت طلعت الحنه ومشيت اغسلا في الحوض بره م كنت شايفاهو والله سمعت صوت حاجه وقعت اتلفتا لقيتو دا هو كان بعاين لي في كرعيني لمن وقع قلت شوفي الولد الما بخجل دا انا مره اخوه مفروض يغض بصرو صاح ؟؟
رزان : ههههه مغامراتك كترت ي غزال لكن ليهو حق انتي في وسط اهل راجلك ديل زي الجبنه في الفول .. بصراحه اهلك م استخارو فيك احمد حسن م مناسب ليك بالمره 😅😅😅😅 آيات : هييي م شفتي طوله اللسان مقومني ومقعدني الحلبيه القصيره 🔹🔹🔹🔹🔹🔹🔹🔹🔹🔹🔹🔹🔹..
الحفله انتهت ومشو يجهزو العرسان للجرتق وفجأة آيات قالت : شوفي المره دي رغم انها حامل وكرشتا لحدي حلقا الا انها زي القمر وماشه مع زوجها احلي من بت خالتك العروس ذاتا 😍 نزلت رزان علبه الكولا من خشما واتلفتت تشوف المره العجبت آيات دي ووقعت العلبه من يدها لمن عاينت للمره كويس واتأكدت من الراجل وطلع هو ....