الجزء 7
امجد راسو ضرب والمره دي متهوره وممكن تنفذ تهديدا عادي وتطلق وترجع السودان وزين حياتو تتدمر لانو بحبها شديد ومتعلق بالاولاد اما امجد مستحيل يستجيب ليها هي عايزه تقوده لطريق الرذيله وهو بخاف ربه ومخلص لي مرتو وبحبها حب كبير وعمرو م فكر يخونا وكمان زين صديقه وزي اخوه الكبير وصاحب فضل عليه مستحيل يخونه
اسلام قال ليهو : المره دي م بتخليك في حالك الا تجيب راسك امجد : دا بعدها انا من قمت الحمد لله م قربت من مره بالحرام ولا اكلت حرام بعدين اكيد انا م حريص علي حياتا الزوجيه اكتر منها انا حاسي انها عامله التهديد وسيله حقت ضغط عشان اكون معاها لكن انا بفتش شغل في حته تانيه وبرحل من جمبهم واذا دعا الامر بخلي ليها السعوديه دي كلها واسافر حته تانيه ..
اسلام : اسمعني قول ليها اسلام صحبي دا كمان وجيه وبعجبك اديها تلفوني منو اريحك منها واستفيد انا رايك شنو
امجد : ياخ حراام عليك انا ناقص ذنوب
رزان مشت تزور لمياء بتها عيانه وبعد سلمت وقعدت وشربت العصير مدت لي لمياء كيس كبير في حاجات لمياء قالت ليها : دا شنو ؟ لييي ي رزه معذبه نفسك مافي داعي والله دايما مغرقانه بي جمايلك و
قاطعتا رزان : جمايل شنو بتبالغي لكن ابرار ورؤي ديل حبيباتي والحاجات دي ليهم م ليك انتي
لمياء بكت وقالت : من ابوهم قطع الخبر مافي زول واقف معاي غيرك انتي
رزان : نحن اخوات حبيبتي وعشره عمر
لمياء : تسلمي حبيبتي بناتي كل يوم جايين من المدرسه يبكو بقولو لي البنات بقولو ليهم انتو صحي م عندكم ابو
خايفه البنات يتعقدو وديل الشي الوحيد الطلعتا بيهو من الدنيا دي ،، رزان : ومدثر م منو خبر خالص ؟
لمياء : خمسه سنه م عارفه عنو شي واهله رمو طوبتو زمان وحتي البنات بقو م بسألو منهم وقالو لي انتي فقر ووش نحس طفشتي مدثر بالولاده كل سنه اسي غير البتين ديل فضل شنو ومدثر حتي م عارف اولاده الاتنين ماتو رسلت ليهو في العنوان القديم وماجاني رد وتاني م عارفه ليه عنوان
😩😩😩 رزان : ربنا يعينك حبيبه اما مدثر م نقدر نظلمه م معروف ظروفو شنو ربنا يرد غربته ،، لمياء : آمين يارب رزان : انسي موضوعه وعيشي حياتك لسه حلوه وصغيره ممكن ترفعي عليهو قضيه وتتطلقي بدل قاعده معلقه لا طايله سما لا ارض .. لمياء : مشكلتي بحبو وم شايفه راجل غيرو،،
رزان : انتي وحده م عندك موضوع بكره ح تندمي 😒
💚💚💚💚💚💚💚💚💚💚💚💚
رزان بعد رجعت البيت لقت حاجه مني وكوكي قاعدين في الغرفه حقت مني وسلمت عليهم وسألت عن عبير وحاجه مني جاوبت : مشت تشتري الشيله حقتا ☺☺
رزان : بدون م تكلمني علي اساس انا صحبتا وم بتدس مني حاجه خلاص التغيير بدا قبل م يتم الزواج 😏😏
حاجه مني : ي بتي عبير انتي بتعرفيها اكتر مني بتكون انشغلت 😄 العريس معاها في الشغل من هناك يكونو مشو السوق م تزعلي منها
رزان : ي ستي ربنا يتم ليها انا طالعه شقتي انوم صحوني لصلاه المغرب لو م صحيت ،،
كوكي مشي عليها ونهرتو بسرعه وهي صاره وشها : موش سمعت اني عايزه انوم
كوكي جري لي حاجه مني وحضنا وبقي يبكي وهي ضمتو عليها وقالت ليه : معليش ي روحي ماما تعبانه شويه قول لي عايز شنو انا بعمله ليك
كوكي كان محتاج للحنان محتاج امو تضمه زي اي ام بتضم طفلها محتاج يحس بدفء امه وخوفا عليه مشتهي يرقد في حضنها 💝💝💝💝💝💝
عبير اشترت كل الملبوسات وكمان العطور واي شي ووصلها ناجي لحدي البيت ورجع ودخلت فرحانه تلف في الهول وترقص وهي مبسووطه ودا خلي حاجه مني تضحك وتقول ليها : ربنا يفرحك كمان وكمان ي بتي انتي طيبه وقلبك نقي 😍
عبير : آمين ي امي المهم العرس بعد اسبوع والليله اخدت اجازتي وتاني خلاص م عندي مرقه وابوي واخوي بجو بكره وباقي الاهل بجو يوم العرس البلد قريبه كلها ساعتين ونص ويكونو هنا بكره بجيبو الشيله انا امي صاح ميته لكن انتي ي ماما اديتيني كل الحنان والحب 😍
في مره ح تجي تعمل الارياح والدلكه والبخور بي انواعه ☺☺☺☺
م عايزه اتعبك ي امي اما الدخان بعد دا بخرب لي لوني بدخن بعد العرس ان شاء الله
حاجه مني : مبروووك ي بتي بخيت وسعيد عليك وربنا يديك الزريه الصالحه 😍😍 جات رزان نازله وسمعت كلام عبير كله وزعلت شديد لانها همشتا وقالت : كنت فاكره في عرسك اكون معاك خطوة خطوة في كل شي لكن ي زوله مدام انتي سعيده الباقي م مشكله مبروك
عبير عايزه تتكلم رزان مشت المطبخ وعملت ساندوتش واكلت وطلعت عايزه تمشي شقتا عاينت م لقت كامل وسألت مني وطبعا حاجه مني كفيفه وم بتشوف يعني م انتهبهت لي كامل .. ورزان طوالي كوركت : انا لمن اكون فوق بكون مطمنه انو كامل معاكم يعني مفروض تنتبهو مشي وين والساعه 8:20 مساء يعني م مواعيد لعب اطفال بره البيت ! والولد قلبو ضعيف جدا اي شي مفروض يكون بي حساب
حاجه مني وقفت علي حيلا وقالت ليها وهي منزعجه : دا م وقت محاضراتك دي عليك الله امشي شوفي الولد مشي وين ؟؟
طلعت رزان بسرعه مشت بيت الجيران المتعود يمشي ليه كوكي وضغطت علي الجرس وبعد مسافه جا الشاب داك وفتح ليها الباب وسألته عن كامل وقال ليها
ايوة موجود لكن لحظه بس هدومو لينه لسه و
قاطعته رزان في عصبيه : هدومو لينه كيف ؟ 😡 عملت للولد شنو ؟ اتكلم 😡 وبقت تكورك وهي داخله لي جوة تفتش غرفه غرفه وتنادي : كوكي .. كوكي ي كامل بعد شويه دخلت غرفه كدا ولقت كامل راقد ووشو شاحب شاحب ومتغطي بي بشكير ومن جوه م لابس حاجه ...