الجزء 50

تمويه !

* ايوة تمويه

_ كيف يعني ؟

* يعني طُعم ، شرك ...

_ وهاد ابتديت اتوتر اناا

* لا خليك طبيعي وعادي جداا و بكرة حنتكلم في كل حاجة ، اسي لا المكان لا الزمان مناسب للكلام ، تمام

_ مع انك حيريتي لكن تمام ...

* يلا م مشكله ، تصبح علي خير

_ وانتي من اهل الخيرر ، سلام ..

* سلام ..

قفلتا منو ، و كالعادة ، جبت لابتوبي و دخلت فلاشه ناسخه عليها البرنامج البنشتغل بيهو هناك ... خلصتا البسوي فيهوو الساعه 3 صباحااً .. لمن نمته من . التعب .. صحيت 12 مخلوعه ، خفت يكون زول جا داخل الغرفه ، لان الابتوب كان فاتح و في حاجات جمبي، عاينت لقيت نفسي قافله الباب بالمفتااح، اوففف حمدلله ..

‏( في جانب تاني ‏)

_ بالله شوفي لا حول ولاقوة الا بالله مسكينة ياخ ، المصبرها شنو هي تاني بعد دا كلوو

* والله يا امي انا عارفه بتول دي كعبه لكن اصلي م اتخيلتا تكون للدرجة دي ، دي ما خافت الله في بنات الناس ..

_ طيب وموضوع عثمان دا لاينسكت عليه

* امي الموضوع داا م بنفع زول يشم عنه خبر هي امنتني .. خصوصا عقم عثمان و الحبوب الكانو بدوها ليهااا عليك الله يا امي .. بس للاسف في اللحظة دي كان في زول سمع الكلام دااا و قاطعهم .. قاليها دا كلام شنو يا نون ؟ دا شنو السمعتو داا ؟ قالت ليهوو مافي حاجة موضوع خاص يا كرم ، قاليها لا انا سمعت كل حاجة ، قالت ليهوو ، طيب م تسال ارجوك عليك الله ، قاليها لا لازم اعرف و عشان اكون واضح وهاد امرها بيهمني و جدااا كمان .. امو قالت ليهو ، شنو يا كرم ؟ قاليها يا امي في امور وحاجات بتحصل غصب عن الزول و بتتعقد شديد ، وانا والله غصب عني وعارف انه غلط بس والله غصب عني ، و مبدا الفكرة كلو غلط ، بس كنت خاسس ان في حاجة غلط في حياة البت دي ، عشان كدا وروني تفاصيل الكلام السمعتو دا عشان او اقدر اساعد ، اساعد ..

نون قالت ليهو كنت حاسه ، امو قالت ليهو و وهاد عارفه ؟ قاليها اكيد لا يا امي ، قالت ليها كيف وصل بيك الحال للمرحلة دي يا ولدي ، اكيد ما وقت حساب ، بس حاول ما تعمل تصرف يأذي بت الناس دي زيادة اذا ما قدرنا نساعداا ما نزيد عليهاا .. قاليها اكيد يا امي بس انا مخلوع ما قادر استوعب ، طيب هي ساكته لشنو ، يعني دي كان ممكن تموت يا امي غير الضرب يا امي ، قالت ليهو حصلت يمد يدو ؟ قاليها ايوة بس م كنت قايل الموضوع واصل للمرحلة دي ، الانسان عشان يدس عيوبو بياذي الحولينو من غير رحمة ، حسبي الله ...

انا ، لملمتا حاجاتي ، و قمتا ، دخلت الحمام خلصتا اموري كلهاا ، رجعت الغرفه لقيت تلفوني بيضرب ، عاينتا لقيت رقم ، قبل ارد قام فصل ، رجع اتصل تاني ، رديت ..

الو

_ وهاد

* كرم !

_ اي كرم مالك ؟

* مافي حاجة بس انشغلتا وما سجلتا الرقم بعد كلمتك اخر مرة

_ م مشكله انتي وين ؟

* في البيت ياداب حأجهز وانزل

_ طيب قدامك وقت قدر شنو ؟

* ساعه الا ربع كدا لان لسه م فطرتا

_ طيب تمام يلاا ما ااخرك

* كنت عايز حاجة ؟

_ لالا .. بس خلصي وتعالي ، تمام ،

* تمام يلاااا ..

طلعتا، سامعه صوت تماضر تتونس و تتكلم في التلفون و صوت الضحكة يرن في البيت كله ، قلتا انا مالي ، . نزلتا تحت لقيت ام عثمان قاعده في الكنبة و قعدتا كداا ما طبيعيه و في حاجة زي الزبد نازله من خشمها ،، اااي اتخلعتا وخفتا لانو مهما الواحد فينا اتعلم القسوة مع كترت المواقف الا ان الرحمة الجوانا ما بتتغير .. المهم

جريت عليها بهز فيها غايبه عن الوعي ، والنبض شغال ، بقيت بكووووورك يا عثمااان يا عثمااان ، مافي رد ، طلعت برا لقيت العربية مافيشه ، عرفت انه مافي ،

جريت طلعتا غرفتي ، لبست اقرب عبايه وشلت تلفوني و شنطتي ، وجريت بي شبشب البيت .. طلعت الشارع براا . ، بأشر مافي عربيه عايزة تقيف لي .. فجأة لقيت عربية ملاكي وقفت . ، ونزل القزاز !

قالي وهاد ! قلت ليهو كرم ، جابك هنا شنو ؟ قالي كنت قريب من هنا وقت كلمتك قلت ممكن اوصلك معاي ، قلت ليهو لخير يا كرم انا محتاجة ليك و عثمان مافي ، امو دي مغيبه و مطلعه زي الزبد كدا بس النبض شغال و واقفه من قبيل عشان القا لي عربيه ماف وحدة عايزة تقيف لي .. قالي اتصلي علي عثمان يجي .. قلت ليهو ماعندي رقم تلفونو ،، طبعا نطط عيونو ، ونزل م علق . جرى علي الصاله وانحنا داخلين و تماضر نازله تتمخطر علي السلم ..

فجاة اسمع ليكم كرم كورك فيها ، قاليهااا انسترررررري ماشايفاني راجل غريب هنا ، بالله البت لمن قامت ناطه ، تستاهل ، فعلاا انسانة ماعندها ذرة حياء .. بس شال ام عثمان وطلعا العربيه ، قلت ليها كلمي راجلك يتصل علي ، وطلعتا ..

ركبتا جمبو طبعا وام عثمان وراا ، قالي اقرب مستشفي من هنا شنوو فكري معاي ! قلت ليهو معلوماتي حبة ، . تاني براهو قالي اتزكرتا ، و زاد السرعه ، قلت ليهو انت م عندك رقم عثمان ؟ قالي انتي مرتو ما عندك الرقم حيكون عندي انا ؟ سكتا طبعاً ، قلت ليهو مش صاحب محمد ، معليش اتصل عليهو وخلي يرسل ليك الرقم واتساب ، قالي تمام ،، اتصل علي محمد و كان فاتح الاسبيكر عشان سايق ،، كرم قاليهو :

* انا معاي ام عثمان دي و المرة فاقده الوعي و موديها علي مستشفي ال ‏( .. ‏) عايز رقم عثمان رسلو لي

_ اممم سلامتا

* مالك في شنو ؟

_ مافي حاجة لكن لا معاي رقم عثمان ولا زفت

* كيف الكلام دا مش صحبك ؟

_ كان صاحبي يا كرم و ما تحكها معاي كتير اتصرف شوف اي زول تاني

* تمام لبعدين .. وقفل

وصلنا المستشفى ، كالعاده جرجرة لمن لقينا دكتور و استلموها ، كانت جرجرة لحد الساعه 3 عصر ، اخر شي اتصل علي عثمان ، طبعا حرمه المصون كلمتو ،، المهم اديتو العنوان وجاا طاير ، من هنا لهناا ، قالو دايرة دم ، دمها بيتحرق ، طبعا عشان معاملة عثمان يمكن مافي غير تلاته جو اتبرعو والباقي اشترا بي قروشو ، . و انا طلعت من ذمتي كيس و كرم كانت فصيلتو مختلفه .. قريب المغربيات .. شلت حاجاتي و طالعه ، عثمان قالي ماشة وين ؟ قلت ليهو م دخلك

و طلعتااا براا ، صدري كتم من المستشفى ، جاني كرم قالي خير ! قلت ليهو انت لسه ما مشيت ؟

قالي كنت بتكلم تلفون عشان كداا ، ياداب حامشي ، ديل قالو شنو ؟ قلت ليهو ما بعرف والله ، لو فيها خير ربنا يواليها بالعافيه ، قالي قاعده ولا راجعه ؟

قلت ليهو راجعه ، بس م دايرة امشي بيت عثمان ولا بيتنا ، وديني لي نون ،، قالي يلاا ، ركبتا معاهو وركبت ورااا ، ولاحرف ما اتكلمنا كأننا رجعنا غرباء و من مرحلة الصفر .. ّ

وصلنا بيتهم ، دخلنا

امو من شافتني جات حضنتني وسلمت علي ، قالت لي مالك ؟ قلت ليها ما ماخدة علاجي وجعانه ، عاينت لي كرم ، قاليها كنا مع ام عثمان في المستشفى .. ردت بي برود قالت ان شاءالله ما شر ! قلت ليها ما بعرف اناا ، نون وينا؟ ّ

قالت لي طلعت ، كرم قالي حفظت علاجاتك بجيبا ليكي واجي عشان تاكلي .. قلت ليهو تمام و قعدتاا ...