الجزء 5
منعم وقف يعاين لي رانيا مرتو وهو منهار ومدمر تمام ودنقر راسو ورانيا تفت ليهو في وشه و دخلت الغرفه ولقت رزان قاعده في السرير وبتبكي وصرخت في وشها وقالت : بتخوني عشان وحده رخيسه وعاهره زي دي اكيد واحده من الشارع جايبك يقضي معاك وقت عشان مرتو عندها ظروف
ولا انتي زبونه دايمه ؟ قومي والله لو م ربنا امر بالستر ولو فضحتك بفضح السافل دا معاك وللاسف هو ابو اولادي الا افرج فيك خلق الله قومي غوري من هنا والفاشل صحبك دا م بلزمني تاني يعني ممكن تتطلقي وتعرسيهو عادي عشان انا مستحيل اعيش مع واحد زاني حقير بمارس الرزيله في بيتي
شالت رزان شنطتا وطلعت وهي م مصدقه انها تطلع سالمه من بيت منعم بعد الفضيحه الحصلت وجري علي البيت ومشت الحمام وهي بتبكي وبعدها اتوضت ومشت صلت وبقت تدعي ربنا يغفر ليها ذنوبا وعدت اليوم كله في المصلايه تدعي وتصلي وتسبح لحدي م الليل جا ونادوها للعشاء رفضت ولسه بتصلي وتبكي لحدي م جاها اتصال من امجد وكانت مكالمه فيديو واول م شافت صورتو اتفجرت في البكي وم قدرت تقول ولا كلمه وامجد قلق عليها شديد وقال ليها : مالك ي عمري انا عارف دا كلو عشان انا بعيد لكن خلاص هانت عليك الله م توجعي قَلبـ ♡ ــيے اكتر من كدا
امي قالت لي بقيتي م بتاكلي كمان احكي لي حبيبه قلبي في شنو ؟ رزان سكتت حبه وقالت : محتاجه ليك
عمري م حسيت اني فاقداك زي اسي اذا م جيت انا بضيع اكتر مما انا ضايعه
امجد استغرب وقال : تقصدي شنو ي روحي فضفضي لي انا امجد حبيبك وود خالتك احكي لي كدا خوفتيني عليك
رزان : كل البقولو ليك م تتأخر علي انا بحبك وبتمني انو يجي يوم وتسامحني وتقدر وضعي امجد : حبيبتي انا بالطريقه دي ح تخلي بالي مشغول عليك ي رزه موش عارفه اني بموت فيك وبعشقك ومافي مره في الدنيا دي بتملا عيني غيرك ي مناي ،،اوعدك كلها كم شهر واكون معاك خليك قويه انا هنا عشانك ،، كل همي م اخليك محتاجه حاجه اوعديني انك تتحملي وم تضعفي رزان : حاضر بتحمل امجد : ايوه دي حبيبتي رزه ي دوووب رجعت لي يلا حبيبتي ح اقفل عشان شغال بكره من الصباح بديك تلفون قفلت التلفون وهي بتبكي وتقول : حبيبتك ماتت خلاص لوث نفسها ودنست شرفك وم راعت لي غربتك وشقاك وحرمانك عشان توفر ليها حياة كريمه غفرانك ياارحم الراحمين لكن هل ربنا بقبل توبتي انا غرقانه في الذنوب يارب م لي غيرك ارحمني برحمتك الواسعه
ارتاحت بعد استتغفرت وقرت القرءآن ومكالمه امجد ونامت علي طول حتي النور نست م تطفيهو الا عبير جات بالصدفه طفتو وقفلت الباب ورقدت مع كوكي في غرفته ،،
💚💚💚💚💚💚
صحت عبير بصوت التلفون وردت وعيونا لسه مغمضه : الووو
المتصل : عبير سيد احمد ؟ بكلاريوس اقتصاد عندك مقابله في الشركه الوطنيه للاستثمار بكره الساعه 10 صباحا ،،
نطت عبير من السرير وهي فرحانه وكوكي صحي مخلوع وبعاين ليها وهي ترقص وتغني 🏻💃🏻💃🏻💃🏻💃🏻💃🏻💃🏻💃🏻💃🏻💃🏻💃
كوكي : دايلين يعلثوك ؟ عبير : شالتو وبقت ترقص بيهو وقالت : دي حاجه اهم من العرس ي وش الخير انت 😍 لانك ولد نقي ونضيف 😊
☺ كوكي : خالتو ،، ماما لييي م بتحبني انا كعب ؟ 😔 عبير ضمته عليها وقالت ليه : عيب الولد يقول كلام زي دا عن ماما بعدين تعال معاي الدولاب اوريك ماما جابت ليك شنو وانا نسيت م اديتك ليهو ،،
فتحت الدولاب وطلعت دبدوب ابيض جميل فيه قلوب بالاحمر وبغني جابو ليها اخوها في عيد ميلادها الفات 😍😍
كوكي مسك الدبدوب وفرح شديد وهو معتقد انو من ماما رزان 😍😍😍😍
حاجه مني قاعده في الهول بتشرب في الشاي ومعاها عبير وكوكي ،،،
حاجه مني : رزان م صحت لسه ولا شنو ؟
عبير : لسه امس ساهرت كان بتصلي الليل كله وتقرا 😅😅
حاجه مني : ماشه تودي كمال المقابله ؟
عبير : ايوه وكويس انها الليله عشان بكره عندي مقابله شغل ،،
حاجه مني : م عارفه خليتي شغلك السمح داك لييي وكايسه لي غيرو 😒 عبير : لي خير ي امي ادعي لي ربنا يوفقني بكره ☺ حاجه مني : ربنا يوفقك بكره وبعده والعمر كله ان شاء الله
💚💚💚💚💚💚
💚💚💚💚💚💚
امينه صحت من النوم مبسوووطه واتحسست الفراش قبل م تفتح عيونا وقالت : يسو وين انت ي روحي 😔 يوسف جا قعد جنبها وباسا في جبينا وقال : صباحو حب وشوق وغرام 💔 امينه : انت الخير لكل صباح حبيبي انا 😍😍😍 يوسف : يلا ي روحي بعد دا نمشي البيت نسيبتك بتركب لينا وش الكرتون طولنا شديد بكره نكمل عشره يوم 😅 امينه في صوت مايع : خلاص يعني زهجت من مينو حبيبتك بالسرعه دي 😔😔 يوسف : والله ي روحي نفسي اقعد معاك عمري كلو معاك وبرانا لكن انا زي م عارفه مسافر بعد اسبوع ولازم ندي الحاجه حقها كمان وبرضو ح نكون مع بعض ي روح الروح ❤ حاجه مني قامت من السرير وقالت لي فرونكا توديها لي شقه رزان لانها قلقت عليها من الصباح م جات نازله وناس عبير وكامل لسه م جو من المقابله حقت الدكتور
دخلت حاجه مني غرفه رزان وكانت راقده ممدده في السرير بدون حركه وحاجه مني تهبش في السرير وتفتش في رزان وتنادي في خوف : رزان رزان اصحي ي بتي 😰😰 رزان م
ردت عليها
في اللحظه دي هبشت وشها وكان زي التلج وحاجه مني بقت تهز فيها وتكورك رزان ردي علي ي رزان رزاااااان ،،