الجزء 13

رامي : يعني دي ما حبيبتك او البنت الاتعرفت عليها من النت و لقيتها شينة !!

حامد : انا ما اتعرفت على اي بت من النت و لا عندي حبيبة 😡

رامي : طيب ابرد و ما تزعل روحك ، بطق ليك عرق 😂

حامد : اووووف ، امشي شوف شغلك يا رامي

رامي : مشيت خلاص 😂😂

رامي مشى مكتبو و قال في نفسو : احلق شنبي دا ، لو ما كان اتعرف عليها من الفيس و لقاها شينة لانو المرة الفاتت لمن سالني حسيت انو اتكوك و البت دي شينة شديد و بتكون ياها ، بس هو شكلو خجلان من انو يقول هي حبيبتو 😂

حامد اتضايق من كلام رامي و قال في نفسو : لييه انا نكرت جميلة و نكرت انو في بينا علاقة ، هل فعلا حبي ليها انتهى و كان حب مزيف ، شكلي اتسرعت لمن حبيت واحدة قبل اشوفها و لازم انا اطفش منها لكن بطريقة دبلوماسية لانها زولة شاطرة بتنفعني في الشغل و كمان ما عايز اجرح مشاعرها لانها طيبة بالجد لكن طبيتها ما كفاية عشان ارتبط بيها و اتزوجها ، انا اسف يا جميلة 😔

جميلة كانت شغالة مع سماح و كل مرة تعاين على مكتب حامد على امل انو يطلع و تشوفو

حامد ما كان عايز يطلع من المكتب عشان ما يلاقي جميلة و كان بفكر في طريقة عشان يسيب جميلة بيها

سماح : ارتاحي حبة يا جميلة ، من قبيل ماسكة الخرطات

جميلة : متحمسة للشغل لاني عاطلة طولت هههههه

سماح : ما شاء الله عليك بالجد ، ربنا يحفظك

جميلة : اميين و جمعا يارب

سماح : يلا نفطر ، لانو جابو الفطور من قبيل

جميلة : كويس

سماح و جميلة مشو غسلو يدهم و رامي و حامد فطرو مع بعض و حامد طول الفطور كان سرحان و باكل لقمة و بعد مسافة طويلة ياكل التانية

رامي : مالك يا حامد ما بتاكل

حامد : اااا ، قلت شنو !!!

رامي : لا انت ما معاي عديل 😂 ، الشال بالك يتهنا بيهو ، قلت ليك لييه ما قاعد تاكل 😁

حامد : قاعد اكل و شال لقمة اكلها

رامي : يعني انا ما بعرف اكلك 😒 ، كنا انا و انت بنتسابق في الاكل ، جايي تقول لي انو دا اكلك كدة

حامد : ما تركز كتير و خلينا نتسابق هههههههه

رامي : اي كدة ههههه

في الجانب الاخر

سماح : انا مبسوطة عشان حتشغلي معاي لاني كنت براي هنا ، البت الوحيدة في المكتب 😁

جميلة : انا الاسعد والله بيك

بعد جميلة و سماح فطرو طلبو الشاي

سماح :خالتو جيبي الشاي لينا كلنا هنا

جميلة : المهندسين حيشربو معانا !!؟

سماح : اي متعودين نشرب مع بعض طوالي

جميلة اتبسطت : تمام

سماح : ما قلتي لي بتعرفي حامد من وين !!

جميلة : بعرفو ... ، و تلفونها دق عن اذنك يا سماح دي امي

سماح : اتفضلي ردي

جميلة : الووو يا امي

خديجة : الشغل كيف يا بتي و المكان كيف

جميلة : الشغل تمام و الحتة جميلة ،، حتى اتعرفت لي على مهندسة ظريفة اسمها سماح 😊😊😊

خديجة : كويس والله ، خلي بالك من نفسك و ما تنسي تفطري

جميلة : فطرت الحمد لله ، انتي كمان ما تنسي تاخدي حبوبك في مواعيدها

خديجة : حاضر يا بتي

في الاثناء دي

رامي : يلا نشرب الشاي برا مع سماح و جميلة الما جميلة 😁

حامد : انت مالك ياااخ يا رامي .. مصر تضايقني 😡

رامي : هسي انا قلت حاجة غلط 😒

حامد : طلع جميلة دي من راسك ،، ما عندك دخل بيها شينة او سمحة

رامي : طيب معليش ، خلاص يلا نطلع نشرب الشاي مع سماح زي كل يوم و مع جميلة كمان 😁

حامد : انا ما عايز شاي ، انت بس اطلع و خليني براي 😠

رامي : براااحتك ، لكن انا ما عارف لييه طول ما اجيب سيرة البت دي بتتعصب كدة ، المهم انا طالع ليهم ، سلام

حامد في نفسو : لييه انا بزعل لمن رامي يقول عليها شينة ، دي الحقيقة انها شينة 😔، لكن لييه بزعل هل انا بحبها بالجد ،،، اااااااخ يا راسي ، يارب ساعدني اقرر صاح لاني ما عارف انا عايزها او لا 😔😔 ، راسي عايز ينفجر من التفكير

رامي جاء لسماح و جميلة عشان يشرب الشاي معاهم ،، شربو الشاي و طلع عندهم شغل في الموقع سوا هو و جميلة ،، اتفقو بكرة من الصباح يمشو الموقع قبل يجو المكتب ،، شال رقم جميلة و سجلو عشان يقدرو يتلاقو

جميلة رسلت لحامد في الواتس

جميلة : شنو يا هندسة مطنش كدة 😂😂😂 ، ما عرفتك والله في الشغل من الجدية 😁😁😁😁

حامد كان ماسك التلفون و جاهو اشعار الرسالة في الواتس و فتح الرسالة و شاف كلامها و ابتسم

و قال في نفسو مجنونة جميلة دي هههههه و رد ليها

حامد : انتي جنك دا ما بتخليهو 😂

جميلة فرحت لمن ضحك ليها : اي ما بخليهو ، اطلع من جحرك دا ياخي 😁

حامد رجع اتذكر انو عايز يبعد عنها : عندي شغل ، انتي بعد تخلصي امشي البيت طوالي ما تنتظريني

جميلة : يعني ما حأشوفك قبل امشي 😔

حامد : بنتكلم بعدين في التلفون

جميلة : طيب كويس

خلص الدوام ،، جميلة و سماح طلعو ،، بعدهم بمسافة رامي جاء لحامد عشان يطلعو

رامي : يلا نمشي يا حامد

حامد : لا امشي انت ، انا عندي شغل لسه عايز اعملو

رامي : لكن ما شايف اي شغل قدامك

حامد : يااخ خليني براي و اقطع وشك 😒

رامي : خلاص يا عم انا ماشي 😏

جاء المساء ،، جميلة منتظرة حامد يتصل و لا اتصل ،، قامت اتصلت عليهو لقت تلفونو مقفول و نامت و هي زعلانة ،، مر اسبوع على نزول جميلة الشغل ،، حامد كل مرة يتهرب منها و ما بتكلم معاها و قام غير شريحتو عشان ما تتصل عليهو و بالرغم من كدة جميلة كانت مجتهدة في الشغل مع سماح و رامي و خاتة لي حامد العذر لكن في يوم زهجت و قررت تدخل لحامد مكتبو و تعرف هو مالو متغير و قامت دخلت المكتب

جميلة : لو سمحت يا حامد عايزة اتكلم معاك 😠

حامد : اتفضلي

جميلة : مالك متغير فيك شنو !! ، اسبوع ما عارفة اتكلم معاك و تلفونك مقفول ، وريني في شنو !!!

حامد : هسي نحن في الشغل لكن اوعدك بعدين اتصل عليك

جميلة : و عد رجال و لا زي المرة الفاتت 😏

حامد : وعد والله حأتصل

جميلة : طيب انا طالعة الموقع و بهناك حأمشي البيت ،، حأنتظر تلفونك المساء

حامد : ان شاء الله

حامد قعد يفكر 🤔 حيقول شنو لجميلة عشان يطفش منها و فضل ساعتين بفكر حيعمل شنو و جاتو فكرة في راسو و اتبسم ابتسامة خبيثة 👹