الجزء 46
قالت لي حدددددك اوووع من قلة الادب ...
قعدت اضحك قلت ليها فاقد الشيئ يتحدث عنه . ههههههه !
قالت لي لمي نفسك يا وهاد ،، قلت ليها شايفاني مشتتة في الارض ! كان مشتتة ما بعرف ههه اهااا خليكي من دا ،ما وريتيني جااية عندك شنو ؟ قالت لي بيتي اجي وقت اجي ف اي مكان ،، قلت ليهاا م مشكلة بكرة يجي و تشوفيني في شارع تمشي بشارع تاني ، هييييين ياا حاجة بتول ههه ..
اتحمقت ورزعت الباب ، عاد الليله عثمان ما فاضي ليهاا ،تشكي و تبكي لمنو ..
المهم ،خلصتا الوراي ، و قمتا علي الدولاب ، طلعت لي لبسة كاجول ، وقعدت ضفرتا شعري و ضغطتا عليهو بالمكوة وهو مضفر ، جيت عشان ازبط المنبه وافتح القران ، فتشت تلفوني ماالقيتوو اختفي من شنطتي ، راسي ضرب والنومة طارت ...
( في جانب تاني )
_ وهاد حبيبتي انا عارفاكي مصدومة في تماضر و عثمان الله لا كسبهم ، عاملة فيها صحبتنا بالله و هي خاته عينها علي راجلك الما بتخجل ، انتي لازم تطلقي لان الموضوع زاد عن حدو يا وهاد ...... مالك ساكتة الوو الو
_ ايوة يا وهاد ....
_ الووووو وهاد ! ردي م تقلقيني !
* اا احم ، انا اسف اني رديت بوالله بس تلفون وهاد دا نستو في عربيتي و ماعندي طريقه ارجعو ليها غير بكرة !
_ شنوووو ؟ انت منو ودا كلام شنو ؟
* م تكوني فاكراني حرامي كمان هههه المهم بكرة ان شاءالله بيكون التلفون عندهاا
......._ طيب انت منو ؟
* انا صديق وهادد !
_ صص صديق وهاد ! منو انا بعرف وهاد ما عندها صديقات بنات خلي لمن يكون عندها اصدقاء اولاد
* طيب اعذريني اسي انا لازم اقفل لمن تقابليها خلي تشرح ليكي لانه الموضوع معقد ان شاءالله بكرة التلفون يكون عندها
_ تمام وريها ان ياسمين اتصلت و لازم ترجع لي ضروري
* اوكي ، سلام عليكم ...
_ وعليكم السلام ..
بقيت خايفه انوم و ما اقدر اصحى في المواعيد . ، اسوي شنوو ، . قمتا بفتش و اهبش في الادراج ، لقيت لي ربيكا كداا شكلو بتاع عثمان المهم فيهو ، منبه ، قلتا عشان ما اتمقلب ، زبطتو بعد دقيقتين ،، لقيتو رن ، طمني تب ، لقيت شاحنوو فل .. ختيت و نمت .. صحيت الساعه 7:30 صباحاً لمن اكون خاته موضوع مهم في بالي بصحى قبل وقتو بي كتير ، قمتا اخدت حمامي و رجعت صليت ، و بعدها نزلت المطبخ اسوي لي كباية شاي ، واااقفه و بدندن ومستنية الموية تفوور .. طبعا في المكان دا طبيعي اتعرض لي موقف .. جات منو ؟ جات العروسه ، . لا خشى لا حياء ، لابسه مشخلع و كيف كيف وجاية تتلولح ، من شفتها ضحكت ضحك ، قالت لي مافي صباحية مباركة ؟
قعدت اضحك بس اصلو م رديت عليهاا ، قالت لي سوي لينا معاكي شاي ، ولا رديت بدندن و بسوي في شايهي ،، قالت لي كل دا غيييظ عشان عرستا راجلك ،معليش يعني الصحوبية وقت المصلحه م بكون ليها دور .. قلت ليها هههههههههههه اتغاظ ههههه بقايا صيد الذئاب لا تأكله سوى الكلاب .. ههههههههه ولا شنو ههههه ، لكن هي ما مصلحة دي يعينك الله ههه ... طبعاً اتغاظت قالت لي حلتنا كلها عارفه انك عاقر و م بتجيبي اولاد . عشان كدا عثمان عرسني انا ، قلت ليها ههههههههههههههه سمح جيبي ليهوو ، شلت كبايتي و بدندن و طالعه من المطبخ ، طالعه في السلم قابلني عثمان وهو نازل ، قلت ليهو ابششر ابشر يا عريس ههه بيت مال وعيال وعيال و عيال عيال هههه ، وطلعتا غرفتي و قفلتا الباب ، و جبتا المبرد و المنكير و قعدتا اشرب الشاي و ازبط اظافري ، و عملت احلا مكياج نهاري كدا بعرف ازبطو ، و فكيت الضفاير العملتها من بليل ، عشان يبقي كيرلي ، فكيتا ، و لحد ما لبستا براحتي كانت 8:14 ، كملت لبسي ، و انا طالعه سمعتا صوت جرس ، رجعتا قلت دا شكلو المنبه ، مشيت عشان اقفلووو ، لقيتو اتصال و الاسم المكتوب # الفخ .. الفخ دا شنووو ؟
صمتا التلفون وجدعتو في شنطتي و نزلتا . و انا تحت في الصالة سامعه النقاش بين عثمات وتماضر عن انها دايرة غرفة نومي ، طبعا م ركزتا معاها، طوالي فتحت الباب و طلعتا ، اقرب عربيه ركبتها و اديتو العنوان قلت ليهو لو بعيد من هنا عايزة قبل الساعه 9 كو اكون وصلتا هناك ، قالي تمام ...
( في جانب تاني )
_ دا شنو انت ماماشي الشغل ؟ّ
* ما عارف
_ كدي لحظه انت عيونك دي واقعه ما نمتا ولا مصدع ولا في شنو ؟
* لا نمته بس نوم مقطع ، حأشرب قهوتي بصحصح
_ انت عارف الساعه كم ؟
* عارف عارف بس اشربا وامشي
_ لانك قلت لي صحبتي 9 تكون قدامك في المكتب واسي 9 جات ، وانت نفسك ما زابط مواعيدك يا كرم
* ياخ نسيتاا والله ، اوففف
_ انت في حاجة حاصله ؟
* لالا ، بس داير منك طلب من غير ليه
_ اها
* عايزك تمشي لي وهاد اليوم ، و حاولي تقنعيها تجي معاكي او تمشي بيت اهلها بس اليومين دي
_ ليه في شنو ؟
* لمن تمشي ليها حتفهمي براكي ، و خليكي جمبها و معاها
_ طيب ساي كداا بتقول كلامك دا ! اكيد حصلت حاجة
* قلت ليكي لمن تمشي حتفهمي كل حاجة ما تسألي كتير براي مصدع ، انا حقوم اللبس و امشي شغلي
_ والقهوة ؟
* بشربا قدام ...
_ تمام ..
انا وصلتا الشركة