الجزء 2
انتبهت لي نفسها بتتكلم بصوت مسموع ولمن عاينت لي الباب لقت عبير واقفه ومعاها كوكي ومصدومه من الكلام السمعتو ورزان مخلوعه وم عرفت تقول شنو ولا تعمل شنو ،، كوكي جري لي رزان لمن قرب منها وقف وخاف وقال ليها : ماما ح تضربيني ؟ رزان : مسكتو وضمتو عليها وباستو وقالت : لا لا ي عمري م بضربك انت حبيبي بعدين انا لمن اشاكلك عشان م تمرض لازم نسمع كلام الدكتور عشان م تتعب يلا حبيبي انزل لي ماما مني عشان عندي موضوع مع خالتك
عبير انتظرت كوكي طلع وبعدين بقت تعاين لي رزان بطريقه مريبه وقالت : انتي كنتي حامل ؟ ولا الكلام السمعتو دا شنو ؟ عاوزه توضيح سريع لو سمحتي رزان دنقرت راسا وم قدرت تقول حاجه وبعد كررت ليها عبير الكلام تاني جاوبت في صوت حزين : ايوه كنت حامل بس والله غصبا عني حصل و
قاطعتا عبير وهي غضبانه شديد : كيف غصبا عنك يعني اتعرضتي لاغتصاب ولا شنو ؟ رزان : لا
عبير : طيب كيف حصل الموضوع دا ؟ ومن منو ؟ رزان : يوم جيتك في الشغل وانتي طلعت تجيبي لي بارد اتعرف علي مديرك عبد المنعم وشلنا ارقام بعض وبقينا نتواصل وحصل الحصل عبير : السافل الحقير عديم الشرف كل دا وانا علي عماي م عارفه اي حاجه ،،اها وكنتو بتتلاقو وين ؟
قبل م رزان ترد جا كوكي وقال لي عبير ماما مني بتناديك ونزلت ورزان واصلت بكي ورفضت تاكل ولا تشرب اي حاجه وبعد شويه تلفونا ضرب وردت وكانت امينه صحبتا وبعد عرفت انها عيانه قررت تجيها في البيت وارتاحت رزان للفكره وانتظرتا وكمان ضربت لي لمياء وآيات وفي اقل من 3 ساعات كانو التلاته معاها وخففو عنها وآيات قالت الا يجيبو ليها الشيشه ورزان حاولت تقوم راسا تاني لفي وقربت تقع الا امينه مسكتا ووصلتا السرير وقالت ليها : خير رزان مالك ؟ جسمك هابط خالص ،، رزان : م عارفه يظهر دمي ضعيف الا اضرب لي عبير تجيب لي مقويات لمياء : منعم خبرو شنو ؟ رزان : م تجيبي لي سيرتو عليك الله ،، آيات : هههه اسي حدك تبقي كويسه تجري ليهو رزان : جذبني بي حبو المزيف وملك قلبي وجراني للرزيله واذا مت كلبه وماتت ولا بشيل علي الفاتحه حتي امينه : طيب الجابرك شنو ؟ توسخي نفسك وترتكبي جرم زي دا وتخسري نفسك وتغضبي ربك وتخوني زوجك المتغرب عشانك طول اليوم واقف علي حيله وغريب ديار عشان يقدر يوفر ليك طلباتك خافي الله ياخ رزان : مشكلتي بريدك شديد عشان كدا بسمح ليك تسمعيني الموشح دا كل مره لمياء : هووي ي رزان دي المره الكم تجهضي الحاجه دي فيها خطر علي حياتك وبعدين انتي ي داب عمرك 23 سنه وم ولدتي لسه انا خايفه التحاميل البتستعمليها دي تقوم تعمل ليك عقم وتندمي بعدين وبكون فات الاوآن وكت م قادره تخلي الزول اعملي حسابك ،،انتي اختي وعايزه مصلحتك
جات فرونكا شايله الشيشه والجمرات وولعت ليهم الشيشه وطلعت وبقو يتبادلو فيها ويتونسو ويضحكو ويشربو في القهوه وامينه قالت : البت الاسمها ريان دي خاتاني في راسا عشان واحد كان عايز يعرسا ولمن شافني خلاها وجا طلبني من ابوي عدم الحنه والدخان دا جايب لي بلاوي قلت ليه بي قلبي يوسف لو سمعك الا يضبحك دا جعلي غيور لعب م بنفع معاه ،، يلا من اللحظه ديك حاسه بيها شايله لي حقد جواها شديد ،
رزان : طيب م يرجع يعرسا بعد لقاك متزوجه اجي امينه : قال ليها انتي تاني م بتلزميني بعد شفتا امينه
آيات : اعملي حسابك من البت دي ممكن تدمر حياتك عادي
امينه : والله دا الخايفه منو انا ربنا يكفينا شرها دي ياخ
جات عبير من الشغل بدري غير العاده ووشها متغير ولقت صحبات رزان سلمت عليهم ومشت تغير عشان تجي تقعد وتتونس معاهم
💚💚💚💚
حاجه مني : البنات ديل كل مره يمشو بدون غدا عليك ي عبير م تخليهم يمشو الا بعد الغدا الله يرضي عليك ي بتي 😅😅 عبير باستا في راسا وقالت : حااضر ي مزه حاجه مني : هههههه الله يجازيك ي عبير مزه شنو نحن خلاص كبرنا وكبرت احزانا 😅 عبير باستا تاني وقالت : معقوووله ياخ انتي عسل واصل الجمال الطبيعي بكره تعملي عمليه العيون وتشوفي وشك الجميل دا بالمرايه وتصدقيني 😍 حاجه مني : هههه قبل م انسي ي مجنونه قطرتي خلصت بعد الضيوف يمشو جيبيها لي رزان الليله عيانه المسكينه 😔😔😔 عبير : من عيوني ❤ حاجه مني : مالو صوتك في حاجه مضايقاك ي نور عيوني ؟ عبير حاولت تخفي ضيقا : لا ي امي مافي حاجه اطمني
جرس الباب رن ومشت عبير تفتح وكان شاب في بدايه الثلاثين وجيه وباين عليه الوقار والنضاره شكلو جايي من بره جديد ،، بعد سلم قال عايز امينه وطلبت منو عبير ينتظر في الهول لحدي م تطلع شقه رزان فوق وتناديها لكن اصر يمشي معاها وجنب الباب وقف ودخلت عبير وكلمت امينه واستغربت وقالت : راجل ؟ وعايزني انا ؟ دا منو ؟