الجزء 24
_ دايرة كم عشان شنو ولا شنوو ؟ عشان اتقاضى عن ولدك ؟ ولا عشان امي ؟ ولا عشان مستقبلي اللي ضاع ؟ ولا عسان اسامك زي الما حصلت حاجة ؟ ولا عشان ال .... الانتي عارفاهووو 😉 ؟
* قصدك شنو عندك نسخ تانيه ؟
اتككككلمي , عندك نسخ تاني منو صح ؟؟
_ عندي الخير كلو يا ام عثمان ، و خليكي عارفه كان حصلت لي اي حاجة ، في ناس عارفين القصه كلها و اي حاجة حتحصل لي حيعرفو انتي العملتيها ، عشان كدا اعقلي و امشي شوفي ليك حجة ولا عمرة سويهاا يمكن ربنا يسامحك .. باي ..
رجعنا البيت ..
نهائي ما اتكلمت معاهووو ، دخلت استحميت و صليت ، واخدت علاجي واتعشيت ، و دخلت الغرفه لقيتو راقد و صاحي ،، بقيت متوترة بس قوية ما خايفه منو ، رقدت في السرير و اتغطيت .. قالي انا داير ولد
ما رديت عليهو ، قالي ، انحنا الليله تمينا شهرين من زواجناا .. طبعاً بيني و بين نفسي فهمت انه بيلمح لشنوو !
قلت ليهو زي ما الموت والزواج زي الاجل ،كمان الحمل رزق .. و حاولت اعمل فيها اني دايرة انوم واصلي ما عاينت ليهو وكنت خايفه يسوي حاجة ، لمن بقيت برجف ، و بعد شويه حسيت بيهو قايم من السرير ،، قلبي دا داير يقيف ، لمن سمعت صوت باب الغرفه ، اتلفت وراي لقيتو طلع ، حمدت ربنااا ...
و بكدا نمت مطمنة لحد وقت الصلاة ،صحيت صليت الصبح و كالعاده عثمان في الصاله ونسه وضحك في التلفون ،، رجعت كملتا نومي ..
صحيت بأم عثمان ، بي يدها رزع علي الباب زي التقول شرطه طابة .. قمت مخلوعه ، جريت فتحت الباب .. قالت لي :
_ نايمة يا عروووووس؟
* لالا
_ لالا عليكي الله امشي نومي ، اميرة عايشه معانا في البيت
.........* م رديت
_ انا مش قلت ليكي م تتعولقي كدا و تلبسي الجلاليب الطويله دي في البيت ؟ و بعدين عوللقك دا مالك ما عملتيهو في العرس ؟ راجلك ما قادر يلمك ؟ و لا الشخلعه وقلة الادب حقت الشارع و جوة البيت شيخه .. انا هنا وصلت مرحلة من الغضب بس ما زلت متحملاها احتراماً لي سنهاا , بس لحد متين ؟
قالت لي لسانك بلعتيهووو ؟
اسمعي هناا ،تتزكزي الاتفاق الكان بينا ؟ . بعد 40 يوم يجيني تحليل انك حامل ؟ ليه ما جاني ؟
* والله ارادة رب العالمين
_ ونعم بالله ما قلنا حاجة بس لو انتي معيوبة قولي عادي عشان نعالجك !
* استغفر الله العظيم يا رب
_ قلتي شنوو ؟
* ماقلت حاجة
_ امشي اللبسي عبايتك
* ليه ؟
_ مشوارر
* طيب عندي علاج لازم اخدوو ، افطر و امشي معاكي ،، قالت لي امشي الحمام انا حاخت ليكي الفطور ... اتخلعتا طبعا ، قلت ليها تمام ...
( في جانب تاني )
_ سقتها صح
* مصلحة بس والله كنت مجبر
_ ليه المصلحه في شنو ؟
* الشغل بس ما حلوةامشي من غير مرة و هما عارفني متزوج قريب
_ طيب مسامحاك ما مشكله ،بس وريني حاجي لابوي متين ؟
* حتجيبي لي الولد ؟
_ دسسسسسستة وحاتك مازي مرتك العاقر
* بجي بكرة
_ واااي حبيبي احلف
* والله جد بس عندي شرط
_ موافقه
* توافقي ساي كدااا ،؟
_ اااي عشان بحبك
* طيب م حنعمل عرس لان وضعي المادي ما تمام و دي لفترة مؤقته ،، بس . وضعي يتصلح اخدك والف بيك بلدان العالم دي كلهااا
_ طيب اشثعني تعمل ل ......
* تماضر ! وبعدين م حنخلص من السيرة دي ؟
_ طيب خلاص حبيبي ،اكيد موافقه ،اكلم ابوي يعني ؟
* ايوة كلميهوو ...
انا مشيت الحمام ،وخلصتا ،ونزلت تحت
لقيت الفطور جاهز برا ،، قلت ليها ممكن اسوي عصير ؟ قالت لي اقعدي افطري انا بسويهووو ! ( محتارين زي كذا انتو !! )
قعدتني .. قعدتااا ،، اتزكرت حقنتي في التلاجه مفروض اطعنا قبل الاكل ، قمتاا عشان اجيبا ..
وصلت المطبخ ، دايرة ادخل كدا سمعت صوت كركبة ،مديت راسي من برااا ،لقيت ام عثمان ، ماسكة شريط حبوب بتحاول تطلع منو حبة ، والعصير قدامهاا ..
طلعت الحبه ، كانت كبسولة ، فتحت الكبسوله النص ، و كبتا في العصير ، و فتحت الدولاب حق الحلل ، و دست فيهو شريط الحبووو .. قلبت العصير بالمعلقه و جات مارقه ، ........