الجزء 48
من شاف شغلي ، كداا حسيت بالذهول في وشو ، قالي دي كيف ؟ . انتي بتستخدمي خيالك ما عقلك !
قلت ليهو الخيال في التصميم و العقل في التنفيذ و الانجاز في النجاح .. قالي شوفي ما تتفلسفي لي ، قولي لي كل واحد وتكوينو ، قلت ليهو جدا ً .. ( ..... ) .. قدرت اقنعو ان ممكن يتنفذ والشكل النهائي م صعب ، المهم كسبت التحدي بجدارة .. بعد خلصنا و مفروض امشي .. قلت ليهو عندي سوال يا كرم ، قالي شنو ؟ قلت ليهو فعلا في مجموعه اجنبية جاية عشان تعقد صفقة مع الشركة الافضل حسب العينة حقت التصميم ؟ اتخلع كدا ، قالي عرفتي من وين المعلومة دي ؟
قلت ليهو عرفتها وخلاص ، بسدحبيت اتاكد و اقوليك ان الصفقة دي حترسى علينا وعد .. و ياريت التصاميم المختارة وقتها تكون في سرية تامة لان صفقة زي دي م تضمن يمكن تكون في عين عليكم من تحت تحت و يمكن من اقرب الناس ليكم .. قالي وهاد كلامك غريب و تانيا انحنا شركتين رخام وحدة بتاعت زوجك واعتقد انك عارفه وضع الشركة حاليا اتدهور كيف ، و مافي غيرنا عشان كدا الصفقه حتكون لينا ،، قلت ليهو # اضمن _ نفسك .. سكت ،قلت ليهو حابة امشي عايزة تلفوني ، قالي تمام ،، طلع معاي ، طبعا ما يفوتكم خلعه الناس وانا ماشة مع كرم لحد براا ، قالي ممكن اوصلك م عندي حاجة ، قلت ليهو لالا م يحتاج ، باخد عربيه توصلني .. قالي اركبي قلت ليهو لا ..
شلت تلفوني ،وكنت عارفه انه ما قادر يتعامل معاي ، بس انا م كنت مهتمة بتفاصيل زي دي هدفي كان واضح ...
اخدت اقرب عربيه ، و مشيت البيت ، لقيت منو ؟ لقيت امي .. قاعده و ساكته ، من شافتني استغربت فيني ، وانا حضنتها و سلمت عليهااا ..
قالت لي العملو عثمان دا شنو ؟ قلت ليها عادي عمل زي اي راجل ن تشتغلي متير بالموضوع ، قالت لي دا كلام شنو ؟ قلت ليها اطمني يااا امي كل حاجة بتحصل لخير ، م تشيلي همي ، قالت لي انتي م مجبرة وانحنا ضهرك ارجعي بيتك و خلي ابوكي يجي يتكلم معاهو ويطلقك ، قلت ليها كلها مسألة وقت م تشيلي هم ... بعد تعب ومجهود اقنعتها ،، و ودعتها ومشت ..
طلعت غرفتي، دخلتاا و من الخلعه قفلتا الباب تاني ! دا شنووووو ؟ ّ
المقعدهم في غرفتي شنو بالمنظر دااا !
بقيت بخبط في الباب ، جاتني طالعه قالت لي خير ! قلت ليها امورك دي ما حتأكلك عيش نادي لي عثمان ، قالت لي م بقدر يجي ما فاضي ، قلت ليها ما فاضي ! لذيتا من قدام الباب و دخلتا ،، لقيت عثمان دا لمن عرقان بفتش في الادراج ،عرفتو بفتش في التلفون .. قلب قليب لمن لونو دا قلب ..
قلت ليهو زو سمحت دي غرفتي و خلي الاحترام باقي موجود و اطلعو من غرفتي ، قالي في تلفون هنا شفتيهو ؟ قلت ليهو اذا عايزو شيل مرتك و اطلعو من غرفتي و تاني ما تعتبوهاا .. قالي شنو ؟ قلت ليهو السمعتو واذا وجودك . هنا اهم من التلفون ، طوالي اقعدو وانا خلي لي التلفون !
قالي تماضر اطلعي براااا .. طبعا ما يفوتكم اديتا النظرة ديك هههه .. قالت ليهو حبيبي ! قاليهاا انا قلت ليكي اطلعي برااا .. جات عملت فيها طالعه و لزتني ، قلت خير ردتا لي .. بعد طلعت قالي جيبي التلفون ، قلت ليهو ابشر .. مشيت طلعتو من شنطتي ( طبعا بعد صورتا كل حاجة من تلفوني التاني لانو دا ربيكا تقنياتو ضعيفه ) .. قالي كان عندك بيعمل شنو ، قلت ليهو احتجت للمنبه حقوو ، كله مجرد ربيكا حسوي بيهو شنو ،و ياريت ما اشوفكم في غرفتي دي تاني ، اموركم دي عندكم غرفة ليها ،ولو مرة وحدة خلي تكون عندك كلمة ، قالي حعتبر نفسي م سمعن حاجة اسي عشان م رايق ، قلت ليهو لمن تروق تعال لي بعيدو ليك تاني ..
رفع يدوو داير يديني كف ، مسكتهاا ، ليهو قبل تصلني ، قلت ليهو اووووووعك ، بعلقا ليك فوق رقبتك ، وانت لسه ما عارف اني ممكن اخليك تلم ورق في الشارع عادي ، هااا .. هو مش استغرب فيني ، لا هو زي الماقادر يواجهني كداا ، ضعيف ، ما بيقدر يعاين لي .. طوالي طلع .. وانا مستغربه بقى يسكت لي ليه !!
مشيت غيرت فرش السرير حقي ، و طلعتا لي غيار و مشيت اخدت حمام و صليت .. كنت ملاحظة لحاجة غريبه ، ان تمو لعثمان ما عملت مع تماضر ربع الكانت بتعملوو لي .. نازله في السلم ، لاقتني تماضر , قالت لي نمته في غرفتك هههه ، قلت ليها شكلك م فهمتي مش قلت ليكي بقايا صيد الذئاب لا تأكله سوى الكلاب يا كك .. ههههه ،، بس مدت يدها و عايز تضارب ، مسكت يدها ، قلت ليها *: شوووفي هنا ، قلة ادبك واستحملتها ّ
اتطاولتي علي و استحملتها ، مشيتي نومتي في غرفة نومي و في سريري و مع راجلي واستحملتها ، لكن تمدي يدك علي ! هناا انا حأتحول لوحدة انتي للاسف ما بتعرفيها ، المرة دي مسكت يدك قبل تصلني ، لكن المرة الجاية بسكرا و اخليكي تكريها وراك ،، وقع ليكي ؟
_ تكسري يد منووو يا عا ....... هاهاهاهاها
صراحه قلبي ما طاوعني اتمها خفت اجرحك
* لالا تميها
_ حابة تسمعيها شديد كداااااا !
* لانك ما حتفرقي مني في حاجة
_ اعوز بالله منك ومن حقدك يا وهاد ياخ اتمني لي الخيير ما تبقي # عاقر و حاقدة في نفس الوقت .
* ااااي ، انا # عاقر ، ابقي مرة انتي وجيب
ي ليهو الولد وانا بحلق شعري دا صلعه ،و ابوي ما يبقى جابني لو حملتي منووو ...
* في الحلقات الجاية *
_ ما حتباركي لي ؟
* علي شنووو ؟
_ شوووووفي ، دا التحليل حقي
* اها والمطلوب !
_ هههههههه غيرانة يا مسكينة ، انا # حامل حااااامل ، حاااامل يا عقرانة . هههههه
* حااااامل !
_ اضانك صنت هههه معذورة
* جنيتي علي نفسك يا تماضر !
انتظرونا غداً فى اخر #الحلقات