الجزء 53

قمتا الصباح ..

لقيت نون مافي جمبي ،، دخلت جهزتاا و لبستا لبستي ، وختيت مكياجي وزبطتا اموري ، و اهم حاجة شنطتي وتلفوني ، و نزلتا .. لقيتهم قاعدين للفطور كلهم ،، صبحت عليهم و قعدت معاهم ، وكرم قاعد قصادي ، يعاين فيني لمن ارفع راسي بزح نظرو مني ، بديت اكل كداا ،، ام محمد قالت لي علاجك ي بت ، قلت ليها والله نسيتو ، قالت لي حق الله حقك ، عايزة تقوم تجيبو لي قلت ليها عيب والله باخدو واجي ،، مشيت المطبخ اخدت حقنتي وجيت راجعه ، وكرم لمن داير يشرق ، ياخ انا مبسوطة بيهو بس مستحيل اقول كدا وانا لسه علي ذمة راجل حيوان .. اي حيوان .. المهم خلصنا فطورر ، و ونسه ، و قلت ليهم طبعا الليله ما حأرجع البيت حأمشي بيت اهلي من بعد الشغل ، و باذن الله حاجيكم وانتو كمان م تقطعو مني ، تمام ،، نون زعلت قالت لي دا كلام شنو ؟ قلت ليها فترة بس ، امها قالت ليها ي نون دا الصح ، لازم تمشي اهلها برضو انا متعلقه بيهاا برضو بس في اصول وهي براها ماشه بيها ، قلت ليها صح كلامك وانتي كمات تعالي لي انا حرسل لي العنوان ع الواتس .. كرم قالي الوقت يلااا .. سلمت عليهم و طلعنا ..

رجعت تاني قلت لنون دايرة الامانه المعاكي ، قالت لي لحظة ، طلعت جابتهم لي ‏( فايل عثمان الطبي ‏) ، شلتهم و ودعتهم تاني ومشيت ، ركبنا طبعاا كنت حاسه بي راحه نفسيه ما عادية ، كرم قالي اخيراا الرخامة طلعت بنفس الجودة لا جد انتي وين اتعلمتي الشغل دا ؟ قلت ليهو اخلعك واقوليك انا ما معاي شهاده غير ثانويه ، بس عندي قدرة تركيز عاليه و بستخدم خيالي و عقلي ، ومخي خفيف يعني لو اتختيت قصاد حاجة بحققا وبنجح فيهاا ..

فجأة قال لي ، اوصل لقلبك كيف ؟

سكتا .. قالي ما تردي ولا تزعلي ولا تضايقي بس صدقيني بما يرضي ربنا انا حرصل بقلبك يا وهاد .. قلت ليهو انا مرة متزوجة و الكلام عن علاقه تانية وانا مازلت في ذمة راجل دا عيب و غلط ولا اتربيت عليهو حتي لو كانت فيهو عيوب الدنيا دي كلهاا ، لذا فضلاً احترم النقطه دي .. قالي اسف ..

وصلنا الشغل الساعه 9:30 و 10:00 كانت مواعيدهم ، حاسه الناس كلها ملخومة و بتتجارى ، لحد قريب الساعه 10 ناس شركة عثمان جو و هو زاتو جا ، و انا كنت في مكتب كرم ، براجع قرص العرض الحأقدو اللي هو ماف زول بيعرف عنو حاجة حتي كرم نفسوو ..

شوية شوية ، الموضوع دخل في الجد ، جاني توتر من وين م عارفه و انا منتظرة اليوم دا لي وقت طويل .. جاني كرم قالي كدا بس متوقفين عليكي ، قلت ليهو في حاجة راحت من بالي ، انت قلت الجماعه ديل اجانب وانا م عندي لغة حاقدم كيف ، قالي اجانب ما الا امريكان و اوربين ، قالي بيفهمو بس يلا انا متشوق اشوف وجوهم و هما مصدومين في التصميم ، قلت ليهو للاسف حتتصدم اكتر يا اكتر ، قالي قصذك شنو ؟ قلت ليهو يعني انا م كنت صريحه معاك بس في حاجات انا عملتها لمصلحة شغلكم داا و خصمي دا هو زوجي ، و دي الطريقه الوحيدة الكان ممكن احاربو بيها دخلت نفس في وسط انا اصلا م بفهم فيهو بس بالعند قدرتا .. علي كلاً الوقت ضيق للكلام في الموضوع داا ، بس مهما حصل ما تتصدم و خليك واثق فيني ، ما حأخذلك وانت اديتني الفرصه دي .. سكت سكوت كدا رعبني ، قال لي مع اني حسيت بالغباء لكن يلا ماف زمن

شلت الابتوب و حاجاتي كلهاا .. و كرم دخل و انا دخلتا وراهو ، و بكل عين قوية ، قعدتا ، انا ما المرة الوحيده ، في واني اتنين بس زي المرافقين ..

المهم ، رفعت راسي عاينت لعثمان ، الكان زي الفقد عقلو وبيدعك في عيونو وبيقول ي ربي دي وهاد ! لدرجة سالني قالي انتي وهاد ؟ قلت ليهو اسمي الكامل وهاد شرف الدين .. كتم م اتكلم .. ابتدو يتكلم في تفاصيل ، و عثمان طلب يقدمو تصميمهم اول ، كرم قاليهو معليش بس انحنا الطرف الاقوى والا م كان اتعمل الاجتماع دا هنا .. قاليهو انا م بفرق عنك بحاجة و واثق اني حأكسب و حارجع اقيف علي رجولي ،، قلت لكرم خليهم يقدمو اول وياخدو الوقت الدايرنووو علي الاخر .. قاليهم اتفضلوو ،، قام واحد ، علق فلاشتو علي البروجكتر .. و هنا كانت الصدمة بالنسبه ليهم بس ما بالنسبه لي ،، ان التصميم الانحنا حنقدمو كانو سارقنوو بي حزافيرووو .. كرم لمن قام وقف علي حيلو هو واحمد صحبو ، قال لعثمان دا شنوووو ، قلت ل كرم اقعد خليهم يقدمووو ، احمد قاليهم التصمييم دا حقناا كيف ! قلت ليهم يا جماعه اقعدوو لو سمحتو خلو الراجل يقدم شغلو ، قالي يا وهاد دا شنو البرود دااا ، انتي عارفه انحنا خسرنا كم في تنفيذ القطعه دي ؟ قلت ليهو وحترجع ليك علي داير مليم ، برا انا قلت ليك شنو ؟

قالي تمام ، طبعا عثمان حب يتفاصح ، قالينا عندكم مشكله ولا شنو بس م تتخلعو شديد .. ماف زول رد عليهو احتراما للناس القاعده .. خلصو التقديم و طبعا قدرو يبهرو الناس و شبه ان الجماعه اخدو قرار قبل ما يشوفو العرض حقنااا ،،و دا خلاا كرم و ناسنا في قمة الاستياء ،، قمتاا انا و فتحت نفس التصميم القدمو هماا ،، وفي اخر كلامي قلت ليهم دا ما التصميم الحنقدمو عشان تتعاقدو معانا ، زي دا بنقدر نصممو في غمضة عين .. فصلتا الفلاشة و ركبتا العرض اللي ماف زول عارفو غيري ، دا الكنت بسهر عليهو طول الايام الفاتت دي . و كان رخام خشبي ، بطريقه مافي زول قدر يتخيلااا ، رجعتا نظرة الفخر في عيون كرم و ناسنا كلهم ، و قبل اقفل قلت ليهم عندي حاجة اخذرة واسفه للاطالة و هو اثبات ان التصميم دا حقناا ، وهما سارقنو ، يوم مشيت افتش للبرنت وخليت حاجتي في اللحظة دي رانيا لو اتزكرتوها . نسخة التصميم ، و كنت سايبه الكاميرا الامامية حقت الجهاز ، و لو لاحظتو في التصميم تحت مكتوب اسم شركتا بخط صغير جدااا و دا انا عملتو متعمدة لان مافي زول حينتبه ليهووو ، و داا زوووم للاسم ،، عاينت لعثمان و قلت ليهو ، انا اكتر واحدة عارفه ان محمد وهو موسس الشركة دي قبل كرم يستلم منو ، انه عدوووك في المجال دا رغم ان بدايتكم كانت سوا ، ورغم ان دعمك مادياً لحد اخر قرض كان كرم مسددو ليك نصو والا كان اسي اتسجنتا ، للاسف يا كرم عثمان عندو طرف في المكان دا بيديهو كل اخبار نقاط ضعفكم عشان يستغلها ، و اخر حاجة سرق تصميم .. دا ان دل بيدل علي حاجات كتيرة في غنى عن زكرهااا ... واسفه للاطالة ، ومشيت كعدت زي الملاك زي الما عملتا شي خليت الناس ديل ريسانهم سخنت واولهم عثمان .. و طبعاا تم التعاقد مع شركتنا والفواد والارباح كلها رجعت للشركة و عثمان انتهى نهاية بطل ..

طلعنا من الغرفة جاني ، عثمان قالي حتدفعي التمن يا وهاد و وريني حتطلقي كيف انا في وانتي في .. قلت ليهوو مش داا لو ما اتسجنتا ! ههههههه ومشيت خليتو

طبعا جاني كرم قالي ، وهاد ، عندي مليون سوال ابدا بي ياتو ، قلت ليهو ب ولا واحد دايرة امشي بيتنااا مشتاقه لاهلي والحمدلله مل توقعاتي طلعت صح و عملت الدايراهو كله ، النجااااح ليس حكراً علي احد .. قالي كيف ما احبك كيف ماااا احبك ‏( بصوت عالي ‏) .. قلت ليهو تاني ، طيب يلاااا سلام . ومبروووك ، و استقالتي في مكتبك بتلقاها

قالي شنووو ؟ قلت ليهو الاتفاق اتفاق انا كان عندي هدف و وصلت ليهو بعد رب العالمين ، وعلي فكرة كل الاثباتات معاي لو دايرها ، الارقام الكان بيتصل بيها و الرسايل و الملفات كلها عندي نسخه منهاا ... قالي : أن كيدكن عظيم .... قلت ليهو دا ما اسمو كيد ، دا اسمو اتقي شر الحليم أذا غضب ...

يلا سلااام .. قالي لا بوصلك ، قلت ليهو المرة دي بالذات لااااا .. ف امان الله

و مشيت ..