الجزء 11

رجعت غرفتي ،فتشت تلفوتي لقيتو في الدرج ، فتحتووو ، وقلت اتصل بامي احسن عشان تديني رقم الدكتور ..

اتصلت عليها ......... * ردت

_ حرام عليكي والله يا وهاد

* حقك علي والله يا امي تلفوني كان ضايع

_ طيب يا بتي كان تضربي من تلفون راجلك

* معليش انشغلتا كمان

_ كان كدا حمدلله دابك ارتحت يا بتي والله ، عليك الله انتي كويسه !

* في احسن حال يا امي حمدلله ..

_ صوتك مالو ؟

* شاربة موية تلج ،ليه ؟

_ اها كان كدا اعملي حسابك من النزله

* م تشيلي هم انتي خلي لي بالك عليك

_ حاضر

* امي اسمعيني ،، دايراككي تطلعي لي رقم دكتور ، طارق عبدالله ، عندي مراجعه ونسيتا مع العرس

_ طيب ، اصبري نفتش الورقه القاها وارسلو ليك رسالة

* سمح امي منتظراك

_ يلا زي م وصيتك اهل راجلك وراجلك تشيليهم في راسك فاهمه !

* . ّّ. اكيد يا امي ، اكيد ...

_ يلاااا بشوفو وزي ما قلت ليكي

* ضروري الليله يا امي ما تتأخري علي

_ في شنو انتي ، داسه علي حاجة ؟

* يا امي بسم الله ادس منك شنو يعني ، طوالي بنمش ليهو ، بس عثمان المرة دي مصمم يمشي معاي المراجعه عشان يتطمن بنفسو و مصر نمشي لدكتور تاني و انا رفضتا و قلت ليهو بكلم امي ترسل لي الرقم ..

_ اهااا يا حليلو والله شكلو راجل جدجد يا حظك يا وهاد

* مش كداا حمدلله ، ادعي لي بس

_ اكيد ..

* يلا م تنسي

_ تمام يلاا ،، سلام ّ

* سلام ...

‏( في جانب تاني ‏)

_ محمد انا ما بحب كدا ، انت عارفني قدر شنو انا ملتزم و الشغل شغل، انت ما لقيت القروش دي في الواطه ..

* كرم ما تبقى كدا كمان ، ابوك الله يرحمو ما ربانا علي كداا ، ما ربانا نكسر خاطر راجل يجينا محتاج ولو ما العشم عثمان دا صحبي وانا عارفو م كان طلب مني قروش ..

_ دا صحبك انت يا محمد ما صاحبي انا ، . انت ما حيجيك لوم ،لان حالياً انا الاستلمت الشغل دا وانا الرفضت ، لو عندك انت مبلغ ضخم قدر دا اديهو من مالك الخاص ، انا ما حأجازف بمبلغ زي دي ، و عندي تعديلات في المحل و عايز افتح فرع تاني و عايز استورد خامات ما موجودة في السودان ، يا محمد انا انسان طامح ، لمن ابدا شي بتمو للاخر و بجتهد فيهو و بقيم الحاجه البسويها و ما بجازف ، انا شخصياً لو عندي المبلغ دا كان اديتو من جيبي الخاص ، لكن حاجه ليها علاقه بالشغل لا والف لا ...

* صراحه يا كرم الكلام معاك صعب شديد ..

_ عايز كلامي معاك يكون لين م تدخل في شغلي ، انا يوم خليت الغربه و شغلي في الخليج م خليتو من فراغ ..

* اووووف والله محرج ياخ دا صاحبي شديد ..

_ زي ما وريتك لو عندك اديهو من مالك الخاص

* كرم انت عارفني شغال توضيبات في العياده و ما املك المبلغ دا لانو كبير شديد ..

_ برافو عليك ، براك قلتا ان المبلغ كبير ، و دا لو نقصناهو من شغلنا ، حيأثر في ميزانيتنا والله اعلم الضرر الممكن يحصل ، فاا بصراحه انا عندي اهداف للشغل و مامستعد اخسررر دا غير انه عرس اختك محتاجين مصاريف وانت عارف كداا ...

‏( في صوت قاطعهم ، اللي هو صوت ، نون ،، نون دي اختهم الصغيرة ل محمد و كرم ‏) ..

نون : الجوطة في شنووو يا شباب

محمد : اخوكي دا في زول بيعرف يتفاهم معاهو !

نون : ليه يااااخ ، كرم دا الذ زوووول

كرم : اممممم ، كلامك دا ما من فراغ

نون : دا جزاي بداف ليك ؟

كرم : اكيد لا بس لاني بعرفك كويس

محمد : هاهههههه

نون : بضحكك شنوووو

محمد : ولا شي

نون : بصراحه دايرة قروش كداااااا لقيت فستان عجبني للعرس ..

كرم : اممممم ايوة قولي كدااا ،كم؟

نون : انتو و زوقكم صراحه

محمد : انتو ههههههه انا مالي ، المرة دي دور كرم انا خلاص اجازة من المصاريف

كرم : اصلا ناوي اديكم مصاريف العرس ، بس عايزك بكرة تنزلي مع امي تقضي معاها المشاوير حقت الخبايز دي ،و عشان م تكسلي شيلي العربيه ، وبعداك امشي جيبي حاجاتك ..

محمد : بلاش العربيه

نون : لالا محمد ياخ حعمل حسابي

محمد : مهرة لو معاكم انا بتطمن

كرم : لا نون كمان شاطرة ، اعتمدي علي نفسك انا واثق فيكي ،و اتصلي علي لو فاضي بجي معاكم ..

نون : ياخ انا مبسوطه شديد ربنا يخليكم لينا ياااارب و بطلو تتناقشووووو

محمد : ي بت كلام ف الشغل انتي عارفه كرم وقت الجد بيقي هو الكبير وانا الصغير

نون : هههههههه عارفه والله ، طيب يلااا تمو كلامكم ..

محمد : طيب