الجزء 19
رزان مشت البيت ووشها م بتفسر وضميرا انبا وكرهت نفسها لانها السبب في مرض امينه بعد كتبتا عند الشيخ المغربي وادتو ملايين الجنيهات عشان يعمل ليها عمل موسس ،، واكتر شي الما لمن شافت ولدها الصغير ببكي طول اليوم وبرفض يشرب الحليب حق العلب وكل ناس البيت بما فيهم اهل يوسف حزنانين شديد علي مرض امنيه المعرفو ليه علاج ،،
اول م صحت رزان من النوم مشت للشيخ وزعلت جدا لمن لقتو سافر المغرب وبجي بعد سته شهور ،، واحتارت تعمل شنو ؟ تتصرف كيف ؟ امينه بتضيع كل يوم اكتر من القبلو وفضلت علي الحال دا كم يوم لا قادره تمشي تشوفا ولا قادره تقعد في البيت مرتاحه ولا لاقيه حل لعلاج امينه لحدي م ضربت ليها آيات وقالت ليها ود امينه اتوفي الصباح ..
رزان قفلت التلفون وانهارت علي السرير وبقت تبكي لحدي م عبير وحاجه مني م جو من تحت وسألوها وقالت ليهم بالخبر المؤلم ومشو معاها بيت امينه وجو راجعين ورزان باتت مع امينه ومعاها آيات ولمياء ،،
رزان بقت تصحي آذان الفجر وتصلي وتجي تقرأ لي امينه سوره البقره كامله وتفتح ليها الرقيه الشرعيه طول اليوم وفضلت علي الحال دا لحدي م مشت بيتا لانها حست بي الم في ظهرها وآيات قالت ليها احتمال تكون مواعيد ولادتك قربت امشي بيتك واول م تحسي بي حاجه اضربي لي عشان اوديك المستشفي ،، فعلا بعد كلام آيات دا بي اربعه يوم جاها الم شديد وعبير كانت في الشغل كلمت حاجه مني وقالت ليها ماشه تشوف امينه بقت كيف وح تبيت معاها وحاجه مني المسكينه وافقت ليها طوالي وشالت معاها كم غيار ومشت بيت آيات ومنها للمستشفي وقالو ليها ولاده طبيعيه وقبل م تدخل تضرب لي عبد المنعم وكلمتو بالولاده وطلبت منو يجي والا بعد تلد ح تجي تفرج فيه العماره كلها وتعمل فضيحه كبيره ..
منعم قفل منها وهو محتار يعمل شنو ؟ رانيا شالت بناتا ومشت بيت ابوها بعد رزان جات اليوم داك في البيت وبقي وحيد وحزين وكمان مشكله رزان زادت الطين بله .
وبقي بفتش في حل رزان ح تعمل ليه موضوع بالبيبي دا وح تكون لصقه كدا لحدي آخر العمر عشان كدا لازمٍ حل وبسرعه ،،
💚💚💚💚💚💚💚💚💚💚
رزان دخلت غرفه الولاده الطبيعيه ولمياء وآيات منتظرين بره وخايفين خاصه لمياء لانها قالت : آيات انا خايفه البت دي لو حصل ليها حاجه نحن نعمل شنو ؟ انا لو حصل شي بناتي م عندهم زول يربيهم ..
آيات : اتذكري انها ربتهم معاك وهي الجابت ليك شغل معلمه الروضه دا 😒
لمياء : انا م ناكره جميلها لكن دي مسئوليه واذا حصل شي في الولاده دي بقبضونا انا وانتي 😳
آيات : انا عارفه انها مخاطره لكن تعاملها الحلو معانا يخلينا نتحمل اي شي عشانا واذا انتي خايفه ممكن تمشي بيتك وانا بنتظر
لمياء : لا انا معاك م بفوتك بس ربنا يستر 😰😰 آيات : انتي دا منو الراجل الواقف من قبيل وبعاين لينا دا امشي اصفق ليهو واجي ؟؟ لمياء : لا عليك الله ي آيات نحن م ناقصين مشاكل ،،اتأخرت جوه شديد اصلو شنو هو ؟
آيات : ااي والله كلامك صاح كدي ننتظر شويه عاينت آيات للراجل الواقف قريب منهم وقالت : عبد المنعم ؟
اتلفت الراجل وقال ليها : بتناديني انتي ؟
آيات : اااي انت موش ابو ولد رزان ؟
منعم في دهشه : لو في محلك م بتكلم عن الموضوع دا بالبساطه دي زي الكأنو الولد شرعي ، يظهر قوه العين دي عندكم بالوراثه صاح 😡
آيات : انت الشريف عملت الحرام مالك اسكت وامشي اتلمي بدل المك انا 😡😡
جا الدكتور طالع من الغرفه وقال : الولاده متعثره الجنين غير وضعو وجايي بالرجلين يعني مقلوب وفي خطوره علي حياة الام والجنين لو ولدت طبيعي مضطرين نعمل عمليه وعايزين زول يمضي علي الاقرار دا ،،
عاين لي منعم وقال : امضي التقرير انت موش زوجها ؟
آيات بسرعه : ايوه ي دكتور دا راجلها .. امضي ي عبد المنعم ..
💗💗💗💗💗💗
💗💗💗💗💗💗
دخل الدكتور العمليه بعد مضي عبد المنعم علي الاقرار وقعد منتظر بره مع آيات ولمياء ..
طلال مشي دق الباب لي ناس حاجه مني وكوكي فتح الباب وسلم عليه وسألو من عبير قال لي في الشغل طلب منو ينادي ليه حاجه مني وسمعت وقالت : اتفضل ي ولدي انت موش طلال ؟ ادخل لي جوه ،، دخل طلال وقال بعد سلم : عايز رقم امجد عندي شغل مع زول في المنطقه الشرقيه ..
حاجه مني : جدا ي ولدي ،، تعال ي كامل ادي عمك الرقم ..
طلال مسك رقم امجد وفرح شديد وبعد قال : بوريك ي رزان كيف يكون الرد علي تشويه سمعتنا وادفعك التمن حق تودي امي الشريفه حاجه الحرمين قسم الشرطه وتتهمينا بمحاوله اغتصاب كامل ،،
💗💗💗💗💗💗💗💗💗💗💗💗
رزان طلعت من العمليه وولدت ولد جميل وصحباتا معاها م فارقوها لحظه ومنعم بعد ولدت ختا ليها قروش ومشي طوالي حتي م قال ليها حمد الله علي السلامه ،،
قضت رزان يومين في المستشفي وصحباتا بتبادلو القعاد واحده ترجع لي اولادا والتانيه تقعد معاها لحدي كتبو ليها خروج وحالتا الصحيه مستقره والبيبي صحتو جيده ،، آيات خلصت ناس الحسابات ولمياء شايله الولد وآيات سايقه رزان بالكرسي المتحرك لحدي م طلعو في البوابه وهناك في عربيه كانت واقفه بره ورزان ب
قت تعاين للزول النازل وبعد نزل عاينت في وشو وياريت لو م عاينت