الجزء 31
انا بس جيتك لاني محتاجة ادخل للدكتور و ما عارفه انه في حجز للمقابله و بصراحه البت كلمتني باسلوب مهين شديد ....
و رفضت تدخلني وشبه انها طردتني ، قالي معقوول ! قلت ليهو ايوة ،وانا جيتك عشان *.... قاطعني
قالي عارف ،، قومي معاي قووومي .. طلع قدامي و انا وراهو ، اخوهو قاليهو في شنووو ؟ وانا ماشه ورا محمد ،و وهو ماشي ورانا ومافاهم حاجة ..
من دخلت العيادة و معاي الدكتور ، البت قامت وقفت عديل علي حيلهااا ، عاين ليها وربع يدينو ،قاليهاا وهاد جاتك قبل شوية قلتي ليها شنو ؟ سكتت و لمن اتكلمت بقت تتمتم و تتراجف ،، قاليهااا اسمعي هناا زي م جبتك في المكان دااا ، بشيلك منو بس انا ما بقطع عيش زول ، خليكي محترمة ، و وقت ما استاذة وهاد تجي تدخليهااا قبل اي زول فاهمه ولالا و دكتور عبدالله نفسو عارف كداا ،و تاني مرة م تختي نفسك في حته زي دي فاهمه و لالا .... قالت ليهو فاهمه
قاليها في زمن تقعد و لا حتدخل طوالي ،، قالت ليهو لالا تقعد كيف ،تتفضل طوالي ،، قالي يلا ي وهاد ، خلصي و مري علي في العيادة ،قلت ليهو حاضرر .. و طبعا داك واقف بعاين بس ما فاهم اي حاجة ..
انا دخلتا و خليتهم وراااي .. الدكتور اول ما شافني رحب بي شديد ، قالي اتفضلي ، قلت ليهو شكرااا .. قالي :
_ قالي ، العلاجات ماشه نعاكي تمام ؟
* ...... سكتا ، عندي كلام عايزة اقولو ومتررددة ابداهو كيف !
_ قالي في حاجة ؟
* صراحه ماعارفه ابدا من وين ولا اقول شنو
_ ليه في شنو قولي العلاج جاب معاكي مفعول عكسي !
* طيب يا دكتور ، انا ما عارفه والله ماعارفه ابدا من وين ، وخصوصا انت دكتور م خارجي و جيت بيت راجلي و شبه انك عارف الاسرة و دا مصعب علي كلام كتير و ما عارفه ، قوة السرية حتكون كيف اذا في كلام دار بينا و في نفس الوقت انا ما بعرف دكتور غيرك ..
_ الموجود منو معانا في الغرفه دي ؟
* انا و انت بس ليه ؟
_ انتي البتحددي الكلام البينا دا سريتو توصل لمنو ، و بما انك براكي و انا براي يبقي ما من سماتي ك دكتور اطلع اسرار شغلي لزول ، انا راجل بخاف الله و دا مصحف قدامي مستعد احلف اذا كلف الامر . ّ.
* لالالا انا ما قصدته كدا انا انسانه بوكل امري لي رب العالمين قبل اي شي و مهما حصل هو عارف الافضل و الخيرة لي فيما يختاره الله .. عشان كدا حاتوكل ..
_ سامعك اتفضلي ..
* انا من ما اتزوجتا تقريبا لي تلاته شهوور ، و من اول لحظة انا اتعرضتا لمواقف داخل البيت صعب اتكلم في تفاصيلها ، و لي فترة بعاني من الم ما بجيني الا بليل و الم في بطني بخليني عايزة استفرغ ، و اتحملتو فترة ،، بس ااا .......
_ كملي
* ا اا م عارفه والله اقولو كيف
_ لازم تقولي عشان اقدر اساعدك ، او علي الاقل لو حاجة مافي تخصصي عشان عثمان يحولك لي اخصائي كويس
* لالالالالالالالالااالااالاا . عثمان لا ، شفتا يعني ماعارفه ، بس دا الكنتا انا خايفه منو
عثمان لا يا دكتور لو سمحت و ياريت ما يعرف اني جيتك هنا فضلااا
_ يعني هو ما يعرف انك هنا ؟
* كلمتو اني جاياك ثتابعه بس م يعرف انا جاياك لشنو بالضبط
_ فهمته ، طيب واصلي
* انا بس دايرة اعرف ، الحبوب الاديتني ليها دي ، عندها آثار جانبية ؟
_ اديني الروشته ، و وريني اثار جانبية زي شنو ؟
* لا ما معاي الروشته معاي العلاجات
_ جيبيها ،و علاجات زي شنو ؟
* اتفضل .. زززي التغيب
_ طيب انتي ك مرة متزوجة عادي يكون حمل يعني انتي ليه قلتي دي ممكن تكون اثار جانبية ؟ و ليه م عملتي تحليل حمل ؟
* حعملو بكرة ، بس ما عارفه اشوف دكتورة نساء اودي ليها و لا اجيبو ليك ؟
_ جيبيهو لي ، و الحبوب دي ما عندها اي اثار جانبية والا م كان صرفناها لمرضى السكري
* طيب ، في علاجات تانية لو اخدها مريض سجر ممكن تجيب مفعول سلبي ؟
_ ايوة في
* تمام ، شكرا ي دكتور انا حامشي و بكرة المساء حاجيب ليك التحليل ، ومرة تانيه انا اسفه اني حاقوليك كدا بس ي ريت الكلام بينا يفضل بينا و اكون شاكرة ليك ..
_ م تخافي ، و حكتب ليكي مسكن بس بكرة بعد نشوف نتيجة التحاليل
* تمام شكراا ...
طلعت من عندو ، و جسمي دا برجف ما عارفه ليه اتوترتا و خوفتا كداا ، و ما قادرة احدد شعوري بالضبط ..
طلعتا طوالي ، و وقفتا اقرب امجاد و مشيت ،، وانا في السكة اتزكرتا دكتور محمد قالي بعد اخلص من الدكتور امر عليهوو ، يا الله .. المهم .. اتصلت علي ياسمين :
_ ها عملتي شنو ؟
* في شنو ؟
_ وهاد انتي طاشه في شنو
* معليش بالي جايط
_ قاليكيشنو ولا ما قابلتيهو !
* قابلتو
_ اها
* داير تحليل بكرة وعلي الاغلب حاكون حامل
_ م وريتي الحبوب ؟
* م قدرتا اشيلها و لو ام عثمان فقدتا حتعرف اني كشفتها
_ افففففف طيب وين انتي اسي ؟
* قربتا من البيت
_ خلاص بكرة نتقابل 9 عندك معمل معين ؟
* لا
_ خلاص علي تلفون
* تمام ،، يلا لبعدين
_ اوكي