الجزء 44
خلصنا كلام علي كداا .. الواطة شبه مغربت ، طلعت منهم ،و نون اصرت انه كرم يوصلني ،، قلت ليها بمشي برااي ، رفضت ...
هو م اتكلم ولا اشتغل بكلامي ، و طلع قدامي ، يعني كأنه بيقول لي الموضوع منتهي ..
طلعت وراهوو .. ركبت العربيه ، ساكتين مافي زول اتكلم ،، فجاة قام قالي رجلك بقت كيف ؟ قلت ليهو دخلك شنو انت ؟ قالي دخلني الباب .. قلت ليهو هاهاها كون نفسك ما تحاكي ،، قالي لمن اجي احاكي احاكيكي انتي ؟ قلت ليهو حاكيتني وانتهيت يلا ،، قالي عارف انك بتكرهيني ، بس خلينا لمن نتكلم مع بعض نتكلم بلين شوية ، في النهايه طلعت في معرفه اسرية وزوجك صديق اخوي ف ما ظريفه نتكلم بالاسلوب دا مع بعض هه ما كانت كاسة عصير دي .. قلت ليهو كاسه العصير دي اتدفقت في بدلة م بتقدر بي ثمن .. قالي شكلك حتمسكيها كتير ، قلت ليهو م بتفرق معاي كتير عشان امسكاا ، قالي طيب ... و سكت ، حسيت اني كسرت بخاطرو و زعلت من نفسي .. بعد تردد قلت ليهو كلامك صح ، انحنا ما اعداء و احتمال الفترة الجاية نشوف بعض كتير ، لمن قلت ليهو كدا بالله من الخلعه لمن هدا العربية ! قالي جد ، ! قلت ليهو في شنو ؟
قالي مافي حاجة بس بسال .. قلت ليهو مش قبل شوية قلتا في معرفة اسرية ؟ اها دا الانا بقصدو انو احتمال نتلاقا كتير م معروف ، قالي صح كلامك ، و كشر وشو كدااا ..
( في جانب تاني )
_ واثقة من انك حتعوضني
* شغلي اتصلح و سددت نص القرض ، بس عندي شغله بسيطه لو تمت حافسحك فسح واسعدك و اعوضك ، عارفه ليه ؟
_ ليه حبيبي ؟
* لانك انتي الوحيده الوقفتي معاي وقدرتي ظروفي و ما طمعتي فيني ، عشان كدأ انا حأعوضك
_ اكيد يا روحي
* في موضوع يمككن لاول مرة حابي اكون صريح فيهو و اتكلم معاكي فيهو و وقفتك جمبك في ظروفي دي اثبتت لي انك حتقيفي معاي في موضوعي دا رغم حساسية الموضوع لكن متاكد انك بت رجال و حتقيفي معاي ، لاني جد والله حبيتك يمكن في اول العلاقه ما كنت جادي ، لكن الفترة الفاتت والفترة دي اثبت لي نفسك وحبك و اتمسكتي بي شديد ، ..
_ عارف قلقت بي حبيبي ، في شنو احكي لي ّ
* حأحكي ليكي بس ما اسي ، اسي عايزين نعيش اللحظة و بس ، عايزين ننبسط و نفرح فاهمه .. و كل حاجة زي ما بتتمنيهاا حاحققها ليكي يا احلا توته في الدنيا دي ..
_ انا فرحااااااانة شديد ، فرحانة جد جد
* اوعدك ايامك كلها حتكون فرح وسعادة ، يلاا قربنا نوصل ...
قلت ليهو ، انت اساساً ولدوك صاري كدا ؟
قالي طبعاً كنت حاقوليكي دخلك شنو ، بس في اتفاق بينا ، من اشوفك احس في زول ساحب لي لساني .. قلت ليهو نفس الشي رغم اني ما الزولة دي ، ام لسان يعني ، قالي انا ما ولدوني صاري ، بس ...... وسكت ، قلت ليهو بس شنو ؟ قالي من وفاة ابوي وانا بقيت كدا ، و عشت فترة براي، يعني صراحه ما حابي اتكلم في الموضوع ،، قلت ليهو ربنا يرحمو كلنا لهاا ، معليش ع الكلام الحاقولو يمكن م لي حق اقولو بس لمن تكون انسان متصالح مع نقاط ضعفك حتقدر تتجاوز بطريقه اسهل ، قالي وهاد ؟ قلت ليهو نعم !
قالي حصل جربتي فراق الام ولا الاب و لا الاخ ؟ قلت ليهو امي موجودة حمدلله وابوي انت لاقيتو حسب كلامك اذن موجود حمدلله ، اما الاخ فاا دا الفعلا عمري ما حاقدر اتجاوزو طول ما انا عايشه .. قالي اذن م تقولي كلام ساي وارجع اقوليكي الكل فلاسفة في الكلام ، بس وقت الفعل م بنلقاهم .. سكتااا لانوو فعلا م لقيت حاجة اقولها ليهو ... فجاة قام قالي ، دا مش بيتكم ولا انا طشيت ؟ قلت ليهو ما شايفه كويس ( قاعدة ورا ) ، قلت ليهو دا ياهو شارع ( .. ) ماشي صح ، حتطش كيف ؟
قالي قربي عايني هناا بالقزاز القدام بالشباك ما حتشوفي حاجة ! رفعت راسي ، قلت ليهو دي شنو ! قالي ما بعرف ان شاءالله خير
قلت ليهوو الناس دي متلمية في شنو قدام بيتنا الله يستر ، هو سكت لمن قربنا سمعنا صوت اغاني و زغاريت .. هو ابتدا يبطئ العربية .. و فتح الشبابيك اتوماتيك .. الصوت بقى عالي ، دي سيرة عديل ، و الزغاريت و الاغاني من سماعات العربيه .. قرررب اكتر بالعربية ، قالي كان ما متاكد ان دا بيت عثمان وياهو بيتك كان كذبت عيوني ، دا شنووو ؟ قلت ليهو كدي انزل .. قال لي لا م تنزلي لحظة ... نزل هو و أمن الباب .. لسه خطوتين ما مشى وقف مسك راسووووو مسافة .. و خت راسو بقزاز العربية من برااا و قعد يعاين فيني مسااافة عينو دي ما نزلت من علي .. لأن كان المشهد الشفناهو واحد ..
* في الحلقةالجاية *
* شوووفي هنا ، قلة ادبك واستحملتها ّ
اتطاولتي علي و استحملتها ، مشيتي نومتي في غرفة نومي و في سريري و مع راجلي واستحملتها ، لكن تمدي يدك علي ! هناا انا حأتحول لوحدة انتي للاسف ما بتعرفيها ، المرة دي مسكت يدك قبل تصلني ، لكن المرة الجاية بسكرا و اخليكي تكريها وراك ،، وقع ليكي ؟
_ تكسري يد منووو يا عا ....... هاهاهاهاها
صراحه قلبي ما طاوعني اتمها خفت اجرحك
* لالا تميها
_ حابة تسمعيها شديد كداااااا !
* لانك ما حتفرقي مني في حاجة
_ اعوز بالله منك ومن حقدك يا وهاد ياخ اتمني لي الخيير ما تبقي # عاقر و حاقدة في
نفس الوقت .
* ااااي ، انا # عاقر ، ابقي مرة انتي وجيبي ليهو الولد وانا بحلق شعري دا صلعه ،و ابوي ما يبقى جابني لو حملتي منووو