الجزء 16

قلت ليهو انا اسمي وهاد ، توته دي بتاعت السرير ،،، قالي شنوووووو ! توتة دي منو وسرير شنو ؟

قلت ليهو انت اسي ناديتني بي منو ؟ قالي بي وهاد ! قلت ليهوو كذااب عيب لمن تكون رجل طول بعرض و تكذب ، قالي وهاد احترمي نفسك ، قلت ليهو انا نفسي دي محترماها و صايناها لكن الدور والباقي عليك ، اختشي علي دمك علي الاقل راعي لوجودي الوقتي دا ،، قالي يا زولة انتي جنيتي ولا شنو ؟ اسي انا سويت شنو للكلام دا وتوته منو زاتا ما بعرفا ..

قلت ليهو للاسف ما بيفرق معاي توته ولا غيرهاا ، رغم انك لسه مصمم تكذب ، امسك تلفونك و شوف منو متصل عليك تلاته مرات ، و لعلمك لا انت لا البنات الزباله البتعرفهم ديل بيفرقو معاي في حاجة ، بس اسمي تحترمووو انا ما ضبحو لي وسموني عشان انت تجي تشيل وتخت في اسمي !

سكت م رد علي ، ساق العربيه من سكاااات و خشمو دا تاني ما فتحوو ...

‏( في جانب تاني ‏)

_ شووووفو هنا دا واسمعو كلامي دا و خصوصاً انت يا محمد ..

كرم : انا غايتو عرفته موضوعك دا عن شنو يا امي

محمد : وانا كمان

_ اصلا موضوعي واحد ، واخر فرصه ليكم عرس اختكم داا ، بي بنوتات حلوات كدا نمش نخطبن ليكم ، بعد دا شغلي انا عاد الاجيبا ما تترفض اتفقنا ولالا ؟

كرم : امي بسم الله ، عرس شنو اسي والله عندي حاجات اهم من الكلام دا كلووو ..

محمد : ابشري انا موافق

كرم : بتهزر صح ، محمد ما تعشم امي ساي

محمد : ما بعشما والله جادي ، بس علي شرط ، بعد اخلص من توضيب عيادتي بعداك بخطب ّ ...

_ ايوووووي اخيرااااا يا محمد ، وان شاءالله ي رب تلقي ست سعدك و بختك يا رب العالمين ّ ...

كرم : ما قادر اصدقو والله صراحة هههه بعد شويه حينط من كلامووو ..

محمد : لا صدق وانا لمن اقول كلمة بكون قدرها جرب وشوف ..

كرم : لالالا ما نصيح فيك حاجة

محمد : فيني بورة ههه داير اعرس اكورك !

_ احلي عروسه ليك يا محمد

كرم : اها يا امي انتي مش همك واحد فينا يعرس ، اهاا محمد اتبرع اذن انا تخلوني في حالي من اسي نتفق ّ .

محمد : هرووب تكتيكي

_ ما علي كيفو بس كان سمع كلامي ومشيت خطبت ليهو صحبة مهرة ديك تاني ما دايرة حاجة دا كان ما خطبوهاات بس راسك والحيطه يا كرم

كرم : تااااااني يا امي موضوع الزولة دي ، انا ما داخله لي راسي و بفكر اسي في الموضوع داا ،كدي خلينا نتم عرس مهرة علي خير والفي النصيب بيجي ..

_ ان شاءالله يا ولدي ربنا يرزقكم بي بنات الحلاا يا رب العالمين ..

محمد : امييييين يا غالية

كرم : امين ..

فضلنا ساكتين طول السكة ، ما اتكلمت مع عثمان و هو طول السكة متوتر و يعاين لي لمن اعاين ليهو بيقبل وشووو ، ماسكة تلفوني و بهبش فيهووو ، لمن وصلنا ، قلت ليهوو نزلني هناا ..

وقف العربيه ، نزلتا و مشيت ، جا لاحقني بالباسطه والحاجات الجايبهم ، قلت ليهو ما بشيل حاجه ،، قالي م قلت ليكي شيلي ، خبط الباب ّ. ..

فتح ليهو ود خالي فتحي ، اسمو احمد

سلم عليهووو تمام ، وانا سلمت و دخلتا ، لقيت ابوي في الصالون ،سلمت عليهوو ، ودخلت بهناك